ក្រុមឥណ្ឌូណេស៊ី Dewa United នឹងស្វាគមន៍ ៣ ក្រុមផ្សេងទៀតក្នុងការប្រកួតសន្សំពិន្ទុពូល E ពានរង្វាន់ AFC Challenge League ដែលនឹងចាប់ផ្តើមនៅថ្ងៃទី២៦ ខែតុលា ឆ្នាំ ២០២៥។
មុនព្រឹត្តិការណ៍កម្រិតអាស៊ីឈានមកដល់ ក្រុមម្ចាស់ផ្ទះ Dewa United ធ្វើមិនសូវបានល្អទេសម្រាប់ការប្រកួតក្នុងលីគកំពូលឥណ្ឌូណេស៊ី នៅដើមរដូវកាលនេះ។ ពួកគេ កំពុងឈរចំណាត់ថ្នាក់លេខ ៩ ក្នុងតារាង បន្ទាប់ពីឆ្លងកាត់ ៧ ប្រកួត ទើបឈ្នះ ៣ លើក ស្មើ ១ លើក និងចាញ់ ១ លើកមាន ១០ ពិន្ទុ។
កាលពីរដូវកាល ២០២៤-២៥ ពួកគេបានបញ្ចប់នៅចំណាត់ថ្នាក់លេខ ២ នៃលីគកំពូលឥណ្ឌូណេស៊ី ដោយឈ្នះ ១៧ លើក ស្មើ ១០ លើក និងចាញ់ ៧ លើក ទើបទទួលបានកៅអីក្នុងពានរង្វាន់ AFC Challenge League។
នៅក្នុងពូល E ពួកគេត្រូវប្រឈមនឹងក្រុមកម្ពុជា ភ្នំពេញក្រោន នៅថ្ងៃបើកឆាកទី២៦ ខែតុលា និងថ្ងៃទី២៩ ខែតុលា ប៉ះក្រុមតៃវ៉ាន់ Tainan City ហើយចុងក្រោយប៉ះក្រុមមីយ៉ាន់ម៉ា Shan United នៅថ្ងៃទី១ ខែវិច្ឆិកា។
ស្ថិតិ ៧ ប្រកួតក្នុងលីគដើមរដូវកាលនេះរបស់ Dewa United គឺ
- ចាញ់ Malut United ១-៣
- ចាញ់ Saneb Padang ០-២
- ឈ្នះ Persik ៣-១
- ចាញ់ Persija Jakarta ១-៣
- ឈ្នះ Arema ២-១
- ឈ្នះ PSBS Biak ៣-១ និង
- ស្មើ Persebaya ១-១
ស្ថិតិ ៦ ប្រកួតរបស់ ភ្នំពេញក្រោន ដើមរដូវកាលនេះ គឺ ឈ្នះ ៤ និង ស្មើ ២ មាន ១៤ ពិន្ទុ កំពុងឈរលេខ ២ ក្នុងតារាងលីគកម្ពុជា។
- ស្មើ បឹងកេត ០-០
- ស្មើ កងយោធពលខេមរភូមិន្ទ ១-១
- ឈ្នះ ឡាយហ្វ ខេត្តព្រះសីហនុ ៤-៣
- ឈ្នះ អឹមអូអាយ កំពង់ដេវ៉ា ១-០
- ឈ្នះ ព្រះខ័នរាជស្វាយរៀង ៣-២
- ឈ្នះ គិរីវង់សុខសែនជ័យ ៤-១
ប្រភព៖ KAMPUCHEATHMEY
