ចំណូលកីឡាករខ្ពស់បំផុតទាំង១០លើលោក៖ បាល់ទាត់៣រូប បាល់បោះ៣រូប បេស្បល២រូប ប្រដាល់១រូប

ប្រាក់ចំណូលរបស់អត្តពលិកបានឈានដល់កម្រិតកំណត់ត្រាថ្មីទៀតហើយនៅឆ្នាំ ២០២៦ នេះ។ ប្រាក់ខែក្លិបដ៏ច្រើនសន្ធឹកសន្ធាប់ ការកើនឡើងកិច្ចព្រមព្រៀងឧបត្ថម្ភ ឥទ្ធិពលប្រព័ន្ធផ្សព្វផ្សាយសង្គម និងអាជីវកម្មផ្ទាល់ខ្លួនរាប់លានដុល្លារ បាននាំឱ្យកំពូលៗកីឡាករ ចូលទៅក្នុងយុគសម័យហិរញ្ញវត្ថុដ៏លេចធ្លោ។

Ronaldo ខ្សែប្រយុទ្ធ Al-Nassr និងជម្រើសជាតិព័រទុយហ្កាល់ បន្តលេចធ្លោជាងគេនៅទូទាំងពិភពលោកដោយរកចំណូលបាន ២៧៥លានដុល្លារ តាមពីក្រោយដោយកីឡាករបាល់បោះ Stephen Curry ១៥៦លានដុល្លារ និងអ្នកប្រដាល់ Tyson Fury រកបាន១៤៦លានដុល្លារ។ Lionel Messi ស្ថិតនៅចំណាត់ថ្នាក់ទី៥ ដោយរកបាន ១៣៥លានដុល្លារ។ គម្លាតប្រាក់ចំណូលនៅលើទីលាន និងក្រៅទីលាន បានបង្ហាញពីរបៀបដែលអត្តពលិកសម័យទំនើបដំណើរការជាម៉ាកយីហោផ្ទាល់របស់ពួកគេ។

ក្នុងចំណោមអត្តពលិកដែលមានចំណូលខ្ពស់ជាងគេទាំង១០លើលោក ក្នុងនោះមានកីឡាករបាល់ទាត់ ៣រូប បាល់បោះ ៣រូប បេស្បល ២រូប ប្រដាល់ ១រូប និងបាល់ទាត់អាម៉េរិក ១រូប។

១- Cristiano Ronaldo កីឡាករបាល់ទាត់ ២៧៥ លានដុល្លារ

២- Stephen Curry កីឡាករបាល់បោះ ១៥៦ លានដុល្លារ

៣- Tyson Fury កីឡាករប្រដាល់សកល ១៤៦ លានដុល្លារ

៤- Dak Prescott កីឡាករបាល់ទាត់អាម៉េរិក ១៣៧ លានដុល្លារ

៥- Lionel Messi កីឡាករបាល់ទាត់ ១៣៥ លានដុល្លារ

៦- LeBron James កីឡាករបាល់បោះ ១៣៣,៨ លានដុល្លារ

៧- Juan Soto បេស្បល ១១៤ លានដុល្លារ

៨- Karim Benzema កីឡាករបាល់ទាត់ ១០៤ លានដុល្លារ

៩- Shohei Ohtani បេស្បល ១០២,៥ លានដុល្លារ

១០- Kevin Durant កីឡាករបាល់បោះ ១០១,៤ លានដុល្លារ៕

ប្រភព៖ THMEYTHMEY