អីយ៉ាស់! លោក Flick ចង់បានជម្រើសជាតិក្រូអាត ម្នាក់នេះមករួមក្រុម ដោយមិនអស់ថ្លៃផ្ទេរ
Perisić ដែលពេលនេះកំពុងលេងនៅក្លិប PSV នឹងត្រូវគេរំពឹងទុកថានឹងចាកចេញពីក្លិបនេះក្រោយអស់កុងត្រា
កីឡា៖ លោក Hansi Flick ជាគ្រូបង្វឹករបស់ Barcelona កំពុងសម្លឹងចង់បាន ខ្សែប្រយុទ្ធ Ivan Perisić មករួមក្រុមដោយមិនអស់ប្រាក់ថ្លៃផ្ទេរ នេះបើយោងតាមការចុះផ្សាយរបស់អ្នកកាសែត Fabrizio Romano ។
Perisić ដែលពេលនេះកំពុងលេងនៅក្លិប PSV នឹងត្រូវគេរំពឹងទុកថានឹងចាកចេញពីក្លិបនេះក្រោយអស់កុងត្រា ខណៈពេលលោក Flick បានបើកភ្លើងបៃតងឲ្យកីឡាករសញ្ជាតិក្រូអាតរូបនេះ មករួមក្រុមប៉ុន្តែនៅឆ្លងកាត់ការពិភាក្សាឲ្យជាក់ច្បាស់សិន។
Ivan Perisić ឯណោះក៏បានទទួលដំណឹងថា Barcelona ចាប់អារម្មណ៍ដែរនិងកំពុងរង់ចាំសំណើពីក្លិបនេះ ដោយពុំទាន់ពិចារណាសំណើពីក្លិបផ្សេងៗឡើយ។
គួរបញ្ជាក់ផងដែរថា Ivan Perisić គឺជាខ្សែប្រយុទ្ធឆ្នើមរបស់ជម្រើសជាតិក្រូអាតដោយធ្លាប់លេង នៅក្លិបបាល់ទាត់ល្បីៗជាច្រើនដូចជា Bayern Munich, Inter Milan, Tottenham Hotspur ជាដើម៕
