(អាមេរិក)៖ ការប្រកួតដណ្តើមពានរង្វាន់វាយកូនបាល់ (Tennis) US Open 2025 ពេលនេះម្ចាស់ការពារពានឆ្នាំ២០២៤ កីឡាករ Jannik Sinner ត្រូវតទល់ជាមួយដៃគូចាស់ Carlos Alcaraz ជាថ្មីម្តងទៀត នៅវគ្គផ្តាច់ព្រ័ត្រ ក្រោយពីវាយទម្លាក់រាមច្បង Novak Djokovic និងបរុសកាណាដា Felix Auger Alizassime ពីក្នុងវគ្គ ៤នាក់ ។
ជាមួយគ្នានេះការដណ្តើមពានឯកត្តជនកម្រិត Grand Slam ផ្នែកនារីម្ចាស់លេខ១ ពិភពលោក Aryna Sabalenka នឹងត្រូវវាយការពារតំណែងជើងឯកឆ្នាំមុន ទល់កីឡាការិនីម្ចាស់ផ្ទះ Amanda Anisimova ដែលនារីទាំងពីរ នឹងតទល់គ្នាដណ្តើមពាននៅថ្ងៃទី០៧ ខែកញ្ញនេះ ។
អ្វីកាន់តែពិសេសនឹងអស្ចារ្យទៀតនោះ បុរសឈរលេខ២ ពិភពលោក Carlos Alcaraz ក្នុងប្រកួតវគ្គ ៤នាក់ បានយកឈ្នះរាមច្បងអតីតម្ចាស់ពាននេះ ៤សម័យ Novak Djokovic នៅលទ្ធផល ២សិតទល់១ លើលំដាប់ពិន្ទុ ៦-៤, ៧-៦ និង ៦-២ ក្លាយក៏ជាការបរាជ័យថ្មីម្តងទៀត របស់បុរសសញ្ជាតិស៊ែប៊ី គិតចាប់តាំងពីឆ្នាំ២០១៧ ក្នុងការឈានទៅវគ្គផ្តាច់ព្រ័ត្រ។
សម្រាប់ការប្រកួតវគ្គផ្តាច់ព្រ័ត្រដណ្តើមពានឯកត្តជនកម្រិត Grand Slam នៅកម្មវិធី US Open 2025 រវាងកីឡាករលេខ១ ពិភពលោក Jannik Sinner ម្ចាស់ពាននេះ ១សម័យ ទល់នឹងអ្នកឈរលេខ២ ពិភពលោក Carlos Alcara នឹងប្រកួតគ្នានៅថ្ងៃទី០៨ ខែកញ្ញា ឆ្នាំ២០២៥ នេះ នៅទីលាន Arthur Ashe ក្នុងទឹកដីទីក្រុង New York ។
ខណៈបរុសអ៉ីតាលី Sinner ក៏ទើបតែចាញ់បុរសអេស្ប៉ាញ Carlos Alcara នៅកម្មវិធី French Open 2025 នេះ ហើយនេះក៏នឹងក្លាយជាការប្រកួតសងសឹករបស់ Sinner ដ្បិតធ្លាប់ចាញ់ពីវគ្គ ៨នាក់កាលឆ្នាំ២០២២ ក្រោមស្នាដៃម្ចាស់ជើងឯក Carlos Alcara លទ្ធផល ៣សិតទល់នឹង២ ៕
ប្រភព៖ FRESH NEWS
