December 28, 2025

(រីយ៉ាដ)៖ កីឡាករប្រដាល់សកលជប៉ុន Naoya Inoue ប្រៀបបីដូចមិនសូវសប្បាយចំពោះជ័យជម្នះដែលបានផ្តួលគូប្រជែង Alan Picasso Romero ដោយពិន្ទុឯកច្ឆន្ទក្តី នៅឯទីក្រុងរីយ៉ាដ ប្រទេសអារ៉ាប៊ីសាអូឌីតកាលពីរាត្រីថ្ងៃសៅរ៍។ ពីគេហទំព័រកីឡា BBC បានចេញផ្សាយថា Picasso វ័យ ២៥ឆ្នាំ ពុំអាចទប់ជាប់នូវល្បឿនលឿន និងរាងកាយដ៏រឹងមាំ របស់កីឡាករវ័យ ៣២ឆ្នាំ Inoue បានឡើយ ក្រោយពីតស៊ូអស់ចំនួន ១២ពេញក៏ដោយ ជាមួយនឹងពិន្ទុចាញ់ដាច់តែម្តងរួមមាន ១១៩-១០៩ ១២០-១០៨ និង ១១៧-១១១។ ទោះជាបែបនេះក្តី Inoue នៅតែមានអារម្មណ៍ខកចិត្តពីប្រកួតនេះដដែល ដោយលោកបានថ្លែងថា «ទម្រង់ប្រកួតរបស់ខ្ញុំនារាត្រីនេះ នៅមិនទាន់ល្អគ្រប់គ្រាន់នោះទេ។ មែនទែនទៅ ខ្ញុំគួរតែធ្វើបានល្អជាងនេះទៀត»។ ឆ្លងតាមជ័យជម្នះនេះដែរ បានញាំងឱ្យ Inoue ដែលមានរហស្សនាម «The Monster» បង្កើនកំណត់ត្រាឈ្នះដល់ទៅ ៣២លើក ដោយក្នុងនោះដែរធ្លាប់ផ្តួលដៃគូសន្លប់លើសង្វៀនបាន ២៧លើកទៀតផង។ សម្រាប់ឆ្នាំ២០២៦ ខាងមុខរូបគេមានឱកាសខ្ពស់ក្នុងការជួបប្រកួតទល់នឹង Junto Nakatani៕ ប្រភព៖ FRESHNEWS

Cristiano Ronaldo បានរកគ្រាប់បាល់ទី 40 របស់គាត់ក្នុងឆ្នាំនេះ ហើយបានខិតទៅជិតដល់ក្តីស្រមៃ 1000គ្រាប់ ក្នុងអាជីពរបស់គាត់។ តារាឆ្នើមសញ្ជាតិព័រទុយហ្គាល់រូបនេះបានស៊ុតបាល់បញ្ចូលទីសម្រាប់ក្រុម Al-Nassr ក្នុងជ័យជម្នះ 3-0 របស់ពួកគេលើក្រុម Al Akhdoud កាលពីរសៀលថ្ងៃសៅរ៍ ដោយធ្វើឱ្យចំនួនសរុបរបស់គាត់កើនឡើងដល់ 956 ។ យុទ្ធនាការដ៏ជោគជ័យបំផុតរបស់គាត់ទាក់ទងនឹងការរកគ្រាប់បាល់ច្រើនបំផុតគឺក្នុងឆ្នាំ 2013 នៅពេលដែលគាត់បានស៊ុតបញ្ចូលទីបាន 63 ដងនៅក្នុងការប្រកួតទាំងអស់សម្រាប់ក្លឹប និងប្រទេស។ Ronaldo ខ្លួនឯងក៏បានចែករំលែកសារជាមួយនឹងអ្នកតាមដាន105លាននាក់នៅលើបណ្ដាញសង្គម X ដោយសរសេរថា ការខិតខំជាផ្លូវទៅរកភាពជោគជ័យ! ភាពស៊ីសង្វាក់គ្នារបស់កីឡាករវ័យ 40 ឆ្នាំគឺគួរឱ្យកត់សម្គាល់ ហើយឥឡូវនេះគាត់បានស៊ុតបញ្ចូលទីច្រើនជាង 40 ដងក្នុងរយៈពេលដប់បួនឆ្នាំប្រតិទិនផ្សេងៗគ្នាក្នុងអាជីពរបស់គាត់។ Ronaldo ក៏កំពុងតែសម្លឹងរកភាពជោគជ័យធំមួយទៀតដើម្បីលើកពាន World Cup នៅសហរដ្ឋអាមេរិកឆ្នាំក្រោយ ក្នុងពេលជាមួយគ្នានេះ គាត់កំពុងផ្តោតលើការរក្សាទម្រង់លេងដ៏ក្តៅគគុករបស់គាត់សម្រាប់ Al-Nassr ដែលរកបាន 12 គ្រាប់ក្នុង 9 ប្រកួតនៅរដូវកាលនេះ។ Al Nassr កំពុងឈរលើកំពូលតារាងដោយមាន 30 ពិន្ទុពីការប្រកួត 10

អបអរសារទរ​ចំពោះ​ក្រុម​កីឡាករ​គុន​ចម្រុះ​កម្ពុជា ​រួម​មាន​កីឡាករ​ រិន​ សារ័ត្ន​ គោរមៈ ច័ន្ទរាជ្យ​ ដែល​យក​ឈ្នះ​ដៃគូ​ប្រកួត​ដណ្ដើម​បាន​ខ្សែក្រវាត់​ចំនួន​ ២គ្រឿង​ជូន​កម្ពុជា​ និង​ការ​បង្ហាញ​ទង់ជាតិ​ខ្មែរ​ ភាព​រីករាយ​ជូន​ប្រជាពលរដ្ឋ​ខ្មែរ អ្នក​គាំទ្រ​កាល​ពី​យប់មិញ​នេះ។​ ជ័យជម្នះ​ខ្សែក្រវាត់​ ២គ្រឿង​កាល​ពី​យប់​ថ្ងៃ​ទី២៧​ ខែ​ធ្នូ​ ឆ្នាំ​២០២៥​ យប់​មិញ​នេះ​បាន​ធ្វើ​ឲ្យ​អ្នក​គាំទ្រ​កម្ពុជា​ពិសេស​ក្នុង​មជ្ឈដ្ឋាន​ប្រដាល់​មាន​ភាព​សប្បាយ​រីករាយ​ និង​បាន​លើក​មក​និយាយ​ ស៊ែ​ចែក​រំលែក​ច្រើន​ក្នុង​ជំនួប​ដ៏​ធំ​នៅ​ឯ​ប្រទេស​វៀតណាម​នេះ។​   ដោយ​តែ​សារ​អាក់​ខាន​ឃើញ​ការ​ប្រកួត​នានា​យូរ​ផង​ រួម​ផ្សំ​ជា​មួយ​ព្រឹត្តិការណ៍​ឈ្លាន​ពាន​ពី​សត្រូវ​សៀម​អំឡុង​ពេល​នេះ​ម្នាក់ៗ​សុទ្ធតែ​មាន​ទុក្ខកង្វល់​ និង​តាមដាន​ព័ត៌មាន​អំពី​ស្ថានការណ៍​ព្រំដែល​ប៉ុណ្ណោះ​ក្នុង​រយៈពេល​ជាង​ ២០​ថ្ងៃ​កន្លងទៅ។ ស្ថានការណ៍​ព្រំដែន​មាន​បទ​ឈប់​បាញ់​រយៈពេល​ ៧២​ម៉ោង​បង្ករឲ្យមាន​ភាព​ធូរស្រាល​ផង​ ស្រប​ពេល​ក្រុម​កីឡាករ​កម្ពុជា​ឈ្នះ​ខ្សែក្រវាត់​ដល់​ទៅ ២គ្រឿង​នៅ​លើ​ឆាក​អន្តរជាតិ​ឯ​ប្រទេស​វៀតណាម​ទៅ​ទៀត​ប្រជាជន​កម្ពុជា​ពិសេស​អ្នក​តាមដាន​វិស័យ​ប្រដាល់​មាន​ភាព​រីករាយ​ជា​ខ្លាំង​ចំពោះ​សមិទ្ធិផល​ដ៏​ល្អមួយ​នេះ​ និង​ការ​បង្ហាញ​ទង់ជាតិ​ខ្មែរ​ប្រាប់​ពិភពលោក​ថា​ «កម្ពុជា​ត្រូវ​ការ​សន្តិភាព​ កម្ពុជា​មិន​ត្រូវ​ការ​សង្គ្រាម​ទេ»។​ បញ្ជាក់​ដែរ​ថា​ ក្រុម​គុន​ចម្រុះ​ (MMA) កម្ពុជា​ដែល​ដឹកនាំ​ដោយ​លោក​ ហ៊ុន​ ច័ន្ទរាជ្យ​ និង​ក្រុម​ការងារ​ Cambodian Top Team កាល​ពី​យប់​ថ្ងៃ​ទី២៧​ ខែ​ធ្នូ​ ឆ្នាំ​២០២៥​ នេះ​មាន​កីឡាករ​កម្ពុជា​ ២រូប​ប្រកួត​ឈ្នះ​ខ្សែក្រវាត់​ God Of Martial Art (GMA) គឺ​កីឡាករ​ រិន​ សារ័ត្ន​ ឈ្នះ​ពិន្ទុ​ ចំណែក​

ក្លិប​បាល់ទាត់ បឹងកេត ទទួល​បាន​ជ័យជម្នះ​ដោយ​លទ្ធផល ២-១ លើ​ក្រុម​ខ្លាំង ព្រះ​ខ័ន​រាជ​ស្វាយរៀង សម្រាប់​ការ​ប្រកួត​សប្តាហ៍​ទី​១៣ នៃ​លីគ​បាល់ទាត់​កំពូល​កម្ពុជា នា​ថ្ងៃ​ទី​២៧ ខែ​ធ្នូ ឆ្នាំ ២០២៥ នៅ​ពហុកីឡដ្ឋាន​ជាតិ​អូឡាំពិក។ គ្រាប់​បាល់​បាន​កើត​មាន​ឡើង​ ៣ គ្រាប់ ដែល​​ ២ គ្រាប់​របស់ បឹងកេត តាម​រយៈ​ការ​ចូល​ទី​ខ្លួន​ឯង​របស់​ខ្សែ​ការពារ​ព្រះ​ខ័ន​រាជ​ស្វាយរៀង និង​គ្រាប់​បាល់​ជ័យជម្នះ​រក​បាន​ដោយ​កីឡាករ​ ជា វេសាលី ខណៈ​១​គ្រាប់​របស់ ព្រះ​ខ័ន​រាជ​ស្វាយរៀង រក​បាន​ដោយ​កីឡាករ សុផល ឌីម៉ង់។ នេះ​ជា​ការ​ប្រកួត​ដ៏​ជក់​ចិត្ត​ដិត​អារម្មណ៍​សម្រាប់​អ្នក​ទស្សនា​ទាំង​នៅ​ទីលាន​ផ្ទាល់ និង​តាម​អនឡាញ ប៉ុន្តែ​​មាន​ស្ថិតិ​ជា​ប្រវត្តិ​សាស្ត្រ​ថ្មីមិន​ធ្លាប់​មាន​​​នៅ​ក្នុង​លីគ​បាល់ទាត់​កំពូល​កម្ពុជា។ ទី១ ការ​ប្រកួត​​មាន​អ្នក​ទស្សនា​​ផ្ទាល់​ច្រើន​បំផុត​គឺ​ចំនួន ២០០០៥ នាក់​ នៅ​ក្នុង​លីគ​បាល់ទាត់​កំពូល​កម្ពុជា។ ទី​២ ការ​ប្រកួត​ធ្វើ​ឡើង​ដើម្បី​ក្តី​ស្រឡាញ់​សម្រាប់​ជន​ភៀស​សឹក។ អ្នក​គាំទ្រ​យ៉ាង​ច្រើន​កុះករ​បាន​យក​តុក្តតា​ទៅគប់​ចូល​ក្នុង​ទី​លាន​រាប់​ពាន​ដើម្បី​ប្រមូល​យក​ទៅ​ជួយ​ដល់​កុមារ​ដែល​រង​ផល​ប៉ះ​ពាល់​ដោយ​សង្គ្រាម។ ជា​មួយ​គ្នា​នេះ ការ​ប្រកូត​ក៏​ស្វែង​រក​ថវិកា​ដើម្បី​ជួយ​ដល់​ជន​ភៀស​សឹក​គឺ​ថវិកា​ពី​ការ​លក់​សំបុត្រ និង​តាម​ការ​សន្យា​របស់​ម្ចាស់​ឧបត្ថម្ភ​ក្លិប​បឹង​កេត​ដែល​បាន​លើក​ឡើង​រាល់ មនុស្ស​ចូល​ទស្សនា​ ១ ​នាក់ ក្រុម​ហ៊ុន​នឹង​បរិច្ចាគ​ចំនួន ១​ដុល្លារ ដូច្នេះ​អ្នក​ទស្សនា​ ២​០០០៥​នាក់ មាន​ន័យ​ថា ប្រាក់​ឧបត្ថម្ភ​ក៏​ជាង ២​០០០៥ ​ដុល្លារ​អាមេរិក​ដែរ។ ពេល​នេះ

ប្រទេសនីហ្សេរីយ៉ាបានទទួលជ័យជម្នះក្នុងការប្រកួតជាមួយទុយនីស៊ីនៅចុងសប្តាហ៍ដើម្បីឈានដល់វគ្គ 16 ក្រុមចុងក្រោយនៃពានរង្វាន់ Africa Cup of Nations (Afcon) ឆ្នាំ 2025 នៅម៉ារ៉ុក។ តាមរយៈគ្រាប់បាល់របស់ Victor Osimhen, Wilfred Ndidi និង Ademola Lookmanនីហ្សេរីយ៉ាបាននាំមុខមុន3-0ទៅហើយមុនចប់ការប្រកួតនៅសល់17នាទីទៀតតែប៉ុំណ្ណោះ ប៉ុន្តែកីឡាករ Montassar Talbi និង Ali Abdi តាមពីក្រោយបាន2គ្រាប់វិញ ហើយទុយនីស៊ីស្ទើរតែតាមបានស្មើទៀតផងតែពុំមានសំណាង ដោយលទ្ធផលចុងក្រោយគឺនីហ្សេរីយ៉ាឈ្នះ3-2។ ជ័យជម្នះនេះមានន័យថាក្រុមឈ្នះ Afcon បីសម័យនីហ្សេរីយ៉ាមាន 6 ពិន្ទុ ហើយត្រូវបានធានាបានចំណាត់ថ្នាក់កំពូលក្នុងពូល C ជាមួយនឹងការប្រកួតដែលនៅសល់ ហើយនឹងត្រូវជួបក្រុមលេខ 3 ពីពូល A, B ឬ F នៅជុំបន្ទាប់។ ទុយនេស៊ីមាន ៣ ពិន្ទុជាមួយ អ៊ូហ្គង់ដា និង តង់ហ្សានី មាន ១ ពិន្ទុដូចគ្នា បន្ទាប់ពីគូប្រជែង អាហ្រ្វិកខាងកើត

ប្រទេសឥណ្ឌូណេស៊ីបានដាក់ចេញនូវគំនិតផ្តួចផ្តើមមួយដើម្បីអញ្ជើញប្រទេសបន្ថែម រួមទាំងប្រទេសអូស្ត្រាលី ឱ្យចូលរួមក្នុងព្រឹត្តិការណ៍ដែលបានកែប្រែឡើងវិញមួយដែលមានឈ្មោះថា ស៊ីហ្គេមបូក (SEA Games Plus)។ គំនិតនេះត្រូវបានស្នើឡើងដោយលោក Raja Sapta Oktohari ប្រធានគណៈកម្មាធិការអូឡាំពិកឥណ្ឌូនេស៊ី (NOC) ។ ប្រសិនបើមានការយល់ព្រម ស៊ីហ្គេមបូកនឹងរៀបចំជាលើកដំបូងនៅប្រទេសហ្វីលីពីននៅឆ្នាំ២០២៨ គឺមួយឆ្នាំបន្ទាប់ពីស៊ីហ្គេមលើកទី៣៤នៅប្រទេសម៉ាឡេស៊ី។ លោក Oktohari បាននិយាយនៅក្នុងកិច្ចប្រជុំមួយនៅទីស្នាក់ការកណ្តាល NOC កាលពីថ្ងៃពុធថា “យើងកំពុងទាក់ទងជាមួយប្រទេសមួយចំនួនដើម្បីចាប់ផ្តើមពង្រីកកីឡាស៊ីហ្គេម” ។ បន្ថែមលើប្រទេសអាស៊ីអាគ្នេយ៍ចំនួន 11 ប្រទេស ប៊ូតាន និងប្រទេសអូសេអានីមួយចំនួនដូចជា នូវែលហ្សេឡង់ អូស្ត្រាលី និងហ្វីជី អាចចូលរួមបាន”។ អូស្ត្រាលី និងនូវែលសេឡង់ស្ថិតក្នុងចំណោមមហាអំណាចកីឡារបស់ពិភពលោក។ នៅក្នុងព្រឹត្តិការណ៍កីឡាអូឡាំពិកឆ្នាំ ២០២៤ នៅទីក្រុងប៉ារីស ប្រទេសអូស្ត្រាលីបានបញ្ចប់ក្នុងចំណាត់ថ្នាក់លេខ ៤ ក្នុងតារាងមេដាយសរុបជាមួយនឹងមេដាយមាសចំនួន ១៨ ប្រាក់ចំនួន ១៩ និងសំរឹទ្ធចំនួន ១៦ ដោយតាមពីក្រោយតែសហរដ្ឋអាមេរិក ចិន និងប្រទេសជប៉ុនប៉ុណ្ណោះ។ នូវែលសេឡង់ឈរនៅលេខរៀងទី ១១ ដោយទទួលបានមាស ១០ ប្រាក់ ៧