December 29, 2025

(អ៉ីតាលី)៖ កីឡាករខ្សែបម្រើប្រយុទ្ធអន្តរជាតិបារាំង Christopher Nkunku ពេលនេះអាចរកបានគ្រាប់ស៊ុតបញ្ចូលទីបានហើយ ក្នុងលីគអ៉ីតាលី Serie A រដូវកាលនេះ ក្រោយចាកចេញពីក្លឹប Chelsea អស់រយៈពេលជាង ៥ខែមកនេះ ដែលរូបគេរកបាន ២គ្រាប់ជួយក្រុម AC Milan យកឈ្នះ Verona ៣-០ ក្នុងលីគ ។ Christopher Nkunku ក៏ទើបបានលេង ១២ប្រកួតប៉ុណ្ណោះ និងការរកបាន ៣គ្រាប់ជាមួយក្លឹប AC Milan គិតចាប់តាំងពីផ្ទេរចេញពីក្លឹប Chelsea កាលពីខែសីហា ឆ្នាំ២០២៥ ដែលមានកិច្ចសន្យា ៥ឆ្នាំក្នុងរង្វង់ទឹកប្រាក់ត្រូវបានរបាយការណ៍បង្ហាញនៅចន្លោះ ៤២លានអឺរ៉ូ ក្រោយមានតម្លៃ ៥២លានផោនកាលពីចូលតោខៀវ ពីក្លឹប RB Leipzig កាលឆ្នាំ២០២៣ ។ តាមរយៈលទ្ធផលនេះ បាននាំក្រុមកំពុងស្ថិតក្នុងការដឹកនាំដោយលោក Massimiliano Allegri បន្តឱកាសឈរលេខ២ ជាបន្តក្នុងតារាងលីគដោយមាន ៣៥ពិន្ទុបពណ្តោះអាសន្ន ចាញ់ ១ពិន្ទុពីក្រុម Inter Milan ឈរកំពូលតារាង […]

(បរទេស)៖ ខ្សែប្រយុទ្ធ Andy Carroll ដែលត្រូវបានក្លឹបហង្សក្រហម Liverpool ទិញចូលក្នុងតម្លៃ ៣៥លានផោនថ្លៃជាងគេកាលឆ្នាំ២០១១ នោះ ត្រូវបង្ហាញមុខនៅតុលាការនាថ្ងៃអង្គារ ទី៣០ ខែធ្នូ ឆ្នាំ២០២៥ បន្ទាប់ពីត្រូវបានចោទប្រកាន់ពីបទបំពានបទបញ្ជា។ ពីគេហទំព័រកីឡា BBC បានចេញផ្សាយថា Carroll វ័យ ៣៦ឆ្នាំ បានកំពុងប្រកបអាជីពបាល់ទាត់នៅក្លឹប Dagenham and Redbridge ដែលលេងក្នុងក្របខណ្ឌ National League South បច្ចុប្បន្ន ត្រូវបានឃាត់ខ្លួនតាំងពីអំឡុងខែមេសា ជាមួយការប្រព្រឹត្តល្មើសបម្រាម ដែលទើបទទួលរងបានតែជាង ១ខែប៉ុណ្ណោះ។ Carroll ដែលធ្លាប់លេងឱ្យក្លឹបសារិកាព្រៃ Newcastle United និងជម្រើសជាតិតោកំណាចអង់គ្លេសផងនោះ នឹងត្រូវបង្ហាញមុខនៅតុលាការ Chelmsford Magistrates នាថ្ងៃអង្គារស្អែកនេះ។ ប្រសិនបើរកឃើញករណីមានការល្មើសធ្ងន់ធ្ងរ Andy Carroll អាចប្រឈមមុខជាប់ពន្ធនាគាររហូតដល់ទៅ ៥ឆ្នាំឯណោះ នៅពេលដែលច្បាប់រក្សាគម្លាតនៅអង់គ្លេស ពោលគឺដើម្បីការពារបុគ្គលជាប់បម្រាម ហាមឃាត់ទាក់ទងជាមួយអ្នកដទៃ ឬក៏អាចឈប់ទាក់ទងគ្នាតែម្តង ពីអសយដ្ឋានជាក់លាក់ ឬក៏ពីកន្លែងធ្វើការជាដើម៕ ប្រភព៖ FRESHNEWS

កីឡាករ Cristiano Ronaldo វ៉ាគូប្រជែង Lionel Messi ក្លាយជាកីឡាករបាល់ទាត់ រកបានគ្រាប់បាល់លើស ៤០ គ្រាប់ក្នុងមួយឆ្នាំ ច្រើនលើកជាងគេបំផុត បន្ទាប់ពីរកបានគ្រាប់បាល់ចំនួន ២ គ្រាប់ជួយឱ្យ Al-Nassr យកឈ្នះលើក្រុម Al Akhdoud ៣-០ ក្នុងក្របខណ្ឌលីគកំពូល អារ៉ាប៊ីសាអូឌីត កាលពីថ្ងៃទី ២៧ ខែ ធ្នូ ឆ្នាំ ២០២៥។ តាមរយៈគ្រាប់បាល់ទាំង ២ គ្រាប់នេះ បានធ្វើឲ្យ Ronaldo បង្គ្រាប់គ្រាប់បាល់ទី ៤០ សម្រាប់អាជីពខ្លួនក្នុងឆ្នាំ ២០២៥។ ជាមួយគ្នានេះ កីឡាករវ័យ ៤០ ឆ្នាំ បានបំបែកកំណត់ត្រា ក្លាយជាកីឡាករដំបូងគេក្នុងប្រវត្តិសាស្ត្របាល់ទាត់ដែលអាចរកបានគ្រាប់បាល់លើស ៤០ គ្រាប់ក្នុងរយៈពេល ១៤ ឆ្នាំផ្សេងៗគ្នា ដោយរកបាននៅឆ្នាំ ២០១០ ២០១១ ២០១២ ២០១៣ ២០១៤ ២០១៥ ២០១៦ ២០១៧

កីឡាករបាល់ទាត់ហ្វ្រីស្ទាយ៍ដ៏ល្បីលំដាប់ពិភពលោក លោក Andrew Henderson បានកំពុងជួយផ្សព្វផ្សាយពីទេសចរណ៍នៅក្នុងប្រទេស កម្ពុជា តាមរយៈការបង្ហាញសមត្ថភាពដ៏អស្ចារ្យនៃការសម្តែងជំនាញហ្វ្រីស្ទាយ៍របស់លោក នៅតំបន់ទេសចរណ៍ធំៗមួយចំនួនក្នុងខេត្ត សៀមរាប ខណៈគិតត្រឹមពេលនេះ វីដេអូរបស់លោកមានអ្នកទស្សនារាប់លាននាក់។ កាលពីថ្ងៃទី ២៨ ខែ ធ្នូ ឆ្នាំ ២០២៥ លោក Andrew Henderson បានបង្ហោះវីដេអូចំនួន ៥ ឃ្លីបនៅលើទំព័រ Facebook របស់លោក ដែលមានអ្នកតាមដានជាង ២.៧ លាននាក់ អំពីការបង្ហាញជំនាញហ្វ្រីស្ទាយ៍ប្លែកៗនៅតំបន់អង្គរ តំបន់ភ្នំ និងតំបន់ទឹកជ្រោះក្នុងខេត្ត សៀមរាប។ ក្រោយវីដេអូទាំងនោះបង្ហោះជាសាធារណៈភ្លាម បានធ្វើឱ្យប្រជាជន កម្ពុជា មានការចាប់អារម្មណ៍ និងភ្ញាក់ផ្អើលជាខ្លាំង ព្រោះលោកជាមនុស្សម្នាក់ ដែលមានឥទ្ធផលក្នុងវិស័យបាល់ទាត់ ជាពិសេសលើជំនាញបាល់ទាត់ហ្វ្រីស្ទាយ៍។ ដូច្នេះ ការបង្ហាញជំនាញហ្វ្រីស្ទាយ៍របស់លោកនៅប្រទេស កម្ពុជា ប្រៀបដូចជាលោកកំពុងជួយផ្សព្វផ្សាយអំពីទេសចរណ៍ កម្ពុជា ទៅកាន់ពិភពលោក ដើម្បីឱ្យគេបានស្គាល់ពីប្រទេសក្នុងតំបន់អាស៊ីអាគ្នេយ៍មួយនេះកាន់តែខ្លាំង។ ជាក់ស្តែង វីដេអូនៃការសម្តែងរបស់លោក ពេលនេះមានអ្នកទស្សនារាប់លាននាក់ទៅហើយ។ គួរឱ្យដឹង ថា លោក Andrew Henderson

(បរទេស)៖ ខ្សែប្រយុទ្ធអន្តរជាតិបារាំង Ousmane Dembele នៅពេលនេះត្រូវបានកត់ត្រាក្នុងបញ្ជីអតពលិកឆ្នើមដំបូងគេមួយរូបដែលបានឈ្នះពានឯកត្តជនធំៗ ចំនួន៣ ដំបូងគេក្នុងឆ្នាំតែមួយ ក្នុងមានជាខ្សែប្រយុទ្ធឆ្នើមរបស់ក្លឹបនៃលីគបារាំង ។ ពានរង្វាន់ធំៗ ៣នោះរូមមាន បាល់មាស Ballon dO’r 2025, The Best FIFA Men’s Player 2025 និងថ្មីៗ នេះបានឈ្នះពានរង្វាន់ Globe Soccer Awards Men’s Player of the Year Award 2025 ដែលពាននេះរាមច្បង Cristiano Ronaldo ឈ្នះបានច្រើនជាងគេដល់ ៦ដង ។ Globe Soccer Awards ជាពានរង្វាន់មួយដែលត្រូវបានរៀបចំឡើង មានការពាក់ព័ន្ធនឹងការចូលរួមពីអង្គការបាល់ទាត់អន្តរជាតិដូចជា UEFA, UAE Pro League, ECA (សមាគមក្លឹបអឺរ៉ុប) និង EFAA (សមាគមភ្នាក់ងារបាល់ទាត់អឺរ៉ុប) ដែលតែងប្រារព្ធឡើងជារៀងរាល់ឆ្នាំនៅទីក្រុងឌូបៃ សហព័ន្ធអារ៉ាប់រួម។ ពានរង្វាន់

ខ្សែប្រយុទ្ធLautaro Martinez បានស៊ុតបញ្ចូលទីដើម្បីផ្តល់ឱ្យ Inter Milan នូវជ័យជម្នះដ៏សំខាន់ 1-0 នៅលើទឹកដី Atalanta កាលពីថ្ងៃអាទិត្យដោយបញ្ជូនក្រុមរបស់គាត់ទៅកាន់កំពូលនៃក្របខណ្ឌអ៊ីតាលី Serie A  សម្រាប់ឆ្នាំថ្មី។ Inter នាំមុខលើតារាងលីគដែលមានការប្រគួតប្រជែងយ៉ាងតឹងតែដោយមាន ៣៦ ពិន្ទុ នាំមុខគូប្រជែង AC Milan មួយពិន្ទុ និង Napoli ពីរពិន្ទុតែប៉ុណ្ណោះ។ បន្ទាប់ពីចាញ់ការប្រកួតវគ្គពាក់កណ្តាលផ្តាច់ព្រ័ត្រ Italian Super Cup ក្រោមស្នាដៃក្រុម Bologna កាលពីប្រាំបួនថ្ងៃមុន កូនក្រុមរបស់លោក Cristian Chivu បានបង្ហាញសញ្ញាដំបូងនៃការជាសះស្បើយពីការខកចិត្តមកវិញដោយដណ្តើមបានបីពិន្ទុនៅក្នុងលីគ។ កីឡាករសញ្ជាតិអាហ្សង់ទីន Martinez បានប្រាប់សារព័ត៌មាន DAZN ថា “ពួកគេជាក្រុមខ្លាំងមួយ ពីព្រោះ Atalanta គឺជាក្រុមខ្លាំង ក្នុងរយៈពេលប៉ុន្មានឆ្នាំចុងក្រោយនេះ សម្រេចបានយ៉ាងច្រើននៅក្នុងក្របខ័ណ្ឌ Serie A និងអឺរ៉ុប។ពួកគេជាក្រុមដែលត្រូវតែប្រុងប្រយ័ត្ន ពួកគេមានការវាយបកយ៉ាងក្លៀវក្លា ហើយយើងដឹងពីអ្វីដែលយើងនឹងប្រឈមមុខនៅថ្ងៃនេះ ប៉ុន្តែយើងរៀបចំបានល្អ និងត្រូវតែបន្តកែលម្អ។ ខ្ញុំសប្បាយចិត្ត នេះជាអំណោយសម្រាប់អ្នកគាំទ្រ