ទីផ្សារផ្ទេរនៃការផ្ទេរកីឡាករដ៏ក្តៅគគុកបានបើកឡើងវិញហើយ — តើនរណាខ្លះអាចនឹងត្រូវបានផ្ទេរ?
ទីផ្សារដោះដូរកីឡាករនៅរដូវក្តៅបានបើកឡើងវិញសម្រាប់អាជីវកម្មបន្ទាប់ពីត្រូវបានបិតប៉ុន្មានថ្ងៃនេះ។
ក្លឹប Premier League, EFL និង Scottish Premiership នឹងអាចបន្តការទិញ និងលក់រហូតដល់ម៉ោង 1ៈ00AM នៅថ្ងៃចន្ទ ទី 2 ខែកញ្ញា។
ក្លឹប Premier League បានចំណាយលុយច្រើនជាង 1.96 ពាន់លានផោនកាលពីរដូវក្តៅមុន។
ចំណែកនៅដើមរដូវក្តៅនេះ គិតត្រឹមចន្លោះពីថ្ងៃទី 1-10 ខែមិថុនា ក្លឹប Premier League ចំណាយអស់ 400 លានផោន។
ក្លឹប Manchester City បានប្រតិកម្មទៅនឹងរដូវកាលមួយនេះ ដោយបានចំណាយប្រាក់សរុបចំនួន 116.2 លានផោនលើ Tijjani Reijnders, Rayan Cherki, Rayan Ait-Nouri និង Marcus Bettinelli ។
ទន្ទឹមនឹងនេះដែរ អ្នកជិតខាង Manchester United បានចំណាយប្រាក់ 62.5 លានផោនលើខ្សែប្រយុទ្ធប្រេស៊ីល Matheus Cunha របស់ Wolves ។
មានការផ្លាស់ប្តូរចំនួនពីរនៅរដូវក្តៅនេះ។
ការបើកឪកាសដំបូងដើម្បីអនុញ្ញាតឱ្យក្រុមដែលចូលរួមក្នុងការប្រកួត Club World Cup មានឱកាសចុះហត្ថលេខាលើកីឡាករ ដែលបានចាប់ផ្តើមនៅសហរដ្ឋអាមេរិកនៅម៉ោង 06:00 AM កាលពីថ្ងៃអាទិត្យ ។
ក្លឹបទាំងអស់ មិនមែនមានត្រឹមតែក្លឹមដែលចូលរួមក្នុងការប្រកួត FIFA ប៉ុណ្ណោះទេ ត្រូវបានផ្ដល់រយៈពេល ១០ថ្ងៃ ដើម្បីចុះហត្ថលេខាលើកីឡាករ។
ច្បាប់របស់ FIFA ចែងថា ទីផ្សារដោះដូរកីឡាករមិនអាចមានរយៈពេលលើសពី 16 សប្តាហ៍ក្នុងមួយឆ្នាំបានទេ ដូច្នេះហើយបានជាត្រូវបែងចែកជាពីររដូវក្តៅនេះ។
ការចុះហត្ថលេខាដ៏ធំផ្សេងទៀតដែលធ្វើឡើងដោយក្លឹប Premier League នៅដើមខែមិថុនារួមមាន ខ្សែប្រយុទ្ធ Liam Delap ផ្ទេរពី Ipswich Town ទៅ Chelsea ក្នុងតម្លៃ 30 លានផោន Brighton ចុះហត្ថលេខាលើខ្សែប្រយុទ្ធវ័យ 18 ឆ្នាំ Charalampos Kostoulas ក្នុងតម្លៃ 29.78 លានផោនពីក្លឹបក្រិក Olympiakos និងជើងឯក Liverpool ទិញ Jeremie Frimpong ពី Bayer Leverkusen ក្នុងតម្លៃ 29 លានផោន។
កីឡាករជាច្រើនក៏បានផ្លាស់ទៅលេងនៅក្រៅប្រទេសក្នុងអំឡុងពេលបើកឪ្យដោះដូរកីឡាករដំបូងៗផងដែរ៖
កីឡាករការពារ Dean Huijsen របស់ Bournemouth បានចូលរួមក្លឹប Real Madrid ក្នុងតម្លៃ £50 លាន និង Trent Alexander-Arnold ក៏បានបញ្ចប់កុងត្រាពី Liverpool ផ្ទេរទៅ Real Madrid ផងដែរ។
ក្លឹប Real Madrid បានយល់ព្រមបង់ប្រាក់ឱ្យ Liverpool ក្នុងតម្លៃ 10 លានអឺរ៉ូ (8.4 លានផោន) ដើម្បីអនុញ្ញាតឱ្យ Alexander-Arnold បញ្ចប់កុងត្រារបស់គាត់មុនពេលកំណត់នៃកិច្ចសន្យារបស់គាត់នៅចុងខែមិថុនា ដូច្នេះគាត់អាចលេងក្នុង Club World Cup ។
ស្របពេលជាមួយគ្នានេះដែរ ខ្សែបម្រើ Jobe Bellingham របស់ Sunderland បានផ្លាស់ទៅ Borussia Dortmund ក្នុងតម្លៃដំបូង 27 លានផោន។
បន្ទាប់ពីឈ្នះពាន Premier League នៅរដូវកាលដំបូងដែលគាត់បានដឹកនាំ ឃើញថា Arne Slot ចង់បញ្ចប់ការជ្រើសរើសកីឡាករល្អៗឲ្យបានរហ័ស ក្នុងពេល Liverpool រៀបចំការការពារតំណែងជាជើងឯករបស់ខ្លួន។
បន្ទាប់ពីចុះហត្ថលេខាជាមួយ Jeremie Frimpong ក្រុម “Reds” ក៏បានយល់ព្រមព្រៀងលើកិច្ចសន្យា £116 លាន ដើម្បីនាំយកកីឡាកររួមក្រុមនៅ Leverkusen និងជាកីឡាករខ្សែប្រយុទ្ធកណ្តាល Florian Wirtz អាយុ 22 ឆ្នាំ មកកាន់ Anfield។
នេះគឺជាការចុះហត្ថលេខាដែលមានតម្លៃខ្ពស់បំផុតក្នុងប្រវត្តិសាស្ត្ររបស់ Liverpool ហើយក៏អាចនឹងមាន Milos Kerkez កីឡាករខ្សែប្រយុទ្ធខាងឆ្វេងរបស់ Bournemouth បន្តចូលរួមផងដែរ។
ចំណែក Tottenham ដែលទើបតែតែងតាំង Thomas Tuchel ជាអ្នកចាត់ការថ្មី ក៏មានចំណាប់អារម្មណ៍ចង់ចុះហត្ថលេខាជាមួយ Bryan Mbeumo ជាកីឡាករខ្សែប្រយុទ្ធរបស់ Brentford។ កាលពីដើមខែមិថុនា Manchester United បានដាក់សំណើជាមួយតម្លៃ £45 លានបូកជាមួយ £10 លានជាប្រាក់បន្ថែម។
Manchester United និង Arsenal ក៏បានជាប់ពាក់ព័ន្ធនឹងការចុះហត្ថលេខាលើកីឡាករខ្សែប្រយុទ្ធពីប្រទេសស៊ុយអែដ Viktor Gyökeres ដែលមានភាពលេចធ្លោខ្លាំងក្នុងរដូវកាលចុងក្រោយនៅ Portugal។
កីឡាករប្រចាំក្រុម Sporting និងអតីតកីឡាកររបស់ Coventry City រូបនេះ បានស៊ុតបញ្ចូលទី 97 គ្រាប់ក្នុង 102 ប្រកួត។ គាត់បានចាកចេញពី Brighton ដោយមិនបានលេង Premier League សូម្បីតែមួយប្រកួត។
Arsenal ក៏បានព្រមព្រៀងកិច្ចសន្យា £51 លានសម្រាប់កីឡាករបម្រើកណ្តាល Martin Zubimendi ពី Real Sociedad នឹង Benjamin Sesko កីឡាករខ្សែប្រយុទ្ធរបស់ RB Leipzig ពីប្រទេសស្លូវេន។
🦅 ក្រុម Crystal Palace អាចនឹងបាត់បង់កីឡាករល្អៗខ្លះ បន្ទាប់ពីឈ្នះពាន FA Cup។
Tottenham មានចំណាប់អារម្មណ៍លើ Marc Guehi កំពូលកីឡាកររបស់ Palace និងកីឡាករបំរើក្រុមជម្រើសជាតិអង់គ្លេស។ Guehi មានជម្រើសជាច្រើនទៀតផងដែរ។
Eberechi Eze ក៏ជាគោលដៅរបស់ក្លឹបធំៗ ដោយមាន លក្ខខណ្ឌដោះសោតម្លៃ £68 លាន។ មានការរាយការណ៍ថា Bayern Munich កំពុងចាប់អារម្មណ៍លើគាត់ ក្រោយពេលទើបនឹងទិញ Michael Olise ពី Palace កាលពីរដូវកាលមុនក្នុងតម្លៃប្រហែល £50 លាន។
