សហព័ន្ធកីឡាតេក្វាន់ដូ ITF កម្ពុជា បានប្រកាសរៀបចំការប្រកួតជ្រើសរើសជើងឯកថ្នាក់ជាតិ ប្រចាំឆ្នាំ២០២៥ របស់ខ្លួននៅថ្ងៃទី២៦ ដល់ ២៨ ខែធ្នូ ក្នុងទីលានសាលដំបូលទូក នៃសកលវិទ្យាល័យភូមិន្ទភ្នំពេញ។
នេះបើតាមសេចក្ដីប្រកាសរបស់សហព័ន្ធតេក្វាន់ដូ ITF កម្ពុជាបានបញ្ជាក់ពីការប្រកួតជ្រើសរើសជើងឯកថ្នាក់ជាតិឆ្នាំនេះគឺនឹងចាប់ផ្ដើមឡើងពីថ្ងៃទី២៦ ដល់ ២៨ ខែធ្នូ ឆ្នាំ២០២៥ នៅរាជធានីភ្នំពេញ។ ការប្រកួតនេះមាន ២កម្រិតអាយុ និងត្រូវជា ២៦វិញ្ញាសាសម្រាប់ប្រកួតប្រជែងយកមេដាយ។
ចំពោះវិញ្ញាសាប្រកួតរួមមាន៖
I. វិញ្ញាសាមេគុន មានចំនូន ១០ (បុរស-នារី)
ក. អាយុ ១៨-២៥ មានកម្រិត ខ្សែក្រវាត់ក្រោមខ្មៅ, ខ្សែក្រវាត់ខ្មៅ ១ដាន់, ខ្សែក្រវាត់ខ្មៅ ២ដាន់។
ខ. អាយុ ១៣-១៧ មានកម្រិត ខ្សែក្រវាត់ក្រោមខ្មៅ, ខ្សែក្រវាត់ខ្មៅ ១ដាន់
II. វិញ្ញាសាសម្ដែងការពារខ្លួន មានចំនួន ២ (បុរស-នារី)
បុរសការពារខ្លួន ១ ទល់ ៣ (អាយុ ១៨-២៥ឆ្នាំ)
នារីការពារខ្លួន ១ ទល់បុរស ២ (អាយុ ១៣-១៧ឆ្នាំ)
III. វិញ្ញាសាប្រយុទ្ធឯកត្តជន មានចំនួន ១២ (បុរសនារី)
អាយុ ១៣-១៨ឆ្នាំ
បុរសទម្ងន់ ៤៥-៤៨Kg, ៤៨-៥២Kg, ៥៧-៦០Kg
នារីទម្ងន់ ៤៣-៤៥Kg, ៤៥-៤៨Kg, ៤៨-៥២Kg
អាយុ ១៨-២២ឆ្នាំ
បុរស ៤៨-៥២Kg, ៥២-៥៧Kg, ៥៧-៦០Kg
នារី ៤៥-៤៨Kg, ៤៨-៥២Kg, ៥២-៥៧Kg
ប្រិយមិត្តអ្នកគាំទ្រកីឡាទាំងអស់ពិសេសនោះគឺស្រឡាញ់ចូលចិត្តកីឡាតេក្វាន់ដូ ITF អាចអញ្ចើញចូលរួមទស្សនាកម្សាន្តបានដោយសេរីនៅសកលវិទ្យាល័យភូមិន្ទភ្នំពេញ។ ក្រៅតែពីការប្រកួតជក់ចិត្តហើយនោះសហព័ន្ធតែងតែមានជាការសម្ដែងក្បាច់គុនប្លែកៗជូនអ្នកដែលទៅទស្សនាផ្ទាល់ដែលនាំឲ្យមានភាពសប្បាយរីករាយ និងទទួលបានការគាំទ្រជានិច្ចផងដែរ៕
ប្រភព៖ KAMPUCHEATHMEY
