BARCA គ្រោងនឹងលក់ យុវជនម្នាក់នេះរបស់ខ្លួន ដើម្បីយកប្រាក់មកផ្គត់ផ្គង់ក្លិប
យោងតាមការចុះផ្សាយរបស់ អ្នកកាសែត Fabrizio Romano បានបញ្ជាក់ថា ក្លិបអ្នកមានបុណ្យ Barcelona គ្រោងនឹងលក់ កីឡាករ Pablo Torre ទៅឲ្យក្លិប Mallorca។
ភាគីលោក Hansi Flick បានឈានដល់ការសម្រេចចិត្តបែបនេះ ដោយសារចង់យកប្រាក់ដើម្បីមកផ្គត់ផ្គង់ក្លិប ខណៈដែលគេពុំទាន់ដឹងច្បាស់នៅឡើយទេថា កីឡាករសញ្ជាតិអេស្ប៉ាញរូបនេះ ព្រមចាកចេញពីក្លិបឬក៏អត់ ស្របពេលកុងត្រានៃការលក់ គឺ Barcelona អាចមានឱកាសទិញយកកីឡាករវ័យ២២ឆ្នាំរូបនេះមករួមក្រុមវិញ។
គួរបញ្ជាក់ផងដែរថា កីឡាករ Pablo Torre ជាកីឡាករបណ្ដុះចេញពីថ្នាលយុវជន La Masia របស់ Barcelona ដោយបានឡើងមកលេងនៅឈុតធំ នៅឆ្នាំ ២០២២ ដោយកាលពីរដូវកាល ២០២៣/២០២៤ Torre ត្រូវក្លិប Barcelona ដាក់ឲ្យក្លិប Girona ខ្ចីជើងផងដែរ៕
