រថយន្តសេរ៊ីទំនើបថ្លៃៗ ទាំង១០ ដែលមានម្ចាស់ជាកំពូលកីឡាករបាល់ទាត់ល្បីៗលើលោក

ប្រាក់ពលកម្មជាច្រើនដែលកំពូលកីឡាករបាល់ទាត់ទាំងអស់នោះ ទទួលបានតាមរយៈការចុះកិច្ចសន្យាជាមួយនឹងក្លិបដែលគេជ្រើសរើសដើម្បីប្រកពអាជីព និងខ្លះបានពីក្រុមហ៊ុនឧបត្ថម្ភផ្សេងៗ។ ក្រោយពីរកបានប្រាក់ច្រើនហើយ កីឡាករបាល់ទាត់ទាំងនោះ តែងតែផ្លាស់ប្តូរជីវិតនៃការរស់នៅរបស់ពួកគេ តាមបែបស៊ីវីល័យ ប្រើប្រាស់របស់ទំនើបៗ ដូចជារថយន្តប្រណិត និងការរស់នៅផ្ទះតម្លៃថ្លៃៗជាដើម។

រីឯរថយន្តសេរ៊ីទំនើបៗវិញ ភាគច្រើនទៅហើយ ដែលកីឡាករបាល់ទាត់អាជីពល្បីៗ តែងតែបានទិញយកមកប្រើប្រាស់តាមចំណង់ចំណូលចិត្តរបស់ពួកគេ។ ខ្លះទៀតទិញរថយន្តសេរ៊ីខ្ពស់ៗទំនើបពីក្រុមហ៊ុនល្បីៗលើពិភពលោក ហើយកីឡាករខ្លះមានរថយន្តទំនើបៗជាច្រើនគ្រឿង ហើយវាប្រៀបបានជាទ្រព្យបម្រុងរបស់ពួកគេ។

ខាងក្រោមនេះជារថយន្តសេរ៊ីទំនើបចំនួន ១០ ដែលមានម្ចាស់ជាកំពូលកីឡាករបាល់ទាត់ល្បីៗលើពិភពលោក៖

១. Lionel Messi មានរថយន្តសេរ៊ីចាស់ ម៉ាក Ferrari 335 S Spider Scaglietti តម្លៃប្រមាណ ៣៥លានដុល្លារ

រថយន្តសេរ៊ីចាស់ មានតម្លៃជាប្រវត្តិសាស្ត្រម៉ាក Ferrari 335 S Spider Scaglietti មានម្ចាស់ជាកំពូលខ្សែប្រយុទ្ធដ៏ល្បីល្បាញលើពិភពលោក គឺកីឡាករ Lionel Messi។ ជារថយន្តផលិតឡើងក្នុងឆ្នាំ ១៩៥៧ ហើយរថយន្តនេះ ​កីឡាករវ័យ ៣៨ឆ្នាំ បានឈ្នះការដេញថ្លៃ ដែលមានតម្លៃ ៣៥លានដុល្លារ។

២. Cristiano Ronaldo មានរថយន្តម៉ាក Bugatti La Voiture Noire តម្លៃខ្ពស់កប់ពពក​ ១៨​,៦លានដុល្លារ

ក្រៅពីប្រភេទរថយន្ត Bugatti ម៉ាកដទៃផ្សេងទៀត កីឡាករកំពុងលេងនៅក្លិប Al Nassr ទទួលបានប្រាក់ខែរាប់រយលានដុល្លាររូបនេះ ក៏ជាម្ចាស់រថយន្តទំនើបម៉ាក Bugatti La Voiture Noire ដែលរថយន្តនេះប្រើប្រាស់ ១ឆ្នាំ ពេញក្នុងការផលិត ហើយការផលិតធ្វើឡើងដោយដៃទាំងអស់ពីសំណាក់សិល្បៈហត្ថកម្មនៃក្រុមហ៊ុន ​Bugatti ផ្ទាល់។ ជាប្រភេទរថយន្តកម្រផលិតឡើងមក និងកម្រនឹងដាក់លក់ វាមានតម្លៃប្រមាណប្រមាណ ១៨,៦លានដុល្លារ។

៣. Cristiano Ronaldo មានរថយន្ត Bugatti Chiron តម្លៃប្រមាណ ៣លានដុល្លារ

រថយន្តម៉ាក Bugatti Chiron ក៏ជាប្រភេទរថយន្តទំនើបមួយ ដែលកំពូលខ្សែប្រយុទ្ធសញ្ជាតិព័រទុយហ្កាល់មានផងដែរ ហើយរថយន្តនេះគឺជាសេរ៊ីរថយន្តកំពូលដាច់គេ ជាមួយនឹងល្បឿន ព្រមទាំងការរចនារូបរាងវាឡើងមកដ៏ប្រណីតបំផុត​ ហើយមានវាតម្លៃជាង ៣លានដុល្លារនៅពេលបច្ចុប្បន្ន។

៤. Son Heung Min មានរថយន្តទំនើបម៉ាក Ferrari LaFerrari តម្លៃប្រមាណជិត ៣លានដុល្លារ

Son ក៏ជាម្ចាស់រថយន្តទំនើបបំផុតមួយឈ្មោះថា Ferrari LaFerrari ដែលរថយន្តនេះផលិតឡើងមានចំនួនតិច ហើយតម្លៃបច្ចុប្បន្នប្រមាណជិត ៣លានដុល្លារ។

៥. John Terry មានរថយន្តសេរ៊ីចាស់មានតម្លៃថ្លៃ ម៉ាក Ferrari 275 GTB តម្លៃ ២,២លានដុល្លារ

អតីតខ្សែការពារក្រុម ​Chelsea ត្រូវបានគេដឹងថាជាម្ចាស់រថយន្តសេរ៊ីចាស់ ផលិតឡើងក្នុងឆ្នាំ ១៩៦០ របស់ក្រុមហ៊ុន Ferrari មានឈ្មោះថា Ferrari 275 GTB ដែលរថយន្តប្រណីតនេះ បានផលិតឡើងតិចតួចបំផុត ហើយវាត្រូវបានចាត់ទុកជាទ្រព្យសម្បត្តិដ៏មានតម្លៃនាពេលបច្ចុប្បន្ន ហើយវាមានតម្លៃប្រមាណជិត ២,២លានដុល្លារ។

៦. Cristiano Ronaldo មានរថយន្តទំនើប Bugatti Veyron Grand Sport តម្លៃ ២លានដុល្លារ

កំពូលខ្សែប្រយុទ្ធវ័យ ៤០ឆ្នាំ ជាកីឡាករមួយរូបមានភាពល្បីល្បាញលើការលេងប្រើប្រាស់រថយន្តសេរ៊ីទំនើបៗជាងកីឡាករណាទាំងអស់ ភាគច្រើនរូបគេប្រមូលបានប្រភេទរថយន្តម៉ាក Bugatti ច្រើនគ្រឿងទុកក្នុងយានដ្ឋានរបស់គេ។ Ronaldo ត្រូវបានគេដឹងថាជាម្ចាស់មួយរូបរបស់រថយន្តម៉ាក Bugatti Veyron Grand Sport ក៏ទំនើប ហើយមានកម្លាំងខ្លាំងបំផុតមួយ ដែលវាមានតម្លៃ ២លានដុល្លារ មកដល់ពេលនេះ។

៧. Karim Benzemaមានរថយន្តទំនើប Bugatti Veyron Pur Sang តម្លៃ ១,៩លានដុល្លារ

​រថយន្តនេះបច្ចុប្បន្នមានតម្លៃ ១,៩លានដុល្លារ លើទីផ្សារ ហើយក៏ជារថយន្តកម្រ ហើយផលិតឡើងចំនួនតិចតួចបំផុត។

៨. Samuel Eto’o មានរថយន្តសេរ៊ីទំនើប Aston Martin One-77 តម្លៃ ១,៨លានដុល្លារ

ប្រភេទរថយន្តមានកម្លាំងមាស៊ីនចំនួនរហូតដល់ទៅ ១២ (V12) រថយន្តដ៏ទំនើបនេះបច្ចុប្បន្នមានតម្លៃ ១​,៨លានដុល្លារ។

៩. Lionel Messi មានរថយន្តទំនើប ម៉ាក Pagani Zonda Tricolore តម្លៃ ១,៧លានដុល្លារ

កំពូលខ្សែប្រយុទ្ធសញ្ជាតិអាហ្សង់ទីន បច្ចុប្បន្នប្រកបអាជីពនៅក្លិប Inter Miami ហើយរូបគេក៏ជាមនុស្សម្នាក់ដ៏មានសំណាងដែលអាចក្លាយជាម្ចាស់កម្មសិទ្ធិរថយន្តដ៏ទំនើបប្រណីតនឹងមានតម្លៃថ្លៃ ម៉ាក Pagani Zonda Tricolore ផលិតដោយប្រទេសអ៊ីតាលី ហើយរថយន្តប្រភេទនេះ មកដល់បច្ចុប្បន្នមានតម្លៃ ១,៧លានដុល្លារ។

១០​. លោក Zlatan Ibrahimovic មានរថយន្តម៉ាក Ferrari Monza SP2 តម្លៃ ១,៧លានដុល្លារ

​រថយន្តម៉ាក Ferrari Monza SP2 ជាម៉ាករថយន្តដែលផលិតមានចំនួនតិចតួចលើពិភពលោក ហើយបច្ចុប្បន្នរថយន្តប្រភេទនេះមានតម្លៃប្រមាណ ១,៧លានដុល្លារ៕