វឿន វាសនា ស្ថិត​ក្នុង​កីឡាករ​ឆ្នើម ៤ រូប​គួរ​ឲ្យ​ចាប់អារម្មណ៍ នៅ​លីគ​បាល់ទះ​តៃវ៉ាន់​ រដូវ​កាល​នេះ

ក្នុងនេះមានកីឡាករបរទេស ៤ នាក់ដែលអាចចាត់ទុកជាកីឡាករឆ្នើមលេចធ្លោបំផុតប្រចាំក្រុមនីមួយៗមានដូចជាកីឡាករ វឿន វាសនា សញ្ជាតិកម្ពុជា កីឡាករ Francois Rebeyrol សញ្ជាតិបារាំង កីឡាករ Mohammad Abbasi សញ្ជាតិអ៉ីរ៉ង់ និងកីឡាករ Charles Belvin សញ្ជាតិអាមេរិក។

• វឿន វាសនា របស់ក្រុម Win Streak

កីឡាករ វឿន វាសនា (OH) សញ្ជាតិខ្មែរ កម្ពស់ ១.៩៦ម៉ែត្រ ក្លិប Win Streak។ កីឡាករជម្រើសជាតិកម្ពុជាលេងឲ្យក្រុមខេត្តព្រៃវែង ក្រុមវៀតណាម Lavie Long An និង វិសាខា មុនពេលទៅទឹកដីតៃវ៉ាន់ ឈានចូលរដូវកាលទី៣។

• កីឡាករ Francois Rebeyrol របស់​ក្លិប East Power

កីឡាករ Francois Rebeyrol (OH) សញ្ជាតិ​បារាំង កម្ពស់ ២.០០​ម៉ែត្រ ក្លិប East Power Volleyball Team។ រូប​គេ​មិន​ទាន់​មាន​ការលេង​ឲ្យ​ក្លិប​ណា​ទេ ​បន្ទាប់​ពី​ចាញ​ចេញ​ពី​ក្លិប​ វិសាខា របស់​កម្ពុជា កាល​ពី​ឆ្នាំ ២០២៤។ ពេល​នេះ រូប​គេ​ចូល​រួម​ជា​មួយ​ក្លិប​នៅ​តៃវ៉ាន់ ជា​កន្លែង​ដែល​រូប​គេ​ធ្លាប់​ជួយ វិសាខា ឈ្នះ​ជើង​ឯក​ពាន​អន្តរជាតិ​នៅ​ទី​នោះ។

កាល​ពី​មុន​រូប​គេធ្លាប់​លេង​ឲ្យ​ក្លិប Nice Volley-Ball (បារាំង), Le Pleassis-Robinson Volleyball (បារាំង), GFC Ajacciao Volleyball (បារាំង) AS Cannes (បារាំង) និង France Avenir (បារាំង)។

• កីឡាករ Mohammad Abbasi របស់ក្រុម STG SkyHawks

កីឡាករ Mohammad Abbasi (OH) សញ្ជាតិ​អ៉ីរ៉ង់ កម្ពស់ ១.៩៩​ម៉ែត្រ ក្លិប STG Sky Hawks។ មុន​ពេល​ចូល​រួម​ជា​មួយ​ក្លិប​នៅ​តៃវ៉ាន់ កីឡាករ​សញ្ជាតិ​អ៉ឺរ៉ង់រូប​នេះ​ធ្លាប់​លេង​ចំនួន ១០ ផ្សេង​គ្នា គិត​ចាប់​តាំង​ពី​ឆ្នាំ ២០១២ ដល់ ឆ្នាំ ២០២៥ នៅ​ប្រទេស​អ៉ីរ៉ង់ តួកគី អាល់ហ្សេរី និង អ៉ីរ៉ាក់។

• កីឡាករ Charles Belvin របស់​ក្រុម Taoyuan Leopards

កីឡាករ កីឡាករ Charles Belvin (OP) សញ្ជាតិ​អាមេរិក កម្ពស់ ១.៨៩​ម៉ែត្រ ដែល​មាន​បទ​ពិសោធ​​ច្រើន។ ចន្លោះ​ឆ្នាំ ២០១៤ ដល់ ២០២៣ រូប​គេ​លេង​នៅ​សហរដ្ឋ​អាមេរិក​ឲ្យ​ក្រុម Long Beach City College, Hope International University និង​ក្រុម LA Blaze។ នៅ​ក្នុង​ឆ្នាំ ២០២១ រូប​គេ​បាន​ចេញ​ទៅ​លេង​ឲ្យ​ក្រុម Okkelljunga Volley ប្រទេស​ស៊ុយអែត, បន្ទាប់​មក​ចូល​រួម​ជា​មួយក្រុម Tenuun-Ogoo- Sport Club របស់ម៉ុងហ្គោលី និង​ក្រុម SoCal Rising Tide នៅ​សហរដ្ឋ​អាមេរិក ហើយ​ចុង​ក្រោយ​ចូល​រួម​ក្រុម Taoyuan Leopards ក្នុង​លីគ​តៃវ៉ាន់៕

ប្រភព៖ KAMPUCHEATHMEY