ការប្រកួតជ្រើសរើសជើងឯកអាស៊ី លើកទី៦ ឆ្នាំ២០២៥ ដែលធ្វើឡើងនៅឯទីក្រុងកូឡាឡាំពួ ប្រទេសម៉ាឡេស៊ី បានបញ្ចប់ជាផ្លូវការហើយក្នុងនោះក្រុមជម្រើសជាតិកីឡាប៊ូល និងប៉េតង់កម្ពុជា ឈ្នះមេដាយសរុប ៣គ្រឿង មាស២ និងប្រាក់១ ។
នេះបើតាមរបាយការណ៍របស់លោកស្រី គីន សំណាង អគ្គលេខាធិការរងសហព័ន្ធកីឡាប៊ូល និងប៉េតង់កម្ពុជាបានបញ្ជាក់ថា ការប្រកួតបានបញ្ចប់ជាផ្លូវការហើយនៅថ្ងៃទី៩ ខែវច្ឆិកា ឆ្នាំ២០២៥ នេះនៅឯទីក្រុមកូឡាឡាំពួ ប្រទេសម៉ាឡេស៊ី។
ក្រុមជម្រើសជាតិកម្ពុជាឈ្នះមេដាយ ៣គ្រឿងគឺមេដាយមាស១គ្រឿងលើវិញ្ញាសា យុវជន វាយយកពិន្ទុប្រកួតឈ្នះដោយកីឡាករ នន់ រ៉ាវីន។ មេដាយមាស១គ្រឿងទៀតឈ្នះលើវិញ្ញាសា ៣នាក់ ទល់ ៣នាក់ (នារី) ប្រកួតឈ្នះដោយកីឡាការិនី អ៊ុក ស្រីមុំ, អ៊ុន ស្រីយ៉ា, ហៀង វិជ្ជនី និង ពៅ ធីតា។ ចំណែកមេដាយប្រាក់១គ្រឿងឈ្នះលើវិញ្ញសា ៣នាក់ ទល់ ៣នាក់ (បុរស) ប្រកួតឈ្នះដោយកីឡាករ ថោង ឈឿន, ហេង ថន, ពុធយ៉ុន ច័ន្ទដារ៉ា និង ស៊ីចាន់ តារា។
បញ្ជាក់ដែរថា ការប្រកួតជ្រើសរើសជើងឯកអាស៊ី លើកទី៦ នេះធ្វើឡើងចាប់ពីថ្ងៃទី៦ ដល់ ៩ ខែវិច្ឆិកា ឆ្នាំ២០២៥ នៅទីក្រុងកូឡាឡាំពួ ប្រទេសម៉ាឡេស៊ី។ កម្ពុជាឈ្នះមេដាយ ៣គ្រឿង មាស២ ប្រាក់១ លេងលើ ៦វិញ្ញាសាក្នុងព្រឹត្តិការណ៍នេះ៕
ប្រភព៖ KAMPUCHEATHMEY
