ក្លឹបទាំងពីរបានយល់ព្រមលើកិច្ចព្រមព្រៀងមួយសម្រាប់តម្លៃដំបូង 10 លានផោន (13.6 លានដុល្លារ) សម្រាប់ខ្សែបម្រើរូបនេះ បូករួមទាំងប្រាក់បន្ថែមចំនួន 2 លានផោនទៀត។
អតីតប្រធានក្រុម Brentford បានទទួលការពិនិត្យសុខភាព និងចូលរួមជាមួយកិច្ចសន្យារយៈពេលពីរឆ្នាំជាមួយនឹងជម្រើសទីបី។
កីឡាករវ័យ 31 ឆ្នាំរូបនេះ នឹងពាក់អាវលេខ 16 និងចូលរួមជាមួយកីឡាករ Martin Zubimendi ដែលបានផ្ទេរមកដល់ពីក្លឹប Real Sociedad កាលពីថ្ងៃអាទិត្យ ក្នុងនាមជាខ្សែបម្រើកណ្តាលសម្រាប់ក្រុមរបស់ Mikel Arteta នៅរដូវក្តៅនេះ។
Arsenal កំពុងស្ថិតក្នុងការពិភាក្សាជាមួយ Sporting CP លើកិច្ចព្រមព្រៀងចុះហត្ថលេខាលើកីឡាករ Viktor Gyokeres ខណៈពេលដែលពួកគេក៏បានយល់ព្រមលើលក្ខខណ្ឌផ្ទាល់ខ្លួនជាមួយខ្សែបម្រើស្លាបរបស់ Chelsea កីឡាករ Noni Madueke ហើយកំពុងព្យាយាមចុះហត្ថលេខាលើខ្សែការពារ Cristhian Mosquera របស់ Valencia ។
Norgaard គឺជាកីឡាករសំខាន់សម្រាប់ Brentford បន្ទាប់ពីផ្ទេរពីក្លឹប Fiorentina ក្នុងឆ្នាំ 2019 ។ គាត់បានជួយក្រុមរបស់គាត់ឱ្យលើកពាន Premier League នៅឆ្នាំ 2021។
ខ្សែបម្រើរូបនេះបានបង្ហាញខ្លួន 196 ប្រកួតឱ្យ Brentford ហើយត្រូវបានតែងតាំងជាប្រធានក្រុមបន្ទាប់ពីការចាកចេញរបស់ខ្សែការពារ Pontus Jansson ផ្ទេរទៅ Malmo ក្នុងឆ្នាំ 2023 ។
លោក Mikel Arteta បាននិយាយថា “យើងរីករាយដែលបានស្វាគមន៍ Christian មកកាន់ Arsenal ។ គាត់គឺជាកីឡាករអន្តរជាតិដែលមានបទពិសោធន៍ច្រើនក្នុង Premier League ។
“គាត់គឺជាខ្សែបម្រើដ៏រឹងមាំម្នាក់ដែលមានភាពជំនាញ មានរាងកាយមាំមួន និងភាពវៃឆ្លាត។ Christian នឹងនាំមកនូវផលប្រយោជន៏ជាច្រើនទាំងក្នុង និងក្រៅទីលាន ហើយយើងរីករាយក្នុងការចាប់ផ្តើមធ្វើការជាមួយគាត់នៅក្នុងជំពូកបន្ទាប់នៃអាជីពរបស់គាត់”។
ប្រែសម្រួលដោយ: 855starsport
