អត្ដពលិកទូកនាគកម្ពុជា វិញ្ញាសា ២០០ម៉ែត្រ ឡើងទៅវគ្គផ្ដាច់ព្រ័ត្រ ក្នុងព្រឹត្តការណ៍ World Games

នាព្រឹកថ្ងៃទី៩ សីហា អត្ដពលិកទូកនាគកម្ពុជា លើវិញ្ញាសា ២០០ម៉ែត្រ ចំណុះ៨នាក់ បុរស-នារី បានដណ្ដើមបានលេខ២ ក្នុង Heat 1 ក្នុងព្រឹត្តិការណ៍ World Games។ វិញ្ញាសាទូកនាគ ២០០ម៉ែត្រ បុរស-នារី ចំណុះ ៨នាក់នេះ​មាន ២ Heat ក្នុងមួយ Heat មាន ៦ប្រទេស។ Heat 1 មានកម្ពុជា មីយ៉ាន់ម៉ា កូរ៉េខាងត្បូង អ៊ុយក្រែន ហុងគ្រី និងឆេក។ ក្រុមជម្រើសជាតិទូកនាគកម្ពុជា ដណ្ដើមបានលេខ២ ក្នុង Heat 1 ដោយបានដល់ទី ក្នុងថេរវេលា ០៖៥២៖៦៤ ក្រោយមីយ៉ាន់ម៉ា ចំណាត់ថ្នាក់លេខ១ ដោយយឺតជាង ត្រឹមតែ ១៖៨៨ វិនាទី។

ក្រុមជម្រើសជាតិទូកនាគកម្ពុជា នឹងត្រូវប្រកួតវគ្គផ្ដាច់ព្រ័ត្រ ជាមួយ ៥ប្រទេសផ្សេងទៀត ក្នុងនោះមាន ឆាយនីសតាយប៉ិក ថៃ មីយ៉ាន់ម៉ា ឥណ្ឌូណេស៊ី និងអ៊ុយក្រែន។ ការប្រកួត នឹងចាប់ផ្ដើម នៅម៉ោង ៩៖០០ ព្រឹក ត្រូវនឹងម៉ោង ៨៖០០ ព្រឹកនៅកម្ពុជា៕