ប្រាក់រង្វាន់ជើងឯកបាល់ទះពិភពលោក ឆ្នាំនេះ កើនដល់១លានដុល្លារ

ព្រឹត្តិការណ៍បាល់ទះជើងឯកពិភពលោក តែងតែរៀបចំរៀងរាល់ ៤ ឆ្នាំម្តង ខណៈកាលពីឆ្នាំ ២០២២ ព្រឹត្តិការណ៍នេះ បានរៀបចំឡើងនៅប្រទេស ស្លូវេនី ដែលពេលនោះក្រុមបាល់ទះជម្រើសជាតិ អ៉ីតាលី បានក្លាយជាជើងឯក។ សម្រាប់ប្រាក់រង្វាន់វិញ ក្រុម អ៉ីតាលី ទទួលបានចំនួន ២០ ម៉ឺនដុល្លារអាមេរិក។ រីឯក្រុមជើងឯករង ប៉ូឡូញ ទទួលបាន ១២៥, ០០០ ដុល្លារអាមេរិក និងក្រុមលេខ ៣ ប្រេស៊ីល ទទួលបាន ៧៥, ០០០ ដុល្លារអាមេរិក។

ងាកមកមើលប្រាក់រង្វាន់ សម្រាប់ព្រឹត្តិការណ៍ជើងឯកពិភពលោក ២០២៥ នេះវិញ គឺមានការកើនឡើងច្រើនគួរឱ្យកត់សម្គាល់ ពោលក្រុមជើងឯកឈានដល់ ១ លានដុល្លារអាមេរិកឯណោះ។ ចំណែកក្រុមជើងឯករងនឹងទទួលបាន ៥០ ម៉ឺនដុល្លារអាមេរិក ហើយក្រុមចំណាត់ថ្នាក់លេខ ៣ នឹងទទួលបាន ២៥ ម៉ឺនដុល្លារអាមេរិក។