July 19, 2025

Luis Diaz បានក្លាយជាកីឡាករដែលគេចង់បានខ្លាំងបំផុតក្នុងទីផ្សារដោះដូរកីឡាករនាពេលនេះដោយមានក្លឹបជាច្រើនរួមទាំង Barcelona និង Bayern Munich ចាប់អារម្មណ៍លើការលេងរបស់គាត់ទោះបីជាឈ្នះពាន Premier League ជាមួយហង្សក្រហមក៏ដោយ ក៏ Diaz មិនមានបំណងបន្តនៅ Anfield ឡើយ ហើយបានបង្ហាញពីបំណងចង់ចាកចេញពីក្លឹបរួចទៅហើយ។ Barcelona ត្រូវបានគេរាយការណ៍ថា មានការចាប់អារម្មណ៍យ៉ាងខ្លាំងលើ Díaz ហើយគាត់ក៏ចង់លេងឱ្យក្រុម Catalans ហើយថែមទាំងសុខចិត្តបញ្ចុះកញ្ចប់ប្រាក់ខែរបស់គាត់ដើម្បីចូលរួមជាមួយក្លឹប។ទោះបីជាយ៉ាងណា ក្នុងនៅក្នុងព្រឹត្តិការណ៍ដ៏សំខាន់មួយវាបង្ហាញថា Díaz បានជ្រើសរើសលេងនៅ Bayern Munichនៅរដូវកាលក្រោយ។ នេះ​បើ​យោង​តាម​អ្នក​កាសែត Sky Sports លោក Florian Plettenberg ដែល​បាន​ផ្តល់​យោបល់​ថា Diaz បាន​ប្រាប់ Liverpool រួច​ហើយ​អំពី​បំណង​ចង់​លេង​ឱ្យ Bayern ។ការផ្លាស់ប្តូរនេះចង់បានពីគ្រូបង្វឹកក្រុម Bayern លោក Vincent Kompany ដែលមានបំណងចង់បាន​ Luis Díaz ស្ថិតក្នុងក្រុមគេ។ ប្រភព៖ BARCA NEWSប្រែសម្រួលដោយ: 855starsport

ខ្សែប្រយុទ្ធជប៉ុន Shin Yamada បានចូលរួមជាមួយក្លឹប Celticពី Kawasaki Frontale ក្នុងកិច្ចសន្យារយៈពេល ៤ ឆ្នាំ។កីឡាករវ័យ 25 ឆ្នាំរូបនេះបានស៊ុតបញ្ចូលទីបាន 32 គ្រាប់ក្នុងការបង្ហាញខ្លួន 121 ប្រកួតជាមួយនឹងក្លឹប J-League ចាប់តាំងពីឆ្នាំ 2023 ។អ្នកចាត់ការក្រុម Brendan Rodgers បានប្រាប់សារព័ត៌មានក្លឹបថា”គាត់ជាកីឡាករដែលមានកម្លាំង ហើយអាចស៊ុតបញ្ចូលទី និងបង្កើតឱកាសឲ្យអ្នកដទៃបាន។ ខ្ញុំជឿថាគាត់អាចបន្ថែមទម្រង់នៃការវាយប្រហារឱ្យក្រុមយើងបាន។” Yamada ដែលត្រូវបានហៅទៅកាន់ក្រុមជម្រើសជាតិជប៉ុនក្នុងឆ្នាំនេះ បាននិយាយលាជាសាធារណៈទៅកាន់អ្នកគាំទ្រ Kawasaki បន្ទាប់ពីការបរាជ័យនៅពាន Emperor’s Cup កាលពីថ្ងៃពុធ។ គាត់ចាកចេញពីក្លឹបចាស់ក្នុងអំឡុងពេលដែលក្រុមនោះស្ថិតនៅលេខ ៦ ក្នុងតារាង J-League បន្ទាប់ពីលេងបាន ២៣ ប្រកួត ដែល Yamada ស៊ុតបាន ២ គ្រាប់ក្នុងចំណោម ២១ ប្រកួតនោះ។ ខ្សែប្រយុទ្ធកម្ពស់ 5ft, 8in បានស៊ុតបញ្ចូលទីបាន 19 គ្រាប់ក្នុង ៣៨

Nico Williams ដៃគូល្អជាមួយនឹង Lamine Yamal នៅជម្រើសជាតិអេស្ប៉ាញ ចង់បន្ត និងបង្កើតប្រវត្តិសាស្រ្តនៅក្លិបកំណើត Athletic Bilbao ដោយច្រានចោលសំណើពីសំណាក់ក្លិប Barcelona។ ដោយមានការជំរុញបន្ថែមពីក្រុមគ្រួសារ និងមានបងប្រុសជាប្រធានក្រុម Bilbao ផងជាមូលហេតុអន្ទងចិត្ត Williams ឱ្យបន្តកិច្ចសន្យាជាមួយក្លិបរហូតដល់​ ឆ្នាំ២០៣៥។ Barcelona ជាក្លិបមួយបានព្យាយាមទិញយក Nico William តាំងពី១ឆ្នាំ មុនមកម្ល៉េះ ហើយនៅទីផ្សារដោះដូរកាលពីខែមុន ក្លិបរហស្សនាមអ្នកមានបុណ្យបានត្រៀមប្រាក់ប្រមាណ ៥៨លានអឺរ៉ូ (៦៧លានដុល្លារ) សម្រាប់ខ្សែបម្រើស្លាបអន្តរជាតិអេស្ប៉ាញរូបនេះ។ ទោះយ៉ាងណា ដើម្បីបញ្ចប់រឿងរ៉ាវចចាមអារ៉ាមនៃការផ្ទេរជាមួយនឹងក្លិប​ Barca កីឡាករវ័យ២៣ឆ្នាំ ពេលថ្មីៗនេះ បានចុះកិច្ចសន្យាបន្ថែមជាមួយនឹង Athletic Bilbao ដល់ឆ្នាំ២០៣៥។  ក្រោយពីសម្រេចចិត្តចង់បង្កើតប្រវត្តិសាស្រ្ត នៅក្លិបដើមកំណើតតាំងពីអាយុ ១១ឆ្នាំ មក Williams បានបកស្រាយពីឆន្ទៈដូច្នេះថា៖«ខ្ញុំមានអារម្មណ៍ថា យើងមានពេលវេលាច្រើនរដូវកាលថែមទៀត និងមានមហិច្ឆតាខ្លាំងក្នុងការប្រជែងពានរង្វាន់ដូចជា UEFA Champions League ដែលមនុស្សគ្រប់គ្នាចង់បាន។ រឿងនេះធ្វើឱ្យខ្ញុំចង់សម្រេចឱ្យបានជាមួយនឹងក្លិបដែលជាក្លិបកំណើតរបស់ខ្ញុំ។ ខ្ញុំចង់បន្តបង្កើតប្រវត្តិសាស្ត្រនៅទីនេះ ជាមួយក្រុមគ្រួសារ និងក្រុមដោយភាពរីករាយ។»។

មនុស្សតឿម្នាក់ដែលសម្តែងក្នុងកម្មវិធីខួបកំណើត Lamine Yamal ចេញមុខការពារខ្សែប្រយុទ្ធ Barcelona  ថាមិនបានរើសអើង ឬមើលងាយអ្វីលើខ្លួនឡើយ។ ការអះអាងនេះ កើតឡើងក្រោយរដ្ឋាភិបាលអេស្ប៉ាញបើកការស៊ើបអង្កេតជុំវិញបទចោទររើសអើងរបស់ Yamal។ អ្នកសម្តែងដែលជាមនុស្សតឿម្នាក់ ចំណោមក្រុមសម្តែងនោះ បានប្រាប់កាសែត RAC1 ដោយបញ្ជាក់ពីភាពស្អាតស្អំរបស់ Yamal ដូច្នេះថា៖«គ្មាននរណាម្នាក់ដែលមើលងាយយើងនោះឡើយ ពួកគេឱ្យយើងធ្វើការងារយើងដោយសន្តិភាព។ ខ្ញុំមិនយល់នោះទេ ថាហេតុអ្វីរឿងនេះមានការឃោសនាបំផ្លើសច្រើនបែបនេះ យើងជាមនុស្សធម្មតា ដែលចង់ធ្វើអ្វីតាមតែយើងចង់ធ្វើ ហើយនៅក្នុងវិធីសាស្រ្តស្របច្បាប់។»។ កាលពីថ្ងៃទី១២ កីឡាករវ័យ ១៨ឆ្នាំ Yamal បានរៀបចំពិធីខួបកំណើតនៅភោជនីយដ្ឋានមួយកន្លែង ជួបជុំគ្រួសារ មុនពេលបន្តទៅកន្លែងកម្មវិធីខួបកំណើត ដែលមានភ្ញៀវចូលរួមជាង ២០០នាក់ រួមមានទាំងមិត្តរួមក្រុមក្លិប Barcelona ក៏ដូចជាតារាបណ្តាញសង្គមជាច្រើន​ក្នុងនោះមានទាំង IShowSpeed ជាដើម។ ជាផ្នែកនៃការសម្តែងក្នុងកម្មវិធីខួបកំណើតនោះ ក្រុមសម្តែងជាមនុស្សតឿ ក៏ត្រូវបានអញ្ជើញឱ្យចូលរួមសម្តែង ហើយរឿងនេះបានធ្វើឱ្យទាក់ទាញភ្នែកអង្គការជនពិការ សមាគមអ្នកជំងឺមិនលូតលាស់ផ្នែកឆ្អឹង និងជំងឺដាច់សរសៃឈានខួរក្បាល (ADEE) ហើយធ្វើឱ្យស្ថាប័នទាំងនេះ ថ្កោលទោស និងចាត់វិធានការផ្លូវច្បាប់លើកីឡាករវ័យ ១៨ឆ្នាំ។ ប្រភព៖ ThmeyThmey

(បរទេស)៖ ក្រុមបាល់ទាត់ជម្រើសជាតិនារីអេស្ប៉ាញ បានឆ្លងចូលវគ្គពាក់កណ្តាលផ្តាច់ព្រ័ត្រនៃកម្មវិធី Women’s Euro 2025 ក្រោយទម្លាក់ម្ចាស់ស្វីស ២ទល់នឹង០ មិនឱ្យតដៃរួចពីក្នុងវគ្គ ៨ក្រុមនាយប់មិញ។ នេះបើយោងតាមការចេញផ្សាយដោយ BBC។ នេះជាលើកដំបូងផងដែរ គិតចាប់តាំងពីឆ្នាំ១៩៩៧ ដែលស្រ្តីគោជល់អេស្ប៉ាញបានឡើងទៅកាន់វគ្គ ៤ក្រុមចុងក្រោយជាបន្តទៀត ជាមួយស្រ្តីអ៉ីតាលី និងម្ចាស់ការពារតំណែងជើងឯក តោកំណាចអង់គ្លេស។ កីឡាការិនី Athenea del Castillo និង Claudia Pina រកបានម្នាក់ ១គ្រាប់ជ័យជម្នះសម្រាប់ក្រុមជើងឯកពិភពលោក World Cup 2023 នៅពីមុខអ្នកទស្សនាផ្ទាល់ជិត ៣ម៉ឺននាក់ ដ្បិតគូប្រជែងស្វីស នៅសល់សមាជិកតែ ១០នាក់ផងដែរ នាចុងម៉ោង។ ស្រ្តីអេស្ប៉ាញ ត្រូវរង់ចាំរវាងក្រុមឈ្នះបារាំង ឬក៏អាល្លឺម៉ង់ ដើម្បីប្រជែងកៅអីឡើងវគ្គផ្តាច់ព្រ័ត្រជាបន្តទៀតនាថ្ងៃពុធសប្តាហ៍ក្រោយ នៅពេលស្រ្តីម្ចាស់ផ្ទះស្វីស ហាលអាវដូចស្រ្តីន័រវេស និងស៊ុយអែតដែរ៕ ប្រភព៖ FRESH NEWS

(ឡុងដ៍)៖ កាំភ្លើងធំ Arsenal បានបញ្ចប់ការផ្ទេរជាផ្លូវការហើយ ចំពោះខ្សែប្រយុទ្ធស្លាប Noni Madueke ក្នុងតម្លៃ ៤៨.៥លានផោន ដែលទើបរួមចំណែកជួយក្រុមតោខៀវ Chelsea ដណ្តើមបានជើងឯក FIFA Club World Cup 2025 នៅសហរដ្ឋអាមេរិកថ្មីៗនេះ។ ពីគេហទំព័រកីឡា BBC បានចេញផ្សាយថា ខ្សែប្រយុទ្ធដែលទើបជាប់ជម្រើសជាតិតោកំណាចអង់គ្លេស ត្រឹមឆ្នាំ២០២៤ រូបនេះ បានក្លាយជាសមាជិកថ្មីទី៤ នារដូវក្តៅនេះក្នុងក្រុមរបស់លោក Mikel Arteta និងជាសមាជិកថ្មី២ ចេញពីក្លិបរួមលីគ Chelsea ទៀតផង ក្រោយការមកដល់របស់អ្នកចាំទី Kepa Arrizabalaga រួចមក។ Madueke វ័យ ២៣ឆ្នាំបានព្រមព្រៀងចុះកិច្ចសន្យាលេងនៅកីឡដ្ឋាន Emirates រយៈពេល ៥ឆ្នាំ ជាមួយនឹងសេវាផ្ទេរផ្សេងៗទៀត បានកើនដល់ជាង ៥០លានផោន ក្នុងនាមកីឡាករស្ថិតក្នុងតម្លៃ ៣០លានផោនប៉ុណ្ណោះ ពេលតោខៀវទិញពីក្លិបហូឡង់ PSV Eindhoven កាលខែមករា ឆ្នាំ២០២៣។ រូបគេជាសមាជិកសំខាន់ ១រូបផងដែរដែលជួយជ្រោមជ្រែង Chelsea ដណ្តើមបានពាន