July 21, 2025

(ឡុងដ៍)៖ ព្រឹត្តិការណ៍បាល់ទាត់លីគអាជីពដ៏ល្បីលំដាប់ពិភពលោក Premier League របស់អង់គ្លេស នឹងចាប់ផ្តើមដំណើរការរដូវកាលថ្មី ២០២៥-២៦ នាខែក្រោយនេះហើយ ពោលគឺចាប់ពីថ្ងៃទី១៦ ខែសីហាតែម្តង ដោយមាន ២០ក្លិប (ក្រុម) ចូលរួមដដែល។ បណ្តាក្លិបទាំង ២០ គឺទទួលបានប្រាក់រង្វាន់ពី Premier League អាស្រ័យទៅតាមចំណាត់ថ្នាក់ក្នុងលីគ និងទឹកប្រាក់មួយចំនួនទៀត ដែលបានពីការលក់សិទិ្ធនៅតាមកញ្ចក់ទូរទស្សន៍នានាពេញ ១រដូវកាលផងដែរ ដែលត្រូវបានដកស្រង់ចេញផ្សាយពីគេហទំព័រកីឡា BBC មានដូចខាងក្រោមនេះ (គិតជា លានផោន)៖១-Liverpool (ជើងឯក)-១៧៤.៩២-Arsenal – ១៧១.៥៣-Manchester City – ១៦៥.៥៤-Chelsea – ១៦៣.៧៥-Newcastle United – ១៦០.២៦-Aston Villa – ១៥៩.៣៧-Nottingham Forest – ១៥២.៥៨-Brighton – ១៤៥.១៩-Bournemouth – ១៤៣.៤១០-Brentford – ១៣៨.៩១១-Fulham – ១៣៥.១២-Crystal Palace – ១៣៦.១១៣-Everton […]

(ឡុងដ៍)៖ ក្លិបបាល់ទាត់ញញួរធំ West Ham United បានចុះកិច្ចសន្យាជាមួយខ្សែការពារ Kyle Walkter-Peters ដោយមិនអស់ថ្លៃផ្ទេរផងដែរ ក្នុងទីផ្សារដោះដូរកីឡាករលើកទី២ ប្រចាំឆ្នាំ២០២៥។ នេះបើយោងតាមការចេញផ្សាយដោយ BBC។ ខ្សែការពារវ័យ ២៨ឆ្នាំ ដែលទើបចូលលេងក្នុងក្រុមធំជម្រើសជាតិតោកំណាចអង់គ្លេសនាឆ្នាំ២០២២ បានក្លាយជាសមាជិកថ្មីទី៣ សម្រាប់ក្លិបលេងនៅ Premier League មួយនេះ ក្រោយការមកដល់របស់ខ្សែការពារសេណាហ្គាល់ El Hadji Malick Diouf ក្នុងតម្លៃ ១៩លានផោនពីក្លិប Slavia Prague និងខ្សែការពារ Jean-Clair Todibo ពីក្លិប Nice។ ដូចគ្នានោះដែរ ពួកគេក៏បានលក់ខ្សែបម្រើស្លាប Mohammed Kudus ឱ្យក្លិបរួមលីគ Tottenham Hotspur ក្នុងតម្លៃ ៥៥លានផោនផងដែរ។ Walker-Peters ដែលទើបចូលលេងបាន ២ប្រកួតជាមួយអង់គ្លេស បានព្រមព្រៀងចុះកិច្ចសន្យារយៈពេល ៣ឆ្នាំលេងឱ្យ West Ham បន្ទាប់ពីផុតកិច្ចសន្យាជាមួយ Southampton ដែលបានធ្លាក់ទៅលេងក្នុងក្របខណ្ឌទី២ អង់គ្លេស Championship៕

ក្រុមកីឡាបាល់ទះជម្រើសជាតិកម្ពុជា បញ្ចប់បេសកកម្ម SEA V.League ឆ្នាំ២០២៥ ទាំងពីរជើង ដោយបរាជ័យទាំង៨ប្រកួត។ ឥណ្ឌូណេស៊ី ដែលឈ្នះមេដាយមាសនៅជើងទី២ និងថៃ ឈ្នះនៅជើងទី១ បានកៅអីទៅប្រជែងជើងឯកអាស៊ី Asian Men’s Volleyball Championship ឆ្នាំ ២០២៦។ ព្រឹត្តិការណ៍កីឡាបាល់ទាត់ប្រចាំតំបន់អាស៊ីអាគ្នេយ៍ SEA V.League ឆ្នាំ ២០២៥ ដែលកើនពី៤ ទៅ៥ក្រុម ក្នុងនោះកម្ពុជា បង្ហាញខ្លួនលើកដំបូង បានរកឃើញម្ចាស់មេដាយមាសទាំងជើងទី១ និងជើងទី២។ ថៃ ជាម្ចាស់មេដាយមាសនៅជើងទី១ ស្របពេលឥណ្ឌូណេស៊ី ឈ្នះមេដាយមាសនៅជើងទី២ ក្នុងទឹកដីខ្លួន។ SEA V.League ជើងទី១ ដែលរៀបចំនៅហ្វីលីពីន ក្រុមថៃ បញ្ចប់ចំណាត់ថ្នាក់លេខ១ ឥណ្ឌូណេស៊ីលេខ២ វៀតណាមលេខ៣ ហ្វីលីពីនលេខ៤ និងកម្ពុជា ដែលចាញ់ទាំង៤ប្រកួត នៅបាតតារាង។ នៅជើងទី២ ដែលធ្វើនៅទឹកដីឥណ្ឌូណេស៊ី ក្រុមម្ចាស់ផ្ទះ បញ្ចប់ក្នុងចំណាត់ថ្នាក់ទី១ វៀតណាម លេខ២ ថៃ លេខ៣ ហ្វីលីពីន

ពិតណាស់កីឡាបាល់ទាត់ជាកីឡាដ៏ពេញនិយមបំផុតមួយលើពិភពលោកពេលបច្ចុប្បន្ននេះ។ មិនត្រឹមតែបានបង្កើនវីរបុរសបាល់ទាត់លើទីលាន ពីការបង្ហាញសមត្ថភាពដ៏អស្ចារ្យរបស់កីឡាករម្នាក់ៗឡើយ ប៉ុន្តែកីឡានេះក៏បានបង្កើតឱ្យមានមហាសេដ្ឋីប្រាក់រាប់លានដុល្លារជាច្រើនអ្នកផងដែរ។ ស្របពេលប្រជាប្រិយភាពកីឡាបាល់ទាត់កំពុងបន្តរីកលូតលាស់បានយ៉ាងល្អ ដូច្នេះការរកបានចំណូលរបស់កីឡាករ ក៏មានភាពល្អប្រសើរខ្លាំងឡើងដូចគ្នា ទៅតាមកិច្ចសន្យាជាមួយក្លិប ការធ្វើជាអ្នកតំណាងម៉ាកផលិតផល និងការបង្កើតជំនួញផ្សេងៗតាមភាពល្បីល្បាញក្នុងវិស័យបាល់ទាត់នេះ។ យ៉ាងណាមិញ ប្រហែលជាមនុស្សគ្រប់រូបពុំសូវបានដឹង ឬក៏បានដឹងរួចស្រេចទៅហើយ ថាតើកីឡាកររូបណា ត្រូវបានគេដឹងថារកបានចំណូលច្រើនជាងគេបំផុតលើពិភពលោក និងកីឡាករខ្លះជាកីឡាករមានទ្រព្យសម្បត្តិច្រើនបំផុតលើពិភពលោកនៅឆ្នាំ ២០២៥ នេះ។ បច្ចុប្បន្នកំពូលខ្សែប្រយុទ្ធ Cristiano Ronaldo និង Lionel Messi សុទ្ធសឹងតែត្រូវបានមនុស្សជាច្រើនលើកមកនិយាយថាជាកីឡាករដែលមានទ្រព្យសម្បត្តិច្រើន ដែលកើតចេញពីវិស័យបាល់ទាត់ តាមរយៈសមត្ថភាពអស្ចារ្យបំផុតរបស់តារាបាល់ទាត់ជើងចាស់ទាំង ២។ កំពូលកីឡាករទាំង ២ សុទ្ធសឹងតែមានកម្រិតការប្រកួតប្រជែងខ្ពស់រៀងៗខ្លួន ព្រមទាំងទទួលបានប្រាក់ពីកិច្ចសន្យាជាមួយក្លិបរៀងៗខ្លួនយ៉ាងច្រើនសន្ធឹកសន្ធាប់ លើសពីនេះទៀតនោះការមុខរបរ ជំនួញនៅក្រៅវិស័យបាល់ទាត់ជាច្រើនផ្សេងទៀត និងធ្វើជាអ្នកតំណាងឱ្យម៉ាកផលិតផលកីឡាល្បីៗ។ ខាងក្រោមនេះជាកំពូលកីឡាករបាល់ទាត់ចំនួន ១០រូប មានទ្រព្យសម្បត្តិច្រើនជាងគេបំផុតប្រចាំឆ្នាំ ២០២៥ ហើយដែលការផ្តល់ចំណាត់ថ្នាក់នេះគឺផ្អែកទៅលើ ប្រាក់ចំណូលដែលរកបានក្នុងអាជីព ប្រាក់ខែ ការតំណាងម៉ាកផលិតផល ការវិនិយោគ​ និងភាគហ៊ុនផ្សេងៗ៖ ១. កីឡាករ Faiq Bolkiah សញ្ជាតិព្រុយណេលេងឱ្យក្រុម Ratchaburi ប្រទេសថៃ មានទ្រព្យសម្បត្តិសរុប ២០ពាន់លានដុល្លារ។ Bolkiah ជាសមាជិកគ្រួសារស៊ុលតង់ព្រុយណេ។ ២. កីឡាករ Cristiano Ronaldo តារាបាល់ទាត់ព័រទុយហ្កាល់ លេងឱ្យក្រុម Al Nassr បច្ចុប្បន្នមានទ្រព្យសម្បត្តិសរុបប្រមាណ ១ពាន់លានដុល្លារ ទទួលបានពីប្រាក់ខែនៅក្លិប និងធ្វើជាអ្នកតំណាងម៉ាកផលិតផលកីឡាល្បីៗ។ ៣. កីឡាករ Lionel Messi តារាបាល់ទាត់អាហ្សង់ទីន លេងឱ្យក្រុម Inter