August 14, 2025

នៅសល់ត្រឹមតែរយៈពេលជាង ១ ខែទៀតប៉ុណ្ណោះ នឹងរកឃើញអ្នកឈ្នះពាន Ballon d’Or ឆ្នាំ ២០២៥ ជាផ្លូវការ ខណៈគិតត្រឹមបច្ចុប្បន្ន មានកីឡាករឆ្នើម ៥ កំពុងក្លាយជាបេក្ខភាពមានភាគរយឈ្នះខ្ពស់ជាងគេបំផុត។ ដកស្រង់ចេញពី GOAL ខាងក្រោមនេះ ជាបេក្ខភាពកីឡាករលំដាប់កំពូលទាំង ៥ ដែលមានភាគរយអាចឈ្នះពានបាល់មាសខ្ពស់ជាងគេបំផុត៖ ៥. Mohamed Salah (Liverpool)៖កាលពីរដូវកាល ២០២៤-២០២៥ កន្លងទៅ Salah បានបង្ហាញសមត្ថភាពយ៉ាងលេចធ្លោរ ដោយរូបគេរកបានគ្រាប់បាល់ចំនួន ៣៦ គ្រាប់ និង ២៤ បញ្ជូន (assist)។ ចំពោះសមិទ្ធផលជាមួយក្លិប រូបគេបានរួមចំណែកយ៉ាងធំធេងជួយឱ្យ Liverpool ឈ្នះពាន Premier League ចំនួន ១។ ៤. Raphinha (Barcelona)៖Raphinha បានដើរតួជាកម្លាំងស្នូលដ៏សំខាន់របស់ Barcelona កាលពីរដូវកាលមុន ២០២៤-២០២៥។ រូបគេរកបាន ៣៩ គ្រាប់ និង ២៥ បញ្ជូន […]

ខ្សែ​ប្រយុទ្ធ​ស្លាប សា ទី កំពុងទទួល​បាន​ការ​ចាប់​អារម្មណ៍​ពី​អ្នក​គាំទ្រ បន្ទាប់​ពី​រូប​គេ​បាន​បង្ហាញ​សមត្ថភាព​ល្អ​​នៅ​ក្លិប​ថ្មី​ ភ្នំពេញ​ក្រោន ក្រោយ​ចាក​ចេញ​ពី​ក្លិប វិសាខា នៅ​ក្នុង​រដូវ​កាល​នេះ។ ការ​បង្ហាញ​ខ្លួន​ផ្លូវ​ការ​លើក​ទី១ សា ទី ត្រូវ​បានគ្រូ​បង្វឹក​លោក Oleg Starynskyi ប្តូរ​ចូល​នៅ​នាទី ៦៦​​ ក្នុង​វគ្គ​ទី២ ពានខេមបូឌាន​ស៊ុបភើខាប់ ឆ្នាំ ២០២៥ ហើយ​បាន​ធ្វើ​ឲ្យ​ទម្រង់​លេង​របស់ ​ភ្នំពេញ​ក្រោន ល្អប្រសើរ។ ចូល​លេងបាន​ត្រឹម​តែ​១​នាទី រូប​គេ​បាន​បញ្ជូន​បាល់​ឲ្យ​ខ្សែ​ប្រយុទ្ធ Makerlo Tellez តែត​តាម​ស្មើ ព្រះ​ខ័ន​រាជ​ស្វាយរៀង ១-១ ហើយ​នៅ​នាទី៩០+៦ រូប​គេ​​បាន​ស៊ុត​គ្រាប់​បាល់តាម​ស្មើ​ជា​លើក​ទី​២ ប៉ុន្តែ​បាន​ស៊ុត​បាល់​​១១​ម៉ែត្រ​កាត់​សេចក្តី​មិន​ជោគជ័យ។ សម្រាប់​ការ​បង្ហាញ​ខ្លួន​ផ្លូវ​ការ​លើក​ទី​២ សា ទី ត្រូវ​បាន​គ្រូ​បង្វឹក​ដាក់​ឲ្យ​ចូលលេង​នៅ​​វគ្គ​ទី​២ ដោយ​ជំនួស​កីឡាករ Maksym Priadun បន្ទាប់​ពី​ចប់​វគ្គ​ទី១ ដែល ភ្នំពេញ​ក្រោន នាំ​មុខ ក្រុម Kasuka FC ១-០ សម្រាប់​ការ​ប្រកួត​វគ្គ​ជម្រុះ AFC Challenge League យប់​ថ្ងៃ​ទី​១២ ខែ​សីហា

ក្រុមម្ចាស់ជើងឯកទ្វីបអឺរ៉ុប Paris St Germain បានវាយបកតាមពីក្រោយម្ចាស់ជើងឯក Europa League ក្រុមTottenham Hotspur ដោយបាល់ប៉េណាល់ទីក្នុងលទ្ធផល 4-3 ក្នុងការប្រកួតពានរង្វាន់ UEFA Super Cupកាលពីថ្ងៃពុធ។ ក្រុមTottehamដែលដឹកនាំដោយអ្នកចាត់ការថ្មី Thomas Frank បាននាំមុខលើក្រុមយក្សបារាំង Paris St Germain ដោយលទ្ធផល2-0មុនចប់ការប្រកួតទៅហើយកីឡាករ Lee Kang-in ទាញបានមួយគ្រាប់មកវិញនៅនាទីទី 85 ហើយ Goncalo Ramos បានតែតបញ្ចូលទីតាមស្មើនៅនាទីទី 4 ក្នុងម៉ោងបញ្ឈប់ដើម្បីរកគ្រាប់បាល់តាមស្មើ 2-2 ។ PSG បានជោគជ័យក្នុងការស៊ុតបាល់បញ្ចូលទី ខណៈដែលកីឡាករ Mathys Tel និង Micky van de Ven បានខកខានក្នុងការស៊ុតបញ្ចូលទីសម្រាប់ក្រុម Tottenham ហើយ Nuno Mendes ជាអ្នកស៊ុតបាល់ផ្តាច់ចុងក្រោយឱ្យPSG។ កីឡាកររបស់ក្រុម PSG បាននាំគ្នារត់នៅលើទីលានដើម្បីអបអរ ដោយដឹងថាពួកគេបានបញ្ចូលឈ្មោះរបស់ពួកគេទៅក្នុងប្រវត្តិសាស្ត្រក្នុងនាមជាក្រុមបារាំងដំបូងគេដែលលើកពាននេះ។