ពីរសប្តាហ៍ដំបូង ព្រះខ័នរាជស្វាយរៀង ឈរកំពូលតារាងលីគ ល្អឥតខ្ចោះ ដោយគ្មានដៃគូស៊ុតចូល
ព្រះខ័នរាជស្វាយរៀង ធ្វើបានយ៉ាងល្អឥតខ្ចោះសម្រាប់ការប្រកួតពីរសប្តាហ៍ដំបូងនៃលីគបាល់ទាត់កំពូលកម្ពុជា រដូវកាល ២០២៥/២៦។ សប្តាហ៍ទី១ ព្រះខ័នរាជស្វាយរៀង បានយកឈ្នះលើក្រុម ណាហ្គាវើលដ៍ ដោយលទ្ធផល ៣-០ នៅក្នុងផ្ទះរបស់ខ្លួន និងសប្តាហ៍ទី២ បានយកឈ្នះ អង្គរថាយហ្គឺរ ដោយលទ្ធផល ៣-០ ទៀតនៅទឹកដីខេត្តសៀមរាប។ ពីរប្រកួតដំបួង ពួកគេរកបាន៦ពិន្ទុពេញ និងស៊ុតចូលដៃគូ ៦ គ្រាប់ ឈរលើកំពូលតារាង ហើយរក្សាសំណាញ់ទីរបស់ខ្លួនយ៉ាងស្អាតដោយដៃគូមិនអាចស៊ុតចូលបានឡើយ។ ជាមួយគ្នានេះ បឹងកេត រកបាន៤ពិន្ទុ ឈរចំណាត់ថ្នាក់លេខ២ បន្ទាប់ពីឈ្នះ ឡាយហ្វ ខេត្តព្រះសីហនុ ដោយលទ្ធផល ២-០ និងស្មើជាមួយ ភ្នំពេញក្រោន ០-០។ ក្រុមកងយោធពលខេមរភូមិន្ទុ ក៏រកបាន៤ពិន្ទុ បន្ទាប់ពីឈ្នះ វិសាខា ដោយលទ្ធផល ២-១ និងស្មើណាហ្គាវើលដ៍ ១-១។ ក្រុមដែលរកបាន ៣ ពិន្ទុដូចគ្នាគឺ អង្គរថាយហ្គឺរ អឹមអូអាយកំពង់ដេវ៉ា វិសាខា និងគិរីវង់សុខសែនជ័យ បន្ទាប់ពីពួកគេបានឈ្នះ១ប្រកួត និងចាញ់១ប្រកួតដូចគ្នា ហើយ ណាហ្គាវើលដ៍ […]
