September 18, 2025

ខ្សែប្រយុទ្ធកូរ៉េខាងត្បូង Hwang Ui-jo នឹងមិនអាចលេងក្នុងព្រឹត្តិការណ៍ World Cup ឆ្នាំ 2026 បន្ទាប់ពីតុលាការក្រុងសេអ៊ូលបានកាត់ទោសគាត់ឱ្យជាប់គុកពីបទលួចថតអតីតមិត្តស្រីអំឡុងពេលរួមភេទ។ តុលាការក្រុងសេអ៊ូលបានតម្កល់ការជាប់ពន្ធនាគាររយៈពេលមួយឆ្នាំ និងព្យួរទោសរយៈពេលពីរឆ្នាំសម្រាប់កីឡាករ Hwang ហើយព្រះរាជអាជ្ញាបាននិយាយថា វីដេអូដែលគាត់បានថតក្រោយមកត្រូវបានបែកធ្លាយនៅលើប្រព័ន្ធផ្សព្វផ្សាយសង្គមដោយប្អូនថ្លៃរបស់គាត់ ដែលបណ្តាលឱ្យជនរងគ្រោះខូចខាតយ៉ាងធ្ងន់ធ្ងរ។ Hwang បានសារភាពចំពោះកំហុសរបស់គាត់ ប៉ុន្តែបានបដិសេធមិនទទួលខុសត្រូវចំពោះអ្វីដែលជនរងគ្រោះបានចាត់ទុកការខូចខាតកម្រិតធ្ងន់នោះទេតែជាការខូចខាតបន្ទាប់បន្សំ។ មេធាវីរបស់គាត់បានប្រកែកថាក្រុមមេធាវីរបស់ជនរងគ្រោះបានបញ្ឆេះការផ្សព្វផ្សាយជាសាធារណៈដោយការភ្ជាប់ប្រព័ន្ធផ្សព្វផ្សាយម្តងហើយម្តងទៀតដែលជាទឡ្ហីករណ៍ដែលតុលាការបានច្រានចោលដោយនិយាយថាការថតរឿងសម្ងាត់របស់ Hwang គឺជាមូលហេតុផ្ទាល់ខ្លួន ហើយបានរិះគន់គាត់ចំពោះការបង្ហាញព័ត៌មានផ្ទាល់ខ្លួនរបស់ជនរងគ្រោះនៅក្នុងសន្និសីទសារព័ត៌មានមួយ។ លោក Hwang ក៏កំពុងស្ថិតក្នុងជម្លោះសំណងដាច់ដោយឡែកជាមួយនឹងជនជាប់ចោទម្នាក់ទៀតឈ្មោះ “B”។ សារព័ត៌មានZapzee បានរាយការណ៍ថា ទោះបីជាបានបង់ប្រាក់ចំនួន 20 លានវ៉ុន និងការចរចាជាច្រើនដងក៏ដោយ ក៏មិនទាន់មានដំណោះស្រាយណាមួយត្រូវបានសម្រេចដែរ។ ខ្សែប្រយុទ្ធវ័យ 33 ឆ្នាំរូបនេះបានទទួលការព្យួរទោសនៅសាលក្រមដំបូងរបស់តុលាការកាលពី 7 ខែមុន ហើយបានប្តឹងឧទ្ធរណ៍មិនបានជោគជ័យ។ ក្រោមច្បាប់របស់សមាគមបាល់ទាត់កូរ៉េ (KFA) កីឡាករណាដែលមានប្រវត្តិបទឧក្រិដ្ឋត្រូវបានរារាំងពីការជ្រើសរើសជម្រើសជាតិយ៉ាងហោចណាស់ 2 ឆ្នាំ ហើយ Hwang នឹងចេញពីការប្រកួតបាល់ទាត់ពិភពលោកឆ្នាំ 2026។ ធ្លាប់ត្រូវបានគេចាត់ទុកថាជាខ្សែប្រយុទ្ធកំពូលម្នាក់របស់កូរ៉េខាងត្បូង Hwang រកបាន 19 គ្រាប់ក្នុង 62 ប្រកួត […]

ក្រុម​កំពុង​​គួរ​ឲ្យ​ចាប់​អារម្មណ៍ អឹមអូអាយ កំពង់ដេវ៉ា ត្រូវ​បើក​ទ្វារ​កីឡដ្ឋាន​ព្រីនស៍ ដើម្បី​ទទួល​ក្រុម​ ភ្នំពេញ​ក្រោន វេលា​ម៉ោង​៦​ល្ងាច ថ្ងៃ​សុក្រ​​​ស្អែកនេះ​ ​សម្រាប់​ការ​ប្រកួត​សប្តាហ៍​ទី​៥ នៃ​លីគ​បាល់ទាត់​កំពូល​កម្ពុជា។ នេះជាជំនួបដែលទទួលបានការចាប់អារម្មណ៍បំផុតនៅក្នុងសប្តាហ៍នេះ ដោយសារក្រុមទាំងពីរកំពុងល្អដូចគ្នា។ អតីតក្រុមក្រសួងមហាផ្ទៃទទួលបានម្ចាស់ជំនួញថ្មីដែលធ្វើឲ្យពួកគេបានផ្លាស់ប្តូរមុខមាត់ថ្មីទាំងឈ្មោះ ថ្នាក់ដឹកនាំ និងសមាសភាពកីឡាករ ហើយចាប់ផ្តើមរដូវកាលបង្ហាញគុណភាពគួរឲ្យចាប់អារម្មណ៍។ ភ្នំពេញក្រោនចូលរដូវកាលថ្មី បានផ្លាស់ប្តូរសមាសភាពកីឡាករបរទេស និងខ្មែរស្ទើរទាំងស្រុង ប៉ុន្តែនៅដើមរដូវកាលនេះពួកគេមិនទាន់ចាញ់ឡើយ។ ក្រុម អឹមអូអាយ កំពង់ដេវ៉ា រកបាន ៧ ពិន្ទុ ពីការឈ្នះ ២ ប្រកួត ស្មើ១ ប្រកួត និងចាញ់ ១ ប្រកួត កំពុងឈរចំណាត់ថ្នាក់លេខ ៣។ បើកឆាកសប្តាហ៍ទី១ ពួកគេបានចាញ់ អង្គរថាយហ្គឺរ ដោយលទ្ធផល ៣-៦ ហើយសប្តាហ៍ទី២ បានឈ្នះ គិរីវង់សុខសែនជ័យ ៤-២ និងស្មើ វិសាខា ១-១ ក្នុងសប្តាហ៍ទី៣ មុនពេលឈ្នះ ណាហ្គាវើលដ៍ ២-១ សម្រាប់សប្តាហ៍ទី៤។ ក្រុម​កំពង់ដេវ៉ា តែង​តែ​រក​បាន​គ្រាប់​បាល់​​រហូត​សម្រាប់​

ម្ចាស់​មេដាយមាស​ពិភពលោក សុខ ចាន់​មាន រួមទាំងក្រុមកីឡាករ-ការិនីជម្រើសជាតិកីឡាប៉េតង់កម្ពុជា នឹងត្រូវប្រកួតដណ្តើមជើងឯកកីឡាប៉េតង់ពិភពលោក World Pétanque Championships 2025 នៅទីក្រុងរ៉ូម ប្រទេសអ៉ីតាលី ចាប់ពីថ្ងៃទី១៨ ដល់ថ្ងៃទី២១ ខែកញ្ញា ឆ្នាំ២០២៥។ សហព័ន្ធកីឡាបូល និងប៉េតង់កម្ពុជា បានបញ្ជូនអត្តពលិកចំនួន៤រូប ក្នុងនោះនារី២រូប និងប្រតិភូ គ្រូបង្វឹក៦នាក់ផ្សេងទៀតទៅកាន់ការប្រកួតប៉េតង់កម្រិតពិភពលោក ឆ្នាំ ២០២៥ នៅអ៊ីតាលី។ កីឡាករពីររូបរួមមាន សុខ ចាន់មាន ពុធយ៉ុន ច័ន្ទដារ៉ា និងកីឡាការិនីពីររូប មាន អ៊ុក ស្រីមុំ និងអ៊ុន ស្រីយ៉ា។ កីឡាករ សុខ ចាន់មាន ដែលធ្លាប់ឈ្នះមេដាយមាសពិភពលោកនៅម៉ា​ដា​ហ្គា​ស្កា ឆ្នាំ២០១៦ មានជំនឿចិត្តត្រឹម៥០ភាគរយប៉ុណ្ណោះក្នុងការប្រជែងនៅអ៊ីតាលីឆ្នាំ ២០២៥ នេះ។ សង្ឃឹមត្រឹម៥០ភាគ ដោយសារចាន់មាន មើលឃើញថាមានអត្តពលិកល្បីៗលំដាប់ពិភពលោកចូលរួម បូករួមនឹងកត្តាអាកាសធាតុផង។ ពីប្រទេសអ៊ីតាលី ចាន់មាន ប្រាប់សារព័ត៌មានឌីជីថលថ្មីៗដូច្នេះថា៖«ការប្តេជ្ញារបស់ខ្ញុំគឺប្រឹងដណ្តើមមេដាយមាសជូនជាតិ ប៉ុន្តែក្តីសង្ឃឹមត្រឹម ៥០-៥០ប៉ុណ្ណោះ ព្រោះកម្រិតពិភពលោក មិនដូចកម្រិតអាស៊ីឡើយ»។ ដោយសារការធ្វើដំណើរឆ្ងាយ

ក្លឹប​ប្រដាល់​ Cambodian Top Team មិន​ធម្មតា​ទេមាន​កេរ្តិ៍ឈ្មោះ​ល្បី​ជា​ខ្លាំង​នៅ​ឯ​ក្រៅ​ស្រុក​ ខណៈ​ពេល​ថ្មីៗ​នេះ​មានក្រុម​ការងារ​សង្វៀន​ GMA​ របស់​ប្រទេស​វៀតណាម​បាន​មក​ដល់​កម្ពុជា​ដើម្បីថត​ និង​សម្ភាសយក​ទៅ​ផ្សព្វផ្សាយ​ទៀត​ផង។​ បើ​តាម​ការ​ឲ្យ​ដឹង​ពី​លោក​ ហ៊ុន​ ច័ន្ទរាជ្យ​ ថា​ប៉ុន្មាន​ថ្ងៃ​​នេះ​មាន​ក្រុម​ការងារ​សង្វៀន​ GMA​ របស់​ប្រទេស​វៀតណាម​បាន​​មក​ដល់​ក្លឹប​នៅ​ឯ​ទួលទំពូង ខណ្ឌចំការមន ​នេះ​តែ​ម្ដង។​ ការ​មក​ដល់​ក្លឹប​ផ្ទាល់​នេះ​គឺ​ដើម្បី​ថត​ពី​សកម្មភាព​ហ្វឹកហាត់​ ទិដ្ឋភាព​ផ្សេងៗ​ក្នុង​ក្លឹប​ និង​សម្ភាស​ដើម្បី​យក​ទៅ​ផ្សព្វផ្សាយ​ពិសេស​ត្រៀម​សម្រាប់​ការ​ប្រកួត​ដណ្ដើម​ខ្សែក្រវាត់​នៅ​ខែ​ធ្នូ​ ឆ្នាំ​២០២៥​ ខាង​មុខ។​ គ្រូ​បង្វឹក​របស់​ក្លឹប​ Cambodian Top Team ​ខាង​លើ​បង្ហើប​ប្រាប់​ទៀត​ថា​ កីឡាករ​ឆ្នើម​របស់​កម្ពុជា​ គោរមៈ​ ច័ន្ទរាជ្យ​ អាច​នឹង​ប្រកួត​ដណ្ដើម​ខ្សែក្រវាត់​ ១គ្រឿង​ទៀត​នៅ​អំឡុង​ខែ​ធ្នូ​ខាង​មុខ​នេះ។​ ខ្សែក្រវាត់​ទី២​ នេះ​អាច​នឹង​អស្ចារ្យ​ និង​រៀបចំ​ធំ​ជាង​លើក​មុខ​ទៅ​ទៀត។​ បញ្ជាក់​ដែរ​ថា​ កាល​ពី​ថ្ងៃ​ទី១៥​ ខែ​កញ្ញា​ ឆ្នាំ​២០២៥​ នេះ​ក្រុម​ការងារ​របស់​សង្វៀន​ GMA (God Of Martial Arts) បាន​មក​ថត​ដល់​ក្លឹប​​ Cambodian Top Team។​ ​សង្វៀន​ GMA ជា​កម្មវិធី​ប្រដាល់​គុន​ចម្រុះ​ធំ​មួយ​នៅ​ឯ​ប្រទេសវៀតណាម​ និង​កំពុង​រៀបចំ​ការ​ប្រកួត​ធំៗ​ជា​ច្រើន​ដែល​ទទួល​បាន​ប្រជាប្រិយភាព​ជា​ខ្លាំង​ពីប្រជាជន​វៀតណាម​ និង​បរទេសនៅទីនោះ៕​ ប្រភព៖​

វីរបុរសរបស់ក្រុមបាល់ទាត់ជម្រើសជាតិ បារាំង លោក Thierry Henry បានជ្រើសរើស Arsenal ដែលជាអតីតក្លិបរបស់លោក នឹងឈ្នះពានរង្វាន់ Champions League រដូវកាលនេះ។ លោក Henry ហាក់មានភាពជឿជាក់យ៉ាងខ្លាំងលើ Arsenal ក្នុងរដូវកាល ២០២៥-២០២៦ ។ ចំណុចធំមួយ ដែលលោកមើលឃើញក្រុមកាំភ្លើងធំ នឹងអាចឈ្នះពាន UCL ដោយសារ លោកគិតថា ពួកគេក្នុងរដូវកាលនេះ គឺមានក្រុមមួយ ដែលល្អជាងក្រុមណាទាំងអស់នៅក្នុងតំបន់ អឺរ៉ុប។ ថ្លែងក្រោយ Arsenal យកឈ្នះលើក្រុម Athletic Club ២-០ កាលពីថ្ងៃ អង្គារ៍ ទី ១៦ ខែ កញ្ញា កន្លងទៅ លោក Henry បាននិយាយអំពីក្រុម នឹងអាចឈ្នះពាន UCL រដូវកាលនេះ ថា៖ «នាពេលបច្ចុប្បន្ននេះ ខ្ញុំនឹងនិយាយ ថា គ្មាននរណាម្នាក់មានក្រុមដ៏ស៊ីជម្រៅដូច Arsenal ទេ ទាក់ទងនឹងគុណភាពក្រុម។

កីឡាករ​ រស្មី​ គុនខ្មែរ​ ថា​រូប​គេ​ពិត​ជា​ស្ដាយ​សមត្ថភាព ​ស្ដាយ​ធនធាន​កីឡាករ​ល្អ​ដូច​ជា​ ឡុង​ ពិសិដ្ឋ​ ក្រោយ​ទទួល​ដំណឹង​មក​ថា​មិត្ត​រួម​អាជីព​ម្នាក់​នេះ​សម្រេច​ចិត្ត​ឈប់​ពី​វិស័យ​ប្រដាល់​គុន​ខ្មែរ​ចាប់​ពី​ពេល​នេះ​តទៅ​ហើយ។​ ថ្លែងក្នុងកិច្ចសម្ភាស រស្មី គុនខ្មែរ បានលើកឡើងថា ឡុង ពិសិដ្ឋ ជាកីឡាករល្អលំដាប់ជួរមុខមួយរូបលើប្រភេទទម្ងន់ ៥១គីឡូក្រាមនៅកម្ពុជា។ កីឡាកររូបនេះជាដៃគូស្វិតស្វាញយូរណាស់មកហើយដែលមានប្រវត្តិជួបគ្នាម្ដងៗកក្រើកតគុនខ្មែរ។ សិស្សគុនមកពីក្លឹបគុនខ្មែរដួនតាខាងលើផ្ដាំផ្ញើទៅ ឡុង ពិសិដ្ឋ ថាបើខុសត្រូវយ៉ាងណាងាកមកនិយាយគ្នាវិញ ឬសុំទោសលោកគ្រូទៅរួចចូលមកប្រដាល់វិញមក។ ក្រៅតែពីប្រដាល់ក៏ពិបាកក្នុងការធ្វើការងារផ្សេងៗដែរ ព្រោះសម្លាញ់របស់ខ្លួនមិនសូវមានចំណេះដឹងអ្វីច្រើននោះឡើយ។ ចំណែក​លោក​ រីកគី​ គ្រូ​បង្វឹក​របស់​ ឡុង​ ពិសិដ្ឋ​ បាន​លើក​ឡើង​ថា​ កូន​សិស្ស​របស់​លោក​រូប​គេ​ធ្វើ​ខុស​ច្រើន​ដង​មក​ហើយ​ ប៉ុន្តែ​លោក​តែងតែ​លើក​លែង​អត់អោន​ឲ្យ​ជា​និច្ច។​ យ៉ាងណា​មុន​ឈាន​ដល់​រឿង​បែប​នេះ​លោក​បាន​ព្យាយាម​ទាក់ទង​ទៅ​ ពិសិដ្ឋ​ ដែរ​តែ​ទាក់ទង​មិន​បាន​ជា​ច្រើន​ដង។​ ទើប​ឃើញ​សារ​ក្នុង​គ្រុប​របស់​ក្លឹប​​បញ្ជាក់​ពី​ ឡុង​ ពិសិដ្ឋ​ ថា​សម្រេច​ឈប់​ពី​ប្រដាល់​ចាប់​ពី​ពេល​នេះ​ទៅ​ហើយ​។​ លោក​ក៏​យល់ព្រម​ទៅ​តាម​ការ​សម្រេច​ចិត្ត​របស់​សិស្ស​ធ្វើ​ម៉េច​ម្ចាស់​ខ្លួនជ្រើស​យកផ្លូវ​នេះ​ទៅ​ហើយ​មាន​តែ​ជូនពរ​ជោគជ័យ​ការងារ​ថ្មីប៉ុណ្ណោះ។​ បញ្ជាក់​ដែរ​ថា​ ប្រមាណ​ពីរ​ថ្ងៃ​មក​​នេះ​តាម​បណ្ដាញ​សង្គម​ក្នុង​មជ្ឈដ្ឋាន​ប្រដាល់​បាន​ឃើញ​លោក​ រីកគី​ បង្ហោះ​សារយល់​ព្រម​ចំពោះ​ការ​ចាក់ចេញ​ពី​វិស័យ​ប្រដាល់​គុនខ្មែរ​ចាប់​ពី​ពេល​នេះ​តទៅរបស់​ ឡុង​ ពិសិដ្ឋ។​ នេះ​មិន​មែន​ជាបញ្ហា​លើក​ទី១​ទេ​រវាង​ ឡុង​ ពិសិដ្ឋ​ និង​លោក​ រីកគី​ គ្រូ​បង្វឹក​ក្លឹប​ប្រដាល់​ខ្លារខិន​គុន​ខ្មែរ​កន្លង​មក​ពាក់ព័ន្ធ​ និង​វិស័យ​ក្លឹប​ ​ការ​ហ្វឹកហាត់​កន្លង​មក។​ ថ្មីៗ​នេះ​លោក​

ខ្សែប្រយុទ្ធអន្តរជាតិអង់គ្លេស Harry Kane រកបានពីរគ្រាប់ ដើម្បីដឹកនាំក្រុមជើងឯកអាល្លឺម៉ង់ Bayern Munich ឱ្យទទួលជ័យជម្នះ 3-1 លើក្រុម Chelsea ក្នុងការប្រកួតបើកឆាក Champions League របស់ពួកគេកាលពីថ្ងៃពុធ។ Harry Kaneបានស៊ុតបាល់ប៉េណាល់ទីនៅនាទីទី 27 បន្ទាប់ពីគ្រាប់បាល់ចូលទីខ្លួនឯងដោយកីឡាករ Trevoh Chalobah របស់ Chelsea បានធ្វើឱ្យម្ចាស់ផ្ទះនាំមុខនៅនាទីទី 20 ។កីឡាករអង់គ្លេសCole Palmer របស់តោខៀវតាមបានមួយគ្រាប់មកវិញត្រឹមតែពីរនាទីក្រោយមកមុនចប់ការប្រកួតក្នុងតង់ទីមួយ។ ការប្រកួតនៅក្នុងតង់ទី២កាន់តែតានតឹងខណៈដែល Michael Olise និង Kane បានខកខានឱកាសដ៏ល្អម្តងហើយម្តងទៀតរហូតដល់នាទីទី៦៣កីឡាករវ័យ៣២ឆ្នាំKaneអាចបន្ថែម១គ្រាប់ទៀតរហូតចប់ការប្រកួតម្ចាស់ផ្ទះឈ្នះ៣-១។ Chelsea បានខ្ជះខ្ជាយការចាប់ផ្តើមលេងដំបូងបានល្អ ដោយបានបាត់បង់ឱកាសដំបូងតាមរយៈកីឡាករ Pedro Neto និង Enzo Fernandez ហើយ Palmer ក៏មានគ្រាប់បាល់ចុងម៉ោងត្រូវបានច្រានចោលវិញដោយអាជ្ញាកណ្តាល។ Kane ដែលបានស៊ុតបញ្ចូលទីបាន 21 គ្រាប់នៅក្នុងក្របខ័ណ្ឌ Champions League សម្រាប់ទាំង Tottenham និង Bayern

ខ្សែបម្រើThomas Partey របស់ក្លិប Villarreal បានបង្ហាញខ្លួននៅក្នុងតុលាការទីក្រុងឡុងដ៍  កាលពីថ្ងៃពុធហើយបានឆ្លើយបំភ្លឺថាមិនបានប្រព្រឹត្តកំហុសដូចការចោទប្រកាន់ពីបទរំលោភសេពសន្ថវៈ និងការរំលោភបំពានផ្លូវភេទដែលពាក់ព័ន្ធនឹងស្ត្រីបីនាក់នោះទេ។ កីឡាករអន្តរជាតិហ្គាណាThomas Partey ត្រូវបានចោទប្រកាន់ពីបទរំលោភសេពសន្ថវៈចំនួន 5 ករណីទាក់ទងនឹងស្ត្រីពីរនាក់ បូករួមទាំងការចោទប្រកាន់ពីបទរំលោភផ្លូវភេទលើស្ត្រីទីបីនៅចន្លោះខែមេសា ឆ្នាំ2021 ដល់ខែមិថុនា ឆ្នាំ2022។ ការចោទប្រកាន់នេះបានកើតឡើងនៅពេលដែល Partey លេងឱ្យក្លិបបាល់ទាត់ Arsenalនៅអង់គ្លេស Premier League ។ គាត់បានចាកចេញពីក្លិបនៅរដូវក្តៅនេះ ហើយបានចុះហត្ថលេខាជាមួយ Villarreal របស់អេស្ប៉ាញ។ Parteyត្រូវបានដោះលែងឱ្យនៅក្រៅឃុំ មុនពេលការកាត់ក្តីរបស់គាត់ ដែលត្រូវបានចុះបញ្ជីនៅថ្ងៃទី 2 ខែវិច្ឆិកា ឆ្នាំ 2026។ គាត់ត្រូវបាន Arsenal ចុះហត្ថលេខាទិញពី Atletico Madrid ក្នុងតម្លៃ 50 លានអឺរ៉ូ (59.2 លានដុល្លារ) ក្នុងឆ្នាំ2020 ហើយបានក្លាយជាសមាជិកសំខាន់នៃក្រុមដំបូងរបស់អង់គ្លេស មុនពេលកិច្ចសន្យារបស់គាត់ផុតកំណត់នៅចុងខែមិថុនា៕ ប្រភព៖ NKDNEWS 

កីឡាករ​ប្រដាល់​គុន​ខ្មែរ​ទម្ងន់​ស្រាល ឡុង ពិសិដ្ឋ ហាក់​ដូច​ជាចង់​ដើរ​ចេញ​ពី​អាជីព​ប្រដាល់​ឈឺ​ខ្លួន​ដែល​រូប​គេ​ពុះ​ពារ​យ៉ាង​ខ្លាំង​​មុន​ពេល​ឈាន​ដល់​កម្រិត​ជោគជ័យ​នា​ពេល​បច្ចុប្បន្ន។ កាល​ពីថ្ងៃ​ទី​១៥​ ខែ​កញ្ញា ឆ្នាំ ២០២៥ លោក រិគី ដែល​ជា​គ្រូ​បង្វឹក​ក្លិប​ខ្លារខិន​មានឬទ្ធិ បាន​ប្រកាស​ស្វែង​រក​កីឡាករ ឡុង ពិសិដ្ឋ បន្ទាប់​ពី​មិន​អាច​ទាក់​ទង​បាន។ នៅ​ថ្ងៃ​ទី១៦ ខែ​កញ្ញា គ្រូ​បង្វឹក​រូប​នេះ​បាន​សរសេរ​​​ហាក់​ដូច​ជា កូន​សិស្ស​របស់​លោក​ឈប់​ពី​ប្រដាល់​ថា ៖«មិន​អី​ទេ បាន​សុំ​បែប​នេះ គ្រូ​ជូន​ពរ​ការងារ​ថ្មី ក្រៅ​ពី​គុន​ខ្មែរ​ជោគជ័យ»។ ការសរសេរ​​បង្ហោះ​ជា​សាធារណៈ​របស់​លោក​គ្រូ រិគី បន្ទាប់​ពី​កីឡាករ ឡុង ពិសិដ្ឋ បាន​សរសេរ​ថា ៖«ខ្ញុំ ឡុង ពិសិដ្ឋ ឈប់​ហាត់​ហើយ»។ ខ្លឹមសារ​ខាង​លើ​ប៉ុណ្ណោះ​ក៏​មិន​ទាន់​អាច​សន្និដ្ឋាន​ថា កីឡាករ​រហស្សនាម«កណ្តុរ​ជ្រែក​ដី» ឡុង ពិសិដ្ឋ ឈប់​ពី​ប្រដាល់​គុន​ខ្មែរ​មែន​ទែន​ដែរ ពី​ព្រោះ​រូប​គេ​នៅ​ក្មេង ហើយ​​​ឈប់​មួយ​រយៈ​ពេល​ក៏​អាចវិល​ត្រឡប់​មក​ប្រដាល់​វិញ​បាន។ ម្យ៉ាង​វិញ​ទៀត រូប​គេ​បាន​ចាក​ចេញ​ពី​ក្លិប​របស់​លោក រិគី ហើយ​ក៏​អាច​ទៅ​ចូល​រួម​ជា​មួយ​​ក្លិប​ផ្សេង​បាន​ដែរ​ក្នុង​លក្ខណ​ដែល​ក្លិប​អនុញ្ញាត​ឲ្យ​​ចាក​ចេញ​ត្រឹម​ត្រូវ និង​មាន​ការ​សម្រប​សម្រួល​ពី​សហព័ន្ធ​កីឡា​ប្រដាល់​គុន​ខ្មែរ។ មុន​ពេល​មាន​អាជីព​ប្រដាល់ល្អ​ប្រសើរ ឡុង ពិសិដ្ឋ ត្រូវ​បាន​គេ​ដឹង​​ពី​​ការ​ខិត​ខំ​ប្រឹង​ប្រែង​គ្រប់​បែប​យ៉ាង​ដើម្បី​ទទួល​បាន​ឱកាស​ប្រកួត​ក្នុង​កម្មវិធី​ធំ។ កីឡាករ​ដែល​មានឈ្មោះ​ពិត ផុន ពិសិដ្ឋ ត្រូវ​បាន​បណ្តុះ​បណ្តាល​ដោយអ្នក​ស្រី ឡុង រ៉ាវី

ភាគហ៊ុននៅក្នុងក្រុមហ៊ុន Puma បានកើនឡើង 10% កាលពីថ្ងៃពុធ ក្រោយប្រព័ន្ធផ្សព្វផ្សាយបាន របាយការណ៍ ថាភាគីវិនិយោគថ្មីដ៏មានសក្តានុពលត្រៀមនឹងមកកាន់កាប់បន្តក្រុមហ៊ុនផលិតសម្លៀកបំពាក់កីឡាអាល្លឺម៉ង់។ ទស្សនាវដ្តីManagerរបស់ប្រទេសអាឡឺម៉ង់បានរាយការណ៍ថាអ្នកវិនិយោគពីរនាក់បានត្រៀមខ្លួនរួចរាល់ហើយដើម្បីយកភាគហ៊ុន 29% ដែលកាន់កាប់ដោយគ្រួសារមហាសេដ្ឋីបារាំង Pinault។ យោងតាមទស្សនាវដ្តីខាងលើCEOរបស់ក្រុមហ៊ុន Authentic Brands លោក Jamie Salter និងប្រធានក្រុមហ៊ុន CVC ជនជាតិអាឡឺម៉ង់លោក Alex Dibelius គឺជាភាគីដែលចាប់អារម្មណ៍ទិញយកហ៊ុនរបស់Puma។ ទាំង Puma និង CVC បានបដិសេធមិនធ្វើអត្ថាធិប្បាយលើរបាយការណ៍នេះទេ។ ទាំងក្រុមហ៊ុន Authentic Brands ឬអ្នកនាំពាក្យរបស់ Artemis ដែលជាកម្មសិទ្ធិរបស់គ្រួសារ Pinaultមិនបានឆ្លើយតបនឹងសំណើរបស់ Reuters សម្រាប់ការធ្វើអត្ថាធិប្បាយទេ។ ប្រភពជិតស្និទ្ធនឹងក្រុមហ៊ុន Artemis បានប្រាប់រ៉យទ័រកាលពីសប្តាហ៍មុនថាខ្លួននឹងមិនលក់ភាគហ៊ុនរបស់ខ្លួននៅក្នុងក្រុមហ៊ុន Puma តាមតម្លៃទីផ្សារបច្ចុប្បន្នទេ ហើយមិនត្រូវបានចូលរួមនៅក្នុងការពិភាក្សាលើកិច្ចព្រមព្រៀងណាមួយឡើយ។ ប៉ុន្តែនៅក្នុងខែសីហាសារព័ត៌មាន Bloomberg បានរាយការណ៍ថា Artemis កំពុងបង្ហាញអ្នកទិញដ៏មានសក្តានុពលសម្រាប់ភាគហ៊ុន Puma ប្រហែល 960 លានដុល្លារ។ ប្រភព៖ NKDNEWS