October 29, 2025

ក្លឹបយក្សរបស់បារាំង Paris St Germain បានប្រកាសប្រាក់ចំណូលក្នុងរដូវកាល ២០២៤-២០២៥ ចំនួន ៨៣៧ លានអឺរ៉ូ (៩៧៦,១១ លានដុល្លារ) នេះបើតាមម្ចាស់ជើងឯក Champions League បានប្រកាសនៅក្នុងលទ្ធផលហិរញ្ញវត្ថុរបស់ពួកគេកាលពីថ្ងៃអង្គារ។ PSG ដែលជាចំណាត់ថ្នាក់លេខ 3 នៅ Deloitte Football Money League ក្នុងខែមករា បានយកឈ្នះលើប្រាក់ចំណូលពីមុនរបស់ពួកគេដែលមានចំនួន ៨០៦ លានអឺរ៉ូ។ ក្លឹបជើងឯក Ligue 1 រកបានចំណូលពីពាណិជ្ជកម្មចំនួន ៣៦៧ លានអឺរ៉ូ និង ១៧៥ លានអឺរ៉ូពីប្រាក់ចំណូលប្រចាំថ្ងៃ ។ រដូវកាល ២០២៤-២០២៥ គឺជារដូវកាលមួយកត់ត្រាក្នុងសៀវភៅប្រវត្តិសាស្ត្រ ខណៈដែល PSG បានឈ្នះជើងឯក Champions League ជាលើកដំបូងរបស់ពួកគេ បូករួមទាំងគ្រងជើងឯក Ligue 1, French Cup និង Trophee des Champions […]

ថ្នាក់ដឹកនាំក្លិបអ្នកមានបុណ្យ FC Barcelona បានជួបប្រជុំជាមួយភ្នាក់ងាររបស់កីឡាករ Lamine Yamal លោក ​​Jorge Mendes ដើម្បីកំណត់លក្ខខណ្ឌមួយចំនួនអំពីជីវិតឯកជនរបស់ខ្សែប្រយុទ្ធវ័យ ១៨ ឆ្នាំសញ្ជាតិ អេស្ប៉ាញ រូបនេះ ក្រោយចាញ់ក្នុងការប្រកួត Clasico ទល់នឹងក្រុម Real Madrid។ កាលពីថ្ងៃ អាទិត្យ ទី ២៦ ខែ តុលា ឆ្នាំ ២០២៥ កន្លងទៅ ក្រុម Barcelona បានបរាជ័យក្រោមថ្វីជើងក្រុម Real Madrid នៅកីឡដ្ឋាន Santiago Bernabeu ក្នុងលទ្ធផល ២ ទល់នឹង ១ ដែលជាការប្រកួតសប្តាហ៍ទី ១០ នៃក្របខណ្ឌ La Liga របស់ អេស្ប៉ាញ។   ចំពោះការប្រកួតនោះ ខ្សែប្រយុទ្ធស្លាបម្ចាស់អាវលេខ ១០ Lamine Yamal ធ្វើពុំសូវបានល្អនោះទេ ដោយរូបគេមិនបានស៊ុតចូល

ក្រុម​បាល់ទាត់​កម្ពុជា ភ្នំពេញ​ក្រោន បាន​ឡើង​ឈរ​លើ​កំពូល​តារាង​ពូល E បន្ទាប់​ពី​បាន​យក​ឈ្នះ​ក្រុម​មីយ៉ាន់ម៉ា Shan United ដោយ​លទ្ធផល ៣-១ សម្រាប់​ការ​ប្រកួត​សន្សំពិន្ទុ លើក​ទី​២ ពាន​រង្វាន់ AFC Challenge League នៅ​ថ្ងៃ​ទី​២៩ ខែ​តុលា ឆ្នាំ ២០២៥។ ការ​ប្រកួត​ទាំង​វគ្គ​ទី១ និង​វគ្គ​ទី២ ភ្នំពេញ​ក្រោន បាន​គ្រប់​គ្រង​ស្ទើរ​ទាំង​ស្រុង​ ប្រៀប​ដូច​ជា​បត់​តារាង​លេង​ទៅ​ហើយ ប៉ុន្តែ​គ្រាប់​បាល់​រក​បាន​មុខ​ដោយ​ក្រុម Shan United ដោយ​កីឡាករ Myat Kaung Khant នៅ​នាទី​ទី១។ បន្ទាប់ពី​ដៃ​គូ​នាំ ភ្នំពេញ​ក្រោន បាន​ព្យាយាម​ដាក់​យ៉ាង​ខ្លាំង តែមិន​អាច​រក​បាន​គ្រាប់​បាល់​ឡើយ។ នៅ​វគ្គ​ទី​២ ភ្នំពេញ​ក្រោន រក​បាន ៣ គ្រាប់ ដោយ​កីឡាករ Moses Dyer ស៊ុត​ចូល ២ គ្រាប់ និង​កីឡាករ Makerlo Tellez ស៊ុត​ចូល១គ្រាប់។   តាម​រយៈ​ជ័យជម្នះ​នេះ ភ្នំពេញ​ក្រោន មាន

កីឡាករថ្នាល Iago Silva កូនប្រុស Thiago Silva អតីតខ្សែការពារក្រុមកីឡាបាល់ទាត់ជម្រើសជាតិប្រេស៊ីល បានសម្រេចចិត្តជ្រើសចូលរួមក្រុមអាយុក្រោម ១៥ឆ្នាំ U15 របស់អង់គ្លេស បើទោះឪពុករបស់គេបង្ហាញខ្លួនឱ្យប្រេស៊ីល ១១៣លើក។ នៅពេលអនាគតកូនប្រុសរបស់សមាជិកក្រុម  Fluminense ក៏នឹងអាចចូលលេងនៅក្រុមឈុតធំអង់គ្លេសផងដែរ។ យុវជន Iago Silva ត្រូវបានក្រុមអង់គ្លេសអាយុក្រោម ១៥ឆ្នាំ កោះហៅឱ្យចូលរួមក្រុម ក្រោយការដឹកនាំរបស់លោក Kevin Betsy។ ​មិនត្រឹមតែប៉ុណ្ណោះ កូនប្រុសរបស់ខ្សែការពារវ័យ ៤១ឆ្នាំ បានសម្រេចចិត្តតាមបំណងខ្លួន ខុសពីឪពុកខ្លួន ដែលតែងតែបង្ហាញខ្លួនជាមួយក្រុមជម្រើសជាតិប្រេស៊ីល។ អតីតខ្សែការពារក្រុម Chelsea ក៏ជាវីរបុសមួយរូបប្រចាំក្រុមស្ថិតនៅលីគកំពូលអង់គ្លេសនេះផងដែរ ហើយបច្ចុប្បន្នគេក៏កំពុងបន្តអាជីពបាល់ទាត់នៅក្លិប Fluminense ទោះមានវ័យជ្រេទៅហើយក៏ដោយ។ កីឡាករខ្សែការពារជើងចាស់ ធ្លាប់លេងឱ្យក្លិបជាច្រើនរួមមាន Chelsea, Paris Saint Germain, AC Milan ហើយពិសេសនោះគឺការបង្ហាញខ្លួន ១១៣លើក នៅក្រុមជម្រើសជាតិប្រេស៊ីល។ Thiago Silva ក្លាយជាប្រធានក្រុមប្រេស៊ីល ២លើក ចំណោមការបង្ហាញខ្លួននៅព្រឹត្តិការណ៍ World Cup

សហព័ន្ធបាល់ទាត់អន្តរជាតិ (FIFA) បានបើកទទួលពាក្យសុំទិញសំបុត្រទស្សនាការប្រកួតព្រឹត្តិការណ៍ FIFA World Cup ឆ្នាំ២០២៦ ចំនួន ១លានសន្លឹកបន្ថែមទៀត សម្រាប់តែពលរដ្ឋរបស់ប្រទេសម្ចាស់ផ្ទះ ចាប់ពីថ្ងៃទី២៧ ខែតុលាតទៅ​។ FIFA បានបើកលក់សំបុត្រទស្សនាការប្រកួតបាល់ទាត់ពិភពលោក លើទឹកដីអាម៉េរិក កាណាដា និងម៉ិកស៊ិក លើកទី២ បន្ទាប់ពីការលក់សំបុត្រលើកទីមួយ អស់ចំនួនជាង ១,៥លានសន្លឹករួចមក។ FIFA លក់សំបុត្រអស់ជាង ១,៥លានសន្លឹក សម្រាប់អ្នកគាំទ្រដែលបានដាក់ពាក្យទិញ មកពីចំនួន ២១០ប្រទេស ជុំវិញពិភពលោក ដោយប្រើពេលត្រឹមតែ ២៤ម៉ោង ប៉ុណ្ណោះ កាលពីថ្ងៃទី១១ ខែកញ្ញា។ ការលក់សំបុត្រលើកទី២នេះ នឹងធ្វើឡើងចាប់ពីថ្ងៃទី២៧-៣១ ខែតុលា ដោយ FIFA បើកទទួលការដាក់ពាក្យពីពលរដ្ឋដែលមកពីប្រទេសធ្វើម្ចាស់ផ្ទះរៀបចំការប្រកួត។ នៅថ្ងៃទី១២-១៥ ខែវិច្ឆិកា នឹងបើកលក់សម្រាប់អ្នកមានសំណាងពីការចាប់ឆ្នោតរបស់ FIFA ដើម្បីអនុញ្ញាតឱ្យពួកគេអាចទិញសំបុត្រការប្រកួត World Cup លើកទី២នេះបាន។ ពលរដ្ឋទាំងអស់នោះ មានសិទ្ធិត្រឹមតែទិញសំបុត្រទស្សនាការប្រកួតដែលនឹងមាននៅលើទឹកដីពួកគេរៀងៗខ្លួនប៉ុណ្ណោះ។  ទោះជាយ៉ាងណា ពលរដ្ឋម្ចាស់ផ្ទះរៀបចំការប្រកួត មានសិទ្ធិទិញសំបុត្រតែ​ ១សន្លឹក ប៉ុណ្ណោះក្នុងម្នាក់ ហើយសម្រាប់តែការប្រកួតធ្វើឡើងក្នុងស្រុករបស់ពួកគេ។