គ្រូម៉ាឡេស៊ី ទំនងលាលែងពីតំណែង ដោយសារ FAM រងទណ្ឌកម្មធ្ងន់ធ្ងរពី FIFA
លោក Peter Cklamovski អាចនឹងលាលែងពីតំណែងគ្រូបង្វឹកក្រុមកីឡាបាល់ទាត់ជម្រើសជាតិម៉ាឡេស៊ីឆាប់ៗ បន្ទាប់ពីសហព័ន្ធបាល់ទាត់ម៉ាឡេស៊ី(FAM) រងទណ្ឌកម្មពីសំណាក់សហព័ន្ធបាល់ទាត់អន្តរជាតិ(FIFA) លើករណីក្លែងបន្លំឯកសារចូលសញ្ជាតិម៉ាឡេស៊ី របស់កីឡាករបរទេស ៧នាក់។ ករណីនេះ ទំនងបង្កការប៉ះពាល់ខ្លាំងដល់ក្រុមបាល់ទាត់ជម្រើសជាតិ់ម៉ាឡេស៊ី ក្នុងការប្រជែងកៅអីទៅការប្រកួតពានរង្វាន់ AFC Asian Cup ឆ្នាំ២០២៧។ លោក Cklamovski ត្រូវបានម៉ាឡេស៊ី តែងតាំងជាគ្រូបង្វឹកកាលពីខែមករា ជាមួយចក្ខុវិស័យធំគឺការប្រជែងកៅអីសម្រាប់ការប្រកួត AFC Asian Cup ឆ្នាំ ២០២៧។ យ៉ាងណាមិញ ប្រព័ន្ធផ្សព្វផ្សាយម៉ាឡេស៊ី រាយការណ៍ថា ការចែកផ្លូវពីសំណាក់គ្រូបង្វឹកសញ្ជាតិអូស្ត្រាលី គឺមានភាគរយខ្ពស់ខ្លាំងនៅពេលនេះ។ បើសិនជាមានការចែកផ្លូវរវាងក្រុមម៉ាឡេស៊ី និងគ្រូវ័យ ៤៧ឆ្នាំ មែន អាចបណ្តាលមកពីលោកបាត់បង់កីឡាករសំខាន់ដែលអាចជួយលោកសម្រេចគោលដៅ ដែលធ្លាប់បានសន្យាជាមួយនឹង FAM។ រឿងដែលអាចចងជើងបុរសសញ្ជាតិអូស្ត្រាលីឱ្យបន្តដឹកនាំក្រុមបាន ទាល់តែមានកីឡាករទៅតាមអ្វីដែលអតីតគ្រូបង្វឹកក្រុម FC Tokyo រូបនេះចង់បានសម្រាប់ការប្រកួតប្រជែង។ ប្រព័ន្ធផ្សព្វផ្សាយម៉ាឡេស៊ី បង្ហាញក្តីរំពឹង និងបន់ស្រន់កុំឱ្យគ្រូបង្វឹកខ្លាំងរូបនេះ ចាកចេញពីក្រុមអំឡុងពេលក្រុមជួបបញ្ហាធំបែបនេះ។ បន្ទាប់ពីឃើញប្រព័ន្ធផ្សព្វផ្សាយក្នុងស្រុកបង្ហោះរឿងរ៉ាវព្រោងព្រាត លើកឡើងអំពីខ្លួនបែបនេះ លោក Cklamovski បានចេញមុខប្រកាសអះអាងថា លោកនឹងផ្តោតលើការងារដែលមានបច្ចុប្បន្នជាមួយក្រុមជម្រើសជាតិ។ បុរសសញ្ជាតិអូស្ត្រាលី មិនបានបញ្ជាក់អ្វីលើសពីនេះ […]
គ្រូម៉ាឡេស៊ី ទំនងលាលែងពីតំណែង ដោយសារ FAM រងទណ្ឌកម្មធ្ងន់ធ្ងរពី FIFA Read More »





