January 13, 2026

ក្លិប Manchester United ត្រៀមប្រកាសគ្រូបង្វឹកបណ្តោះអាសន្នថ្មីក្នុងពេលឆាប់ៗ ខណៈពេលនេះលោក Michael Carrick កំពុងក្លាយជាបេក្ខភាពឈានមុខគេ ក្នុងការមកដឹកនាំក្រុមបិសាចក្រហមជាងលោក Ole Gunnar Solskjaer។ Man United បានតែងតាំងលោក Darren Fletcher ជាគ្រូបង្វឹកបណ្តោះអាសន្ន បន្ទាប់ពីលោក Ruben Amorim ត្រូវក្លិបបញ្ចប់តំណែង។ លោក Ole Gunnar Solskjaer ត្រូវបានគេរំពឹង ថា នឹងអាចមកដឹកនាំ Man United ក្នុងនាមជាគ្រូបង្វឹកបណ្តោះអាសន្ន ដល់ចប់រដូវកាល ក្រោយលោកបានប្រកាសចង់ត្រឡប់មក Old Trafford វិញ និងបានពិភាក្សារួចរាល់ជាមួយថ្នាក់លើក្លិប។ ទោះបីជាយ៉ាងណា យោងតាមព័ត៌មានចុងក្រោយពីអ្នកកាសែត អ៉ីតាលី លោក Fabrizio Romano បានឱ្យដឹងថា ក្លិប Man United ពេញចិត្តអតីតខ្សែបម្រើលោក Michael Carrick មកធ្វើជាគ្រូបង្វឹកបណ្តោះអាសន្នថ្មីរបស់ខ្លួន បន្ទាប់ពីក្លិបបានធ្វើការចរចាជាមួយគ្រូបង្វឹកទាំង ២ នាក់។ […]

ក្លិបអធិរាជស Real Madrid បានប្រកាសតែងតាំងលោក Álvaro Arbeloa ជាគ្រូបង្វឹកថ្មីភ្លាមៗ បន្ទាបពីបញ្ចប់តំណែងលោក Xabi Alonso។ នាយប់រំលងអាធ្រាត្រឈានចូលថ្ងៃទី ១៣ ខែ មករា ឆ្នាំ ២០២៦ (ម៉ោងនៅកម្ពុជា) ក្លិប Real Madrid បានប្រកាសចែកផ្លូវគ្នាជាមួយលោក Xabi Alonso ហើយ បន្ទាប់ពីការប្រកួតចុងក្រោយ លោកដឹកនាំក្រុមចាញ់ក្រុម Barcelona ក្នុងការប្រកួតវគ្គផ្តាច់ព្រ័ត្រពាន Spanish Super Cup ក្នុងលទ្ធផល ៣ ទល់នឹង ២។ ភ្លាម​ៗ​នេះ ក្លិប Real Madrid បានប្រកាសតែងតាំងលោក Álvaro Arbeloa មកធ្វើជាគ្រូបង្វឹកថ្មី ដោយ​​មាន​សុពលភាព ដើម្បីដឹកនាំក្រុមរហូតដល់បញ្ចប់រដូវកាល។ បុរសសញ្ជាតិ អេស្ប៉ាញ ៤២ ឆ្នាំរូបនេះ គឺជាអតីតកីឡាកររបស់ Real Madrid ផ្ទាល់តែម្តង។   មុនទទួលបានសេចក្តីទុកចិត្តពីថ្នាក់លើ Real Madrid

អតីតខ្សែប្រយុទ្ធក្រុម ព្រះខ័នរាជស្វាយរៀង និង បឹងកេត លោក ឃួន ឡាបូរ៉ាវី ត្រូវបានកត់ត្រា ជាកីឡាករធ្លាប់មានប្រវត្តិឈ្នះពានស្បែកជើងមាសច្រើនជាងគេបំផុតក្នុងពានរង្វាន់សម្តេចអគ្គមហាសេនាបតីតេជោ ហ៊ុន សែន។ ការប្រកួតពានរង្វាន់ពានសម្តេចតេជោថ្នាក់ជាតិ បានរៀបចំឡើងចំនួន ១៨ លើកហើយ ខណៈនៅរដូវកាល ២០២៥-២០២៦ គឺជាលើកទី ១៩។ បើក្រឡេកមើលអំពីសមាសភាពកីឡាករ ធ្លាប់មានប្រវត្តិឈ្នះពានស្បែកជើងមាសច្រើនជាងគេបំផុត គឺលោកឃួន ឡាបូរ៉ាវី ​បាន​ឈ្នះចំនួន ៤ លើក។ លោក ឃួន ឡាបូរ៉ាវី ឈ្នះដំបូងនៅឆ្នាំ ២០១១ អំឡុងពេលលេងឱ្យក្រុម ព្រះខ័នរាជស្វាយរៀង ដោយពេលនោះរកបាន ២២ គ្រាប់។ នៅ​ឆ្នាំ ២០១២ ជាពេលនោះកំពុងលេងឱ្យ ព្រះខ័នរាជស្វាយរៀង ដដែល លោកបានឈ្នះ ១ លើក​ទៀត បន្ទាប់ពីរកបាន ២២ គ្រាប់។ លុះចូលរួមជាមួយ បឹងកេត លោកបានសាងកំណត់ត្រាឈ្នះស្បែកជើងមាស ២ លើកទៀត គឺនៅឆ្នាំ ២០១៤ រកបាន