January 15, 2026

សហព័ន្ធបាល់ទាត់ពិភពលោក (FIFA) បាននិយាយកាលពីថ្ងៃអង្គារថា ខ្លួនបានទទួលសំណើសុំទិញសំបុត្រចូលទស្សនាការប្រកួត World Cup ឆ្នាំ 2026 ច្រើនជាង 500 លាន សន្លឹកក្នុងអំឡុងពេលបើកទទួលពាក្យសុំរយៈពេល 33 ថ្ងៃ ដែលបានបិទបញ្ចប់នៅសប្ដាហ៍នេះ ហើយបានចាត់ទុកវាថា ជាជោគជ័យធំមួយក្នុងប្រវត្តិសាស្ត្រកីឡាបាល់ទាត់ពិភពលោក។ ការប្រកួតនេះ នឹងត្រូវធ្វើឡើងដោយសហការជាម្ចាស់ផ្ទះរវាង សហរដ្ឋអាមេរិក ម៉ិកស៊ិក និងកាណាដា ហើយនឹងមានក្រុមចូលរួមចំនួន 48 ក្រុម ជាលើកដំបូង។ តាមសេចក្តីថ្លែងការណ៍របស់ FIFA បានឲ្យដឹងថា មានអ្នកគាំទ្រពីប្រទេស និងដែនដីសមាជិក FIFA ទាំង 211 ទូទាំងពិភពលោក បានដាក់ពាក្យសុំទិញសំបុត្រ។ FIFA បានបញ្ជាក់ថា ពាក្យសុំទិញសំបុត្រនីមួយៗ ត្រូវបានផ្ទៀងផ្ទាត់តាមទិន្នន័យកាតឥណទានតែមួយគត់ ដោយអ្នកគាំទ្របានដាក់សំណើសុំសំបុត្រជាមធ្យមប្រហែល 15 លាន សំបុត្រ ក្នុងមួយថ្ងៃ។ ក្រៅពីប្រទេសម្ចាស់ផ្ទះទាំងបី ចំនួនពាក្យសុំច្រើនបំផុត បានមកពីប្រទេស អាល្លឺម៉ង់ អង់គ្លេស ប្រេស៊ីល អេស្ប៉ាញ ព័រទុយហ្គាល់ អាហ្សង់ទីន និងកូឡុំប៊ី។ […]

អ្នកចាំទីYassine Bounou បានសង្គ្រោះបាល់ប៉េណាល់ទីចំនួនពីរ ហើយ កីឡាករ Youssef En-Nesyri បានស៊ុតបាល់បញ្ចូលទីបានសម្រេច ខណៈដែលម្ចាស់ផ្ទះម៉ារ៉ុកបានទទួលជ័យជម្នះក្នុងលទ្ធផល 4-2 លើក្រុមនីហ្សេរីយ៉ាដោយការស៊ុតបាល់កាត់សេចក្តី11ម៉ែត្រ បន្ទាប់ពីពួកគេបានបញ្ចប់ក្នុងលទ្ធផលស្មើ 0-0 ក្នុងការប្រកួតវគ្គពាក់កណ្តាលផ្តាច់ព្រ័ត្រ Africa Cup of Nations ក្នុងទីក្រុង Rabat កាលពីថ្ងៃពុធ។ ម៉ារ៉ុក ដែលស្វែងរកជើងឯកទ្វីបអាហ្រ្វិកលើកដំបូងរបស់ពួកគេក្នុងរយៈពេល 50 ឆ្នាំ នឹងត្រូវប្រឈមមុខនឹងក្រុមម្ចាស់ជើងឯកឆ្នាំ 2021 សេណេហ្គាល់ ក្នុងការប្រកួតវគ្គផ្តាច់ព័្រត្រនៅថ្ងៃអាទិត្យក្នុងទីក្រុង Rabat ខណៈដែលនីហ្សេរីយ៉ាត្រូវជួបអេហ្ស៊ីបក្នុងការប្រកួតយកចំណាត់ថ្នាក់លេខ 3 មួយថ្ងៃមុន។ ម្ចាស់ផ្ទះនៅសល់មួយជំហានទៀតដើម្បីឈ្នះជើងឯកទ្វីបអាហ្រិ្វកលើកទីមួយបើគិតចាប់តាំងពីឆ្នាំ 1976 ប៉ុន្តែការប្រកួតប្រជែងដ៏ធំបំផុតរបស់ពួកគេកំពុងរង់ចាំក្រុមសេណេហ្គាល់ដែលមានទម្រង់លេងដ៏គួរឱ្យចាប់អារម្មណ៍ដោយបានយកឈ្នះអេហ្ស៊ីប 1-0 ក្នុងវគ្គពាក់កណ្តាលផ្តាច់ព្រ័ត្រនៅទីក្រុង Tangier កាលពីថ្ងៃពុធ។ ឥឡូវនេះ ម៉ារ៉ុក មិនស្គាល់ចាញ់សោះក្នុងចំណោម 26 ប្រកួតចុងក្រោយរបស់ពួកគេ។ អស់រយៈពេលជាងមួយទសវត្សរ៍មកហើយ ស្តេច Mohammed VI បានចំណាយប្រាក់ដ៏ច្រើនសន្ធឹកសន្ធាប់ទៅក្នុងវិស័យបាល់ទាត់ម៉ារ៉ុក ដោយប្រើវាជាឧបករណ៍សម្រាប់ការផ្លាស់ប្តូរវប្បធម៌ និងសង្គម។ ពួកគេបានធ្វើឱ្យពិភពលោកចាប់អារម្មណ៍ដោយក្លាយជាប្រទេសអាហ្វ្រិកដំបូងគេដែលឈានដល់វគ្គពាក់កណ្តាលផ្តាច់ព្រ័ត្រ World Cup

ការប្រកួតជើងឯកអាស៊ីក្រោមអាយុ ២៣ឆ្នាំ AFC U23 Asian Cup ឆ្នាំ ២០២៦ ដែលអារ៉ាប៊ីសាអូឌីតធ្វើម្ចាស់ផ្ទះ បានបញ្ចប់វគ្គចែកពូលហើយ។ ក្នុងចំណោម៨ក្រុម វៀតណាមជាក្រុមតែមួយគត់ពីអាស៊ីអាគ្នេយ៍ បានកៅអីឡើងវគ្គ ១/៤ផ្តាច់ព្រ័ត្រ ដោយត្រូវតទល់អេមីរ៉ាតអារ៉ាប់រួម។ U23 វៀតណាម បានបង្កើតភាពភ្ញាក់ផ្អើលក្នុងការប្រកួតសន្សំពិន្ទុពូល A ដោយបីប្រកួតឈ្នះទាំងបី មាន៩ពិន្ទុពេញ។ ក្រុមដែលដឹកនាំដោយគ្រូបង្វឹកកូរ៉េខាងត្បូង Kim Sang-sik បានយកឈ្នះក្រុមខ្លាំងៗដូចជា ហ៊្សកដានី ២-០, ឈ្នះ កៀហ្ស៊ីស៊ីស្ថាន ២-១ និង ឈ្នះម្ចាស់ផ្ទះអារ៉ាប៊ីសាអូឌីត ១-០។ ជ័យជម្នះនេះបានជួយវៀតណាម ឡើងទៅវគ្គ៨ក្រុមចុងក្រោយ ជាមួយកំណត់ត្រាល្អបំផុតមិនធ្លាប់មាន ស្រពពេលថៃ ធ្លាក់ត្រឹមវគ្គចែកពូល ដោយបញ្ចប់ចំណាត់ថ្នាក់បាតតារាងពូល D។ ក្នុងចំណោម ៤ពូលនៃវគ្គសន្សំពិន្ទុ មានតែវៀតណាម និងម្ចាស់ការពារតំណែងជើងឯកជប៉ុនប៉ុណ្ណោះ ដែលឈ្នះទាំងបីប្រកួតដូចគ្នា។ ជប៉ុន ដែលឈរកំពូលតារាងពូល B បានយកឈ្នះ អេមីរ៉ាតអារ៉ាប់រួម ស៊ីរី និងកាតា។ ពូល A វៀតណាម

រដ្ឋាភិបាលប្រទេសហ្កាបុង ប្រែចិត្តកោះហៅ​កីឡាករ Pierre Americk Aubameyang និង Bruno Ecuele Manga ឱ្យត្រឡប់ចូលក្រុមបាល់ទាត់ជម្រើសជាតិវិញ បន្ទាប់ពួកគេត្រូវដកឈ្មោះចេញ ដោយសារក្រុមធ្លាក់ចេញពី Africa Cup of Nations (AFCON)។ ចំណែកក្រុមគ្រូបង្វឹកក្រុមហ្កាបុងដែលត្រូវបានបញ្ចប់តំណែង មិនត្រូវបានលើកលែងឡើយ។ Aubameyang និង Manga ត្រូវបានរដ្ឋាភិបាលហ្កាបុងបណ្តេញចេញពីក្រុមជម្រើសជាតិ ខណៈក្រុមគ្រូបង្វឹកទាំងអស់ ក្នុងនោះគ្រូបង្គោលលោក Thierry Mouyouma ត្រូវបានបញ្ចប់តំណែង កាលពីថ្ងៃទី១ ខែមករា ឆ្នាំ ២០២៦។ ចំណែកក្រុមជម្រើសជាតិទាំងមូល ក៏ត្រូវបានរំសាយចោល ព្រោះតែការធ្លាក់ចេញពីពាន AFCON ដោយងាយស្រួលពេក។ ហ្កាបុងជាក្រុមទីពីរប្រចាំព្រឹត្តិការណ៍ AFCON ដែលបានធ្លាក់ត្រឹមវគ្គចែកពូល ក្រោយចាញ់ទាំង៣ប្រកួតនៅពូល B ពោល ចាញ់កាមេរូន និង ម៉ូសំប៊ិក លទ្ធផល ១-០ និងចាញ់កូតឌឺវ័រ ៣-២។ ក្រុមធ្លាក់ពីការប្រកួតភ្លាម Aubameyang ត្រឡប់ទៅក្លិប Olympique de