(បរទេស)៖ កីឡការិនីអង់គ្លេស Lucy Bronze និង Lamine Yamal របស់អេស្ប៉ាញ បានស្ថិតក្នុងបញ្ជីកីឡាករ ១១នាក់ល្អបំផុតប្រចាំឆ្នាំ២០២៥ (Fifpro World XI)។ នេះបើយោងតាមការចេញផ្សាយដោយ BBC។
នេះក៏ជាលើកទី៨ សម្រាប់ខ្សែការពារមកពីក្លឹបតោខៀវ Chelsea ដែលបានជាប់ក្នុងបញ្ជី ១១នាក់ល្អបំផុត និងក្នុងចំណោម ៦នាក់របស់កីឡាការិនីអង់គ្លេសផងដែរសម្រាប់ឆ្នាំ២០២៥ នេះ ក្នុងចំណោម ១១នាក់ល្អបំផុតលើលោក។
សម្រាប់ផ្នែកបុរសវិញ ខ្សែប្រយុទ្ធ Lamine Yamal មកពីក្លឹប FC Barcelona បានបំបែកប្រវត្តិសាស្រ្តថ្មី ក្នុងនាមកីឡាករក្មេងជាងគេ ដែលមានឈ្មោះ ក្នុងចំណោម ១១នាក់បំផុតប្រចាំឆ្នាំ២០២៥ Men’s World XI។
ស្ថិតក្នុងវ័យ ១៨ឆ្នាំ Yamal ក៏បានបែកកំណត់ត្រាចាស់របស់ Kylian Mbappe នៅឆ្នាំ២០១៨ នៅពេលខ្សែប្រយុទ្ធបារាំងរូបនេះ បានជាប់ឈ្មោះក្នុងជម្រើស ១១នាក់ល្អបំផុតកាលពីគេមានវ័យ ១៩ឆ្នាំ។
ខាងក្រោមនេះ ជាជម្រើស ១១នាក់ល្អបំផុតប្រចាំឆ្នាំ២០២៥ ផ្នែកបុរស៖
ចាំទី៖ Gianluigi Donnarumma។
ការពារ៖ Virgil van Dijk, Achraf Hakimi, Nuno Mendes។
បម្រើ៖ Jude Bellingham, Cole Palmer, Pedri និង Vitinha។
ប្រយុទ្ធ៖ Ousamne Dembele, Kylian Mbappe និង Lamine Yamal៕
ប្រភព៖FRESHNEWS
