Manchester United អាចបាត់ឱកាសរបស់ Liverpool ក្នុងការចុះហត្ថលេខាទិញ Alexander Isak។កីឡាករជនជាតិស៊ុយអែត Alexander Isak បានជូនដំណឹងដល់ក្លឹប Newcastle ថាគាត់ចង់ស្វែងរកជម្រើសថ្មីនៅរដូវក្តៅនេះ។ ដូច្នេះហើយ គាត់មិនត្រូវបានបញ្ចូលក្នុងបញ្ជីអ្នកលេងរបស់គ្រូបង្វឹក Eddie Howe សម្រាប់ការធ្វើដំណើរប្រកួតមុនបើករដូវកាលនៅសិង្ហបុរីឡើយ។
នៅពេលដែលត្រូវសួរអំពីអនាគតរបស់ Isak លោក Howe បាននិយាយនៅថ្ងៃអាទិត្យថា៖
“ជាក់ស្តែង មានរឿងកំពុងកើតឡើងពីក្រោយឆាក។ ការសន្ទនារវាង Alex និងយើង ក៏ដូចជារវាងគាត់ និងក្លឹប នឹងនៅសម្ងាត់។គាត់គឺជាកីឡាករដែលមានប្រជាប្រិយភាពយ៉ាងខ្លាំងនៅក្នុងបន្ទប់ផ្លាស់ខោអាវ ហើយយើងចង់ឲ្យគាត់បន្តដំណើររបស់គាត់ជាមួយ Newcastle។ មិនមានការចរចាពីកិច្ចសន្យាថ្មីណាមួយឡើយ នោះអាចនឹងកើតមាននៅពេលក្រោយ។ខ្ញុំជឿថាគាត់នឹងនៅបន្ត។ តែនេះគឺជាបាល់ទាត់ គ្មាននរណាដឹងទេថាអនាគតនឹងនាំអ្វីមក។”
Isak នៅសល់កុងត្រារយៈពេល 3 ឆ្នាំទៀតនៅក្លឹប ហើយបើតាម Sky Sports ក្លឹប Newcastle បានដាក់តម្លៃខ្សែប្រយុទ្ធរូបនេះប្រហែល 150 ផោន។Liverpool ស្ថិតក្នុងចំណោមក្លឹបដែលត្រូវបានគេនិយាយថាមានការចាប់អារម្មណ៍ បើទោះបីជាហង្សក្រហមបានចុះហត្ថលេខាជាមួយ Hugo Ekitike កាលពីដើមរដូវក្ដៅនេះក៏ដោយ។ទោះជាយ៉ាងណាការតាមប្រមាញ់កីឡាករ Isak របស់ក្លឹប Merseyside អាចនឹងត្រូវបានលុបចោលប្រសិនបើ Newcastle មិនអាចរកអ្នកជំនួសបាន។
កីឡាករប្រយុទ្ធ Benjamin Sesko របស់ RB Leipzig គឺជាកីឡាករម្នាក់ដែល Newcastle ត្រូវបានគេនិយាយថាចាប់អារម្មណ៍—ប៉ុន្តែ Sesko ក៏ទទួលបានការចាប់អារម្មណ៍ពី Manchester United ផងដែរ។
អ្នកកាសែត Florian Plettenberg របស់ Sky Sports Germany បានសរសេរនៅលើ X (Twitter) ថា៖បច្ចុប្បន្ន Manchester United និង Newcastle កំពុងពិភាក្សាជាមួយអ្នកគ្រប់គ្រងរបស់ Benjamin Sesko ។
ក្រុមទាំងពីរបានដាក់សំណើគម្រោង និងផ្នែកហិរញ្ញវត្ថុរបស់ពួកគេ។”ការសម្រេចចិត្តឥឡូវនេះស្ថិតនៅលើកីឡាករនិងក្រុមការងាររបស់គាត់។សំណើផ្លូវការត្រូវបានរំពឹងថានឹងដាក់ជូនក្រុម RB Leipzig បន្ទាប់ពីមានកិច្ចព្រមព្រៀងផ្ទាល់ខ្លួន ក្លឹប Newcastle កំពុងដាក់សម្ពាធយ៉ាងខ្លាំង។
ប្រភព៖ football
ប្រែសម្រួលដោយ: 855starsport
