កីឡាករ Kwame Peprah រកបាន ៦ គ្រាប់ ស្មើនឹងមិត្តរួមក្រុម Patrick De Souza ដែលរកបាន ៦ គ្រាប់ដែរ ប៉ុន្តែខ្សែប្រយុទ្ធសញ្ជាតិហ្គាណាបានបញ្ជូនបាល់ឲ្យមិត្តរួមក្រុមរកបានគ្រាប់បាល់ច្រើនជាង។ ដូច្នេះកីឡាករលំដាប់លេខ ១ និង លេខ ២ សុទ្ធតែជាខ្សែប្រយុទ្ធរបស់ ព្រះខ័នរាជស្វាយរៀង។
ចំណែកឈរលេខ ៣ និងលេខ ៤ កីឡាករ Junior Eduardo (៥គ្រាប់) និង Kurita Mark Adjei (៤គ្រាប់) របស់ អង្គរថាយហ្គឺរ ហើយកីឡាករ Maksym Friadun របស់ភ្នំពេញក្រោន រកបាន ៤ គ្រាប់ និង Minagawa Yusuke របស់ ណាហ្គាវើលដ៍ រកបាន ៤គ្រាប់។ ក្រៅពីនេះ ក៏មានកីឡាករ ៤ នាក់ទៀតដែលរកបាន ៣ គ្រាប់ដូចគ្នា។
កីឡាករ Kwame Peprah ឈ្នះពានកីឡាករល្អប្រចាំការប្រកួត ២ លើកគឺលើកទី១ ពេលឈ្នះ បឹងកេត ៣-០ និងលើកទី២ ពេល ឈ្នះ វិសាខា ២-០ ព្រមទាំងឈ្នះពានកីឡាករល្អបំផុតប្រចាំខែ ១ លើក កាលពីខែសីហា។
ខាងក្រោមជាស្ថិតិរបស់កីឡាករ Kwame Peprah
ការរកគ្រាប់បាល់
- រកបាន ១ គ្រាប់ ពេល ព្រះខ័នរាជស្វាយរៀង ចាញ់ ភ្នំពេញក្រោន ២-៣
- រកបាន ១ គ្រាប់ ពេល ព្រះខ័នរាជស្វាយរៀង ឈ្នះ ឡាយហ្វ ព្រះសីហនុ ៦-១
- រកបាន ១ គ្រាប់ ពេល ព្រះខ័នរាជស្វាយរៀង ឈ្នះ វិសាខា ២-០
- រកបាន ២ គ្រាប់ ពេល ព្រះខ័នរាជស្វាយរៀង ឈ្នះ បឹងកេត ៣-០
- រកបាន ១ គ្រាប់ ពេល ព្រះខ័នរាជស្វាយរៀង ឈ្នះ អង្គរថាយហ្គឺរ ៣-០
ការបញ្ជូនបាល់
- បញ្ជូនបាល់ ១ លើក (Assist) ឲ្យ Patrick ស៊ុតចូល ពេល ព្រះខ័នរាជស្វាយរៀង ឈ្នះ ឡាយហ្វ ព្រះសីហនុ ៦-១
- បញ្ជូនបាល់ ១ លើក ឲ្យ Odawara ស៊ុតចូល ពេល ព្រះខ័នរាជស្វាយរៀង ឈ្នះ វិសាខា ២-០
- បញ្ជូនបាល់ ១ លើក ឲ្យ Patrick ស៊ុតចូល ពេល ព្រះខ័នរាជស្វាយរៀង ឈ្នះ ណាហ្គាវើលដ៍ ៣-០
ប្រភព៖ KAMPUCHEATHMEY
