Admin

ភ្នំពេញក្រោន បានយកឈ្នះ លើបឹងកេត លទ្ធផល១-០ ក្នុងការប្រកួតសប្ដាហ៍ទី១៣ នៃពានរង្វាន់ Cambodian Premier League នាថ្ងៃទី២២ ខែធ្នូ ឆ្នាំ២០២៥។ សំឡេងស្រែកហ៊ោគាំទ្រ និងស្មារតីចង់ឈ្នះរបស់កីឡាករទាំង២ក្រុម ធ្វើឲ្យការប្រកួតនៅកីឡដ្ឋានភ្នំពេញក្រោន ឡើងកម្តៅ។ Cambodian Classic Match គឺជាការប្រកួតដ៏ក្ដៅគគុករវាងភ្នំពេញក្រោន និងបឹងកេត នៅកីឡដ្ឋានភ្នំពេញក្រោន។ ស្មៅដ៏ស្រស់ស្អាត កាន់តែអំណោយផលដល់ការលេងរបស់ក្រុមទាំង២។ ការប្រកួត ដែលវាយបកគ្នាទៅវិញទៅមកលឿនៗ បង្ហាញពីកម្ដៅ និង ស្មារតីចង់ឈ្នះ ក្នុងការដណ្ដើមយក ៣ពិន្ទុ រៀងៗខ្លួន។ នៅនាទី១៧ Louis Zabala របស់បឹងកេត ប៉ះទង្គិចជាមួយ Park Yi Young ខ្សែការពារភ្នំពេញក្រោន ប៉ុន្ដែត្រូវបានអាជ្ញាកណ្ដាល រួមទាំងកីឡាករទាំង២ក្រុម បានសម្រួលស្ថានភាពឡើងវិញ។ ចូលដល់នាទី២០ កីឡាករ Cyrus Dehmie ខ្សែប្រយុទ្ធបឹងកេត ទទួលបានកាតលឿងមួយ បន្ទាប់ពីយកដៃទៅរំខានអ្នកចាំទីភ្នំពេញក្រោន។ ក្រុមទាំង២ ព្យាយាមសម្រុកគ្នាទៅវិញទៅមក ប៉ុន្ដែឆ្លងមិនផុតពីខ្សែការពារឡើយ។ ក្នុងការប្រកួតនេះ […]

(អាហ្វ្រិក)៖ ពានរង្វាន់ប្រចាំទ្វីបអាហ្វ្រិក Africa Cup of Nations នឹងត្រូវបានរៀបចំឡើងរៀងរាល់ ៤ឆ្នាំម្តងវិញ ដែលគ្រោងចាប់ផ្តើមពីឆ្នាំ២០២៨ តទៅ ដែលជាការផ្លាស់ប្តូរដ៏សំខាន់មួយនៃជើងឯកទ្វីបអាហ្វ្រិកនេះ ដែលតែងតែលេងក្នុងរយៈពេល ២ឆ្នាំម្តង នេះបើយោងតាមការប្រកាសរបស់ប្រធានបាល់ទាត់អាហ្វ្រិកលោក Patrice Motsepe កាលពីថ្ងៃសៅរ៍។ ប្រធានសហព័ន្ធបាល់ទាត់អាហ្វ្រិក (CAF) បានបង្ហាញការផ្លាស់ប្តូរនេះថា គឺជាផ្នែកមួយនៃការរៀបចំរចនាសម្ព័ន្ធឡើងវិញដ៏សំខាន់នៃការប្រកួតអន្តរជាតិនៅទ្វីបអាហ្វ្រិក ដើម្បីជួយឱ្យវាសមទៅនឹងប្រតិទិនជាសកលដ៏មមាញឹកនាពេលបច្ចុប្បន្ននេះ ។ ព្រឹត្តិការណ៍ប្រចាំទ្វីប Afcon តែងតែលេងជារៀងរាល់ ២ឆ្នាំម្តង គឺជាប្រភពចំណូលដ៏សំខាន់សម្រាប់សមាគមជាតិអាហ្វ្រិក ប៉ុន្តែលោក Motsepe បាននិយាយថា ការប្រកួតពាន African Nations League ប្រចាំឆ្នាំ គឺស្រដៀងនឹងពានអឺរ៉ុប Uefa Nations League ។ លោក Motsepe បានប្រាប់អ្នកយកព័ត៌មាននៅទីក្រុង Rabat កាលពីថ្ងៃសៅរ៍ថា «ការផ្តោតដ៏សំខាន់របស់យើងឥឡូវនេះ គឺទៅលើព្រឹត្តិការណ៍ Afcon នេះ ប៉ុន្តែនៅឆ្នាំ២០២៧ នឹងរៀបចំនៅប្រទេសតង់ហ្សានី កេនយ៉ា និងអ៊ូហ្គង់ដា»។ លោកបានបន្តឱ្យដឹងថា ដំណើរការដេញថ្លៃមួយបានកំពុងបើកចំហសម្រាប់ប្រទេសដែលចាប់អារម្មណ៍ក្នុងការធ្វើជាម្ចាស់ផ្ទះព្រឹត្តិការណ៍ Cup

ប្រភេទកីឡាបាល់ទាត់ថៃ ដែលជាម្ចាស់ផ្ទះកីឡាអាស៊ីអាគ្នេយ៍លើកទី៣៣ រងបរាជ័យធ្ងន់ និងអាម៉ាស់ខ្លាំង ដោយរបូតមេដាយមាសគ្រប់វិញ្ញាសា ទាំងបាល់ទាត់បុរស-នារី និងបាល់ទាត់ក្នុងសាលបុរស-នារី​។ នៅវគ្គផ្តាច់ព្រ័ត្រ វៀតណាមក្រសោបបានមេដាយមាស វិញ្ញាសាបុរស ឯបាល់ទាត់នារីបានលើហ្វីលីពីន ស្របពេលបាល់ទាត់ក្នុងសាលបុរស បានលើឥណ្ឌូណេស៊ី និងនារី បានលើវៀតណាម។ ព្រឹត្តិការណ៍កីឡាស៊ីហ្គេមលើកទី៣៣ ដែលពោរពេញទៅដោយរឿងអាស្រូវ ភាពចម្រូងចម្រាស កំហុសបច្ចេកទេស ​ភាពលម្អៀងលើអត្តពលិកម្ចាស់ផ្ទះ នៅក្នុងប្រទេសថៃ បានបិទបញ្ចប់កាលពីថ្ងៃទី២០ ខែធ្នូ។ ពិធីបើកការប្រកួតផ្លូវការ រៀបចំខ្វះមុខខ្វះក្រោយ ចំណែកពិធីបិទវិញ មានសភាពស្ងប់ស្ងាត់ និងសោះកក្រោះ។ កាលពីថ្ងៃបើកការប្រកួតវិញ្ញាសាបាល់ទាត់បុរស ក្រុមជម្រើសជាតិវៀតណាម ឡាវ ត្រូវច្រៀងភ្លេងជាតិដោយខ្លួនឯង ព្រោះតែបញ្ហាបច្ចេកទេសសំឡេងនៅក្នុងកីឡដ្ឋាន Rajamangala។ បញ្ហានោះថៃ សុំទោសវៀតណាម ជាថ្មី ក៏ដូចជាសហព័ន្ធបាល់ទាត់ឡាវ។ លើសពីនេះ អ្នករៀបចំថៃ នៅតែបន្តកំហុសបច្ចេកទេស ជារឿយៗលើរូបភាពទង់ជាតិ នៅពេលផ្សាយផ្ទាល់ការប្រកួតម្តងៗ។ វិញ្ញាសាបាល់ទាត់ក្នុងសាលបុរស ថៃរបូតមេដាយមាសដោយចាញ់ឥណ្ឌូណេស៊ី ក្នុងកីឡដ្ឋាន ​Nonthaburi ជាពេលដែលធ្វើឱ្យថៃជួបរឿងអាម៉ាស់ធំក្នុងប្រវត្តិសាស្ត្របាល់ទាត់ខ្លួន ដោយរបូតមេដាយមាសដល់ទៅ ៤ ក្នុងប្រភេទកីឡាបាល់ទាត់នេះ។ បាល់ទាត់ក្នុងសាលថៃជាក្រុមខ្លាំងកាលពីវគ្គចែកពូល បានផ្តួលម៉ាឡេស៊ី មីយ៉ាន់ម៉ា និងវៀតណាម

កីឡាករ Morgan Rogers បានហៅគ្រូបង្វឹក Unai Emery ថាជា “អ្នកមានទេពកោសល្យ” ប៉ុន្តែការដ៏ស្រស់ស្អាតរបស់ខ្សែប្រយុទ្ធ Aston Villa នៅលើទីលានគឺជាគន្លឹះនៃទម្រង់លេងដ៏ល្អបំផុតរបស់ពួកគេក្នុងរយៈពេលជាងមួយសតវត្ស។ Aston Villa ទទួលបានជ័យជម្នះ 2-1 លើក្រុម Manchester United កាលពីថ្ងៃអាទិត្យ ហើយបង្កើនការឈ្នះរបស់ពួកគេដល់ទៅ 10 ប្រកួតជាប់គ្នានៅក្នុងការប្រកួតទាំងអស់ ដែលជាការលទ្ធផលដ៏ល្អបំផុតរបស់ពួកគេក្នុងនាមជាក្លឹបដែលមានចំណាត់ថ្នាក់កំពូលចាប់តាំងពីឆ្នាំ 1914។ កីឡាករសញ្ជាតិអង់គ្លេសRogers បានស៊ុតបញ្ចូលទីទាំងពីរគ្រាប់របស់ Villa រួមទាំងការវាយលុកដ៏អស្ចារ្យដើម្បីបើកការស៊ុតបញ្ចូលទី ខណៈដែលកីឡាករវ័យ 23 ឆ្នាំរូបនេះបានបង្កើតការបង្ហាញដ៏គួរអោយចាប់អារម្មណ៍។ ការខិតខំប្រឹងប្រែងរបស់គាត់សម្រាប់ក្លឹបរបស់គាត់បានមើលឃើញរួចហើយថាគាត់ត្រូវបានគេកំណត់ថាជាធាតុផ្សំដ៏សំខាន់នៅក្នុងផែនការ World Cup របស់គ្រូបង្វឹកអង់គ្លេស Thomas Tuchel ។ ភាពប៉ិនប្រសប់របស់ Morgan ថែមទាំងអាចជម្រុញ Villa ឲ្យប្រជែងដណ្តើមពាន Premier League ឆ្នាំនេះទៀតផង។ ជាមួយនឹងការស៊ុតបញ្ចូលទីចំនួន 7 គ្រាប់ និងបញ្ជូនបាល់ឱ្យមិត្តរួមក្រុមស៊ុតបញ្ចូលទីចំនួន 3 លើកក្នុងលីកក្នុងការបង្ហាញខ្លួន 17 ប្រកួតនៅរដូវកាលនេះ

ក្រុមម្ចាស់ផ្ទះ Africa Cup of Nations ប្រទេសម៉ារ៉ុក បានយកឈ្នះលើក្រុមកូម៉ូរ៉ូ (Comoros) ក្នុងការប្រកួតបើកឆាកកាលពីថ្ងៃអាទិត្យ បន្ទាប់ពីកីឡាករ Brahim Díaz និងកីឡាករបម្រុង Ayoub El Kaabi រកបានគ្រាប់បាល់នៅតង់ទីពីរ។ ទោះជាយ៉ាងណាក៏ដោយ វានៅឆ្ងាយពីលទ្ធផលដែលគេរំពឹងទុកពីប្រទេសម៉ារ៉ុកដែលមានចំណាត់ថ្នាក់ឈរលើ 97 កន្លែងនៅពីលើប្រទេសកោះតូចមួយនៃមហាសមុទ្រឥណ្ឌាក្នុងចំណាត់ថ្នាក់ពិភពលោក ហើយត្រូវប្រឹងប្រែងយ៉ាងខ្លាំងដើម្បីទទួលបានពិន្ទុយ៉ាងលំបាកនៅកីឡដ្ឋាន Prince Moulay Abdellah របស់ទីក្រុង Rabat ។ ម៉ារ៉ុកបានខកខានរកគ្រាប់បាល់បានដោយការស៊ុតបាល់ប៉េណាល់ទីមិនចូលនៅដើមតង់ និងមិនមានគ្រាប់បាល់ស៊ុតបញ្ចូលទីក្នុងតង់ទីមួយទេ បើទោះបីជាមានសិទ្ធិគ្រប់គ្រងក៏ដោយ ប៉ុន្តែទីបំផុតបានបំបែកពងមាន់បាននៅនាទីទី 55 ដោយកីឡាករ Díaz របស់ក្លឹបReal Madrid។ បន្ទាប់មក El Kaabi បានស៊ុតបាល់បញ្ចូលទីដោយការទាត់បកក្រោយយ៉ាងអស្ចារ្យនៅនាទី 74 ក្នុងរយៈពេល 10 នាទីបន្ទាប់ពីចូលមកក្នុងនាមជាកីឡាករបម្រុង ដើម្បីបន្ធូរបន្ថយភាពតានតឹង។ លោក Walid Regragui គ្រូបង្វឹករបស់ប្រទេសម៉ារ៉ុកបាននិយាយថា “ការប្រកួតបើកឆាកតែងតែលំបាក ប៉ុន្តែយើងធ្វើបានល្អក្នុងតង់ទីពីរ”។ ប្រទេសម៉ារ៉ុកបានបន្តការបំបែកកំណត់ត្រានៃការទទួលជ័យជម្នះជាបន្តបន្ទាប់ដោយក្រុមជម្រើសជាតិដល់ទៅ 19 ដងជាប់គ្នា៕

(ភ្នំពេញ)៖ ការប្រកួតបាល់ទាត់ដណ្ដើមពានរង្វាន់សម្ដេចអគ្គមហាសេនាបតីតេជោ ហ៊ុន សែន លើកទី១៩ (ថ្នាក់ខេត្ត) ឆ្នាំ២០២៥/២៦ បានរកឃើញក្រុមជើងឯកហើយ ដែលបានទៅក្រុមមន្ទីរអប់រំ យុវជន និងកីឡា ខេត្តកំពង់ចាម ខណៈអតីតក្រុមជើងឯកឆ្នាំចាស់ សមាគមបាល់ទាត់ខេត្តត្បូងឃ្មុំ បានឈ្នះពានរង្វាន់លក្ខណៈក្រុម និងឯកត្ដជនចំនួន ៤ ច្រើនជាងគេ។Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. សម្រាប់ការគ្រងតំណែងជើងឯកជាថ្មី ក្រោយខកខាន ១រដូវកាល របស់ក្រុមតំណាងខេត្តកំពង់ចាម គឺបន្ទាប់ពីយកឈ្នះក្រុមឡាយអ៊ិនឃីងខេត្តសៀមរាប ដោយលទ្ធផល ២-១ ក្នុងជំនួបវគ្គផ្ដាច់ព្រ័ត្រ កាលពីរាត្រីថ្ងៃទី២១ ខែធ្នូកន្លងទៅ នៅពហុកីឡដ្ឋានជាតិ(អូឡាំពិក)។ ២គ្រាប់ របស់កំពង់ចាម រកបានដោយស៊ុតពីចម្ងាយទាំង ២គ្រាប់ដោយកីឡាករ ហ្វរស៊ី ហ្វីឌុស នៅនាទី២៤ និងនាទី៤៥+៦ ក្រោយពីកីឡាករ Bruno

(ភ្នំពេញ)៖ លោក រាជ សុផែន អនុប្រធានសហព័ន្ធកីឡាប្រដាល់សកលកម្ពុជា បានផ្ដាំផ្ញើដល់គ្រូបង្វឹកទាំងអស់ ត្រូវខិតខំសិក្សាស្រាវជ្រាវ ពិសេសត្រូវចេះច្នៃប្រឌិតលើមេរៀន និងបច្ចេកទេសបន្ថែម ដើម្បីធានាបាននូវការរួមចំណែកបណ្ដុះបណ្ដាលធនធានកីឡាករ-កីឡាការិនី ប្រកបដោយសមត្ថភាពត្រៀមការប្រកួតថ្នាក់ជាតិ និងអន្ដរជាតិនានា។ ការផ្ដាំផ្ញើនេះ បន្ទាប់ពីសហព័ន្ធកីឡាប្រដាល់សកលកម្ពុជា បានបញ្ចប់វគ្គបណ្ដុះបណ្ដាលគ្រូបង្វឹកថ្នាក់ជាតិ ឆ្នាំ២០២៥ ក្រោយដំណើរការសិក្សារយៈពេល ៣ថ្ងៃ កាលពីថ្ងៃទី១៧-១៩ ខែធ្នូកន្លងទៅ ដោយមានសិក្ខាកាម ២៦រូបចូលរួម ក្រោមគម្រោងថវិការបស់ក្រសួងអប់រំ យុវជន និងកីឡា និងបង្រៀនដោយគ្រូឧទ្ទេសអន្ដរជាតិលោក Russell Stutely។ ក្នុងនាមតំណាងប្រធានសហព័ន្ធ លោកបានវាយតម្លៃខ្ពស់ ចំពោះសិក្ខាកាមចូលរួម ដែលបានបញ្ចប់ការសិក្សាដោយជោគជ័យ ពោលគឺជានិទ្ទេសដ៏ល្អ ពោលគឺមានសិក្ខាម ២០រូបទទួលបាននិទ្ទេសល្អ និង ៦រូប ទទួលបាននិទ្ទេសមធ្យម ។ លោកបានចាត់ទុកនេះគឺជាផ្លែផ្កា នៃធនធានគ្រូបង្វឹកប្រដាល់សកលកម្ពុជា ស្របតាមស្តង់ជាអន្តរជាតិ និងការអនុវត្តផ្ទាល់ ស្តីពីវិធីសាស្ត្រគ្រប់គ្រងអត្តពលិក បច្ចេកទេសនៃការបង្វឹកអត្តពលិក និងផ្តល់បទពិសោធន៍ ចិត្តសាស្ត្រ សម្រាប់អត្តពលិក ។ យ៉ាងណាមិញលោកក៏បានណែនាំដល់សិក្ខាកាម ក្រោយបញ្ចប់ការសិក្សា និងក្លាយជាគ្រូបង្វឹកពេញសិទ្ធ ត្រូវបន្ដខិតខំសិក្សាស្រាវជ្រាវ ហើយច្នៃប្រឌិតបន្ថែមលើមេរៀន ដែលទទួលបានពីគ្រូឧទ្ទេស ដើម្បីឆ្លើយតបនឹងការវិវឌ្ឍន៍រីកចម្រើននៃវិស័យកីឡាទំនើប

(ភ្នំពេញ)៖ កីឡារស់ក្នុងសន្ដិភាព តែបើប្រទេសជាតិ ជួបទុក្ខលំបាក ត្រូវចោរសៀមឈ្លានពាន កីឡាករ-កីឡាការិនីទាំងអស់ ក៏មិនត្រូវនៅស្ងៀមដែរ ត្រូវរួមគ្នាជាមួយរាជរដ្ឋាភិបាល និងវីរៈកងទ័ព ក្នុងនាមសមរភូមិក្រោយ ដើម្បីជួយជាតិស្វែងរកសន្ដិភាព ដើម្បីមានឱកាសបន្ដហ្វឹកហាត់ និងចេញទៅប្រកួតលើឆាកអន្ដរជាតិ។ នេះបើតាមការលើកឡើងរបស់លោក អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា បន្ទាប់ពីដឹកនាំមន្ដ្រីសហព័ន្ធ គ្រូបង្វឹក កីឡាករ-កីឡាការិនី រួមជាមួយសប្បុរសជន នាំយកអំណោយជាច្រើន ដែលទទួលបានការបរិច្ចាគពីសប្បុរសជននានា តាមរយៈសហព័ន្ធ ប្រគល់ជូនក្រុមការងារចុះជួយស្រុកព្រះនេត្រព្រះ សម្រាប់ជួយដល់ជនភៀសសឹក និងវីរកងទ័ពជួរមុខ ដែលទទួលដោយលោក គង់ ច័ន្ទវាសនា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី២០ ខែធ្នូ ឆ្នាំ២០២៥។ ក្នុងនាមប្រជាពលរដ្ឋខ្មែរមួយរូប លោកបានសម្ដែងនូវការរន្ធត់ ចំពោះសកម្មភាពឈ្លានពានរបស់ចោរសៀម ដែលបានរំលោភទៅលើលំនៅឋាន និងហេដ្ឋារចនាសម្ព័ន្ធស៊ីវិលរបស់ប្រជាពលរដ្ឋ ដែលផ្ទុយទៅនឹងច្បាប់សង្គ្រាម ក៏ដូចជាច្បាប់អន្ដរជាតិ ។ ការណ៍នេះ លោកបានអំពាវនាវអន្ដរជាតិ ពិសេសតុលាការ ICJ ដាច់ខាតត្រូវដាក់ទោសចំពោះថ្នាក់ដឹកនាំចោរសៀមរាប ដែលល្មោមសង្គ្រាម ហើយកំពុងរំលោភបំពានច្បាប់អន្ដរជាតិទាំងអស់នេះ។ លោក អ៊ូ រតនា បន្ដទៀតថា «ប្រទេសជាតិកំពុងមានសង្គ្រាម ក្នុងមានយើងជាប្រជាពលរដ្ឋកម្ពុជា

ស៊ីហ្គេម គឺជាព្រឹត្តិការណ៍ប្រកួតកីឡា ដ៏ធំនៅតំបន់អាស៊ីអាគ្នេយ៍ ដែលមាន១១ប្រទេស ចូលរួម និងធ្វើរៀងរាល់ ២ឆ្នាំម្ដង។ ព្រឹត្តិការណ៍កីឡាដ៏ធំរបស់អាស៊ាន លើកទី៣៣ ដែលថៃជាម្ចាស់ផ្ទះនេះ ត្រូវបានបិទបញ្ចប់  ក្នុងរូបភាពសដ៏ស្ងប់ស្ងាត់បំផុត និងរឿងអាស្រូវដ៏ច្រើនពីសំណាក់ម្ចាស់ផ្ទះ នៃប្រវត្តិសាស្ដ្រអាស៊ាន។ ពិសេសការបិទបញ្ចប់ព្រឹត្តិការណ៍ស៊ីហ្គេមនៅប្រទេសថៃ នៅថ្ងៃទី២០ ខែធ្នូ គឺមានមិនមានការផ្សព្វផ្សាយលើបណ្តាញសារព័ត៌មាន ឬប្រព័ន្ធផ្សព្វផ្សាយធំៗអ្វីឡើយ តាមបណ្ដាលប្រទេសជាសមាជិក ខណៈប្រតិភូកីឡា និងអ្នកចូលរួមពិធីបិទ មានចំនួនតិចតួចបំផុត។ ទិដ្ឋភាពនេះ គឺខុសគ្នាដាច់កាលពីកម្ពុជា ធ្វើជាម្ចាស់ផ្ទះស៊ីហ្គេមលើកទី៣២​។​ ស៊ីហ្គេមលើកដំបូងរបស់កម្ពុជា ត្រូវបានគេចាត់ទុកជាព្រឹត្តិការណ៍មានការរៀបចំល្អ និងប្លែក។ ប្រព័ន្ធផ្សព្វផ្សាយអន្ដរជាតិ អាចយកទៅផ្សាយបន្ដបាន ដោយគ្មានការចំណាយថវិកា លើការទិញសិទ្ធិផ្សាយអ្វីឡើយ។  ចំណែក អត្ដពលិកអន្ដរជាតិចូលរួម អាចស្នាក់នៅ កម្ពុជា បានពេញមួយស៊ីហ្គេម ដែលមានរយៈពេលជិត ២០ថ្ងៃ។ ក្រៅពីនេះ អ្នកស្ម័គ្រចិត្តស៊ីហ្គេម ទទួលបដិសណ្ឋារកិច្ចប្រតិភូកីឡាទាំងអស់យ៉ាងល្អ។ ចំពោះបច្ចេកទេសនៃការប្រកួត អាជ្ញាកណ្ដាល ចៅក្រម និងមន្ដ្រីបច្ចេកទេស ធ្វើការបានយ៉ាងល្អ ដោយកីឡាករ កីឡាការិនី និងគ្រូបង្វឹកទាំងអស់ សុទ្ធតែពេញចិត្តចំពោះការកាត់សេចក្ដី និងមិនមានការតវ៉ាអ្វីឡើយ។  ប៉ុន្ដែ នៅវិញ្ញាសាបាល់ទាត់បុរស

ក្លិបបាល់ទាត់ បឹងកេត បានប្រកាសជាផ្លូវការនៅថ្ងៃទី ២០ ខែ ធ្នូ ឆ្នាំ ២០២៥ នេះ អំពីការចុះកិច្ចសន្យាយកបានអតីតខ្សែប្រយុទ្ធក្រុម Auckland City នៃលីគកំពូល នូវែលសេឡង់ Myer Bevan ខណៈចំណុចគួរឱ្យចាប់អារម្មណ៍ គឺកីឡាករសញ្ជាតិ នូវែលសេឡង់-កាណាដា រូបនេះ ធ្លាប់មានប្រវត្តិលេងទល់កីឡាករល្បីៗលំដាប់ពិភពលោកជាច្រើនរូប។ បឹងកេត សម្រេចនាំចូល Myer Bevan នៅពេលនេះ គឺដើម្បីជំនួសកន្លែងខ្សែប្រយុទ្ធ ២ រូប រួមមាន Thabiso Brown ដែលបានចាកចេញជាអចិន្ត្រៃយ៍ និង Louis Willy ដែលត្រូវបានខ្ចីជើងទៅ គិរីវង្សសុខសែនជ័យ។ យ៉ាងណាមិញ ការមកដល់របស់ខ្សែប្រយុទ្ធវ័យ ២៨ ឆ្នាំ ក៏នឹងក្លាយជាការត្រៀមខ្លួនរបស់ បឹងកេត សម្រាប់ការប្រកួតលីគកំពូល កម្ពុជា ជុំទី ២ ផងដែរ។ Myer Bevan ជាកីឡាករបាល់ទាត់មួយរូប ដែលបានដុះចេញពីថ្នាលយុវជនរបស់ក្លិប Auckland City