ពត៌មានថ្មីៗ

(បរទេស)៖ ក្រុមបាល់ទាត់ជម្រើសជាតិស្រ្តីអេស្ប៉ាញ បានឈានទៅវគ្គផ្តាច់ព្រ័ត្រដណ្តើមពាន Women’s European Championship 2025 ទល់នឹងស្រ្តីអង់គ្លេស ដែលជាជើងឯកចាស់ បន្ទាប់ពីទម្លាក់ក្រុមខ្លាំងអតីតជើងឯក ៨សម័យកាល អាល្លឺម៉ង់ ក្នុងវគ្គពាក់កណ្តាលផ្តាច់ព្រ័ត្រយប់មិញ។ នេះបើយោងតាមការចេញផ្សាយដោយ BBC។ នេះមានន័យថា អេស្ប៉ាញ អតីតម្ចាស់ជើងឯកបាល់ទាត់ពិភពលោក World Cup 2023 នឹងត្រូវប៉ះគូប្រជែងចាស់របស់លោកស្រី Sarina Wiegman ជាថ្មីម្តងទៀត ត្រឹមរយៈពេល ២ឆ្នាំ ចាប់តាំងពីផ្តាច់ព្រ័ត្រ World Cup នៅប្រទេសអូស្រា្តលី និងណូវែលហ្សេឡង់ ដែលក្រុមគោជល់បានយកឈ្នះ ១ទល់នឹង០។ ស្រ្តីអេស្ប៉ាញ ដែលពុំទាន់ស្គាល់រសជាតិពាន ៤ឆ្នាំប្រចាំទ្វីបអឺរ៉ុបមួយនេះ បានប្រើពេលដល់ទៅ ១២០នាទី ទើបអាចទម្លាក់អាល្លឺម៉ង់បាន ពោលគឺធ្វើបានសម្រេចដោយកីឡាការិនី Aitana Bonmati នៅនាទី១១៣ ពីលទ្ធផលឈ្នះផ្លូវការ ១ទល់នឹង០ ប៉ុណ្ណោះ ដូចទៅនឹងស្រ្តីតោកំណាចអង់គ្លេស ដែលបានទម្លាក់អ៉ីតាលី ២-១ ក្នុងម៉ោងថែម ១៥នាទី ២ដងដែរ កាលពីរាត្រីថ្ងៃអង្គារ។ ទោះជាយ៉ាងណា កីឡាការិនីចាំទី […]

មើលឃើញពីតម្លៃប្រាក់រង្វាន់ច្រើនសន្ធឹកសន្ធាប់ ពីការប្រកួត FIFA Club World Cup ឆ្នាំ ២០២៥ ក្លិប Real Madrid និងក្លិបមួយចំនួនក្នុងតំបន់អឺរ៉ុប និងអាម៉េរិកខាងត្បូង បង្ហាញបំណងចង់ឱ្យព្រឹត្តិការណ៍នេះ រៀបចំ ២ឆ្នាំ ម្តង ដើម្បីអាចជួយបង្កើនប្រាក់ចំណូលទៅក្លិបពួកគេ។ នេះបើតាមការចុះផ្សាយរបស់ទូរទស្សន៍ ESPN។ បើតាមប្រភពជិតស្និទ្ធិនឹងរឿងហេតុនេះ ក្រុមប្រធានក្លិបធំៗមួយចំនួន បានជួបពិភាក្សាជាមួយនឹងតំណាងរបស់សហព័ន្ធបាល់ទាត់អន្តរជាតិ (FIFA) ដោយលើករឿងរ៉ាវប្រកួត Club World Cup រយៈពេល ២ឆ្នាំម្តង ប៉ុន្តែស្ថាប័នបាល់ទាត់ពិភពលោក មើលឃើញថាជារឿងមិនងាយទៅរួច។ Club World Cup ដែលធ្វើ៤ឆ្នាំម្តងចាប់ពីឆ្នាំ ២០២៥ នៅទឹកដីអាម៉េរិកទើបបញ្ចប់ទៅដោយជោគជ័យ ទោះមានបញ្ហាប្រឈមមួយចំនួនកើតឡើង និការរិះគន់ចំពោះអាកាសធាតុ បញ្ហាស្មៅទីលានប្រកួត ការធ្វើដំណើរឆ្លងរដ្ឋមួយទៅមួយខាតពេលវេលា ប៉ុន្តែ FIFA ហាក់ពេញចិត្តចំពោះផ្លែផ្កាទទួលបានការប្រកួត សម្រាប់ត្រៀមរៀបចំព្រឹត្តិការណ៍ World Cup ឆ្នាំ ២០២៦។ ចំពោះយោបល់រៀបចំការប្រកួត ២ឆ្នាំ ម្តង FIFA ក៏បានពិចារណាដោយចាត់ទុកថាជារឿងមិនងាយនឹងទៅរួច

សង្ខេប៖ CFU Gaming របស់កម្ពុជានឹងប្រឈមមុខនឹង Mobile Legends: Bang Bang ក្រុមយក្ស Onic Indonesia ក្នុងការប្រកួតបើកឆាកពូលរបស់ពួកគេនៅ Mid-Season Cup 2025 នៅប្រទេសអារ៉ាប៊ីសាអូឌីត។ ក្រុម Mobile Legends: Bang Bang (MLBB) កំពូលរបស់កម្ពុជា CFU Gaming ដែលត្រូវបានគេស្គាល់ថាក្រុមត្រីឆ្លាម ជាក្រុមជើងឯកកម្ពុជានឹងត្រូវជួបក្រុមខ្លាំង Onic Indonesia ក្នុងការប្រកួតបើកឆាកនៃពានរង្វាន់ MLBB Mid Season Cup (MSC) 2025។ MSC ក្នុងឆ្នាំនេះគឺជាការប្រកួតដ៏ធំបំផុតមួយក្នុងប្រវត្តិសាស្ត្រ MLBB ។ វានឹងប្រព្រឹត្តទៅនៅទីក្រុងរីយ៉ាដ ប្រទេសអារ៉ាប៊ីសាអូឌីត ចាប់ពីថ្ងៃទី 23 ខែកក្កដាដល់ថ្ងៃទី 2 ខែសីហា។ ក្រុមកំពូលសរុបចំនួន 16 មកពីជុំវិញពិភពលោកកំពុងប្រកួតប្រជែងគ្នា។ ពួកគេត្រូវបានបែងចែកជាពីរក្រុមដែលមានប្រាំបីគូ ដោយក្រុមនីមួយៗត្រូវយកឈ្នះពីរប្រកួត។ មានតែក្រុមកំពូលទាំងបួនប៉ុណ្ណោះដែលនឹងបន្តទៅវគ្គចុងក្រោយ។ CFU មានទំនុកចិត្តនៅក្នុងការប្រកួត

ខ្សែប្រយុទ្ធ Kylian Mbappe នឹងផ្លាស់ទៅពាក់អាវពីលេខ៩ ទៅលេខ ១០ ឱ្យក្រុម Real Madrid សម្រាប់រដូវកាលថ្មី បន្ទាប់ពី Luka Modric ចាកចេញពីក្រុមយក្សអេស្ប៉ាញ។ កន្លងមកអាវលេខ ១០ ប្រចាំក្រុម ត្រូវបានប្រើប្រាស់ដោយខ្សែបម្រើវ័យចាស់ ​Luka Modric ប៉ុន្តែក្រោយការចាកចេញរបស់គេ បន្ទាប់ពីរួមរស់អស់ពេល ១៣ឆ្នាំ ហើយទៅចូលរួមក្លិបថ្មី AC Milan ធ្វើឱ្យលេខអាវមួយនេះនៅទំនេរ។ កីឡាករសញ្ជាតិបារាំងប្រើប្រាស់អាវលេខ ១០ នៅជម្រើសជាតិបារាំង ហើយអាវលេខ ៧ នៅក្លិប Paris Saint Germain ប៉ុន្តែអាវលេខ ៧ សម្រាប់ក្រុម Real Madrid បច្ចុប្បន្នត្រូវបានប្រើដោយខ្សែប្រយុទ្ធ Vinicius Jr។ តាមការផ្សាយរបស់ទូរទស្សន៍ ESPN កីឡាករវ័យ ២៦ឆ្នាំ តែងតែមានចិត្តចង់បានអាវលេខ ១០​ ពាក់លេងនៅក្លិប Real Madrid ដែលជាក្លិបក្តីស្រមៃរបស់គេតាំងពីវ័យក្មេង ពេលអាវនេះទំនេរគ្មានម្ចាស់។

(ភ្នំពេញ)៖ ក្រោយមានព័ត៌មានបានលេចឡើងថា មានក្រុមហ៊ុន ឬ Website ភ្នាល់ល្បែងតាម Online មួយចំនួន បានយកការប្រកួតកីឡាប្រដាល់គុនខ្មែរ ទៅដាក់ក្នុង Website របស់ខ្លួន ដើម្បីឱ្យសាធារណជនភ្នាល់ដាក់ប្រាក់ ដែលបានធ្វើឱ្យប៉ះពាល់យ៉ាងខ្លាំងដល់វិស័យកីឡាប្រដាល់គុនខ្មែរ សហព័ន្ធកីឡាប្រដាល់គុនខ្មែរ បានជូនដំណឹងភ្លាមៗដោយហាមឃាត់យកការប្រកួតកីឡាប្រដាល់គុនខ្មែរទៅធ្វើជាល្បែងភ្នាល់ជាដាច់ខាត។ ក្នុងករណីនៅតែបន្ត មាន សហព័ន្ធកីឡាគុនខ្មែរ នឹងចាត់វិធានការតាមផ្លូវច្បាប់យ៉ាងម៉ឺងម៉ាត់បំផុត។ នៅក្នុងសេចក្តីជូនដំណឹងរបស់សហព័ន្ធកីឡាប្រដាល់គុនខ្មែរ ដែលបណ្តាញព័ត៌មាន Fresh News ទទួលបាននៅរសៀលថ្ងៃទី២៣ ខែកក្កដា ឆ្នាំ២០២៥ បានឱ្យដឹងថា សកម្មភាពបែបនេះ គឺជាការប្រព្រឹត្តខុស និងប្រាសចាកពីកម្មវត្ថុរបស់កីឡាប្រដាល់គុនខ្មែរ ដែលជាការប្រកបអាជីវ កម្មខុសច្បាប់ ធ្វើឱ្យប៉ះពាល់យ៉ាងខ្លាំងដល់វិស័យកីឡាប្រដាល់គុនខ្មែរ និងប៉ះពាល់យ៉ាងធ្ងន់ធ្ងរដល់សន្តិសុខ សណ្តាប់ធ្នាប់សាធារណៈ និងរបៀបរៀបរយសង្គម។ ដើម្បីចៀសវាង និងបង្ការបញ្ហាទាំងនេះកុំឱ្យកើតមានឡើង សហព័ន្ធកីឡាប្រដាល់គុនខ្មែរ សូមធ្វើការជូនដំណឹង និងណែនាំដូចខាងក្រោម៖ *ទី១៖ ហាមឃាត់ចំពោះក្រុមហ៊ុន ឬ Website ល្បែងភ្នាល់តាម Online ទាំងអស់ មិនឱ្យយកការប្រកួតកីឡា ប្រដាល់គុនខ្មែរ ទៅធ្វើជាអាជីវកម្ម ឬដាក់ឱ្យមានការភ្នាល់ជាដាច់ខាត។ *ទី២៖ ហាមឃាត់មន្ត្រី អាជ្ញាកណ្តាល ចៅក្រមគ្រប់រូបរបស់សហព័ន្ធកីឡាប្រដាល់គុនខ្មែរ ព្រមទាំងបុគ្គលិក

គណៈកម្មាធិកាអូឡាំពិកកាតា (QOC) បានចូលរួមកិច្ចពិភាក្សាជាមួយនឹងគណៈកម្មាធិការអូឡាំពិកអន្តរជាតិ (IOC) លើដំណើរការបោះឆ្នោតជ្រើសរើសទីក្រុងម្ចាស់ផ្ទះរៀបចំព្រឹត្តិការណ៍កីឡាអូឡាំពិក និងប៉ារ៉ាឡាំពិកឆ្នាំ ២០៣៦។ កាតា ក៏បានសម្លឹងមើលឱកាសធ្វើជាម្ចាស់ផ្ទះសម្រាប់ព្រឹត្តិការណ៍កីឡាអូឡាំពិក ឆ្នាំ ២០៣៦ ដោយប្រជែងជាមួយនឹងក្រុមប្រទេសក្នុងតំបន់អាស៊ី និងអឺរ៉ុបផ្សេងទៀត។ កាតា ដែលធ្លាប់ធ្វើជាម្ចាស់ផ្ទះ FIFA World Cup ឆ្នាំ ២០២២ និងពានរង្វាន់ Asian Cup ឆ្នាំ ២០២៤ ក្លាយជាប្រទេសចុងក្រោយគេបង្ហាញបំណងចង់ចូលរួមដេញថ្លៃប្រជែងធ្វើជាម្ចាស់ផ្ទះរៀបចំកីឡាអូឡាំពិក ឆ្នាំ ២០៣៦ បន្ទាប់ពីឥណ្ឌូណេស៊ី តួកគី ឥណ្ឌា និងស៊ីលី។ ដោយឡែកប្រទេសអាស៊ីដទៃ ដែលកំពុងពិចារណាក្នុងការដេញថ្លៃ រួមមាន អារ៉ាប៊ីសាអូឌីត កូរ៉េខាងត្បូង អេហ្ស៊ីប និងប្រទេសមកពីអឺរ៉ុប មានដូចជា ហុងគ្រី អ៊ីតាលី អាល្លឺម៉ង់ ដាណឺម៉ាក និងកាណាដា មកពីអាម៉េរិកខាងជើង ដែលបង្ហាញចំណាប់អារម្មណ៍។ ចំណែកក្នុងកិច្ចពិភាក្សារបស់អូឡាំពិកកាតា (QOC) ជាមួយនឹងស្ថាប័ន IOC ប្រទេសក្នុងតំបន់មជ្ឈិមបូព៌ាមួយនេះ បង្ហាញក្តីសង្ឃឹមខ្ពស់របស់ពួកគេ ព្រោះតែចំនួន ៩៥ភាគរយ

(ឡុងដ៏)៖ ពេលនេះក្លិប Crystal Palace ដែលស្ថិតក្នុងក្របខ័ណ្ឌលីគបាល់ទាត់អង់គ្លេស Premier League បានដាក់ពាក្យប្តឹងឧទ្ធរណ៍ទៅតុលាការអាជ្ញាកណ្តាល សម្រាប់កីឡាប្រឆាំងនឹងការសម្រេចចិត្តរបស់ស្ថាប័ន UEFA ដែលបានដកក្រុមពួកគេចេញពីក្របខ័ណ្ឌពាន Europa League ជុំវិញការចោទប្រកាន់ថា បានបំពានលើបទប្បញ្ញត្តិកម្មសិទ្ធិពហុក្លិប, នេះបើយោងតាម CAS បានឱ្យដឹងកាលពីថ្ងៃអង្គារ ។ សូមជម្រាបផងថា Crystal Palace ត្រូវបានស្ថាប័ន UEFA ធ្វើការសម្រេចទម្លាក់ឱ្យលេងនៅក្របខ័ណ្ឌពានអឺរ៉ុបទី៣ UEFA Conference League ទាំងដែលពួកគេជាម្ចាស់ពានក្របខ័ណ្ធ FA Cup មានសិទ្ធពេញលេងពាន UCL 2025-26 ។ ហើយការសម្រេចនេះធ្វើឡើងដោយស្ថាប័នគ្រប់គ្រងហិរញ្ញវត្ថុរបស់ក្លិប (CFCB) របស់ UEFA ក្នុងខែកក្កដានេះ ដោយសារហេតុផលថាក្លិបនេះមានលោក John Textor ជាម្ចាស់ភាគហ៊ុនរួមជាមួយក្លិបបារាំង Olympique Lyonnais ហើយក៏ជាប្រធានក្រុមរបស់ Eagle Football Group ដែលខុសទៅនឹងលក្ខខណ្ឌច្បាប់ ៕ ប្រភព៖ FRESH NEWS

(ស្វីស)៖ ក្រុមបាល់ទាត់នារីអង់គ្លេស ពេលនេះបានឈានទៅវគ្គផ្តាច់ព្រ័ត្រដណ្តើមពាន Women’s Euro 2025 ក្រោយពីវាយបកយកឈ្នះក្រុមនារីអ៉ីតាលី នៅលទ្ធផល ២-១ បញ្ចប់ក្តីសង្ឃឹមក្រុមនារីអ៉ីតាលីត្រឹមវគ្គនេះ ជាមួយនឹងការឡើងទៅការពារតំណែងជើងឯកដែលធ្វើបានកាលឆ្នាំ២០២២ ។ ក្រុមនារីអង់គ្លេស បានវាយបកទៅលើក្រុមនារីអ៉ីតាលី នៅនាទីបន្ថែម៩០+៦ ធ្វើបានដោយកីឡាការិនីវ័យ ១៩ឆ្នាំ Michelle Agyemang ក្រោយក្រុមដឹកនាំដោយលោក Andrea Soncin បើកការនាំមុខនៅនាទី៣៣ ធ្វើបានដោយកីឡាការិនី Bonansea ។ ដ្បិតក្រុមជើងឯកឆ្នាំ២០២២ ដឹកនាំដោយលោកស្រី Sarina Wiegman រកបានគ្រាប់ជ័យជម្នះនៅនាទីម៉ោងបន្ថែម ១៥នាទី ២ដង នៅនារី១១៩ ពីការស៊ុតដោយកីឡាការិនី Chloe Kelly ក្លាយជាកំណត់ត្រាមួយរបស់រូបនេះជាមួយជម្រើសជាតិផងដែរ បញ្ជប់ក្រុមអ៉ីតាលី មិនឱ្យស្គាល់វគ្គផ្តាច់ព្រ័ត្រដដែលទៀត គិតចាប់តាំងពីឆ្នាំ១៩៩៧ ។ ជ័យជម្នះនេះ បានធ្វើឱ្យក្រុមនារីអង់គ្លេស បានឈានដល់វគ្គផ្តាច់ព្រ័ត្រជាលើកទី៤ ឈររង់ចាំជួបក្រុមខ្លាំងរវាងនារីអាល្លឺម៉ង់ ឬនារីអេស្ប៉ាញ នឹងកាត់សេចក្តីនាយប់នេះ នៅវេលាម៉ោង ២:០០នាទី(ម៉ោងនៅកម្ពុជា) ៕ ប្រភព៖ FRESH NEWS

(ភ្នំពេញ)៖ ក្រុមបាល់ទាត់ជម្រើសជាតិយុវជនអាយុក្រោម ២៣ឆ្នាំកម្ពុជា បានធ្លាក់ចេញពីការប្រកួតជើងអាស៊ីអាគ្នេយ៍យុវជនអាយុក្រោម ២៣ឆ្នាំ(ASEAN U23 Mandiri Cup) ឆ្នាំ២០២៥ ហើយ ក្រោយបរាជ័យទាំងប្រផិតប្រផើយ ទល់នឹងក្រុមការពារតំណែងជើងឯកវៀតណាម ២-១ កាលពីរាត្រីថ្ងៃទី២២ ខែកក្កដាកន្លងទៅ នៅប្រទេសឥណ្ឌូនេស៊ី។ ជំនួបបញ្ចប់ពូលB នេះ ក្រុមយុវជន U23 វៀតណាម បានរកគ្រាប់បាល់នាំមុខ ១គ្រាប់មុន នៅវគ្គទី១ ដែលតែតបញ្ចប់ទីដោយកីឡាករ Pham Ly Duc នៅនាទី៣៥ ។ បន្ទាប់មកកីឡាករ ម៉ុន រ៉ាដូ ក៏តែតបញ្ចូលទី រកបានគ្រាប់តាមស្មើឲ្យក្រុមគោព្រៃជំទង់កម្ពុជាវិញ នៅនាទី៦២ ។ ប៉ុន្ដែនៅចុងម៉ោង កីឡាករ Nguyen Dinh Bac ក៏តែតបញ្ចប់ទី ១គ្រាប់ទៀតឲ្យវៀតណាម នៅនាទី៨៥ ដែលជួយឲ្យក្រុមខ្លួន ទទួលបានជ័យជម្នះ និងធានាកៅអីវគ្គបន្ដ។ ដំណាលគ្នានឹងការអស់ឱកាសឡើងវគ្គបន្ដរបស់ក្រុមយុវជន U23 កម្ពុជា គេក៏រកឃើញបេក្ខភាពឡើងវគ្គ ៤ក្រុមចុងក្រោយនៃពានរង្វាន់ ASEAN U23 Mandiri

(សង្ខេប)៖ សៀមរាប យូណាយធីត ដកខ្លួនពីលីគយុវជនកម្ពុជា ឆ្នាំ២០២៥-២០២៦ ដើម្បីផ្តោតលើការត្រៀមប្រកួតដំបូងក្នុង Cambodian League 2 នៅឆ្នាំក្រោយ។ សៀមរាប យូណាយធីត បានប្រកាសថា នឹងមិនចូលរួមការប្រកួតលីគយុវជនកម្ពុជា រដូវកាល ២០២៥-២០២៦។ ផ្ទុយទៅវិញ ក្លឹបនឹងផ្តោតលើការអភិវឌ្ឍន៍កីឡាកររបស់ខ្លួននៅក្នុងស្រុក ដែលជាផ្នែកនៃយុទ្ធសាស្ត្ររយៈពេលវែងដើម្បីចូលរួមលីគកំពូលកម្ពុជា 2 នៅឆ្នាំ 2026។ ការប្រកាសនេះត្រូវបានធ្វើឡើងកាលពីពេលថ្មីៗនេះ ប៉ុន្មានថ្ងៃមុនការប្រកួតបើកឆាករបស់ CYL នៅថ្ងៃទី 27 ខែកក្កដា ដែលធ្វើឲ្យអ្នកគាំទ្រក្នុងស្រុកជាច្រើនខកចិត្ត ជាពិសេសបន្ទាប់ពីការបង្ហាញទម្រង់លេងដ៏គួរឱ្យចាប់អារម្មណ៍របស់ក្រុមកាលពីរដូវកាលមុនក្នុងប្រភេទ U16 ។ សៀមរាប យូណាយធីត បាននិយាយថា “ពួកយើងមានគោលដៅដោយចង់ឪ្យត្រលប់មកវិញរបស់ពួកយើងកាន់តែមានភាពរឹងមាំ ត្រៀមខ្លួនកាន់តែច្រើន និងមានចក្ខុវិស័យដើម្បីជោគជ័យក្នុងលីគកំពូលកម្ពុជា 2។ នេះគឺជាការផ្អាកជាយុទ្ធសាស្ត្រ មិនមែនជាការដកថយនោះទេ”។ សៀមរាប យូណាយធីត បង្កើតឡើងក្នុងឆ្នាំ 2019 គឺជាក្លឹបវ័យក្មេង និងមានមហិច្ឆតាខ្ពស់។ កាលពីរដូវកាលមុន ក្រុមអាយុក្រោម១៦ឆ្នាំរបស់ខ្លួនបានជាប់ចំណាត់ថ្នាក់លេខ១ក្នុងលីគយុវជនកម្ពុជា ដោយយកឈ្នះក្រុម Visakha FC ១-០ ក្នុងវគ្គផ្ដាច់ព្រ័ត្រ។ ក្លឹបនេះមានឈ្មោះល្បីខាងបណ្ដុះបណ្ដាលទេពកោសល្យ និងគាំទ្រកីឡាករក្មេងៗមកពីខេត្តសៀមរាប និងខេត្តជុំវិញខ្លួន។