ពត៌មានថ្មីៗ

(ភ្នំពេញ)៖ ក្រុមកីឡាជឺជីតស៊ូកម្ពុជា បានបង្កការភ្ញាក់ផ្អើលខ្លាំង ក្នុងការប្រកួតកីឡាជឺជីតស៊ូជើងឯកអាស៊ីអាគ្នេយ៍ ឆ្នាំ២០២៥ នៅប្រទេសហ្វីលីពីន នាពេលថ្មីៗ បន្ទាប់ពីកីឡាករ-កីឡាការិនីធ្វើបានយ៉ាងល្អ ក្នុងការដណ្ដើមមេដាយមាសជូនជាតិ រហូតមន្ដ្រីសហព័ន្ធកីឡាជឺជីតស៊ូអន្ដរជាតិ បានក្រើនរំឮកដល់បណ្ដាប្រទេសផ្សេងៗ ឲ្យប្រុងប្រយ័ត្ន តាមរយៈការពោលពាក្យមួយឃ្លាយ៉ាងខ្លីថា «កុំភ្លេចថាកម្ពុជាចូលរួម»។ នេះបើតាមការលើកឡើងរបស់មន្ដ្រីជាន់ខ្ពស់សហព័ន្ធ បន្តាប់ពីប្រតិភូ គ្រូបង្វឹក និងកីឡាករ-កីឡាការិនីកម្ពុជា បានធ្វើដំណើរត្រឡប់មកដល់មាតុភូមិវិញ កាលពីល្ងាចថ្ងៃទី១៥ ខែកក្កដាកន្លងទៅ ដោយបាននាំមកជាមួយនូវមេដាយសរុបចំនួន ២៩គ្រឿង(មាស ៩ ប្រាក់ ៨ និងសំរឹទ្ធ ១២) ពីការប្រកួតកីឡាជឺជីតស៊ូជើងឯកអាស៊ីអាគ្នេយ៍ លើកទី២ ឆ្នាំ២០២៥ នៅប្រទេសហ្វីលីពីន កាលពីចុងសប្ដាហ៍កន្លងទៅ។ លោក សំអុន បូរមី អគ្គលេខាធិការរងសហព័ន្ធ និងជាប្រតិភូដឹកនាំផ្ទាល់ បានបញ្ជាក់ថា ការប្រកួតជើងឯកតំបន់នេះ ជាបន្ទាត់វាស់ស្ទង់សមត្ថភាពអត្តពលិកគ្រប់បណ្ដាប្រទេស មុនបញ្ជូនទៅប្រកួតស៊ីហ្គេម ដែលកំណត់ក្នុងមួយវិញ្ញាសាចុះបានត្រឹម ២រូប ។ ដូច្នេះប្រទេសនីមួយៗ បានបញ្ជូនកីឡាករលំដាប់ៗមកចូលរួម រួមទាំងកម្ពុជាផងដែរ។ ប៉ុន្ដែលើកនេះ ក្រុមកម្ពុជា បានបង្កការភ្ញាក់ផ្អើលខ្លាំង ពិសេសកីឡាករកូនកាត់ខ្មែរ-អាមេរិក ២រូប ដែលប្រើប្រាស់ពេលវេលាលឿនបំផុត ដើម្បីផ្ដួលដៃគូគ្រប់ការប្រកួត រហូតដណ្ដើមបានមេដាយមាស […]

(បរទេស)៖ ហង្សក្រហម Liverpool ម្ចាស់ជើងឯក Premier League រដូវកាលមុន បានទាត់ចោលតម្លៃ ៥៨.៦លានផោនពីក្លិប Bayern Munich ក្នុងការសុំទិញខ្សែប្រយុទ្ធ Luis Diaz របស់ពួកគេ។ នេះបើយោងតាមការចេញផ្សាយដោយ BBC។ ក្រុមជើងឯក Bundesliga របស់អាល្លឺម៉ង់បានដាក់សំណើលើកីឡាករអន្តរជាតិកូឡុំប៊ីខាងលើ តាំងពីដើមខែកក្កដា ឆ្នាំ២០២៥ ក៏ប៉ុន្តែត្រូវបានក្រុមរបស់លោក Arne Slot ប្រាប់ថា កីឡាករវ័យ ២៨ឆ្នាំ Diaz មិនសម្រាប់លក់ឡើយ។ Luis Diaz បានផ្លាស់មកលេងនៅកីឡដ្ឋាន Anfield នាអំឡុងខែមករា ឆ្នាំ២០២២ ក្រោយផ្ទេរចេញពីក្លិបព័រទុយហ្គាល់ FC Porto ដោយទទួលបានការចាប់អារម្មណ៍ពីក្លិបគូប្រជែងក្នុងលីគ Manchester City និងក្រុមឯទៀតមកពីអារ៉ាប៊ីសាអូឌីតទៀតផង។ ស្ថិតក្នុងទីផ្សារដោះដូរកីឡាករបច្ចុប្បន្ន Liverpool ក៏បានកំពុងសំឡឹងរកខ្សែប្រយុទ្ធ ដើម្បីបំពេញបន្ថែមតំបន់ជួរមុខរបស់ពួកគេ តាមរយៈថ្មីៗនេះដែរ ពួកគេបានចែចូវ Alexander Isak ខ្សែប្រយុទ្ធរបស់ក្លិបសារិកាព្រៃ Newcastle United ដ្បិត Diaz

(បាសេឡូណា)៖ តារាបាល់ទាត់ Lamine Yamal របស់ក្លិប FC Barcelona ត្រូវបានក្រសួងកិច្ចការសង្គមអេស្ប៉ាញ ស្នើឱ្យអាជ្ញាធរបើកការស៊ើបអង្កេត បន្ទាប់ពីទទួលបានរបាយការណ៍ពីការរៀបចំពិធីជប់លៀងធំរបស់គេ ដើម្បីឈានចូលវ័យ ១៨ឆ្នាំនាពេលថ្មីៗនេះ។ ពីគេហទំព័រកីឡា BBC បានចេញផ្សាយថា កម្មវិធីខួបកំណើតវ័យ ១៨ឆ្នាំរបស់ Yamal ត្រូវបានប្រារព្វធ្វើឡើងកាលពីថ្ងៃអាទិត្យសប្តាហ៍មុន ស្ថិតនៅ Olivella ដែលជាទីក្រុងតូចមួយមានចម្ងាយប្រហែល ៥០គីឡូម៉ែត្រនៅភាគនិរតីនៃទីក្រុង Barcelona ដោយអញ្ជើញភ្ញៀវសុទ្ធតែតារាល្បីៗមានតាំងពី YouTubers, អ្នកផលិតមាតិកានានា និងមិត្តរួមក្រុមទៀតផង។ លើសពីនេះទៀត Yamal ក៏បានជួលក្រុមអ្នកកម្សាន្តបែបមនុស្សតឿក្នុងពិធីជប់លៀងសប្បាយរបស់ខ្លួនផងដែរ ជាអ្វីដែលសមាគមនៅអេស្ប៉ាញ ហៅកាត់ថា ADEE បានពិព័រនាថា មិនអាចទទួលបានយកបានទេ ក្នុងសតវត្សរ៍ទី២១ នេះ។ ទោះជាយ៉ាងណា ADEE ក៏បានដាក់ពាក្យប្តឹង Yamal និងទាមទារឱ្យបើកការស៊ើបអង្កេតទៅលើរឿងនេះ ដែលបានប្រឆាំងទៅនឹងច្បាប់ និងរំលោភសិទ្ធិបុគ្គលទៀតផង។ គួរបញ្ជាក់ផងថា Lamine Yamal ត្រូវបានគេរាយការណ៍ថា បានទៅចូលរួមហ្វឹកហាត់ជាមួយមិត្តរួមក្រុមនៅ Barcelona វិញភ្លាមៗកាលពីថ្ងៃចន្ទដើមសប្តាហ៍នេះ ក្រោយបញ្ចប់ពិធីជប់លៀងរួចមក៕ ប្រភព៖ FRESH NEWS

(ភ្នំពេញ)៖ ដើម្បីចូលរួមបើកយុទ្ធនាការផ្សព្វផ្សាយភាពយន្តខ្មែរ ឲ្យបានទូលំទូលាយ និងមាននិរន្តរភាពយូរអង្វែង ផលិតកម្ម LD Picture បានបើកការប្រកួតបាល់ទាត់មិត្តភាពជាលើកដំបូង ជាមួយនឹងក្រុមបាល់ទាត់ផ្ការីកគ្រប់រដូវ របស់នាយពាក់មី នៅពហុកីឡដ្ឋានស្តាតចាស់ នាល្ងាចថ្ងៃទី១៤ ខែកក្កដា ឆ្នាំ២០២៥នេះ ដោយមានការអញ្ជើញចូលរួមពីថ្នាក់ដឹកនាំផលិតកម្ម, តារាសម្ដែង, តារាចម្រៀង ក្នុងនោះក៏មានការចូលរួមពីលោក ប៉ុក បូរក្ស ប្រធាននាយកដ្ឋានភាពយន្ត និងផ្សព្វផ្សាយវប្បធម៌ នៃក្រសួងវប្បធម៌ និងវិចិត្រសិល្បៈផងដែរ។ ផលិតករល្បីឈ្មោះ និងជាចាងហ្វាងផលិតកម្ម LD Picture លោក លៀក លីដា បានថ្លែងប្រាប់ Fresh News Plus ឲ្យដឹងថា គោលបំណងនៃការប្រកួតបាល់ទាត់មិត្តភាពនៅថ្ងៃនេះ គឺធ្វើឡើងដើម្បីចូលរួមផ្សព្វផ្សាយភាពយន្តខ្មែររបស់យើង ទៅកាន់អ្នកគាំទ្រឲ្យងាកមកគាំទ្រភាពយន្តខ្មែរកាន់តែច្រើនឡើងៗ។ ជាមួយគ្នានេះ ព្រឹព្តិការណ៍ប្រកួតនេះ ក៏ដូចជាការឆ្លើយតប និងអរគុណដល់ថ្នាក់ដឹកនាំប្រទេស ជាពិសេសសម្ដេចតេជោ ហ៊ុន សែន ប្រធានរដ្ឋសភានៃកម្ពុជា និងរាជរដ្ឋាភិបាលកម្ពុជា ដែលបានសម្រេចមិនឲ្យនាំចូល និងចាក់បញ្ចាំងភាពយន្តថៃ នៅលើកញ្ចក់ទូរទស្សន៍ និងរោងភាពយន្តនានាបន្តទៀត។ ថ្ងៃនេះពួកយើងមិនត្រឹមតែអរគុណ និងអបអរសាទរនោះទេ តែពួកយើងបានរួមគ្នាជាកម្លាំងធ្វើយុទ្ធនាការផ្សព្វផ្សាយ និងប្រឹងប្រែងផលិតភាពយន្តឆ្លើយតបទៅនឹងអ្នកគាំទ្រ

ក្នុងវ័យត្រឹមតែ ១៩ ឆ្នាំប៉ុណ្ណោះ Smit បានបង្ហាញពីទេពកោសល្យអស្ចារ្យដោយកំពុងបង្ហាញសមត្ថភាពរបស់គាត់ជាមួយក្លឹប AZ Alkmaar។កីឡាករវ័យក្មេងរូបនេះ បានចូលរួមលេងជាមួយក្រុមឈុតធំរបស់ AZ រហូតដល់ទៅ ៣១ ប្រកួតរួចមកហើយ ហើយក្លឹបធំៗជាច្រើនទូទាំងអឺរ៉ុបកំពុងចង់បានគាត់។ Barcelona និង Real Madrid ក៏ចាប់អារម្មណ៍ផងដែរអាស្រ័យលើរបាយការណ៍ពី MARCA បង្ហាញថា Barcelona និង Real Madrid ជាក្រុមក្នុងចំណោមជាច្រើនដែលចង់បានខ្សែបម្រើវ័យក្មេងជនជាតិហូឡង់រូបនេះ។ចំណាប់អារម្មណ៍នេះកើតឡើងបន្ទាប់ពីការបង្ហាញខ្លួនដ៏អស្ចារ្យរបស់ Smit នៅព្រឹត្តិការណ៍ UEFA U19 European Championship ដែលគាត់បានស៊ុតបញ្ចូលទី ៤ គ្រាប់ ហើយក៏ទទួលបានពាន MVPហើយក៏ជាអ្នកស៊ុតបញ្ចូលច្រើនជាងគេផងដែរ។ ក្លឹបដូចជា Chelsea, Tottenham, Manchester United, Bayern Munich និង Ajax ក៏បានបង្ហាញចំណាប់អារម្មណ៍ដូចគ្នា។ ប៉ុន្តែអ្វីដែលធ្វើឱ្យ Barcelona កាន់តែមានឱកាសនាំគាត់មកបាន គឺជាការចូលចិត្តជាខ្លាំងរបស់ Smit ចំពោះអតីតតារាខ្សែបម្រើ Andres Iniesta។ការចូលចិត្ត Iniesta

កីឡាករខ្សែបម្រើវ័យក្មេងរូបនេះបានចាកចេញក្រោយពេលបញ្ចប់រដូវកាលដែលលំបាកក្នុងការទទួលបានឱកាសលេងមិនទៀងទាត់ ប៉ុន្តែការផ្ទេរនេះមានផ្ដល់សិទ្ធិឱ្យ Barcelona អាចទិញត្រឡប់មកវិញ (buy-back clause) ក្នុងពេលអនាគត។ Torre បានសរសេរលើ Instagram ដូច្នេះថា“ការប្រកួតដំបូងរបស់ខ្ញុំជាកីឡាករអាជីព, គ្រាប់បាល់ដំបូង, ឈ្នះពានដំបូង និងការលេងជាមួយកីឡាករល្អបំផុត។ រឿងដំបូងៗដែលមិនអាចបំភ្លេចបានឡើយ។ អរគុណ @fcbarcelona។”កីឡាករខ្សែបម្រើ Pablo Torre បានចុះហត្ថលេខាលើកិច្ចសន្យារយៈពេល ៤ ឆ្នាំជាមួយក្លឹប Real Mallorca ហើយក៏បានផ្តល់បទសម្ភាសន៍ជាមួយគេហទំព័រផ្លូវការរបស់ក្លឹបអំពីការសម្រេចចិត្តរបស់គាត់ក្នុងការចូលរួមក្លឹបនៅរដូវក្តៅនេះ។ Torre បាននិយាយថា“ខ្ញុំសប្បាយចិត្តណាស់។ខ្ញុំបាននិយាយជាមួយខ្លួនឯងរយៈពេលពីរបីសប្ដាហ៍មកនេះថា ខ្ញុំចង់មកទីនេះ ខ្ញុំចង់រីករាយជាមួយ Mallorca ហើយខ្ញុំរង់ចាំមិនបានទេក្នុងការជួបសំណេះសំណាលជាមួយអ្នកគាំទ្រ មិត្តរួមក្រុម និងចាប់ផ្តើមហ្វឹកហាត់ថ្ងៃស្អែក។”“ចាប់តាំងពីខ្ញុំបាននិយាយជាលើកដំបូងជាមួយលោក Jagoba [Arrasate] និងលោក Pablo [Ortells] តាមការហៅវីដេអូ ខណៈដែលខ្ញុំស្ថិតនៅក្នុងការប្រកួតជម្រុះអឺរ៉ុប ពួកគេបានផ្តល់ទុកចិត្តដល់ខ្ញុំយ៉ាងខ្លាំង។ ខ្ញុំត្រូវការអារម្មណ៍នោះ។ ខ្ញុំមានអារម្មណ៍ថារឿងនេះអាចដំណើរការល្អ ហើយខ្ញុំសប្បាយចិត្តណាស់ដែលបានស្ថិតនៅទីនេះ។” ប្រែសម្រួលដោយ: 855starsport

Real Madrid បានចុះហត្ថលេខាលើខ្សែការពារសញ្ជាតិអេស្ប៉ាញ Alvaro Carreras ពី Benfica ។ ខ្សែការពារឆ្វេងវ័យ 22 ឆ្នាំរូបនេះបានចូលរួមជាមួយក្លឹបអេស្ប៉ាញក្នុងកិច្ចព្រមព្រៀងតម្លៃ 50 លានអឺរ៉ូ (£43m) និងបានចុះកិច្ចសន្យារយៈពេល 6 ឆ្នាំ។ Carreras គឺជាផ្នែកមួយនៃក្រុមយុវជនរបស់ Real Madrid កាលពីឆ្នាំ 2017 ដល់ 2020 មុនពេលចូលរួមជាមួយ Manchester United ។ Carreras ដំបូងបានចូលរួមជាមួយក្រុមព័រទុយហ្គាល់ក្នុងលក្ខខ័ណ្ឌខ្ចីជើង ហើយបន្ទាប់មកបានធ្វើការផ្លាស់ប្តូរជាអចិន្ត្រៃយ៍វិញក្នុងតម្លៃ £5m ក្នុងខែឧសភា ឆ្នាំ 2024។ ក្នុងសេចក្ដីប្រកាសអំពីការផ្លាស់ប្ដូររបស់គេទៅកាន់ក្លឹប Real Madrid, ក្លឹប Benfica បានអះអាងថា Manchester United នឹងទទួលបានភាគរយ ២០% នៃចំនួយទឹកប្រាក់ខាងលើដែលលើសពីចំនួនដែលក្លឹបបានចំណាយទិញកីឡាកររូបនេះ។ Carreras ដែលបានចូលលេងចំនួន ៦៨ ប្រកួតសម្រាប់ក្លឹប Benfica និងរកបាន ៥ គ្រាប់

(ស្វីស)៖ ការប្រកួតជើងឯកនារីអឺរ៉ុប Women’s Euro 2025 ពេលនេះបានឈានដល់ការប្រកួតវគ្គ ៨ក្រុមចុងក្រោយហើយ ដែលបានរៀបចំធ្វើម្ចាស់ផ្ទះការប្រកួតនៅប្រទេស្វីស ខណៈវគ្គនេះក្រុមនារីអង់គ្លេស ដែលជាម្ចាស់ការតំណែងជើងឯកឆ្នាំ២០២២ ត្រូវប្រឈរមុខជាមួយនារីស៊ុយអែត ។ ស្ថិតក្នុងវគ្គនេះ ក្រុមនារីន័រវេល ជួបក្រុមនារីអ៉ីតាលី ពេលដែលនារីបារាំង ប៉ះក្រុមនារីអាល្លឺម៉ង់ និងក្រុមនារីអេស្ប៉ាញ ត្រូវប្រជែងជាមួយនារីម្ចាស់ស្វីស ខណៈកីឡាការិនីអេស្ប៉ាញ Esther Gonzalez កំពុងរកបាន ៤គ្រាប់ច្រើនជាងគេ នៃតំណែងម្ចាស់ស្បែកជើងមាសប្រចាំព្រឹត្តិការណ៍ ៤ឆ្នាំម្តងនេះ ។ សូមជម្រាបផងថា ៤ឆ្នាំមុខ ក្រុមនារីអង់គ្លេស បានឈានដល់វគ្គផ្តាច់ព្រ័ត្រ នឹងក្លាយជាម្ចាស់ពាន Women’s Euro 2022 បន្ទាប់ពីយកឈ្នះក្រុមនារីអាល្លឺម៉ង់ លទ្ធផល ២-១ ពីការលេងបន្ថែមម៉ោង ១៥នាទី ២ដង ក្រោយពីទម្លាក់ក្រុមនារីស៊ុយអែត ៤-០ ចេញពីវគ្គ ៤ក្រុមហើយនោះ ៕ ប្រភព៖ freshnewsasia

(បរទេស)៖ ក្លិបសារិការព្រៃ Newcastle United អំឡុងពេលនេះបានកំពុងតែព្យាយាមធ្វើការផ្លាស់ប្តូរមួយលើកីឡាករ Hugo Ekitike របស់ក្លិប Eintracht Frankfurt ដែលអាចជាការផ្ទេរស្ថិតក្នុងកំណត់ត្រាមួយផងដែរ ។ នេះបើតាមប្រភពពី BBC នាថ្ងៃទី១៥ ខែកក្កដា ឆ្នាំ២០២៥ ។ ប្រភពពីក្លិប Newcastle បានឱ្យដឹងថា ឥឡូវនេះក្លិបកំពុងស្វែងរកកិច្ចព្រមព្រៀងដ៏មានសក្តានុពលមួយ ដើម្បីធ្វើយ៉ាងណាអាចចុះហត្ថលេខាលើកីឡាករសញ្ជាតិបារាំងរូបនេះ ដែលទំនងជាមានតម្លៃលើសពី ៧០លានផោន ឬជិត ១០០លានដុល្លារ ។ ជាមួយការស្វែងរកជម្រើសខ្សែប្រយុទ្ធថ្មីនេះ ក្លិបក៏បានបញ្ជាក់ថា ក៏មិនមានគោលការណ៍លក់ខ្សែប្រយុទ្ធ Alexander Isak ដែលកំពុងមានការចាប់អារម្មណ៍ពីក្លិបធំៗ នៅទូទាំងតំបន់អឺរ៉ុប ជាពិសេសគូប្រជែងក្នុងលីគ ហ្សងក្រហម Liverpool ផងដែរ ដ្បិតរូបគេមានតម្លៃកំណត់ត្រាប្រមាណ ៦៣លានដផោនរបស់ក្លិបផ្ទេរមកពី Real Sociedad កាលឆ្នាំ២០២២ ។ Hugo Ekitike ជាខ្សែប្រយុទ្ធមានវ័យ ២៣ឆ្នាំ បានបង្ហាញទម្រង់លេងយ៉ាងល្អនឹងលេចធ្លោ ជាមួយការស៊ុតបញ្ចូលទីបាន ១៥គ្រាប់ និងបញ្ជូនបាល់ឱ្យមិត្តរួមក្រុមចំនួន ៨ដង កាលពីរដូវកាលមុន ខណៈដែលក្រុមរបស់គាត់បានបញ្ចប់ក្នុងចំណាត់ថ្នាក់លេខ៣

(បរទេស)៖ អតីតកីឡាករខ្សែការពាររបស់ Manchester United គឹ Axel Tuanzebe បានដាក់ពាក្យប្តឹងក្លិបបិសាចក្រហមមួយនេះ ដែលបានធ្វេសប្រហែសពីការណែនាំផ្នែកវេជ្ជសាស្រ្ត ពេលខ្លួនរបួសនាពេលកន្លងមក។ ពីគេហទំព័រកីឡា BBC បានចេញផ្សាយថា កីឡាករវ័យ ២៧ឆ្នាំ ដែលបានទៅចូលរួមជាមួយ Burnley កាលពីដើមខែនេះ បានដាក់ពាក្យប្តឹងទៅតុលាការកំពូល ដើម្បីប្រឆាំងទៅនឹង United រួចរាល់ហើយកាលពីសប្តាហ៍មុន។ ការចោទប្រកាន់នេះដែរ វាបានកើតឡើងនាអំឡុងខែកក្កដា ឆ្នាំ២០២២ ដែលមានការពាក់ព័ន្ធទៅនឹងបញ្ហារបួសដែលមិនត្រូវបានបញ្ជាក់ ជាមួយនឹងតម្លៃព្យាបាលមានដល់ទៅជាង ១លានផោនឯណោះ។ លើសពីនេះទៀត Tuanzebe ក៏បានទម្លាយថា រូបគេបានផុតសុពលភាពកិច្ចសន្យាមានដល់ ១៩៥ថ្ងៃនៅ Man Utd មុនពេលរូបគាត់ត្រូវបានបញ្ជូនទៅលេងខ្ចីជើងនៅក្លិប Stoke City នាអំឡុងខែមករា ឆ្នាំ២០២៣ ដែលលោកបានចូលលេងត្រឹមតែ ៥ប្រកួតប៉ុណ្ណោះ។ ទោះជាយ៉ាងណា ទាំងក្លិប United និងលោក Simons Muirhead Burton មេធាវីរបស់ Tuanzebe បានធ្វើការបដិសេធមិនធ្វើបទអត្ថាធិប្បាយណាមួយដូចគ្នា នៅពេលមានការទាក់ទងសួរនាំអំពីរឿងនេះពីសំណាក់ BBC Sport៕