ពត៌មានថ្មីៗ

(ភ្នំពេញ)៖ ទីផ្សារដោះដូរកីឡាករត្រៀមរដូវកាលថ្មីនៅកម្ពុជាឆ្នាំនេះ បានបង្កការចាប់អារម្មណ៍ជាខ្លាំង ក្រោយមានកីឡាករសំខាន់ៗជាច្រើន បានផ្លាស់ប្ដូរទ្រនំថ្មី ជាក់ស្ដែងនៅព្រឹកថ្ងៃទី១០ ខែកក្កដានេះ ក្លិបភ្នំពេញក្រោន និងវិសាខា បានធ្វើរឿងដ៏ភ្ញាក់ផ្អើលមួយទៀត បន្ទាប់ពីការប្រកាសផ្លាស់ប្ដូរកីឡាករវ័យក្មេង លឹម ពិសុទ្ធ និង សារ ទី។ សម្រាប់ភ្នំពេញក្រោន បានប្រកាសចែកផ្លូវជាមួយ លឹម ពិសុទ្ធ ក្រោយរួមរស់ជាមួយគ្នាជាង ១០ឆ្នាំ តាំងពីថ្នាលយុវជន កាលពីល្ងាចថ្ងៃពុធ ខណៈប៉ុន្មានម៉ោងក្រោយមក វិសាខា ក៏បានប្រកាសចែកផ្លូវជាមួយខ្សែប្រយុទ្ធ សារ ទី។ ការប្រកាសចែកផ្លូវជាមួយកីឡាករសំខាន់រៀងៗខ្លួននេះ បានធ្វើឲ្យអ្នកគាំទ្រមានមន្ទិល ដោយភាគច្រើនគេសង្ឃឹមក្រុមទាំងពីរ មានការផ្លាស់ប្ដូរកីឡាករគ្នា តែក៏មានមតិខ្លះថា មិនអាចទៅរួច ព្រោះជាគូប្រកួតប្រជែងខ្លាំងក្លានឹងគ្នា។ ប៉ុន្ដែអ្វីៗដែលត្រូវបានលាតត្រដៀងនៅព្រឹកថ្ងៃព្រហស្បតិ៍នេះ ដោយក្នុងពេលវេលាតែមួយ ក្រុមទាំងពីរ បានប្រកាសស្វាគមន៍សមាជិកថ្មីរៀងៗខ្លួន ក្នុងនោះក្លិបភ្នំពេញក្រោន ស្វាគមន៍កីឡាករ សារ ទី គ្រាដែលក្លិបបាល់ទាត់ វិសាខា ស្វាគមន៍កីឡាករ លឹម ពិសុទ្ធ ។ ការណ៍នេះ បានធ្វើឲ្យអ្នកគាំទ្រមានការភ្ញាក់ផ្អើលជាខ្លាំង ដ្បិតនេះគឺជាការដោះដូរក្នុងស្រុកដ៏ធំ បន្ទាប់ពីទីផ្សារដោះដូរកីឡាករ សឿត បារាំង, […]

(បរទេស)៖ Paris Saint Germain របស់បារាំង បានឡើងវគ្គផ្តាច់ព្រ័ត្រ FIFA Club World Cup ជាលើកទី១ របស់ពូកគេ ក្រោយទម្លាក់អតីតជើងឯក ៥សម័យកាល Real Madrid ៤ទល់នឹង០ បញ្ចប់វគ្គ ៤ក្រុមចុងក្រោយយប់មិញនេះ។ នេះមានន័យថា ក្រុមជើងឯកអឺរ៉ុប UEFA Champions League 2024-25 មួយនេះបានកំពុងព្យាយាមឈ្នះពាន World Cup សម្រាប់ក្លិបជាលើកដំបូងជំនាន់ទី២១ បន្ទាប់ពីធ្វើមិនបានសម្រេចកាលឆ្នាំ២០២០ ក៏ព្រោះចាញ់ Bayern Munich របស់អាល្លឺម៉ង់ ១-០ ដែលមានកីឡាករស្នូល Angel di Maria, Neymar និង Kylian Mbappe នៅជុំគ្នា។ មុនការប្រកួតមកដល់ អ្នកចាត់ការទូទៅ Paris លោក Luis Enrique បានចាត់ទុកជំនួបទល់នឹងក្រុមអេស្ប៉ាញ Real Madrid ប្រៀបដូចជារូបលោកបានកំពុងដឹកនាំ FC Barcelona

ប្រធានាធិបតីសហរដ្ឋអាមេរិកលោក Donald Trump បានបញ្ជាក់ថា លោកនឹងចូលរួមទស្សនាការប្រកួតវគ្គផ្តាច់ព្រ័ត្រនៃពានរង្វាន់ FIFA Club World Cup នៅថ្ងៃអាទិត្យនេះ ដែលនឹងប្រព្រឹត្តទៅនៅរដ្ឋ New Jersey។ ព័ត៌មាននេះត្រូវបានប្រកាសក្រោយមួយថ្ងៃប៉ុណ្ណោះបន្ទាប់ពីស្ថាប័ន FIFA ដែលជាអង្គការគ្រប់គ្រងបាល់ទាត់ពិភពលោក បានប្រកាសថា ពួកគេបានបើកការិយាល័យថ្មីមួយនៅ អគារ Trump Tower នៅទីក្រុង New York។សហរដ្ឋអាមេរិកជាម្ចាស់ផ្ទះនៃការប្រកួត Club World Cup ជាលើកដំបូងហើយក៏ជាដៃគូរៀបចំព្រឹត្តិការណ៍ World Cup ឆ្នាំក្រោយ ជាមួយកាណាដា និងម៉ិចសិកូផងដែរ។ ក្រុម Chelsea នឹងប្រកួតជាមួយក្រុម Paris Saint-Germain ឬ Real Madrid ក្នុងវគ្គផ្តាច់ព្រ័ត្រនៅកីឡាដ្ឋាន MetLife Stadium ដែលជាទីកន្លែងធ្វើជាម្ចាស់ផ្ទះនៃការប្រកួតវគ្គផ្តាច់ព្រ័ត្រ World Cup ឆ្នាំក្រោយផងដែរ។លោក Trump ដែលបានចូលរួមកម្មវិធី Super Bowl កាលពីខែកុម្ភៈ គឺជាអ្នកដឹកនាំក្រុមការងារពិសេសដែលតែងតាំងឡើង ដើម្បីគ្រប់គ្រងការរៀបចំសម្រាប់ព្រឹត្តិការណ៍ទាំងនេះ។

ចូលដល់វ័យ ៤៦ ឆ្នាំទៅហើយ ស្ដេចប្រដាល់ហ្វីលីពីន Manny Pacquiao នៅតែស្រលាញ់អាជីពជាកីឡាករប្រដាល់ដដែល ការត្រលប់មកលើនេះ មិនមែនជាការប្រកួត Exhibition Show ដូចមុនទៀតទេ តែជាការប្រកួតអាជីព ដណ្ដើមខ្សែក្រវ៉ាត់ពិភពលោក WBC ក្នុងកម្រិតទម្ងន់ ១៤៧ ផោន ឬ ៦៦ គីឡូក្រាម ជាមួយកីឡាករ Marios Barrios។ ដៃគូប្រកួតរបស់ Pacquiao លើកនេះ មិនមែនជាកីឡាករធម្មតានោះទេ Barrios ជាម្ចាស់ខ្សែក្រវ៉ាត់ WBC ដែលនៅវ័យក្មេងទើបតែ ៣០ ឆ្នាំ មានកម្ពស់ ១,៧៧ ម៉ែត្រ មានប្រវត្តិប្រកួតអាជីព ឈ្នះ ២៩ ដង, ចាញ់ ២ ដង និងស្មើ ១ ដង។ ធ្លាប់ចាញ់តែកីឡាករល្អៗប៉ុណ្ណោះ ដូចជា Gervonta Davis (ប្រកួតមិនដែលចាញ់) និងចាញ់ពិន្ទុ Keith Thurman

ភ្នំពេញ ថ្ងៃទី០៩ ខែកក្កដា ឆ្នាំ២០២៥–ក្រុមបាល់ទាត់ជម្រើសជាតិកម្ពុជាឈុតក្រោមអាយុ២៣ឆ្នាំមានកម្មវិធីប្រកួតសំខាន់ៗចំនួនពីរ ក្នុងខែកក្កដានេះក្នុងជើងឯកអាស៊ាន និងខែកញ្ញា ឆ្នាំ២០២៥ វគ្គជម្រុះពានរង្វាន់អាស៊ី ដែលកម្ពុជាទទួលធ្វើម្ចាស់ផ្ទះ ប្រចាំពូល G។ កម្មវិធីប្រកួតសំខាន់ៗចំនួន២ព្រឹត្តិការណ៍ផ្សេងពីគ្នារបស់ក្រុម U23 កម្ពុជា រួមមាន៖ ក្រុម U23 កម្ពុជាត្រៀមចូលរួមប្រកួតជើងឯកអាស៊ាន ASEAN U23 Mandiri Championship នៅប្រទេសឥណ្ឌូណេស៊ី ពីថ្ងៃទីថ្ងៃទី១៥-២៩ ខែកក្កដា ឆ្នាំ២០២៥។ ការប្រកួតនេះមាន ១០ក្រុមចូលរួម ចែកជា ៣ពូល ក្នុងនោះកម្ពុជាស្ថិតក្នុងពូល B ជាមួយក្រុមឡាវ និងវៀតណាម។ ក្រុម U23 កម្ពុជាត្រូវប្រកួតបើកឆាកជាមួយក្រុម U23 ឡាវ ថ្ងៃទី១៦ ខែកក្កដា និងត្រូវប៉ះ U23 វៀតណាម នាថ្ងៃទី២២ ខែកក្កដា។ ក្រោយបញ្ចប់ពូល គេរើសយកក្រុមលេខ១ នៃពូលទាំង៣ចំនួន ៣ក្រុម និងលេខ២ ល្អផ្តាច់គេ១ក្រុមនឹងបានឡើងវគ្គពាក់កណ្តាលផ្តាច់ព្រ័ត្រ។ ព្រឹត្តិការណ៍ប្រកួតទី២នេះ គឺវគ្គជម្រុះពូល G

(បរទេស)៖ តោខៀវ Chelsea អតីតជើងឯក FIFA Club World Cup កាលឆ្នាំ២០២១ បានឡើងទៅឈរចាំវគ្គដណ្តើមពាននេះជាថ្មីម្តងទៀត បន្ទាប់ពីបំបាក់ក្រុម Fluminense ២ទល់នឹង០ មិនឱ្យតដៃរួចនាយប់មិញនេះ នៅសហរដ្ឋអាមេរិក។ ពីគេហទំព័រកីឡា BBC បានចេញផ្សាយថា សមាជិកថ្មីរបស់ពួកគេគឺ Joao Pedro ជាអ្នកធ្វើបានសម្រេចទាំង ២គ្រាប់តែម្តងទៅលើអតីតក្លិបចាស់របស់គេផងដែរកាលផ្តើមអាជីពដំបូងនៅប្រទេសប្រេស៊ីល។ នេះមានន័យថា ក្រុមរបស់អង់គ្លេសដែលលេងនៅ Premier League ត្រូវរង់ចាំរវាងក្រុមបញ្ចប់វគ្គពាក់កណ្តាលផ្តាច់ព្រ័ត្រ Paris Saint Germain ឬក៏អតីតម្ចាស់ជើងឯក ៥សម័យកាលច្រើនជាងគេ Real Madrid ដើម្បីដណ្តើមពានជើងឯក Club World Cup 2025 ជំនាន់ទី២១ នាចុងសប្តាហ៍នេះ ដោយពុំមានប្រកួតយកចំណាត់ថ្នាក់លេខ៣ ឡើយ។ គួរបញ្ជាក់ផងថា តាមរយៈជ័យជម្នះនេះដែរក្រុមរបស់លោក Enzo Maresca បន្ថែម ២២លានផោនទៀតទៅលើ ៦០លានផោន ឆ្លងតាម ៦ប្រកួតនៅ Club World Cup

ក្លឹប Everton ខិតជិតនឹងចុះហត្ថលេខាលើខ្សែប្រយុទ្ធ Thierno Barry មកពីក្លឹប Villarreal ដោយគាត់នឹងធ្វើដំណើរទៅកាន់ Merseyside ដើម្បីធ្វើតេស្តសុខភាព មុននឹងបញ្ចប់កិច្ចព្រមព្រៀងជាមួយតម្លៃប្រហែល £27 លានផោន ប៉ុន្តែការផ្ទេរនៅមិនទាន់បញ្ចប់ជាផ្លូវការទេ។Barry មានលក្ខខណ្ឌផ្ទេរក្នុងតម្លៃ 34.5m នៅក្នុងកិច្ចសន្យាជាមួយ Villarreal ប៉ុន្តែ Everton សង្ឃឹមថានឹងអាចចំណាយតិចជាងនេះសម្រាប់កីឡាករវ័យ 22 ឆ្នាំរូបនេះ ដែលបានស៊ុតបញ្ចូលទី 11 គ្រាប់ និង 4 assists ក្នុង 38 ប្រកួតកាលពីរដូវកាលមុន ដោយគាត់បានជួយ Villarreal បញ្ចប់ក្នុងចំណាត់ថ្នាក់លេខ 5 នៅ La Liga និងមានសិទ្ធិលេងនៅក្នុងពានរង្វាន់ Champions League ។ គេនឹងមកជំនួសតំបន់ប្រយុទ្ធឲ្យ Everton បន្ទាប់ពី Dominic Calvert-Lewin បានចាកចេញក្រោយកិច្ចសន្យារបស់ពួកគេបានបញ្ចប់។Barry កើតនៅ Lyon ហើយបានចាកចេញពីក្លឹប Sochaux នៅវ័យ 19ឆ្នាំ

Newcastle United បានយល់ព្រមលើតម្លៃខ្លួន 55 លានផោនជាមួយ Nottingham Forest សម្រាប់កីឡាករខ្សែបម្រើស្លាបជនជាតិស៊ុយអែត Anthony Elanga ។ កីឡាករវ័យ 23 ឆ្នាំរូបនេះស៊ុតបញ្ចូលទីបាន 6 គ្រាប់ និងបញ្ជូនបាល់ឱ្យមិត្តរួមក្រុមបាន 11 ដងសម្រាប់ក្រុមរបស់លោក Nuno Espirito Santo កំឡុងរដូវកាល Premier League 2024-25។ Newcastle មិនទាន់បង់ថ្លៃកីឡាករម្នាក់នៅរដូវក្ដៅនេះទេ ដោយខ្សែបម្រើស្លាបសញ្ជាតិអេស្ប៉ាញវ័យ 18 ឆ្នាំ Antonio Cordero ទើបតែមកដល់ក្នុងការផ្ទេរដោយឥតគិតថ្លៃពី Malaga។ Forest បានចំណាយ 15 លានផោនដើម្បីចុះហត្ថលេខាលើ Elanga ពី Manchester United ក្នុងកិច្ចសន្យារយៈពេល 5 ឆ្នាំក្នុងឆ្នាំ 2023 ។ គាត់បានមកដល់ Old Trafford នៅអាយុ 12 ឆ្នាំ ហើយបានបង្ហាញខ្លួន 55

(ភ្នំពេញ)៖ ក្រុមកីឡាកាយសម្ព័ន្ធ ផ្នែកអាទិស្ទិក(Artistic) ចំនួន ៤រូប រួមមានលោក ផុន សុខជា គ្រួជំនួយ ព្រមទាំងកីឡាករ ទែន វ៉ាន់ដេត, យ៉ន មង្គល និង រេត លីម៉េង បានទទួលអាហារូបករណ៍ទៅហ្វឹកហាត់រយៈពេលវែង នៅសាលាកីឡា Shantou Sports School ស្ថិតនៅខេត្ត Guangdong សាធារណរដ្ឋប្រជាមានិតចិន ដើម្បីពង្រឹងសមត្ថភាព និងបច្ចេកទេសត្រៀមការប្រកួតកីឡាស៊ីហ្គេម លើកទី៣៣ នាចុងឆ្នាំ២០២៥ នេះ ក៏ដូចជាត្រៀមការប្រកួតអន្ដរជាតិនានា។ ក្នុងការឱកាសដឹកនាំកីឡាករ ទៅកាន់ជំរំហ្វឹកហាត់នាប្រទេសចិន នៅព្រឹកថ្ងៃទី៨ ខែកក្កដានេះ លោក ណយ ផាណា អគ្គលេខាធិការសហព័ន្ធកីឡាកាយសម្ព័ន្ធកម្ពុជា បានឲ្យដឹងថា បេសកកម្មបោះជំរំហ្វឹកហាត់ក្រៅប្រទេសនេះ កើតចេញពីការខិតខំប្រឹងប្រែងស្វែងរកការគាំទ្ររបស់លោកបណ្ឌិតទេសរដ្ឋមន្ដ្រី ថោង ខុន ប្រធានគណៈកម្មាធិការជាតិអូឡាំពិកកម្ពុជា(NOCC) និងជាប្រធានសហព័ន្ធ ដោយទទួលបានអាហារូបករណ៍ពីលោកបណ្ឌិត Gordon Tang អនុប្រធានគណៈកម្មាធិការជាតិអូឡាំពិកកមម្ពុជា។ ការហ្វឹកហាត់មានរយៈពេលជិត ៥ខែ ចាប់ពីថ្ងៃដំណើរ រហូតដល់ថ្ងៃទី៣០ ខែវិច្ឆិកា ឆ្នាំ២០២៥

(បរទេស)៖ ខ្សែប្រយុទ្ធកំពុងឡើងជើង Viktor Gyokeres ថ្មីៗនេះបានបង្ខំចិត្តចែកផ្លូវជាមួយមិត្តស្រីរបស់ខ្លួន គឹនាង Ines Aguiar ដើម្បីផ្តោតតែលើការប្រកបអាជីពជាមួយក្លិបកាំភ្លើងធំ Arsenal ដែលខិតជិតផ្ទេរមកទឹកដីអង់គ្លេសមែនទែនហើយ។ យោងតាម Channel Telegram JF បានឱ្យដឹងថា ខ្សែប្រយុទ្ធអន្តរជាតិស៊ុយអែតរូបនេះ មិនចង់ចំណាយពេលច្រើនទៀត និងធ្វើគ្រប់យ៉ាងជាមួយក្លិប Sporting Lisbon របស់ព័រទុយហ្គាល់ទៀតឡើយ ខណៈលោកបានកំពុងស្វែងរកជម្រើសលេងថ្មីនៅកាំភ្លើងធំវិញម្តង។ ចំណែកឯកគេហទំព័រកីឡា BBC របស់អង់គ្លេសវិញក៏បានចេញផ្សាយនៅថ្ងៃនេះដែរថា Gyokeres កាន់តែប្រកៀក ក្នុងការផ្លាស់មកចូលរួមជាមួយ Arsenal ក្រោយពេលជួបពិភាក្សាគ្នាទល់មុខរួចមក និងអាចក្លាយជាសមាជិកថ្មីទី៣ ឆាប់ៗនេះ ក្រោយការមកដល់របស់កីឡាករចាំទី Kepa Arrizabalaga និងខ្សែបម្រើ Martin Zubimendi។ ខ្សែប្រយុទ្ធវ័យ ២៧ឆ្នាំធ្លាប់បានឈ្នះជើងឯកលីកព័រទុយហ្គាល់ជាមួយ Sporting កន្លងមកដែរ នៅតម្លៃផ្ទេរត្រូវបានគេប៉ាន់ប្រមាណថា ប្រហែល ៧០លានផោន ក្រោយពេល Arsenal បានចំណាយអស់ ៦៥លានផោនមកហើយទៅលើកីឡាករ ២រូបខាងលើ៕ ប្រភព: freshnewsasia