September 12, 2025

អ្នក​លេង​គុន​ខ្មែរ​ ឡុង​ ប៉េងលឿន​ បាត់​ម៉ូតូ​ ១គ្រឿង​ម៉ាក់​ Scoopy​ ឆ្នាំ​២០២១​ ពណ៌ខ្មៅ​ កាល​ពី​យប់​ថ្ងៃ​ទី១១​ ខែ​កញ្ញា​ ឆ្នាំ​២០២៥​ បន្ទាប់​ពី​រូប​គេ​សម្រាក​មួយ​ភ្លែតក្រោយ​ពេល​ធ្វើ​ទម្ងន់អស់​កម្លាំង​ពេក​​ដើម្បី​ត្រៀម​ការ​ប្រកួត​នៅ​ថ្ងៃ​សៅរ៍​សប្ដាហ៍​នេះ។​ កីឡាករ ឡុង ប៉េងលឿន បានឲ្យដឹងមកថា ម៉ូតូនេះជាកម្លាំងញើសឈាមរបស់ខ្លួនឡើងប្រកួត និងផ្សំជាមួយថវិកាប្រពន្ធដែលបានលក់ដូរកន្លងទៅទើបបានទិញម៉ូតូមួយនេះប្រើប្រាស់ប្រចាំថ្ងៃគ្រាន់ជិះទៅថ្លឹងទម្ងន់ប្រកួតជាដើម។ ឥលូវបាត់ហើយកាលពីយប់មិញនេះ ស្របពេលចោរលួចទៅហើយបែរជាទុកស្បែកជើងឲ្យ១គូឲ្យវិញទៀត។ អ្នកប្រដាល់គុនខ្មែរជួរមុខរូបនេះបន្តលើកឡើងទៀតថា ម៉ូតូ Scoopy របស់ខ្លួននេះបាត់ចន្លោះប្រហែលម៉ោង១១-១២ យប់មិញនៅក្នុងផ្ទះតែម្ដង បន្ទាប់ពីរូបគេធ្វើទម្ងន់អស់កម្លាំងបន្តិចក៏សម្រាកមួយភ្លែតមិនបានចាក់សោររបងផ្ទះនោះឡើយ និងមួយទៀតដោយសាររង់ចាំបងមកពីលក់ដូរវិញផង។ ប៉េងលឿន​ បាន​អំពាវនាវ​ដល់​ប្រជាពលរដ្ឋ​ទាំង​អស់​ផង​ដែរ​ប្រសិន​បើ​ប្រទះ​ឃើញ​ម៉ូតូ​ Scoopy ពណ៌ខ្មៅ​ ឆ្នាំ​២០២១​ ដែល​មាន​ស្លាក​លេខ​ ភ្នំពេញ​ 1lQ -0805 សូម​ផ្ដល់​ដំណឹង​ទៅ​កាន់​ខ្លួន​ផង​តាម​រយៈ​លេខ​ទូរសព្ទ​ 095 624 242- 097 560 621 1 ដើម្បី​ឆាប់​រក​ឃើញ​វិញគ្រាន់​​បាន​ប្រើប្រាស់​ប្រចាំថ្ងៃ​វិញ​។​ បញ្ជាក់​ដែរ​ថា​ ឡុង​ ប៉េងលឿន​ ជា​កីឡាករ​ជួរ​មុខ​លើ​ប្រភេទ​ទម្ង់​ ៦៣,៥​គីឡូក្រាម​រូប​គេ​កំពុង​ហ្វឹកហាត់​នៅ​ក្លឹប​ប្រដាល់​នាគរាជចតុមុខ។​ ម៉ូតូ​ Scoopy ស្លាកលេខ ភ្នំពេញ​ 1lQ […]

ក្រុម​កីឡា​បាល់ទាត់ជម្រើសជាតិ ព័រទុយហ្គាល់ ត្រូវបានគេព្យាករ​ពី​ការ​មានភាគរយខ្ពស់​ជាង​គេ​ ក្នុងការឈ្នះជើងឯកពិភពលោក World Cup ​ឆ្នាំ ២០២៦ ។ ការប្រកួតព្រឹត្តិការណ៍បាល់ទាត់ជើងឯកពិភពលោក លើកទី២៣ នឹងចូលមកដល់នៅខែ មិថុនា ឆ្នាំ ២០២៦ ប៉ុន្តែគិតត្រឹមពេលនេះ មានអ្នកនិយមបាល់ទាត់ជាច្រើន បានព្យាករខ្លះៗទៅហើយ ថា ក្រុមណានឹងអាចមានឱកាសឈ្នះពានបាល់ទាត់ដ៏ធំបំផុតដែលធ្វើឡើងរាល់ ៤ ឆ្នាំម្តង។ យោងតាមការព្យាកររបស់ ONE Football បានបង្ហាញថា ព័រទុយហ្គាល់ មានភាគរយច្រើនជាងគេ គឺរហូតដល់ ៤២%។ ចំណែក អេស្ប៉ាញ មានឱកាស ២០%។ អាហ្សង់ទីន មានឱកាស ១៥%។ បារាំងមានឱកាស ៨%។ ប្រេស៊ីល មានឱកាស ៦%។ អង់គ្លេស មានឱកាស ៥% និងចុងក្រោយ អាល្លឺម៉ង់ មានឱកាស ៤ %។ គួរឱ្យដឹងថា ការប្រកួត​បាល់ទាត់ជើងឯកពិភពលោក ឆ្នាំ ២០២៦ ទំនងនឹងក្លាយជាការប្រកួតចុងក្រោយ​សម្រាប់​ខ្សែប្រយុទ្ធឆ្នើម

សហព័ន្ធបាល់ទាត់ពិភពលោក (FIFA)បាននិយាយកាលពីថ្ងៃព្រហស្បតិ៍ថា សំបុត្រជាង ១,៥ លានសន្លឹកត្រូវបានស្នើសុំទិញពីអ្នកគាំទ្រក្នុងចំណោម ២១០ ប្រទេសក្នុងរយៈពេល 24 ម៉ោងបន្ទាប់ពីការបើកដំណើរការលក់មុនសម្រាប់ការប្រកួតបាល់ទាត់ពិភពលោកឆ្នាំ 2026។ អ្នកដែលបានដាក់ស្នើ ភាគច្រើនមកពីសហរដ្ឋអាមេរិក ម៉ិកស៊ិក និងកាណាដា បន្ទាប់មកអាហ្សង់ទីន កូឡុំប៊ី ប្រេស៊ីល អង់គ្លេស អេស្ប៉ាញ ព័រទុយហ្គាល់ និងអាល្លឺម៉ង់។ អ្នកគាំទ្របាល់ទាត់កំពុងតែចាប់អារម្មណ៍ខ្លាំងលើការប្រកួតដែលបានពង្រីកចំនួន 48 ក្រុមហើយនឹងធ្វើជាម្ចាស់ផ្ទះដោយម៉ិកស៊ិក កាណាដា និងសហរដ្ឋអាមេរិក ដោយមានការប្រកួតចំនួន 104 នៅទូទាំង 16 ទីក្រុងម្ចាស់ផ្ទះ។ បេក្ខជនដែលស្នើទិញដោយជោគជ័យនឹងត្រូវបានការជូនដំណឹងតាមរយៈអ៊ីមែលចាប់ពីថ្ងៃទី 29 ខែកញ្ញា និងផ្តល់ពេលវេលាកំណត់ដើម្បីទិញសំបុត្រចាប់ពីថ្ងៃទី 1 ខែតុលា។ សំបុត្រនឹងចាប់ផ្តើមពី ៦០ ដុល្លារក្នុងមួយសន្លឹក ប៉ុន្តែតម្លៃថាមវន្តនឹងដំណើរការក្នុងដំណាក់កាលដំបូងនៃការលក់សំបុត្រដោយអ្នកគាំទ្រអាចនឹងបង់តម្លៃខុសៗគ្នាទៅតាមតម្រូវការទីផ្សារ។ ដំណាក់កាលលក់សំបុត្របន្ថែមគ្រោងនឹងចាប់ផ្តើមនៅខែតុលា។ ប្រភព៖ NKDNEWS

អ្នក​លេង​គុនខ្មែរ​ កែវ​ រំចង់​ នឹង​វិល​ចូល​សង្វៀន​ប្រដាល់​វិញ​ហើយ​នៅ​ថ្ងៃ​ទី១៤​ ខែ​កញ្ញា​ ឆ្នាំ​២០២៥​ ដោយ​ប៉ះ​បរទេប្រកួត​លើ​ប្រភេទ​ទម្ង់​ ៨០​គីឡូក្រាម។​ អស់​រយៈពេល​ជា​ច្រើន​ខែ​មក​ហើយ​ដែល​បាត់​មុខ​អ្នក​ប្រដាល់​ កែវ​ រំចង់​ ពី​សង្វៀន​ប្រកួត​នានា​ក្នុ​ង​ស្រុក។​ ការ​បាត់​មុខ​នេះ​អាច​មក​ពី​ការងារ​រវល់​ផង​ និង​ដោយ​សារ​ការ​បង្ហាត់​សិស្សៗ​បែ​ប​សុខភាព​នៅ​ក្លឹប​ហាត់​ឯកជន​ផង។​ នៅ​តាម​បណ្ដាញ​សង្គម​គេ​ឃើញ​ រំចង់​ បាន​ខំប្រឹង​ហ្វឹកហាត់​ឡើង​វិញ​ និង​ព្យាយាម​សម្រក់​ទម្ងន់​ផង​ដែរ។​ យ៉ាងណា​ការ​ប្រកួត​លើក​នេះ​រូប​គេ​នៅ​តែ​ប្រកួតលើ​​ប្រភេទទម្ងន់​ធ្ងន់​ខ្លាំង​ដដែល​ទេ​ ពោល​វាយ​ក្នុង​ទម្ងន់​ ៨០​គីឡូក្រាម​។​ រង់ចាំ​ទស្សនា​ទាំង​អស់​គ្នា​មើល​ថា​ កីឡាករ​ កែវ​ រំចង់​ អាច​យក​ឈ្នះ​កីឡាករ​ Deyson Sapalo នេះ​បាន​ទេ​នៅ​ថ្ងៃ​អាទិត្យ​ ទី១៤​ ខែ​កក្កដា​ ឆ្នាំ​២០២៥​ វេលា​ម៉ោង​ ១២​ថ្ងៃ​ត្រង់​តទៅ​លើ​សង្វៀនបាយ័ន​ស្ទឹងមានជ័យ៕ ប្រភព៖ KAMPUCHEATHMEY

Cristiano Ronaldo ទទួលបានពានរង្វាន់ឯកត្តជនថ្មីមួយបន្ថែមចូលក្នុងអាជីព ជាពានកីឡាករល្អអស្ចារ្យដាច់គេបំផុត (Best of All Time) ពីសំណាក់លីគបាល់ទាត់ព័រទុយហ្កាល់ Primeira Liga។ ខ្សែប្រយុទ្ធវ័យ ៤០ឆ្នាំ ក៏យល់ព្រមទទួល ទោះមិនមែនជាពានរង្វាន់កម្រិតតំបន់ ឬពិភពលោកក៏ដោយ។ កាលពីថ្ងៃទី១០ កញ្ញា ស្ថាប័នគ្រប់គ្រងលីគបាល់ទាត់អាជីពព័រទុយហ្កាល់ បានរៀបចំពិធីប្រគល់ពានរង្វាន់ប្រចាំឆ្នាំ សម្រាប់កីឡាករបានបង្ហាញខ្លួនល្អ ប្រចាំប្រទេសព័រទុយហ្កាល់ នៅរដូវកាល​ ២០២៤-២៥។  ខ្សែប្រយុទ្ធ Viktor Gyokeres ដែលទើបបានផ្លាស់ចេញពី Sporting Lisbon ទៅក្លិប Arsenal ជាប់ជាកីឡាករល្អប្រចាំឆ្នាំ (Best Player of the Year) ប្រចាំលីគកំពូលព័រទុយហ្កាល់ តាមរយៈរកបាន ៥៤គ្រាប់ ក្នុងការបង្ហាញខ្លួន ៥២លើក រដូវកាលមុន។ យ៉ាងណាមិញ កីឡាករដែលទាក់ទាញចំណាប់អារម្មណ៍ខ្លាំងបំផុតពីសំណាក់អ្នកគាំទ្រព័រទុយហ្កាល់ បានលើប្រធានក្រុមជម្រើសជាតិព័រទុយហ្កាល់ ​Cristiano Ronaldo ឯណោះវិញទេ ដោយគេបានឈ្នះពានរង្វាន់កីឡាករល្អដាច់គេបំផុត Best of All Time។