October 3, 2025

ក្រុម​បាល់ទាត់​ហ្វ្រីស្ដាយ៍​កម្ពុជា​ (Freestyle) ចំនួន​ ៣រូប​បាន​ហ្វឹកហាត់​ និង​ត្រៀម​ខ្លួន​រួចរាល់​ហើយ​ក្នុង​ការ​ចូលរួម​ប្រកួត​កម្មវិធី​ WFFA Pulse Jakarta 2025 ដែល​ធ្វើ​ឡើង​នៅ​ប្រទេស​ឥណ្ឌូណេស៊ី​។​ កីឡាករ ឡុង គឹមហេង ប្រធានក្រុមបាល់ទាត់ហ្វ្រីស្តាយ៍កម្ពុជាបានឲ្យដឹងថា នេះជាលើកទី១ ហើយសម្រាប់ក្រុមកម្ពុជាដែលមានឱកាសបានចេញទៅប្រកួតនៅអន្តរជាតិ ព្រោះពីមុនមកមានត្រឹមតែការប្រកួតក្នុងស្រុក និងខ្មែរប៉ះខ្មែរប៉ុណ្ណោះ។ កីឡាករទាំង ៣រូបមានអារម្មណ៍សប្បាយរីករាយជាខ្លាំងដែលចេញទៅប្រកួតក្នុងព្រឹត្តិការណ៍កម្រិតអន្តរជាតិមួយនេះ។ ការចេញទៅប្រកួតនៅលើឆាកអន្តរជាតិលើកទី១ នេះគឺនឹងបង្ហាញពីវិស័យបាល់ទាត់ Freestyle របស់កម្ពុជាដល់បណ្ដាប្រទេសផ្សេងៗ និងបង្ហាញពីធនធានកីឡាករដែលមានសមត្ថភាពល្អ និងភាពរីកចម្រើនឲ្យអន្តរជាតិបានដឹង។ ម្នាក់ៗ​មាន​ការ​ប្ដេជ្ញា​ចិត្ត​នឹង​ខំប្រឹង​ប្រកួត​ឲ្យ​អស់​ពី​សមត្ថភាព​ស្វែង​រក​ជ័យជម្នះ​ជូន​ប្រជាជន​កម្ពុជា​បើ​ទោះ​ជា​ទទួល​បាន​លទ្ធផល​យ៉ាងណា​​មិន​ថ្វី​នោះ​ឡើយ​ ព្រោះនេះ​​ជា​លើក​ទី១​ សម្រាប់​ក្រុម​ទាំង​មូល។​ កីឡាករ​ ឡុង គឹមហេង ជឿជាក់​ថា​ការ​ប្រកួត​នៅ​ឥណ្ឌូណេស៊ី​នេះ​នឹង​ផ្ដល់​បទ​ពិសោធ​ល្អ​ៗពាក់ព័ន្ធ​និង​បច្ចេកទេស​ប្រកួត​ និង​ការ​ស្វែងយល់​ពី​ស្ដាយ៍ផ្សេងៗ​ដែល​អន្តរជាតិ​កំពុង​ពេញ​និយម​ដើម្បី​យក​មក​​អភិវឌ្ឍន៍​វិស័យ​កីឡា​បាល់ទាត់​ Freestyle នៅកម្ពុជា​។​ ជា​មួយ​គ្នា​នេះ​ដែរ​ក្រុម​បាល់ទាត់​ហ្វ្រីស្តាយ៍​កម្ពុជា​ ​​សូម​ថ្លែង​អំណរគុណ​ឯកឧត្ដម​ ឌី​ វិជ្ជា​ ប្រធាន​ក្លឹប​បាល់ទាត់​ព្រះខ័នរាជស្វាយរៀង​ដែល​ផ្ដួចផ្ដើម​ឲ្យ​មាន​ជា​ការ​ប្រកួត​កន្លង​មក​ និង​បាន​ឧបត្ថម្ភ​ទាំង​ស្រុង​លើ​ការ​ចេញ​ទៅ​ប្រកួត​នៅ​ឥណ្ឌូណេស៊ី​នេះ​តែ​ម្ដង។​ បញ្ជាក់​ដែរ​ថា​ ក្រុម​បាល់ទាត់​ហ្វ្រីស្តាយ៍​កម្ពុជា​ចំនួន​ ៣នាក់​រួម​មាន​កីឡាករ​ សុំ សាន ​កីឡាករ នួន វណ្ណា និង​កីឡាករ​ ឡុង គឹមហេង បាន​ចេញ​ដំណើរ​ទៅ​ប្រទេស​ឥណ្ឌូណេស៊ី​ ហើយ​កាល​ពី​រសៀល​ម៉ោង​៣​ ថ្ងៃ​ទី៣​ […]

គ្រូបង្វឹករបស់ក្រុម Paris Saint-Germain លោក Luis Enrique នៅតែចាត់ទុក ក្រុមអ្នកមានបុណ្យ FC Barcelona ជាបេក្ខភាពធំនឹងឈ្នះពានរង្វាន់ Champions League រដូវកាល ២០២៥-២០២៦ នេះ ទោះបីជាពួកគេទើបតែចាញ់ក្រុមរបស់លោកកាលពីពេលថ្មីៗនេះក៏ដោយ។ កាលពីយប់រំលងអាធ្រាត្រថ្ងៃ ពុធ ឈានចូលថ្ងៃ ព្រហស្បតិ៍ ទី ០២ ខែ តុលា ឆ្នាំ ២០២៥ ក្រុមអ្នកមាន PSG បានយកឈ្នះលើក្រុម Barcelona ដល់ទឹកដី អេស្ប៉ាញ ក្នុងលទ្ធផល ២ ទល់នឹង ១ ដែលជាការប្រកួតវគ្គសន្សំពិន្ទុ League Phase ពាន Champions League។ ក្រោយបញ្ចប់ការប្រកួតនេះ គ្រូបង្វឹករបស់ PSG លោក Enrique បានមានប្រសាសន៍ ថា៖ «សម្រាប់ខ្ញុំ វាគឺច្បាស់ណាស់ ដែលពួកគេស្ថិតនៅក្នុងបេក្ខភាពឈ្នះពាន Champions League។ ពួកគេលេងយ៉ាងអស្ចារ្យ។

ខ្សែប្រយុទ្ធសញ្ជាតិ បារាំង កីឡាករ Kylian Mbappe កំពុងបង្ហាញភាពលេចធ្លោខ្លាំង ក្នុងពានរង្វាន់ក្លិប​កំពូល​ទ្វីប​អឺរ៉ុប​ UEFA Champions League ដោយបច្ចុប្បន្នរូបគេមានវ័យទើប ២៦ ឆ្នាំប៉ុណ្ណោះ ប៉ុន្តែបានឈានចូលចំណាត់ថ្នាក់លំដាប់កំពូលទាំង ៦ ជាកីឡាកររកបានគ្រាប់បាល់ច្រើនបំផុត។ Mbappe រកបានគ្រាប់បាល់ បានចំនួន ៦០ គ្រាប់ហើយក្នុងពាន UCL ខណៈគ្រាប់បាល់ទី ៦០ នេះ គឺរូបគេរកបានអំឡុងការប្រកួត ដែល Real Madrid យកឈ្នះលើក្រុម Kairat ក្នុងលទ្ធផល ៥-០ កាលពីថ្ងៃទី ៣០ ខែ កញ្ញា កន្លងទៅ ដោយពេលនោះរូបគេបានស៊ុតបញ្ចូលទីចំនួន ៣ គ្រាប់ (hat-trick)។ ខ្សែប្រយុទ្ធរបស់ Real Madrid រូបនេះ បច្ចុប្បន្នស្ថិតនៅក្រោមអតីតកីឡាករ និងកីឡាករ ៥ នាក់ប៉ុណ្ណោះ រួមមានលោក Raul ស្ថិតនៅលេខ ៥ រកបាន

លោក​ ពេជ្រ​ សុផាន់​ ហៅ​គ្រូ​ឆ្នើម​ ថា​កូន​សិស្ស​របស់​ខ្លួន​គឺ​កីឡាករ​ ពេជ្រ​ សម្បត្តិ​ បាន​ហ្វឹកហាត់​ពេញ​ល្អ​មាន​រយៈពេល​ ៣សប្ដាហ៍​មក​ហើយ​ត្រៀម​សម្រាប់​ប៉ះ​កីឡាករ​ជើង​ខ្លាំង​ដែល​ជា​ម្ចាស់​ផ្ទះ​ចិន Carlos Su នៅ​ថ្ងៃ​ទី៧​ ខែ​តុលា​ ឆ្នាំ​២០២៥​ ខាង​មុខ​នេះ។​ ថ្លែងក្នុងកិច្ចសម្ភាសលោក ពេជ្រ សុផាន់ បានលើកឡើងថា ចំពោះកីឡាករ ពេជ្រ សម្បត្តិ គឺបានហ្វឹកហាត់ពេញល្អ ៣សប្ដាហ៍មកហើយ។ ដោយឡែកសម្រាប់ ពេជ្រ អាទិទេព ហ្វឹកហាត់នៅស្ទើរបន្តិច។ គ្រូឆ្នើមរូបនេះបន្តទៀតថា ទាំងដៃគូរបស់ សម្បត្តិ និង អាទិទេព គឺសុទ្ធតែល្អដូចគ្នា។ ម្នាក់ដែលនឹងប៉ះ សម្បត្តិ នេះគឺជាកីឡាករមានកេរ្តិ៍ឈ្មោះល្បី មានបទពិសោធប្រកួតច្រើន ចាត់ចូលចំណោមកីឡាករលំដាប់របស់ចិនហើយ។ យ៉ាងណា​ក្រុម​គ្រូ​ឆ្នើម​នឹង​ខំប្រឹង​ឲ្យ​អស់​ពី​សមត្ថភាព​មិន​ធ្វើ​ឲ្យ​អ្នក​គាំទ្រ​ខក​បំណង​នោះ​ឡើយ​ដែល​ទន្ទឹង​រង់ចាំ​ទស្សនា​ជា​យូរ​មក​ហើយ​អាច​ទទួល​យក​បាន​ក្នុង​ជំនួប​ប្រកួត​ផ្សព្វផ្សាយ​គុន​នៅ​ឯ​ប្រទេស​ចិន​នេះ។​ បញ្ជាក់​ដែរ​ថា​ ក្រុម​គុន​ខ្មែរ​ចំនួន ​៦រូប​មាន​កីឡាករ​៤ កីឡាការិនី​២ រូប​នឹង​ត្រូវ​ទៅ​ប្រកួត​អន្តរជាតិ​នៅ​ប្រទេស​ចិន​ ថ្ងៃ​ទី៧​ ខែ​តុលា​ ឆ្នាំ​២០២៥​។​ ចំពោះ​ក្លឹប​លោក​ ពេជ្រ​ សុផាន់​ មាន​កីឡាករ​ ២រូប​ផង​ដែរ​គឺ​ ពេជ្រ​ សម្បត្តិ​

ពាក្យមួយម៉ាត់ «បើចង់ជោគជ័យ ត្រូវចាកចេញពី Manchester United» កំពុងក្លាយជាពាក្យរសើប និងជាពាក្យលេងសើចមួយក្នុងវិស័យបាល់ទាត់ បន្ទាប់ពីតថភាពជាក់ស្តែង មានកីឡាករដល់ទៅ ៦ នាក់នាពេលបច្ចុប្បន្ន ហាក់កំពុងបង្ហាញសមត្ថភាពលេចធ្លោរខ្លាំង នៅពេលដើរចេញពីទឹកដី Old Trafford។ ក្លិបដែលដក់ដាមដោយប្រវត្តិសាស្ត្រ Man United ហាក់កំពុងធ្លាក់ដុនដាបខ្លាំងនាប៉ុន្មានឆ្នាំចុងក្រោយនេះ ពោលសឹងតែហៅលែងឮទៅហើយ ទោះបីជាពួកគេបានព្យាយាមផ្លាស់ប្តូរគ្រូបង្វឹកជាញឹកញាប់ ក៏ដូចជាមានការនាំចូលកីឡាករល្អៗច្រើនក៏ដោយ។ មានកីឡាករមួយចំនួន ដែលសុទ្ធតែជាកីឡាករពោរពេញដោយសមត្ថភាព និងទេពកោសល្យ ប៉ុន្តែពួកគេបែជាធ្លាក់ទម្រង់លេងខ្លាំង នៅពេលចូលរួមជាមួយ Man United។ ហើយមិនត្រឹមតែប៉ុណ្ណោះ ពួកគេក៏ធ្លាប់មានរឿងរកាំរកូសជាមួយក្លិបផងដែរ ដែលបង្ខំឱ្យពួកគេត្រូវស្វែងរកទ្រនំថ្មី។ ប៉ុន្តែជាការកត់សម្គាល់ កីឡាករទាំងនោះសុទ្ធតែបង្ហាញសមត្ថភាពលេចធ្លោរខ្លាំង បន្ទាប់ពីពួកគេចាកចេញពី Man United ផ្លាស់ទៅកាន់ក្លិបថ្មី។ Marcus Rashford ជាកីឡាករ ដែលកំពុងទទួលបានការចាប់អារម្មណ៍ខ្លាំងបំផុត។ ខ្សែប្រយុទ្ធសញ្ជាតិ អង់គ្លេស រូបនេះ រកបាន ៣ គ្រាប់ និង ៥ បញ្ជូន (assists) ក្នុងចំណោមការលេង ១០ ប្រកួតនៅរដូវកាលនេះ

អ្នក​លេង​គុន​ខ្មែរ​ ឈឿង​ ល្វៃ​ ថា​កីឡាករ​ Umar Semata​ ជា​ជើង​ខ្លាំង​មួយ​រូប​ដែល​ធន់​ កម្លាំង​ខ្លាំង​ ស៊ូ​ ដូច្នេះ​ខ្លួន​ត្រូវ​តែ​ពង្រឹង​សមត្ថភាព​ឲ្យ​បានល្អ​ក្នុង​ជំនួប​ដណ្ដើ​ម​ខ្សែក្រវាត់ ​នៅ​ថ្ងៃ​សៅរ៍​ ទី៤​ ខែ​តុលា​ ឆ្នាំ​២០២៥​ លើ​សង្វៀន​បាយ័ន​ស្អែក​នេះ។​ កីឡាករ ឈឿង ល្វៃ បានឲ្យដឹងថា បច្ចុប្បន្ននេះខ្លួនបានពង្រឹងសមត្ថភាព និងសម្រួចគ្រប់ស្នៀតទាំងអស់មិនថា កែង ជង្គង់ ម៉ាត់ ឬទាត់នោះឡើយ។ ការប្រកួតជាក់ស្ដែងអាវុធមួយណាបានផលនឹងប្រើអាវុធនោះ។ សិស្សគុនមកពីក្លឹបនាគរាជចតុមុខរូបនេះបន្ថែមទៀតថា កីឡាករ Umar Semata ម្នាក់នេះសមត្ថភាពល្អមិនអាចមើលស្រាលបានឡើយ។ ពោលចំណុចល្អរបស់គេធន់ មានកម្លាំងខ្លាំង និងស៊ូទៀតផង។ សម្រាប់ការប្រកួតដណ្ដើមខ្សែក្រវាត់នេះ ល្វៃ សង្ឃឹម ៧០% នឹងទទួលបានជ័យជម្នះ។ បញ្ជាក់​ដែរ​ថា​ កីឡាករកម្ពុជា​ ឈឿង​ ល្វៃ​ នឹង​ត្រូវ​ប្រកួត​ដណ្ដើម​ខ្សែក្រវាត់​ជា​មួយ​កីឡាករ​ ​Umar Semata នៅ​ថ្ងៃ​សៅរ៍​ស្អែក​នេះ​លើ​សង្វៀន​បាយ័ន​ ចាប់​ពី​ម៉ោង​ ៥កន្លះ​ល្ងាច​តទៅ។​ ប្រិយមិត្ត​អ្នក​គាំទ្រអាច​ចូល​ទស្សនា​បាន​ដោយ​សេរី​នៅ​បាយ័ន​ស្ទឹង​មានជ័យ​​។​ កុំ​ភ្លេច​ទៅ​លើក​ទឹកចិត្ត​កីឡាករ​ទាំង​អស់​គ្នា៕​ ប្រភព៖​ KAMPUCHEATHMEY

លីគ​បាល់ទះ​តៃវ៉ាន់ Taiwan Enterprise Volleyball League រដូវ​កាល​ថ្មី បាន​ចាប់​ផ្តើម​ហើយ​ដោយ​មាន​ក្រុម​ចំនួន ៤ ចូល​រួម​ប្រកួត​។ ទោះ​ជា​ក្រុម​មាន​ចំនួន​តិច ប៉ុន្តែ​កម្រិត​ប្រកួត​ប្រជែង​នៅ​តែ​ខ្លាំង ដោយសារ​ក្រុម​នីមួយ​ៗ​សុទ្ធ​តែ​បាន​នាំ​ចូល​កីឡាករ​បរទេស​ល្អ​ៗ​ដើម្បី​ពង្រឹង​សមត្ថភាព។ ក្នុងនេះមានកីឡាករបរទេស ៤ នាក់ដែលអាចចាត់ទុកជាកីឡាករឆ្នើមលេចធ្លោបំផុតប្រចាំក្រុមនីមួយៗមានដូចជាកីឡាករ វឿន វាសនា សញ្ជាតិកម្ពុជា កីឡាករ Francois Rebeyrol សញ្ជាតិបារាំង កីឡាករ Mohammad Abbasi សញ្ជាតិអ៉ីរ៉ង់ និងកីឡាករ Charles Belvin សញ្ជាតិអាមេរិក។ វឿន វាសនា របស់ក្រុម Win Streak កីឡាករ វឿន វាសនា (OH) សញ្ជាតិខ្មែរ កម្ពស់ ១.៩៦ម៉ែត្រ ក្លិប Win Streak។ កីឡាករជម្រើសជាតិកម្ពុជាលេងឲ្យក្រុមខេត្តព្រៃវែង ក្រុមវៀតណាម Lavie Long An និង វិសាខា មុនពេលទៅទឹកដីតៃវ៉ាន់ ឈានចូលរដូវកាលទី៣។ កីឡាករ

ប្រធាន FIFA លោក Gianni Infantino បាននិយាយកាលពីថ្ងៃព្រហស្បតិ៍ថា បាល់ទាត់មិនអាចដោះស្រាយជម្លោះបានទេ ប៉ុន្តែវាត្រូវតែនាំសារសន្តិភាព និងឯកភាព ខណៈដែលប្រតិបត្តិការយោធារបស់អ៊ីស្រាអែលនៅតំបន់ហ្គាហ្សា និងភាពតានតឹងជាសកលផ្សេងទៀតក៏ត្រូវឱ្យកីឡាមានជំហរចូលរួមនាំសារផងដែរ។ លោក Infantino បានប្រាប់កិច្ចប្រជុំក្រុមប្រឹក្សា FIFA នៅទីក្រុង Zurich ជាកន្លែងដែលគាត់បានជួបប្រធានសហព័ន្ធប៉ាឡេស្ទីនលោក Jibril Rajoub ថា “នៅឯ FIFA យើងប្តេជ្ញាប្រើអំណាចនៃកីឡាបាល់ទាត់ដើម្បីនាំមនុស្សរួមគ្នានៅក្នុងពិភពលោកដែលបែកបាក់គ្នា។គំនិតរបស់យើងគឺជាមួយអ្នកដែលកំពុងរងទុក្ខនៅក្នុងជម្លោះជាច្រើនដែលមាននៅជុំវិញពិភពលោកនាពេលបច្ចុប្បន្ននេះ ហើយសារសំខាន់បំផុតដែលកីឡាបាល់ទាត់អាចបង្ហាញនាពេលនេះគឺមួយនៃសន្តិភាព និងឯកភាព” ។ លោកInfantino បានថ្លែងថា ស្ថាប័នគ្រប់គ្រងបាល់ទាត់ពិភពលោក មិនអាចដោះស្រាយវិបត្តិភូមិសាស្ត្រនយោបាយបានទេ ប៉ុន្តែ “វាអាច និងត្រូវតែលើកកម្ពស់បាល់ទាត់ជុំវិញពិភពលោក ដោយប្រើប្រាស់នូវតម្លៃបង្រួបបង្រួម ការអប់រំ វប្បធម៌ និងមនុស្សធម៌”។ ការអត្ថាធិប្បាយនេះបានធ្វើឡើងមួយថ្ងៃបន្ទាប់ពីអនុប្រធាន FIFA លោក Victor Montagliani បានកត់សម្គាល់ថាការសម្រេចចិត្តណាមួយលើការចូលរួមរបស់អ៊ីស្រាអែលនៅក្នុងការប្រកួតអ៊ឺរ៉ុប រួមទាំងការប្រកួតជម្រុះ World Cup គឺជាបញ្ហាសម្រាប់សហព័ន្ធបាល់ទាត់អ៊ឺរ៉ុប UEFA ក្នុងការសម្រេចចិត្ត។ អ៊ីស្រាអែលស្ថិតក្នុងចំណាត់ថ្នាក់លេខ៣ក្នុងពូល I របស់អឺរ៉ុបក្នុងវគ្គជម្រុះសម្រាប់ការប្រកួត World Cup

ក្រុម Manchester United បច្ចុប្បន្នបានមើលមើលរំលងកីឡាកររបស់ពួកគេគឺ Hojlund និងពីរផ្សេងទៀតដែលបានពានរង្វាន់កីឡាករឆ្នើមប្រចាំការប្រកួតនៅក្នុងកម្មវិធី Champions League កាលពីយប់ថ្ងៃពុធ។ បិសាចក្រហម Man United បានបរាជ័យក្នុងវគ្គជម្រុះសម្រាប់ទ្វីបអឺរ៉ុប បន្ទាប់ពីចាញ់ការប្រកួតវគ្គផ្តាច់ព្រ័ត្រ Europa League កាលពីរដូវកាលមុនក្រោមស្នាដៃក្រុម Tottenham ប៉ុន្តែអតីតកីឡាកររបស់ពួកគេជាច្រើនបានបង្ហាញពីទម្រង់លេងល្អខុសស្រឡះមែនទែនក្នុងសប្តាហ៍នេះ។ បិសាចក្រហមប្រឈមការលំបាកនឹងការចាប់ផ្តើមដ៏គួរឱ្យសោកស្ដាយមួយទៀត ដោយក្លឹបឈរនៅលេខរៀងទី 14 ក្នុងក្របខណ្ឌអង់គ្លេស Premier League ក្នុងចំណោមប្រកួតចំនួន 6 លើក ចាញ់ 3 ដង ឈ្នះ 2 និង ស្មើ 1 ។ ខ្សែប្រយុទ្ធ Hojlund ដែលត្រូវបានទម្លាក់ចេញពីក្រុមរបស់ Ruben Amorim បន្ទាប់ពីការមកដល់របស់ Benjamin Sesko ពី RB Leipzig នៅដើមរដូវកាលបានបន្តការចាប់ផ្តើមដ៏គួរឱ្យចាប់អារម្មណ៍របស់គាត់ក្នុងការខ្ចីជើងនៅក្លឹប Napoli។ គ្រាប់បាល់ពីរគ្រាប់របស់ខ្សែប្រយុទ្ធដាណឺម៉ាក ជួយNapoliទទួលបានជ័យជម្នះ 2-1 លើ Sporting

ខ្សែប្រយុទ្ធ Rodrygo និង Vinicius Jr របស់ក្លឹប Real Madrid ត្រូវបានកោះហៅចូលក្រុមប្រេស៊ីលសម្រាប់ការប្រកួតមិត្តភាពជាមួយកូរ៉េខាងត្បូង និងជប៉ុនក្នុងខែនេះ ខណៈដែល Neymar អវត្តមានដោយសាររបួសភ្លៅ។ Vinicius ត្រូវបានចាកចេញពីក្រុមរបស់លោក Carlo Ancelotti សម្រាប់ការប្រកួតជម្រុះ World Cup ជាមួយឈីលី និងបូលីវីកាលពីខែមុន ខណៈដែល Rodrygo លេងចុងក្រោយសម្រាប់ប្រេស៊ីលក្នុងខែមីនា។ Eder Militao ក៏ត្រូវបានរួមបញ្ចូលផងដែរបន្ទាប់ពីបានជាសះស្បើយពីរបួសជង្គង់រយៈពេលវែង។ Neymar ដែលជាអ្នកស៊ុតបញ្ចូលទីច្រើនជាងគេរបស់ប្រេស៊ីលបានរងរបួសសាច់ដុំភ្លៅកាលពីខែមុន ហើយត្រូវបានគេរំពឹងថានឹងអវត្តមានរហូតដល់ខែវិច្ឆិកា។ អ្នកចាំទី Alisson ខ្សែការពារ Marquinhos និងខ្សែប្រយុទ្ធ Raphinha សុទ្ធតែត្រូវអវត្តមានដោយសាររបួស។ ប្រេស៊ីលប្រកួតជាមួយកូរ៉េខាងត្បូងនៅទីក្រុងសេអ៊ូលនៅថ្ងៃទី 10 ខែតុលា មុនពេលធ្វើដំណើរទៅជួបជប៉ុននៅទីក្រុងតូក្យូ បួនថ្ងៃក្រោយទៀត។ លោក Ancelotti បាននិយាយថាក្រុមនេះមិនមែនជាបញ្ជីច្បាស់លាស់នៃសមាជិកដែលនឹងធ្វើដំណើរទៅកាន់អាមេរិកខាងជើងសម្រាប់ការប្រកួតបាល់ទាត់ពិភពលោកនៅឆ្នាំក្រោយនោះទេ។ ក្រុមជម្រើសជាតិប្រេស៊ីលដែលត្រូវបានជ្រើសរើសរួមមាន៖ អ្នកចាំទី៖ Bento, Ederson, Hugo Souza ខ្សែការពារ៖ Caio Henrique,