November 25, 2025

ម្ចាស់ផ្ទះ ថៃ កំពុងពិចារណាផ្លាស់ប្តូរកីឡដ្ឋាន Tinsulanonda Stadium ក្នុងខេត្ត សុងក្លា ពីការរៀបចំការប្រកួតពូល B នៃវិញ្ញាសាបាល់ទាត់បុរស បន្ទាប់ពីមានការវាយលុកខ្លាំងដោយទឹកជំនន់។ យោងតាមការចុះផ្សាយដោយសារព័ត៌មានកីឡា ថៃ Ball Thai Stand នៅថ្ងៃ អង្គារ៍ ទី ២៥ ខែ វិច្ឆិកា ឆ្នាំ ២០២៥ នេះ បានឱ្យដឹង ថា ការប្រកួតកីឡាបាល់ទាត់បុរសប្រចាំពូល B មាន វៀតណាម ម៉ាឡេស៊ី និង ឡាវ ដែលគ្រោងធ្វើនៅកីឡដ្ឋាន Tinsulanonda Stadium ក្នុងខេត្ត សុងក្លា កំពុងត្រូវបានវាយលុកដោយទឹកជំនន់។   ទោះបីជាកីឡដ្ឋានមិនបានជន់លិចក៏ដោយ ប៉ុន្តែផ្លូវដែលត្រូវធ្វើដំណើរមកកីឡដ្ឋាននេះ ត្រូវបានកាត់ផ្តាច់អស់ទៅហើយ។ របាយការណ៍ចុងក្រោយ អ្នកគ្រប់គ្រងផ្នែកកីឡា ថៃ កំពុងពិចារណាផ្លាស់ប្តូរកីឡដ្ឋាននេះជាបន្ទាន់ ដោយទៅធ្វើនៅកីឡដ្ឋានផ្សេងវិញ ស្របពេលការប្រកួតនៅសល់ ៩ ថ្ងៃទៀតប៉ុណ្ណោះ ពោលគឺចាប់ផ្តើមពីថ្ងៃទី ៤ ខែ […]

(បរទេស)៖ ស្ថាប័នគ្រប់គ្រងបាល់ទាត់ពិភពលោក FIFA និងមូលនិធិអភិវឌ្ឍន៍អារ៉ាប៊ីសាអូឌីត បានបង្ហាញគោលការណ៍សហការគ្នា ដើម្បីជំរុញហេដ្ឋារចនាសម្ព័ន្ធកីឡា នឹងផ្តល់ជាប្រាក់កម្ចីសម្បទានរហូតដល់ ១ពាន់លានដុល្លារ ដើម្បីសាងសង់ ឬបង្កើនហេដ្ឋារចនាសម្ព័ន្ធបាល់ទាត់នៅក្នុងប្រទេសកំពុងអភិវឌ្ឍន៍ ។ គំនិតផ្តួចផ្តើមនេះផងដែរ បានធ្វើឡើងក្រោមអនុស្សរណៈនៃការយោគយល់គ្នាជាមួយ FIFA ដែលបានប្រកាសនាថ្ងៃចន្ទ ទី២៤ ខែវិច្ឆិកា ឆ្នាំ២០២៥ គឺមានគោលបំណងលើកកម្ពស់ការអភិវឌ្ឍប្រកបដោយចីរភាពតាមរយៈការវិនិយោគលើកន្លែងកីឡា ដោយផ្តោតលើការរួមបញ្ចូលនៃបញ្ហាសង្គម ក៏ដូចជាការផ្តល់ការអភិវឌ្ឍន៍ដល់យុវជន និងកំណើនសេដ្ឋកិច្ចសង្គម។ លោក Gianni Infantino ប្រធាន FIFA បានមានប្រសាសន៍នៅក្នុងសេចក្តីថ្លែងការណ៍មួយថា «នេះតួនាទីរបស់ FIFA គឺអភិវឌ្ឍបាល់ទាត់ទូទាំងពិភពលោក ហើយសមាគមសមាជិក FIFA របស់យើងជាច្រើនត្រូវការការគាំទ្របន្ថែម សម្រាប់ហេដ្ឋារចនាសម្ព័ន្ធជាចាំបាច់ ដើម្បីធ្វើជារៀបចំការប្រកួត» ។ លោកបន្តថា «កិច្ចព្រមព្រៀងនេះ គឺជាជំហានដ៏សំខាន់មួយក្នុងការធានាថា សមាគមសមាជិក FIFA នឹងមានមធ្យោបាយថ្មីបន្ថែម ដើម្បីធ្វើឱ្យការអភិវឌ្ឍន៍បាល់ទាត់មានលក្ខណៈជាសកលលោកយ៉ាងពិតប្រាកដ»៕ ប្រភព៖ FRESHNEWS

អ្នកចាត់ការក្រុម Manchester City លោក Pep Guardiola បាននិយាយថា គាត់មានការអាម៉ាស់ និងខ្មាស់អៀនបន្ទាប់ពីការប្រឈមមុខដាក់គ្នាជាមួយអ្នកថតរូបម្នាក់ បន្ទាប់ពីក្រុមរបស់គាត់ចាញ់ Newcastle នៅPremier League កាលពីថ្ងៃសៅរ៍។ លោក Guardiola មានការខឹងសម្បារចំពោះការសម្រេចចិត្តជាច្រើនរបស់អាជ្ញាកណ្តាលក្នុងអំឡុងពេលចាញ់ 2-1 នៅកីឡាដ្ឋាន St James’ Park ហើយបានបង្ហាញខ្លួនដើម្បីបំបាត់ការខកចិត្តរបស់គាត់នៅលើកាមេរ៉ាទូរទស្សន៍ក្បែរទីលានបន្ទាប់ពីចប់ការប្រកួត។ ថ្លែងកាលពីថ្ងៃចន្ទមុនការប្រកួតក្នុងទឹកដីនៃក្របខ័ណ្ឌ Champions League របស់ Man City ជាមួយនឹងក្រុម Bayer Leverkusen លោក Guardiola បាននិយាយថា “ខ្ញុំមានអារម្មណ៍ខ្មាស់អៀននៅពេលដែលខ្ញុំឃើញវា ខ្ញុំមិនចូលចិត្តវា។ ខ្ញុំសុំទោសអ្នកថតរូប។ ខ្ញុំមិនមែនជាមនុស្សល្អឥតខ្ចោះ ហើយខ្ញុំធ្វើខុស។ ខ្ញុំការពារក្រុមនិងក្លឹបរបស់ខ្ញុំ”។ ការបរាជ័យរបស់ Man City បានធ្វើឱ្យពួកគេតាមពីក្រោយក្រុមកំពូលតារាង Arsenal ចំនួន 7 ពិន្ទុក្នុងក្របខ័ណ្ឌ Premier League ប៉ុន្តែពួកគេនឹងមានឱកាសឆ្លើយតបភ្លាមៗដើម្បីកាត់បន្ថយសម្ពាធនៅពេលដែលពួកគេយកឈ្នះលើក្រុម Leverkusen ដែលនឹងក្លាយជាការប្រកួតទី 100

ខ្សែប្រយុទ្ធរបស់ក្រុម Inter Miami កីឡាករ Lionel Messi បានបំបែកកំណត់ត្រាថ្មី ក្លាយជាកីឡាករដំបូងគេបង្អស់រកបានគ្រាប់បាល់ បូកបញ្ជូន (assists) រហូតដល់ទៅ ១,៣០០ គ្រាប់។ កាលពីព្រឹកថ្ងៃ ចន្ទ ទី ២៤ ខែ វិច្ឆិកា ឆ្នាំ ២០២៥ ខ្សែប្រយុទ្ធសញ្ជាតិ អាហ្សង់ទីន វ័យ ៣៨ ឆ្នាំ បានស៊ុតបញ្ចូលទីមួយគ្រាប់ និងបញ្ជូន ៣ លើក ជួយឱ្យក្រុម Inter Miami យកឈ្នះលើក្រុម Cincinnati ៤-០ ដណ្តើមបានកៅអីឡើងទៅកាន់វគ្គពាក់កណ្តាលផ្តាច់ព័ត្រនៃក្របខណ្ឌលីគកំពូល អាមេរិក Major League Soccer ដើម្បីជួបនឹងក្រុម New York City នៅថ្ងៃទី ៣០ ខែ វិច្ឆិកា ឆ្នាំ ២០២៥។ ជុំវិញការរកបានគ្រាប់បាល់ ១ គ្រាប់ និងបញ្ជូន

Everton រីករាយនឹងការឈ្នះ លើកដំបូងរបស់ពួកគេនៅលើក្រុម Manchester United អស់រយៈពេល 12 ឆ្នាំនៅក្របខណ្ឌអង់គ្លេស Premier Leagueបើទោះបីជាលេងស្ទើរតែពេញមួយការប្រកួតជាមួយនឹងគ្នា 10 នាក់ បន្ទាប់ពីខ្សែបម្រើ Idrissa Gueye ត្រូវបានបណ្តេញចេញដោយសារទះកំផ្លៀងមិត្តរួមក្រុមរបស់គាត់ផ្ទាល់កីឡាករ Michael Keane កាលពីថ្ងៃចន្ទ។ ជម្លោះប៉ះទង្គិចគ្នារបស់Everton កើតឡើងនៅនាទីទី 13 ដែលបានឃើញ Gueye ទះកំផ្លៀង Keane ហើយអជ្ញាកណ្តាលក៏សម្រេចចិត្តបណ្តេញ Gueyeចេញ។ ទោះបីជានៅសល់គ្នាតែ10នាក់ក៏កីឡាករKiernan Dewsbury-Hallអាចរកគ្រាប់បាល់ដ៏អស្ចារ្យ ក្នុងតង់ទីមួយហើយបានបិទបញ្ចប់ការប្រកួតទទួលជ័យជម្នះ 1-0 សម្រាប់ក្រុមភ្ញៀវ។ United ដែលអាចឡើងដល់ចំណាត់ថ្នាក់លេខ 5 ប្រសិនបើបានជ័យជម្នះហើយពួកគេបានគ្រប់គ្រងការកាន់កាប់ជាពិសេសនៅក្នុងតង់ទីពីរ ប៉ុន្តែ Everton បានការពារយ៉ាងអស្ចារ្យដើម្បីទប់ទល់ការវាយបកក្រុមម្ចាស់ផ្ទះ។អ្នកចាំទី Jordan Pickford របស់ Everton បានធ្វើការសង្គ្រោះដ៏ល្អជាច្រើនដង ដើម្បីរក្សាការនាំមុខរបស់ក្រុមខ្លួន។ អ្នកចាត់ការទូទៅរបស់ Everton លោក David Moyes បានបរាជ័យក្នុងការឈ្នះការប្រកួតអង់គ្លេស Premier League 17

ថ្នាក់​ដឹក​នាំ និង​អត្តពលិក​នៃ​កីឡា​អេឡិចត្រូនិក​កម្ពុជា​​មាន​ឆ​ន្ទៈ​ខ្ពស់​ក្នុង​ការ​ចូល​រួម​ប្រកួត​កីឡា​ស៊ីហ្គេម លើក​ទី​៣៣ នៅ​ប្រទេស​ថៃ នា​ខែ​ធ្នូ ឆ្នាំ ២០២៥ ខាង​មុខ។ ក្រោយ​ចូល​រួម​ក្នុង​ពិធី​សំណេះ​សំណាល់​ជា​មួយ​ឯកឧត្តមឧបនាយក​រដ្ឋ​មន្ត្រី ហង់ជូន ណារ៉ុន រដ្ឋ​មន្ត្រី​ក្រសួង​អប់រំ យុវជន និង​កីឡា លោក លន់ សាមឌី អគ្គលេខាធិការ​នៃ​សហព័ន្ធ​កីឡា​អេឡិចត្រូនិក​កម្ពុជា បាន​លើក​ឡើង​ថា សហព័ន្ធ​កីឡា​អេឡិចត្រូនិក​កម្ពុជា ចូល​រួម​ប្រកួត​កីឡាស៊ីហ្គេម លើក​ទី​៣៣ នៅ​ប្រទេស​គឺ​ក្នុង​នាម​ជា​សហគមអាស៊ាន និង​គោរព​តាមគោលការណ៍​របស់​រាជ​រដ្ឋាភិបាល​កម្ពុជា។ លោក​មាន​ប្រសាសន៍​ថា ៖«សហព័ន្ធ​កីឡាអេឡិចត្រូនិក​កម្ពុជា បាន​សម្រេច​បញ្ជូន​ ២ ក្រុម​លើ​វិញ្ញាសា Mobile Legends Bang Bang គឺ ក្រុម​បុរស និង​ក្រុម​នារី ទៅ​ចូល​រួម​ប្រកួត។ មួយ​វិញ​ទៀត ​ការ​ចូល​រួម​នេះ ដូច​ដែល​កីឡាករ កីឡាការិនី​​បាន​ដឹង​​ក្នុង​ពិធី​សំណេះ​សំណាល់​ជា​មួយ​ឯកឧត្តម​ឧបនាយករដ្ឋ​មន្ត្រី ហង់ជូន ណារ៉ុន គឺ​យើង​ចូល​រួម​ក្នុង​​នាម​ជា​សហគមតំបន់​អាស៊ាន។ ថៃ​នឹង​មើល​ថែ​យើង​ដូច​ជា​ប្រតិភូ​ខ្មែរ​ដូច​ជា​ប្រតិភូ​របស់​ប្រទេស​ផ្សេង​ទៀត​ដែរ។ សម្រាប់​ការ​ចូល​រួម​នេះ​គឺ​យើង​គោរព​តាម​ការ​សម្រេច​ចិត្ត​របស់​រាជ​រដ្ឋាភិបាល ជា​ពិសេស​គណៈកម្មាធិការ​ជាតិ​អូឡាំពិក​កម្ពុជា គឺ​យើង​ចូល​រួម​ដោយ​ស្ម័គ្រ​ចិត្ត»។ សមាជិក​ម្នាក់​ក្នុង​ក្រុម​​កីឡាការិនី​អេឡិចត្រូនិក​ជម្រើស​ជាតិកម្ពុជា​បាននិយាយ​ថា ៖«ពួក​យើង​នឹង​ខិត​ខំ​​ធ្វើ​ឲ្យ​បាន​ល្អ​ដើម្បី​យក​មេដាយ​ជូន​ជាតិ។ យើង​ទៅ​ចូល​រួម​ប្រកួត​ក្នុង​នាម​ជា​អ្នក​កីឡា​ដោយ​គ្មាន​ការ​ភ័យ​ខ្លាច។ សូម​បង​ប្អូន​​អ្នក​​គាំទ្រ​ផ្តល់​កម្លាំង​ចិត្ត​​ដល់​ពួក​ខ្ញុំ​ផង»។​ ដោយ​សមាជិក​ក្នុង​ក្រុម​បុរស​បាន​និយាយ​ថា ៖«ខ្ញុំ​ចង់​ទៅ​ប្រកួត​ដើម្បី​ស្វែង​រក​មេដាយ​មែន​ទែន។ យើង​មាន​អារម្មណ៍​ព្រួយ​បារម្ភ​ដែរ