បញ្ជីឈ្មោះក្រុមបាល់ទាត់ជម្រើសជាតិ បានចេញជាផ្លូវការហើយដើម្បីធ្វើដំណើរទៅប្រកួតជាមួយម្ចាស់ផ្ទះហុងកុង នៅថ្ងៃទី១៣ ខែវិច្ឆិកា ឆ្នាំ ២០២៥។
ក្នុងចំណោមកីឡាករ ២៣ នាក់គឺ ព្រះខ័នរាជស្វាយរៀង (៨នាក់) វិសាខា (៦នាក់) ភ្នំពេញក្រោន (២នាក់) ណាហ្គាវើលដ៍ (២នាក់) បឹងកេត (១នាក់) អាយអេសអាយ ដង្កោសែនជ័យ (១នាក់) ឡាយហ្វ ព្រះសីហនុ (១នាក់) ក្លិបថៃ PT Prachuap FC (១នាក់) និង ក្លិបឥណ្ឌូណេស៊ី Bhyangkara (១នាក់)។
សម្រាប់កីឡាករលេងនៅក្រៅប្រទេសគឺ Nick Taylor នៅប្រទេសថៃ និង Andres Neito នៅប្រទេសឥណ្ឌូណេស៊ី ប៉ុន្តែខ្សែការពារ Takaki Ose មិនត្រូវបានកោះហៅទេ ទំនងជារបួសមិនទាន់ជាសះស្បើយ។
ជាមួយគ្នានេះ សុផល ឌីម៉ង់ និង សុះ ស៊ូហាណា ក៏ត្រូវត្រូវបានកោះហៅចូលជម្រើសជាតិវិញដែរ ខណៈកីឡាករ វ៉ាន វីត ក៏មានឈ្មោះ។ ក្រៅពីនេះសុទ្ធតែជាកីឡាករដែលបានជាប់ឈ្មោះរហូតមក។ យ៉ាងណា ខ្សែការពារ សឿយ វិសាល មិនមានឈ្មោះទេ៕
ប្រភព៖ KAMPUCHEATHMEY
