បន្ទាប់ពីបញ្ចប់ការប្រកួតបានត្រឹមស្មើ 0-0 ជាមួយក្រុមបាល់ទាត់បឹងកេត យប់មិញនេះគ្រូបង្វឹករបស់ក្លឹបបាល់ទាត់ភ្នំពេញក្រោន មើលឃើញពីចំណុចខ្វះខាតនៅតំបន់កណ្ដាលដែលលេងមិនសូវល្អត្រូវតែកែតម្រូវឡើងវិញ។
លោក Oleg Starynskyi បានឲ្យដឹងក្រោយការប្រកួតយប់មិញនេះថា ជាការសោកស្ដាយដែរចំពោះក្រុមដែលមានឱកាសច្រើនហើយ ប៉ុន្តែមិនអាចរកគ្រាប់បាល់បាន។ មិនថាក្រុមលោក ឬខាងបឹងកេតទេគឺលេងបានល្អដូចគ្នានៅតំបន់ការពារកាលពីយប់មិញ។
គ្រូបង្វឹកខាងលើបន្ថែមទៀតថា អ្វីដែលលោកមើលឃើញពីចំណុចខ្វះខាតរបស់ភ្នំពេញក្រោន គឺនៅតំបន់កណ្ដាលលេងមិនសូវបានល្អនោះឡើយ ដូច្នេះនេះជាអ្វីដែលក្រុមត្រូវកែតម្រូវឡើងវិញ ប៉ុន្តែនៅតំបន់ផ្សេងៗទៀតលេងបានល្អច្រើន។យ៉ាណានៅតែស្ដាយដែលមិនអាចរកគ្រាប់បាល់បាន។
បញ្ជាក់ដែរថា ការប្រកួតពានរង្វាន់លីគកំពូលកម្ពុជា (CPL) សប្ដាហ៍ទី២ កាលពីល្ងាចថ្ងៃអាទិត្យ ទី១៧ ខែសីហា ឆ្នាំ២០២៥ រវាងក្លឹបបាល់ទាត់បឹងកេត និងភ្នំពេញក្រោន បានត្រឹមស្មើគ្នា 0-0 ប៉ុណ្ណោះក្រោយបញ្ចប់ការប្រកួត ៩០នាទីរួចមក។ ម្សិលមិញនេះក្រៅតែគូភ្នំពេញក្រោនខាងលើនេះក៏មានការប្រកួត២គូផ្សេងទៀតដែរគឺ ណាហ្គាមើលដ៏ ១-១ កងយោធពលខេមរភូមិន្ទ និង វិសាខា ៣-២ ឡាយហ្វ ខេត្តព្រះសីហនុ៕
ប្រភព៖ KAMPUCHEATHMEY
