កូនសិស្សលោក ពេជ្រ សុផាន់ គឺកីឡាករ ពេជ្រ អាទិទេព ក្រោយបញ្ចប់ការប្រកួតសរសើរដៃគូយប់មិញថាល្អដៃខ្លាំងការវាយត្រង់របស់គេលឿន ច្បាស់ និងធ្ងន់ថែមទៀតផង។
ក្រោយបញ្ចប់ការប្រកួត ពេជ្រ អាទិទេព បានលើកឡើងថា ដៃគូដែលប្រកួតយប់មិញនៅសង្វៀនទទក កីឡាករ BENATIE YAMILE គឺវាយច្បាស់ល្អ និងធ្ងន់ថែមទៀត។ ចូលកណ្ដាប់ដៃរបស់កីឡាករអាហ្វ្រិកខាងត្បូងរូបនេះម្ដងៗគឺសឺខ្លះដែរ។
កូនសិស្សគ្រូឆ្នើមរូបនេះបន្តទៀតថា ការប្រកួតមួយនេះគឺពិបាកបន្តិចដោយសារតែភ្នែករបស់ខ្លួនត្រូវដៃគូចាក់តាំងពីដើមទឹកមកម្ល៉េះធ្វើឲ្យស្រវាំងបែកផ្សែងនាំឲ្យពិបាកមើលនៅពេលប្រកួត។
បញ្ជាក់ដែរថា កាលពីយប់ថ្ងៃទី២៨ ខែកញ្ញា ឆ្នាំ២០២៥ កីឡាករ ពេជ្រ អាទិទេព យកឈ្នះពិន្ទុលើកីឡាករអាហ្វ្រិកខាងត្បូង BENATIE YAMILE នៅសង្វៀនទទក។ ពេជ្រ អាទិទេព ជាកីឡាករល្អ ធន់ និងកំពុងល្បីឈ្មោះលើប្រភេទទម្ងន់ ៥៧គីឡូក្រាម។ រូបគេជាសិស្សគុននៃក្លឹបពេជ្រសុផាន់គុនខ្មែរដែលបង្ហាត់ដោយលោក ពេជ្រ សុផាន់៕
ប្រភព៖ KAMPUCHEATHMEY
