Admin

ការ​​ប្រកួត ស្វាយរៀង​ខាប់​អាយុ ១៥ ឆ្នាំ លើក​ទី២ បាន​បញ្ចប់​សប្តាហ៍​ទី​១​​កាល​ពី​ចុង​សប្តាហ៍​កន្លង​ទៅ​នេះ​ដោយ​គ្មាន​ការ​ប្រកួត​ណាបញ្ចប់​ដោយ​លទ្ធផល​ស្មើ​គ្នា​ឡើយ។ គូ​បើក​ឆាក វគ្គ​សន្សំ ក្នុង​ពូល ​ពូល «ក» ក្រុម​យុវជន សសយក ស្រុក​ចន្ទ្រា បាន​ចាញ់​ ក្រុមយុវជន CRS Sport ដោយ​លទ្ធផល ៥-១ កាល​ពីវេលា​ម៉ោង ២:00 រសៀល ថ្ងៃ​សៅរ៍ ទី​១១ ខែ​តុលា ឆ្នាំ ២០២៥ ហើយ​វេលា​ ៣:៣០​នាទី​រសៀល ក្រុម​យុវជន គោព្រៃ​ភូមិ​ស្វាយធំ បាន​ឈ្នះ​យ៉ាង​តឹង​លើ​ ក្រុម​យុវជន សសយក ស្រុក​កំពង់រោទិ៍ ១-០។ ​ការ​ប្រកួត​នៅ​ពូល «ខ» ក្រុមយុវជន Young Star បាន​ចាញ់ ក្រុមសាមគ្គីកីឡា​ ០-៦ នៅវេលា​ម៉ោង​ ៨:០០​ព្រឹក ថ្ងៃ​អាទិត្យ ទី​១២ ខែ​តុលា​ ហើយ​វេលា​ម៉ោង ២:០០​រសៀល ក្រុម​យុវជន សសយក ស្រុក​ស្វាយទាប […]

យុវជន​ លី ចិត្រាបុត្រ​ ថា​ការ​ចូល​មក​ហ្វឹកហាត់​កីឡា​បាល់ទះ​នេះ​គឺ​ល្អ​បាន​ជួយ​ឲ្យ​ស្រកទម្ងន់​បាន​ប្រហែល​ ១០​គីឡូក្រាម​ និង​បាន​កាត់​បន្ថយ​ការ​ទំនេរ​លេង​ទូរសព្ទ​ឥតប្រយោជន៍​ជា​ដើម​ទៀត​ផង។​ លី​ ចិត្រាបុត្រ​ បាន​ឲ្យ​ដឹង​ថា​ គិត​មក​ដល់​ពេល​នេះ​រូប​គេ​បាន​ហ្វឹកហាត់​បាល់ទះ​បែប​សុខភាព​នេះ​បាន​ប្រហែល ​១ឆ្នាំ​មក​ហើយ។​ ដើម​កំបូង​គឺ​ខ្លួន​​ឃើញ​គេ​ហ្វឹកហាត់​មើល​ទៅ​ល្អ​ សប្បាយ​ បន្ទាប់​មក​ក៏​សុំ​ឪពុកម្ដាយ​ចូល​ហ្វឹកហាត់​មក​ដល់​សព្វថ្ងៃ​នេះ​តែ​ម្ដង។​ ក្មេងប្រុស​វ័យ​ ១១​ឆ្នាំ​រូប​នេះ​បន្ត​ទៀត​ថា​ ការ​ហ្វឹកហាត់​បាល់ទះ​នេះ​គឺ​ជួយ​រូប​គេ​បាន​ច្រើន​គឺ​ដូចជា​ស្រកទម្ងន់​ពី​ ៨៤​គីឡូក្រាម​មក​ត្រឹម​ ៧៤​គីឡូក្រាម​វិញ។​ ជួយ​ឲ្យ​មាន​រាងកាយ​រឹងមាំ​ រហ័សរហួន​ មាន​មិត្តភក្តិ​ថ្មីៗ​ និង​កាត់​បន្ថយ​ពី​ពេល​ទំនេរ​លេង​ទូរសព្ទ​ឥតប្រយោជន៍​បាន​ទៀត​ផង។​ បញ្ជាក់​ដែរ​ថា​ យុវជន​ លី ចិត្រាបុត្រ​ បច្ចុប្បន្ន​នេះ​កំពុង​ហ្វឹកហាត់​បាល់ទះ​ជា​មួយ​លោក​គ្រូ​ គុណ​ ប៊ុនសាន​ ដែល​ជា​អតីត​កីឡាករ​ជម្រើស​ជាតិ​កម្ពុជានៅ​ទីតាំង​ក្លឹប​បាល់ទះ​ស្នងការ​។​ រូប​គេ​បាន​ហ្វឹកហាត់​កីឡា​បាល់ទះ​នេះ​ប្រហែល​ ១ឆ្នាំ​មក​ហើយ៕​ ប្រភព៖ KAMPUCHEATHMEY

(ភ្នំពេញ)៖ លោក កាំង សុធា អគ្គលេខាធិការសហព័ន្ធកីឡាហុកគីកម្ពុជា រំពឹងវគ្គបណ្ដុះបណ្ដាលគ្រូបង្វឹកកម្រិត១ នឹងអាចញាំងឲ្យប្រភេទកីឡាអូឡាំពិនេះ កាន់តែពេញនិយមក្នុងស្រទាប់យុវវ័យ ។ ការបង្ហាញសុទិដ្ឋនិយមនេះក្រោយសហព័ន្ធបានបញ្ចប់វគ្គសាមគ្គីអូឡាំពិក ស្ដីពីគ្រូបង្វឹកកីឡាហុកគីកម្រិត១ ដោយជោគជ័យ បន្ទាប់ពីដំណើរការសិក្សារយៈពេល ៥ថ្ងៃ កាលពីសប្ដាហ៍កន្លងទៅ។ វគ្គបណ្ដុះបណ្ដាលនេះ មានសិក្ខាកាមចូលរួមចំនួន ២៥នាក់ មកពីក្លិប និងសមាគមចំនួន ៤ រួមមានរាជធានីភ្នំពេញ ខេត្តកំពង់ចាម ខេត្តកំពង់ធំ និងខេត្តសៀមរាប ព្រមទាំងកីឡាករ-កីឡាការិនីជម្រើសជាតិផងដែរ ។ វគ្គនេះដែរ រៀបចំឡើងដោយគណៈកម្មាធិការជាតិអូឡាំពិកកម្ពុជា(NOCC) និងសហព័ន្ធ ក្រោមគម្រោងអង្គការសាមគ្គីអូឡាំពិក និងសហព័ន្ធកីឡាហុកគីអន្តរជាតិ(FIH) ដែលបង្រៀនដោយគ្រូឧទ្ទេសជនជាំតិប៉ាគីស្ថានលោក Tahir Zaman។ អគ្គលេខាធិការសហព័ន្ធខាងលើ បានបញ្ជាក់ថា មុនដំណើរការវគ្គសិក្សានេះ សហព័ន្ធបានជ្រើសរើសគ្រូ នៅតាមបណ្តាក្លិប សមាគម ជាសមាជិកដែលមានសកម្មភាពប្រក្រតី(ប្រជាប្រិយ)នៅមូលដ្ឋាន និងមានសក្តានុពលទាំងបរិមាណ និងគុណផល។ ក្រៅពីនោះ សហព័ន្ធក៏បានកំណត់យកកីឡាករ-កីឡារិនីជម្រើសជាតិ ដើម្បីឲ្យពួកគេមានលក្ខណ:សម្បត្តិសមរម្យជាគ្រូកម្រិត១ នាពេលអនាគតផងដែរ។ លោកបន្ដថា ទោះបីវគ្គបណ្តុះបណ្តាលនេះ មានរយ:ពេលខ្លីបន្តិចមែន ប៉ុន្តែមានទាំងទ្រឹស្ដី និងអនុវត្ត ហើយក៏មានការប្រកួតសាកល្បងផងដែរ។ ចំពោះខ្លឹមសារមេរៀន រួមមាន៖

ការ​ប្រកួត​កីឡា​ប៉េតង់​ជើង​ឯក​ពិភព​លោក ផ្នែក​នារី​ ឆ្នាំ ២០២៥ នៅ​ប្រទេស​បារាំង បាន​បញ្ចប់​ទៅ​កាល​ពី​ថ្ងៃ​អាទិត្យ ទី​១២ ខែ​តុលា បន្ទាប់​ពី​ដំណើរ​ការ​ប្រកួត​ជា​ច្រើន​ថ្ងៃ។ លទ្ធភាគ​ភាគ​ច្រើន​ជា​ក្រុម​​កីឡា​ការិនី​ប៉េតង់​នៅ​តំបន់​អាស៊ាន​ដែល​ដណ្តើម​បាន​មេដាយ​មាស ប៉ុន្តែ​ក្រុម​​កីឡាការិនី​ប៉េតង់​កម្ពុជា​ដែល​ធ្លាប់​​ខ្លាំង​លើ​ឆាក​អន្តរជាតិ​បែរ​ជា​មិន​អាចរក​បាន​មេដាយ​មាស​សោះ។   ក្រុមកីឡា​ប៉េតង់​ជម្រើស​ជាតិ​ម៉ាឡេស៊ី បាន​ឈ្នះ​​ជើង​ឯក Nations Cup សម្រាប់​វិញ្ញាសា​ក្រុម​នារី។ បន្ទាប់​ពី​ឆ្លង​កាត់​វគ្គ​សន្សំពិន្ទុ​ដោយ​ជោគជ័យ​មក ក្រុម​នារីម៉ាឡេស៊ី បាន​ឈ្នះ ក្រុម​នារី ជប៉ុន ដោយ​ពិន្ទុ ១៣-៥ ក្នុង​វគ្គ​ ១៦​ ក្រុម​ចុង​ក្រោយ ហើយ​បាន​បន្ត​យក​ឈ្នះ ន័រវេស ដោយ​លទ្ធផល ១៣-៣ នៅ​វគ្គ​ ៨ ក្រុម​ចុង​ក្រោយ។ នៅ​វគ្គ​ពាក់​កណ្តាល​ផ្តាច់​ព្រ័ត្រ ម៉ាឡេស៊ី បាន​យក​ឈ្នះ អូទ្រីស ដោយ​លទ្ធផល ១៣-៣ និង​វគ្គ​ផ្តាច់​ព្រ័ត្រ បានឈ្នះ អ៉ីតាលី ដោយ​លទ្ធផល ១៤-៦ ដើម្បី​ក្លាយ​ជា​ម្ចាស់​ពាន Nations Cup។ ថៃ​បាន​ឈ្នះ​មេដាយ​មាស លើ​វិញ្ញាសា​វាយ​យក​ពិន្ទុ​នារី​ទោល។ ក្រោយ​ឆ្លង​កាត់​វគ្គ​សន្សំពិន្ទុ កីឡាការិនី​ថៃ​បាន​យក​ឈ្នះ​វៀតណាម​ដោយ​លទ្ធផល ៣៤-២១ នៅ​វគ្គ ៨

(អាហ្រ្វិក)៖ ហ្គាណា នៅពេលនេះទទួលបានសិទ្ធិពេញលេញសម្រាប់ចូលរួមប្រកួតព្រឹត្តិការណ៍ FIFA World Cup 2026 បន្ទាប់ពីបានយកឈ្នះប្រទេស Comoros ក្នុងលទ្ធផល ១-០ កាលពីថ្ងៃអាទិត្យ ដើម្បីរក្សាបានកៅអីក្នុងកំពូល I ជាមួយការរកបាន ២៥ពិន្ទុនៃវគ្គជម្រុះរបស់ពួកគេ។ ហ្គាណា គឺជាប្រទេសទី៥ ចេញពីតំបន់អាហ្រ្វិក ឡើងទៅលេង World Cup 2026 បន្ទាប់ពីប្រទេសម៉ារ៉ុក ទុយនេស៊ី អេហ្ស៊ីប និងអាល់ហ្សេរី ដែលបានឡើងទៅអាមេរិកខាងជើង ដោយមានសហរដ្ឋអាមេរិក កាណាដា នឹងម៉ិកស៊ិក ធ្វើសហម្ចាស់ផ្ទះក្នុងទម្រង់លេងថ្មី ៤៨ក្រុម ។ សូមជម្រាបផងថា សម្រាប់ទម្រង់លេងថ្មីនេះ តំបន់អាហ្រ្វិកត្រូវបានបង្កើនដល់ ៩កៅអីកន្លះ សម្រាប់ជ្រើសទៅជុំចុងក្រោយ World Cup 2026 ដែលនេះនៅខ្វះតែ ៤ក្រុមទៀតប៉ុណ្ណោះ នេះក៏ជាលើកទី៥ នៃវត្តមានរបស់ក្រុមហ្គាណា ទៅជុំចុងក្រោយ World Cup បន្ទាប់ពីធ្លាប់មានកៅអីនៅឆ្នាំ២០០៦, ២០១០, ២០១៤ និង២០២០ ៕ ប្រភព៖ FRESHNEWS

ខ្សែប្រយុទ្ធរបស់ Al-Nassr កីឡាករ Cristiano Ronaldo បានធ្វើឱ្យអ្នកគាំទ្រទូទាំងពិភពលោក ភ្ញាក់ផ្អើលជាមួយរឿងធំៗចំនួន ៣ អំពីអាជីពជាកីឡាករបាល់ទាត់របស់​គាត់ក្នុងឆ្នាំ ២០២៥ នេះ។ ជាការពិត Ronaldo គឺជាកីឡាករម្នាក់ ដែលមានការតស៊ូខ្លាំង បូករួមជាមួយភាពអំណត់អត់ធន់ សមត្ថភាព និងទេពកោសល្យ បានធ្វើឱ្យគាត់ឈរជាកំពូលកីឡាករអស់រយៈពេលជិត ២ ទសវត្សមកហើយ។ នៅឆ្នាំ ២០២៥ នេះ ខ្សែប្រយុទ្ធសញ្ជាតិ ព័រទុយហ្គាល់ បានឈានចូលវ័យ ៤០ ឆ្នាំទៅហើយ ប៉ុន្តែគាត់នៅតែអាចធ្វើរឿង ៣ យ៉ាង រហូតធ្វើឱ្យអ្នកគាំទ្រទូទាំងពិភពលោកនឹកស្មានមិនដល់។ រឿងដំបូង គឺដូចដឹងស្រាប់ហើយថា Ronaldo បានឈានចូលវ័យ ៤០ ឆ្នាំទៅហើយ ប៉ុន្តែគាត់នៅតែអាចឈរជាកំពូលកីឡាករម្នាក់។ គាត់នៅតែជាកីឡាករលេងក្នុងកម្រិតខ្ពស់ និងមានឥទ្ធិពលក្នុងក្រុម មិនថានៅជម្រើសជាតិ ព័រទុយហ្គាល់ និងក្លិប។   Luka Modric ក៏ដូចជាកីឡាករមួយចំនួនទៀត ដែលមានវ័យ ៤០ ឆ្នាំដូចគ្នាក៏បន្តលេងក្នុងកម្រិតខ្ពស់ផងដែរ ប៉ុន្តែរឿង​មួយ ដែលធ្វើឱ្យអ្នកគាំទ្រស្ងើចសរសើរបំផុតចំពោះ Ronaldo

គ្រូបង្វឹកជម្រើសជាតិស៊ែប៊ី លោក Dragan Stojkovic បានលាលែងពីតំណែង បន្ទាប់ពីចាញ់ក្រុមអាល់បានី 1-0 ក្នុងទឹកដីរបស់ខ្លួន នៃការប្រកួតជម្រុះ World Cup របស់ពួកគេកាលពីថ្ងៃសៅរ៍។ Stojkovic ដែលបានចូលកាន់តំណែងក្នុងឆ្នាំ 2021 បានដឹកនាំប្រទេសស៊ែប៊ីទៅ World Cup ក្នុងប្រទេសកាតា ប៉ុន្តែថ្មីៗនេះក្រុមរបស់គាត់រងបរាជ័យជាប់ៗគ្នា ដោយចាញ់ក្រុមអង់គ្លេស 5-0 ក្នុងខែកញ្ញា តាមពីក្រោយដោយការបរាជ័យក្នុងផ្ទះកាលពីថ្ងៃសៅរ៍។ អ្នកចាត់ការសញ្ជាតិស៊ែប៊ីបានប្រាប់អ្នកយកព័ត៌មានថា “ខ្ញុំបាននិយាយជាមួយប្រធាន និងអគ្គលេខាធិការ… ហើយខ្ញុំបានស្នើលាលែងពីតំណែង។ ខ្ញុំផ្ទាល់មិននឹកស្មានថាការបរាជ័យនេះ… ខ្ញុំជាមនុស្សម្នាក់ដែលទទួលយកការទទួលខុសត្រូវទាំងស្រុង”។ ស៊ែប៊ី ឈរលេខ៣ក្នុងពូល K មាន៧ពិន្ទុ ខណៈអង់គ្លេសឈរកំពូលតារាង ១៥ពិន្ទុ និងអាល់បានីលេខ២ មាន១១ពិន្ទុ ដោយបានលេងមួយប្រកួតទៀត។ លទ្ធផលនេះក៏ជំរុញឱ្យអង់គ្លេសឈានទៅដល់វគ្គជម្រុះសម្រាប់ការប្រកួត World Cup ឆ្នាំក្រោយនៅសហរដ្ឋអាមេរិក កាណាដា និងម៉ិកស៊ិក ខណៈដែលក្រុមរបស់លោក Thomas Tuchel អាចដណ្តើមយកកន្លែងរបស់ពួកគេជាមួយនឹងជ័យជម្នះនៅប្រទេសឡាតវីនៅថ្ងៃអង្គារ៕ ប្រភព៖ NKDNEWS

(ភ្នំពេញ)៖ ស្របពេលការប្រកួតកីឡាយុវជនអាស៊ី លើកទី៣ នៅបារ៉ែន កាន់តែកៀកដល់ថ្ងៃប្រកួត កីឡាការិនីចំបាប់ ម៉ុន ស្រីពីន បានបង្កើនការហ្វឹកហាត់កាន់តែខ្លាំង ដើម្បីពង្រឹងសមត្ថភាពត្រៀមចូលរួម និងឈានទៅប្រជែងមេដាយ ពីការបង្ហាញខ្លួនលើកដំបូង ក្នុងព្រឹត្តិការណ៍កីឡាយុវជនកម្រិតទ្វីបនេះ។ កីឡាការិនីវ័យ ១៧ឆ្នាំរូបនេះ បានឲ្យដឹងថា ក្រោយទទួលបានឱកាសចូលរួមជាមួយក្រុមថ្នាលជម្រើសជាតិ ខ្លួនបានយកចិត្តទុកដាក់ និងខិតខំហ្វឹកហាត់ជាមួយគ្រូបង្វឹក ដើម្បីអភិវឌ្ឍន៍សមត្ថភាព ពិសេសបន្ទាប់ពីមានឈ្មោះទៅប្រកួតកីឡាយុវជនអាស៊ី នៅបារ៉ែន បានធ្វើឲ្យកញ្ញាកាន់តែសប្បាយចិត្ត ហើយពង្រឹងការហ្វឹកហាត់កាន់តែខ្លាំង ដ្បិងនាងមានក្ដីស្រម៉ៃចង់ដណ្ដើមមេដាយពីព្រឹត្តិការណ៍ដ៏ធំនេះ។ យ៉ាងណាក្ដី ដោយសារនេះជាលើកដំបូង ដែល ស្រីពីន ត្រូវប្រកួតកម្រិតទ្វីបលើកដំបូង ខ្លួនក៏មានក្ដីបារម្ភខ្លះៗដែរ លើថាមពល និងបច្ចេកទេស ។ ប៉ុន្ដែក្រោមការតាំងចិត្តយ៉ាងមុតមាំ កីឡាការិនីមានដើមកំណើតពីខេត្តកំពង់ឆ្នាំងរូបនេះ បានបង្ដេជ្ញាបង្កើនការហ្វឹកហាត់ទ្វេដង ទម្រាំដល់ថ្ងៃប្រកួតផ្លូវការ ដើម្បីបំពេញនូវចំណុចខ្វះខាត ក្នុងការឈានទៅសម្រេចក្ដីគោលដៅដណ្ដើមមេដាយជូនជាតិមាតុភូមិ។ សម្រាប់បេសកកម្មចូលរួមព្រឹត្តិការណ៍កីឡាយុវជនអាស៊ី លើកទី៣ ដែលនឹងប្រព្រឹត្តទៅពីថ្ងៃទី២២-៣១ ខែតុលា ឆ្នាំ២០២៥ នៅប្រទេសបារ៉ែននេះដែរ សហព័ន្ធកីឡាចំបាប់កម្ពុជា បានត្រៀមបញ្ជូនកីឡាករ-កីឡាការិនីថ្នាលរបស់ខ្លួន ៣រូបចូលរួម រួមមានកីឡាការិនី ម៉ុន ស្រីពីន, ផាន់ លាងភី និងកីឡាការិនី។ ក្រៅពីកីឡាចំបាប់

រយៈពេលជាង ១០ឆ្នាំ ចុងក្រោយមកនេះ សហព័ន្ធបាល់ទាត់អន្តរជាតិ (FIFA) បានចាយប្រាក់ប្រមាណជាង ១ពាន់លានដុល្លារ ដើម្បីអភិវឌ្ឍវិស័យកីឡាបាល់ទាត់ក្នុងទ្វីបអាហ្រ្វិក (CAF) ចាប់តាំងពីកម្មវិធីអភិវឌ្ឍបាល់ទាត់ (FIFA Forward) ដែលបានដាក់ដំណើរការតាំងពីឆ្នាំ ២០១៦។ នេះបើតាមការអះអាងរបស់លោក Gianni ​Infantino ប្រធាន FIFA ក្នុងសមាជសហព័ន្ធបាល់ទាត់អាហ្រ្វិក ក្នុងប្រទេសកុងហ្គោ កាលពីថ្ងៃទី៧ ខែតុលា។ មេ FIFA ចាត់ទុកកម្មវិធី FIFA Forward បានវិនិយោគសន្ធឹកសន្ធាប់ទៅលើ CAF និងសមាជិក FIFA ក្នុងតំបន់អាហ្វ្រិកចំនួន ៥៤ប្រទេស។ កម្មវិធីនោះបានផ្តល់ក្តីសង្ឃឹម និងឱកាសជាច្រើនដល់កុមារចាប់យកវិស័យកីឡាបាល់ទាត់ ដើម្បីសម្រេចក្តីស្រមៃ ហើយវាបានបង្ហាញពីការអភិវឌ្ឍបាល់ទាត់ពិតប្រាកដមួយក្នុងទ្វីបអាហ្រ្វិក។ គិតចាប់តាំងពីថ្ងៃដំណើរនៃកម្មវិធីវិនិយោគបាល់ទាត់របស់ FIFA កាលពីឆ្នាំ ២០១៦ មកដល់ត្រឹមខែកញ្ញា ឆ្នាំ ២០២៥ ទឹកប្រាក់ប្រមាណ ១,០៦ពាន់លានដុល្លារ ត្រូវបានចាយដើម្បីអភិវឌ្ឍលើវិស័យបាល់ទាត់ទ្វីបអាហ្រ្វិកតែមួយមុខប៉ុណ្ណោះ។ FIFA រំពឹងថានឹងចាយប្រាក់វិនិយោគទាំងស្រុង ប្រមាណជាង ១,២៨ពាន់លានដុល្លារ នៅត្រឹមឆ្នាំ ២០២៦ សម្រាប់ការអភិវឌ្ឍបាល់ទាត់ទ្វីបអាហ្រ្វិក។

ក្តីសុបិនរបស់ក្រុមជម្រើសជាតិឥណ្ឌូណេស៊ី ដែលចង់បង្ហាញខ្លួនក្នុងព្រឹត្តិការណ៍ World Cup ឆ្នាំ ២០២៦ ត្រូវបានបញ្ចប់ដោយការខកចិត្ត ក្រោយពួកគេប្រកួតចាញ់ក្រោមថ្វីជើងអីរ៉ាក់ លទ្ធផល​ ១-០​ ក្នុងការប្រកួតជម្រុះជុំទី៤ ទ្វីបអាស៊ី ពូល B កាលពីថ្ងៃទី១១ តុលា។ បរាជ័យប្រកួតនេះ បានធ្វើឱ្យក្រុមខ្លាំងនៅក្នុងតំបន់អាស៊ីអាគ្នេយ៍មួយនេះ បាត់ឱកាសទៅបង្ហាញខ្លួនលើកដំបូងនៅព្រឹត្តិការណ៍ World Cup ឆ្នាំ ២០២៦ ។ កីឡាករ Zidane Iqbal របស់ក្រុមអ៊ីរ៉ាក់ ជាអ្នកស៊ុតយកជ័យជម្នះ ៣ពិន្ទុ ពីដៃឥណ្ឌូណេស៊ី នៅនាទី៧៦។ ការប្រកួតជម្រុះជុំទី៤ ប្រៀបបានដូចជាការប្រកួតសំខាន់បំផុតមួយ ដោយក្រុមឈរកំពូលតារាង មកពីតាមពូលនីមួយៗនឹងមានឱកាសឈ្នះសំបុត្រទៅកាន់ការប្រកួតបាល់ទាត់ពិភពលោក លើទឹកដីអាម៉េរិក កាណាដា និងម៉ិកស៊ិក។ ចំណែកឯក្រុមលេខ ២ ពីជុំទី៤ នឹងឈ្នះកៅអីទៅកាន់ការប្រកួតអន្តរទ្វីប ដើម្បីបន្តដណ្តើមកន្លះកៅអី ទល់នឹងក្រុមឈ្នះកន្លះកៅអី មកពីទ្វីបដទៃផ្សេងទៀត ក្នុងការស្វែងរកឱកាសបង្ហាញវត្តមាននៅ World Cup 2026។ អំឡុងជំនួប អ៊ីរ៉ាក់ ប៉ះឥណ្ឌូណេស៊ី នេះ ពួកគេហាក់បីមិនខ្លាចរអាទៅនឹងក្រុមមកពីអាស៊ាននេះឡើយ