October 19, 2025

ក្រុមកីឡាបាល់ទាត់ជម្រើសជាតិកម្ពុជា ទាំងបុរស និងនារី សុទ្ធតែស្ថិតក្នុងពូលជាមួយម្ចាស់ផ្ទះថៃ ក្នុងការប្រកួរកីឡាស៊ីហ្គេមលើកទី៣៣ ឆ្នាំ ២០២៥។ ក្រុមបុរសកម្ពុជា ស្ថិតក្នុងពូល A ជាមួយថៃ និងទីម័រខាងកើត ស្របពេលក្រុមនារី ក្នុងពូលជាមួយថៃ សិង្ហបុរី និងឥណ្ឌូណេស៊ី។ សម្រាប់វិញ្ញាសាបាល់ទះ ម្ចាស់មេដាយប្រាក់កម្ពុជា ត្រូវជួបម្ចាស់មេដាយមាសឥណ្ឌូណេស៊ី ហ្វីលីពីន និងមីយ៉ាន់ម៉ា។ ក្នុងពិធីចាប់ឆ្នោតរើសពូល កីឡាអាស៊ីអាគ្នេយ៍ នៅថ្ងៃទី១៩ ខែតុលា ក្នុងក្រុងបាងកក វិញ្ញាកីឡាបាល់ទាត់បុរសមាន១០ប្រទេសចូលរួម លើកលែងតែព្រុយណេប៉ុណ្ណោះដែលដកខ្លួន។ ដោយចែកចេញ ៣ពូល កម្ពុជា ស្ថិតក្នុងពូល Aជាមួយម្ចាស់ផ្ទះថៃ និងទីម័រខាងកើត ស្របពេលពូល B មានវៀតណាម ម៉ាឡេស៊ី និងឡាវ និងពូល C មាន៤ក្រុម ដូចជាម្ចាស់ការពារជើងឯកឥណ្ឌូណេស៊ី មីយ៉ាន់ម៉ា សិង្ហបុរីនិងហ្វីលីពីន។ ក្នុង​ពូល A ​ម្ចាស់ផ្ទះ​ថៃ ​នឹង​ប្រើ​កីឡដ្ឋាន Tinsulanon ក្នុងខេត្តសុងក្លា ដើម្បីប្រកួតសន្សំពិន្ទុ ខណៈ​ពូល B និង C នឹង​ប្រកួត​នៅ​ទីលានក្នុងខេត្ត​ឈៀងម៉ៃ។ ការ​ប្រកួត​វគ្គ​ពាក់កណ្តាល​ផ្តាច់ព្រ័ត្រ និង​វគ្គ​ផ្តាច់ព្រ័ត្រ​នឹង​ធ្វើឡើងនៅ​កីឡដ្ឋាន Rajamangala ក្នុង​ទីក្រុង​បាងកក។ ដោយឡែក វិញ្ញាសាបាល់ទាត់នារី ដែលមាន៨ក្រុមចូលរួម ត្រូវចែកចេញជាពីរពូល ដោយពូល A កម្ពុជា ត្រូវតទល់ម្ចាស់ផ្ទះថៃ សិង្ហបុរី និងឥណ្ឌូណេស៊ី។ ពូល B មាន ម្ចាស់ការពារជើងឯកវៀតណាម មីយ៉ាន់ម៉ា ហ្វីលីពីន និងម៉ាឡេស៊ី។ […]

អង្គរថាយហ្គឺរ កាន់តែផ្តល់ឱ្យអ្នកគាំទ្រខ្លួននូវភាពសប្បាយរីករាយ បន្ទាប់ពីពួកគេវាយបកឈ្នះវិសាខា ៣-២ ក្នុងការប្រកួតជើងឯកខេមបូឌានព្រីមៀរលីគ(CPL) សប្តាហ៍ទី៨ នៅថ្ងៃទី១៨ ខែតុលា។ ជ័យជម្នះនេះ បានជួយក្រុមមានមូលដ្ឋានក្នុងខេត្តសៀមរាប ឡើងឈរកំពូលតារាងបណ្តោះអាន្នវិញ។ ក្នុងការប្រកួតលីគសប្តាហ៍ទី៨ នៅកីឡដ្ឋានវិសាខា ក្រុមម្ចាស់ផ្ទះបានបើកការនាំមុខលើក្រុមភ្ញៀវអង្គរថាយហ្គឺរមុននៅនាទី១៧ តាមរយៈកីឡាករកូរ៉េខាងត្បូង Park Jungbin។ មុនបញ្ចប់វគ្គទី១ ពោលនៅនាទី៤៥+៣ Kurita Mark Adjei រកបានគ្រាប់តាមស្មើឱ្យអង្គរថាយហ្គឺរវិញ។ ចូលដល់វគ្គទី២ ស្របពេលការប្រកួតដំណើរការដល់នាទី៨២ កីឡាករ សុខ គ្រី សូហ្វាន ជួយក្រុមដែលមានលោក SotaroYasunaga ជាគ្រូបង្វឹកនាំមុខវិញ មុនពេល អ៊ុក សុវណ្ណតាមបានស្មើឱ្យវិសាខា ២-២ នៅនាទី ៩០+៤។ បើទោះអង្គរថាយហ្គឺរសល់គ្នាត្រឹម១០ ប៉ុន្តែនៅនាទី ៩០+៥ ឃូលីបាលី អាបឌែល ដណ្តើមបានគ្រាប់ទី៣ និងជាគ្រាប់ជ័យជម្នះសម្រាប់ក្រុមនៅសៀមរាបយកឈ្នះវិសាខា ៣-២។ មិនត្រឹមដណ្តើមបាន៣ពិន្ទុពីក្រុមខ្លាំងវិសាខាប៉ុណ្ណោះទេ ប៉ុន្តែក្រុមកំពុងឡើងជើងអង្គរថាយហ្គឺរ ថែមទាំងផ្តល់ស្នាមញញឹម និងភាគរីករាយដល់អ្នកគាំទ្រខ្លួនទៀតផង។ ឆ្លងកាត់៧ប្រកួតដើមរដូវកាល ២០២៥-២៦ នេះ ក្រុមដែលមានអ្នកជំនួញជប៉ុនលោក Akihiro Kato ជាម្ចាស់ រកបានបានជ័យជម្នះ៥លើក និងចាញ់២ មាន១៥ពិន្ទុ។ ១៥ពិន្ទុនេះ បានជួយក្រុមអង្គរថាយហ្គឺរ ឡើងឈរកំពូលតារាង CPL ជំនួសក្រុមការពារតំណែងជើងឯកព្រះខ័ររាជស្វាយរៀង ដែលមាន១៥ពិន្ទុដូចគ្នា ក្រោយឆ្លងកាត់៦ប្រកួត ដោយនាំមុខគ្រាប់បាល់ស៊ុតបញ្ចូលទី។ ដោយឡែកជំនួបមួយគូទៀតនៅពហុកីឡដ្ឋានជាតិអូឡាំពិក ក្រុម្ចាស់ផ្ទះបឹងកេត បានយកឈ្នះគីរីវង់សុខសែនជ័យ ១-០។ ៨ប្រកួត បឹងកេតរកបាន១៤ពិន្ទុ ឡើងទៅឈរលេខ៤ ស្របពេលគីរីវង់ នៅលេខរៀងទី៩

(បរទេស)៖ ខ្សែបម្រើអន្តរជាតិប៊ែលហ្សិក Leandro Trossard ជាអ្នករកបានគ្រាប់ជ័យជម្នះតែ ១គ្រាប់ប៉ុណ្ណោះ នៅពេលកាំភ្លើងធំ Arsenal យកឈ្នះម្ចាស់ផ្ទះ Fulham ១-០ រាត្រីថ្ងៃសៅរ៍ នៅពេល Manchester City អតីតម្ចាស់ជើងឯក Premier League ៤សម័យជាប់ៗគ្នា បានវិលមកកាន់លេខ២ វិញផងដែរ។ តាមរយៈ ៣ពិន្ទុដ៏គាប់ប្រសើរនៅកីឡដ្ឋាន Craven Cottage នៅពីមុខអ្នកទស្សនាផ្ទាល់ជិត ៣ម៉ឺននាក់ ញាំងឱ្យក្រុមរបស់លោក Mikel Arteta បន្តឈរទីកំពូលតារាងលីគអង់គ្លេសបណ្តោះអាសន្ន ដោយមាន ១៨ពិន្ទុ ក្រោយឆ្លងកាត់ ៨ប្រកួតមកនេះ។ ពួកគេធ្វើមិនបានល្អឡើយ ក្នុងរយៈពេល ២រដូវកាលមុននៅទឹកដីរបស់ Fulham តាមរយៈចាញ់១ និងស្មើ១ មុនពេលរកបានជ័យជម្នះ ៤ប្រកួតជាប់ៗគ្នា ឡើងមកគ្រប់គ្រងតំណែងកំពូលតារាងជាលើកដំបូង សម្រាប់រដូវកាល ២០២៥-២៦។ ដូចគ្នានោះដែរ មេឃខៀវ Man City ដែលបានយកឈ្នះ Everton ២-០ នៅ Etihad ក៏បានរំកិលមកកាន់លេខ២

សហព័ន្ធកីឡាបាល់ទាត់ម៉ាឡេស៊ី (FAM) នៅថ្ងៃទី១៧ ខែតុលា បានសម្រេចព្យួរការងារអគ្គលេខាធិការរបស់ខ្លួន និងគ្រោងបង្កើតគណៈកម្មាធិការឯករាជ្យមួយដើម្បីស៊ើបអង្កេតជុំវិញរឿងអាស្រូវក្លែងបន្លំឯកសារបស់កីឡាករបរទេសចូលសញ្ជាតិទាំង ៧នាក់។ កាលពីដើមសប្តាហ៍នេះ FAM បានប្តឹងឧទ្ធរណ៍ប្រឆាំងនឹងការសម្រេចរបស់សហព័ន្ធកីឡាបាល់ទាត់អន្តរជាតិ (FIFA) ដែលពិន័យស្ថាប័នខ្លួនជាង៤០ម៉ឺនដុល្លារ និងហាមកីឡាករទាំង៧ មិនឱ្យពាក់ព័ន្ធវិស័យកីឡាបាល់ទាត់រយៈពេល ១ឆ្នាំ។ FIFA បានចោទ FAM ផ្តល់ឯកសារមិនពិត ដោយសមគំនិតនឹងគ្រូពេទ្យ ថាកីឡាករទាំង៧ មានជីដូន ជីតាដើមកំណើតម៉ាឡេស៊ី។ ក្រោយការស៊ើបអង្កេត FIFA រកឃើញថា កីឡាករបរទេសទាំងនេះ មិនជាប់សែស្រឡាយក្នុងប្រទេសអាស៊ីអាគ្នេយ៍មួយនេះឡើយ។ FAM ទទួលស្គាល់កំហុសនេះ ប៉ុន្តែបដិសេធថាបានប្រព្រឹត្តខុសដោយចេតនា និងប្តឹងឧទ្ធរណ៍ប្រឆាំង FIFA។ ​គណៈកម្មាធិកា​រវិន័យរបស់ FIFA នឹង​សម្រេចចុងក្រោយមួយលើកទៀត ​លើការដកការពិន័យ FAM ឬក៏អត់។ ស្របពេលដាក់បណ្តឹងឧទ្ធរណ៍ លោក S. Sivasundaram អនុប្រធាន FAM អះអាងថានឹងបង្កើតគណៈកម្មាធិការឯករាជ្យមួយ ដើម្បីពិនិត្យដើមចមដែលបានកើតឡើងដោយពិតប្រាកដ ដើម្បីឱ្យស្ថាប័នខ្លួនស្ថិតក្នុងស្ថានភាពល្អប្រសើរជាងមុន។ ការបញ្ឈរជើងលោក Noor Azman Rahman ពីតំណែងអគ្គលេខាធិការ FAM ក៏ត្រូវបានធ្វើឡើង

ក្លឹបបាល់ទាត់ Pyramids ប្រទេសអេហ្ស៊ីបបានដណ្តើមយកពានរង្វាន់ African Super Cup ជាមួយនឹងគ្រាប់បាល់ចុងម៉ោងរបស់ខ្សែប្រយុទ្ធ Fiston Mayele ខណៈដែលពួកគេបានផ្តួលក្រុម Renaissance Berkane ក្នុងលទ្ធផល 1-0 ក្នុងទីក្រុង Cairo កាលពីថ្ងៃសៅរ៍។ ខ្សែប្រយុទ្ធសញ្ជាតិកុងហ្គោបានវាយបករកគ្រាប់បាល់បញ្ចូលទីក្នុងការប្រកួតដែលនៅសល់ត្រឹមតែ ១៥ នាទីប៉ុណ្ណោះមុនចប់ការប្រកួត។ Pyramidsបានឈ្នះពាន Champions Leagueនៅអាហ្រិកជាលើកទីមួយ កាលពីរដូវកាលមុន ខណៈក្រុមមម៉ារ៉ុកRenaissance Berkaneបានឈ្នះពានរង្វាន់លំដាប់ទី២របស់ក្លឹបបាល់ទាត់អាហ្រ្វិក គឺ Confederation Cup។ ក្លឹបPyramidsដែលស្ថិតនៅក្នុងទីក្រុង Cairo នឹងលេងក្នុងពានរង្វាន់ Intercontinental Cup នៅប្រទេសកាតា នៅចុងឆ្នាំនេះ ដែលពួកគេទទួលបានកៅអីវគ្គពាក់កណ្តាលផ្តាច់ព្រ័ត្រ ហើយប្រសិនបើពួកគេឈ្នះការប្រកួតនោះ នឹងឈានទៅវគ្គផ្តាច់ព្រ័ត្រនៅថ្ងៃទី 17 ខែធ្នូ ទល់នឹងក្រុម Paris St Germain ៕ ប្រភព៖ NKDNEWS

សោកនាដកម្មដ៏អាក្រក់មួយក្នុងវិស័យកីឡាបាល់ទាត់បានកើតឡើងក្នុងប្រទេសអេហ្ស៊ីប ដែលបណ្តាលឱ្យអ្នកគាំទ្ររាប់រយនាក់ស្លាប់ និងរងរបួស និងឈានដល់បិទកីឡានេះក្នុងប្រទេសទាំងស្រុង។ កាលពី ១៣ ឆ្នាំមុន ការប៉ះទង្គិចគ្នាមួយរវាងក្រុម Al Masry និង Al Ahly នៃលីគកំពូលអេហ្ស៊ីប បានប្រែក្លាយវិស័យកីឡាបាល់ទាត់ប្រទេសអាហ្វ្រិកមួយនេះទៅជាខ្មៅងងឹតបំផុតក្នុងប្រវត្តិសាស្ត្របាល់ទាត់។ សោកនាដកម្មដ៏រន្ធត់បំផុតនោះ បានបណ្តាលឱ្យអ្នកគាំទ្រស្លាប់ ៧៤នាក់ និង ១១នាក់ ត្រូវបានកាត់ទោសប្រហារជីវិត។ ការប្រកួតកីឡាបាល់ទាត់ក្នុងប្រទេសអាហ្ស៊ីប ក៏សម្រេចឱ្យបិទទាំងស្រុងផងដែរ។ ហេតុការណ៍ដ៏តានតឹងនោះ កើតឡើងក្រោយក្រុមអ្នកគាំទ្រ Al Masry ultras បង្ហោះបទចម្រៀងនៅលើ YouTube គំរាមកំហែងដល់អាយុជីវិតរបស់អ្នកគាំទ្រគូប្រជែង ដោយបានព្រមានពីគ្រោះថ្នាក់ដែលអាចកើតមានក្នុងការប្រកួត។ ក្រោមការគំរាមកំហែងរបស់ Al Masry ultras អ្នកគាំទ្រ Al Ahly ត្រូវបានបង្ខំឱ្យប្រើមធ្យោបាយធ្វើដំណើរទៅទីតាំងប្រកួត ដោយមានរថយន្តយោធាជួយដឹកជញ្ជូនពួកគេពីស្ថានីយ៍រថភ្លើងទៅកាន់កីឡដ្ឋាន Port Said។ យ៉ាងណាក៏ដោយ ទោះមានការការពារតឹងរឹងក្នុងជំនួបនោះ ក៏មិនអាចរារាំងអ្នកគាំទ្ររបស់ក្រុមនៃលីគកីឡាបាល់ទាត់កំពូលអេហ្ស៊ីបទាំងពីរ បានឡើយ ហើយបានឈានដល់បង្កទៅជាសោកនាដកម្មដ៏អាក្រក់បំផុត។ មុនពេលការប្រកួតចាប់ផ្តើមបាន អ្នកគាំទ្រAl Masry បានសម្រុកចូលទីលាន ដែលបង្ខំចិត្តត្រូវពន្យារពេល៣០នាទី។ ក្រោយដំណើរការប្រកួតបានពាក់កណ្តាលវគ្គទី១ និងបន្ទាប់ពីការស៊ុតបញ្ចូលទីគ្រាប់ទី ៣ របស់ Al Masry អ្នកគាំទ្រក្រុមម្ចាស់ផ្ទះបានសម្រុកចូលទីលានម្តងទៀត។ ក្រោយបញ្ចប់ការប្រកួត ក្នុងលទ្ធផល ៣-១ អ្នកគាំទ្រ Masry បានគប់ដប និងកាំជ្រួចដាក់កីឡាករ Ahly ដោយបង្ខំពួកគេត្រឡប់ទៅបន្ទប់ផ្លាស់សម្លៀកបំពាក់ក្រោមការការពាររបស់ប៉ូលិស។ ស្របពេលនោះដែរ អ្នកគាំទ្រក្រុមភ្ញៀវត្រូវរងការវាយប្រហារដោយកាំបិត និងដុំថ្មជាដើម។ ការប៉ះទង្គិចគ្នាដ៏រន្ធត់នោះ អ្នកគាំទ្រមួយចំនួនត្រូវចាក់នឹងកាំបិត អ្នកខ្លះទៀតត្រូវគេចាប់បោះពីលើកន្លែងឈរនៅពេលពួកគេព្យាយាមរត់គេច។ ទីបំផុតបានបណ្តាលឲ្យមនុស្សស្លាប់ ៧៤នាក់ និងរាប់រយនាក់ទៀតរបួសធ្ងន់ធ្ងរ។ គ្រូបង្វឹក Ahly លោក Manuel Jose និងកីឡាករ Mohamed Aboutrika ប្រាប់ប្រព័ន្ធផ្សព្វផ្សាយថា ពួកគេបានមើលអ្នកគាំទ្រខ្លួនត្រូវបានសម្លាប់នៅក្នុងបន្ទប់ផ្លាស់សម្លៀងកបំពាក់។ ឃើញហេតុការណ៍ដ៏រន្ធត់ផ្ទាល់ភ្នែក បានបង្ខំ Aboutrika ចូលនិវត្តន៍ពីអាជីពបាល់ទាត់តែម្តង។ ក្រោយសោកនាដកម្មដ៏អាក្រកជាប្រវត្តិសាស្រ្តបាល់ទាត់អេហ្ស៊ីបក្នុងពហុកីឡដ្ឋាន Port Said ការប្រកួតដែលនៅសល់ក្នុងរដូវកាលនោះទាំងអស់ត្រូវលុបចោល។ ជនជាប់ចោទ ៧៣នាក់ រួមទាំងមន្រ្តីប៉ូលិស ៩នាក់ និងមន្រ្តីក្លិប Al Masry ២នាក់ត្រូវបានចោទប្រកាន់ពីបទសម្លាប់អ្នកគាំទ្រ Ahly ចំនួន ៧២ នាក់។ ក្នុងចំណោមជនជាប់ចោទទាំងអស់ មាន១១នាក់ត្រូវបានកាត់ទោសប្រហារជីវិត ៥នាក់ជាប់គុកមួយជីវិត និង ១០នាក់ជាប់គុក ១៥ ឆ្នាំ ខណៈ ២៨ នាក់ត្រូវបានលើកលែងទោស រួមទាំងមន្រ្តីប៉ូលិស ៧នាក់ផង។ នេះត្រូវបានចាត់ទុកជាគ្រោះមហន្តរាយដ៏អាក្រក់បំផុតក្នុងក្នុងកីឡាបាល់ទាត់ ហើយរហូតដល់ឆ្នាំ ២០១៨ ទើបលីគកំពូលអាហ្ស៊ីបអនុញ្ញាតឱ្យមានអ្នកគាំទ្រចូលកីឡដ្ឋានឡើងវិញ។ កាលពីឆ្នាំ ២០២២ នៅលីគកំពូលឥណ្ឌូណេស៊ី

(បរទេស)៖ ត្រឹមតែរយៈពេល ៣៩ថ្ងៃប៉ុណ្ណោះ បន្ទាប់ពីលោក Ange Postecoglou ត្រូវបានតែងតាំងជាអ្នកចាត់ការទូទៅនៃក្លឹប Nottingham Forest ដែលបានឈានមកដល់ផ្លូវបំបែកវិញនោះ។ នេះបើយោងតាមការចេញផ្សាយដោយ BBC។ បុរសវ័យ ៦០ឆ្នាំ សញ្ជាតិអូស្រ្តាលីរូបនេះ បានក្លាយជាអ្នកចាត់ការដំបូងគេ ដែលមានរយៈពេលកាន់តំណែងនៅក្របខណ្ឌ Premier League ខ្លីជាងគេ តិចជាងលោក Alex McLeish ដែលបានដឹកនាំ ៤០ថ្ងៃដែរ។ ការបរាជ័យ ៣ទល់នឹង០ ក្រោមថ្វីជើងរបស់តោខៀវ Chelsea កាលពីរាត្រីថ្ងៃសៅរ៍ នាំឱ្យម្ចាស់ក្លឹប Forest លោក Evangelos Marinakis បានចាកចេញពីកន្លែងទស្សនាដ៏លឿនបំផុត មុនពេលប្រកាសដកលោក Postecoglou ចេញពីតំណែង ក្រោយការដឹកនាំ ៨ប្រកួតចុងក្រោយមិនឈ្នះសោះ។ ក្តីរំពឹងរបស់ពួកគេចំពោះគ្រូបង្វឹកដែលធ្លាប់ដឹកនាំ Spurs ដណ្តើមបានជើងឯក UEFA Europa League រដូវកាលមុន តាមរយៈផ្តល់សេចក្តីទុកចិត្តតែងតាំងដឹកនាំ Forest នាថ្ងៃទី០៩ ខែកញ្ញា ជំនួសកៅអីគ្រូបង្វឹក Nuno Espirito សញ្ជាតិព័រទុយហ្គាល់នោះ

ខ្សែប្រយុទ្ធ  Cristiano Ronaldo បានបង្ហាញម៉ូដសក់ថ្មីគួរឱ្យភ្ញាក់ផ្អើល ខណៈដែលគាត់មានបំណងឈ្នះជើងឯកលីកដំបូងរបស់គាត់ជាមួយ Al-Nassr ។ ក្លឹបរបស់កំពូលតារាបាល់ទាត់រូបនេះបានឈរនៅលើតារាងនៃក្របខណ្ឌ Saudi Pro League បន្ទាប់ពីលេងចំនួន 4 ប្រកួតជាមួយនឹងក្រុមដែលមានមូលដ្ឋាននៅទីក្រុង Riyadh ។ ថ្វីបើជាកីឡាករស៊ុតបញ្ចូលទីច្រើនជាងគេពីរដងក្នុងលីគក៏ដោយ ក៏គាត់មិនទាន់ទទួលបានពានរង្វាន់លីគនៅឡើយទេ ចាប់តាំងពីការផ្លាស់ប្តូរនៅចុងឆ្នាំ 2022 បន្ទាប់ពីការចាកចេញដ៏គួរឱ្យកត់សម្គាល់របស់គាត់ពី Manchester United ។ ប៉ុន្តែ Ronaldoដែលមាន វ័យ 40 ឆ្នាំ ពេលនេះបានបង្ហាញម៉ូតសក់ថ្មីយ៉ាងក្លាហាន បន្ទាប់ពីត្រលប់មកពីបំពេញកាតព្វកិច្ចអន្តរជាតិជាមួយព័រទុយហ្គាល់។ ជើងខ្លាំងរូបនេះបានថតរូបក្នុងការហ្វឹកហាត់ដែលបង្ហាញថាគាត់ជាអ្នកលេងកីឡា ដោយដាក់ចំណងជើងលើការបង្ហោះនោះថា៖ «ប្រឹងប្រែងធ្វើការ»។ ថាមពលតារារបស់គាត់ គឺការបង្ហោះនោះបានទទួលការចូលចិត្តជិតប្រាំលានដងក្នុងរយៈពេល 16 ម៉ោងដោយមានមិត្តរួមក្រុមព័រទុយហ្គាល់ និងប្រធានក្រុម Man United Bruno Fernandes ក្នុងចំណោមពួកគេ។ ប្រតិកម្មក្នុងការបញ្ចេញមតិលើបណ្ដាញសង្គម អ្នកគាំទ្រម្នាក់បាននិយាយថា៖ «ម្នាក់នេះពិតជាគាត់មែន»។ អ្នកទីពីរបាននិយាយថា៖ «បងមិនដូចអាយុ ៤០ទេ»៕ ប្រភព៖ NKDNEWS