Admin

ក្លឹប Juventus របស់ក្របខ័ណ្ឌ Serie A បាននិយាយកាលពីថ្ងៃព្រហស្បតិ៍ថា ខ្លួនកំពុងស្ថិតនៅក្រោមការស៊ើបអង្កេតដោយស្ថាប័នគ្រប់គ្រងបាល់ទាត់ទ្វីបអឺរ៉ុប (UEFA) សម្រាប់ការបំពានច្បាប់ហិរញ្ញវត្ថុរបស់ខ្លួន។ ក្លឹបដែលមានមូលដ្ឋាននៅទីក្រុង Turin បានធ្វើសេចក្តីប្រកាសនៅក្នុងរបាយការណ៍ហិរញ្ញវត្ថុរបស់ខ្លួនដើម្បីបង្ហាញនៅក្នុងកិច្ចប្រជុំម្ចាស់ភាគហ៊ុនប្រចាំឆ្នាំនៅថ្ងៃទី 7 ខែវិច្ឆិកា។ Juventus បានឱ្យដឹងថា UEFA បានជូនដំណឹងដល់ក្លឹបនៅថ្ងៃទី 18 ខែកញ្ញាថាដំណើរការត្រូវបានបើកដើម្បីស៊ើបអង្កេតការបំពានច្បាប់នៃប្រាក់ចំណូលបាល់ទាត់របស់ស្ថាប័នគ្រប់គ្រងរវាងឆ្នាំ 2022 និង 2025 ជាមួយនឹងសាលក្រមត្រូវរំពឹងថានឹងប្រកាសនៅនិទាឃរដូវឆ្នាំក្រោយ។ ក្លឹបសេះបង្កង់បានបញ្ចាក់ថាលទ្ធផលអាចបណ្តាលឱ្យមានទណ្ឌកម្មសេដ្ឋកិច្ចនិងការរឹតបន្តឹងកីឡាដែលអាចកើតមាន។ ច្បាប់នៃប្រាក់ចំណូលបាល់ទាត់របស់ UEFA កំណត់ក្លឹបឱ្យខាតបង់ត្រឹម 60 លានអឺរ៉ូ (70.14 លានដុល្លារ) ក្នុងរយៈពេល 3 ឆ្នាំ។ នេះអាចត្រូវបានបង្កើនចំនួន 10 លានអឺរ៉ូក្នុងមួយឆ្នាំ ប្រសិនបើក្លឹបបំពេញលក្ខខណ្ឌចំនួន 4 ដែល UEFA ចាត់ទុកថាតំណាងនៃ “សុខភាពហិរញ្ញវត្ថុល្អ” ។   Juventus ដែលឈរនៅចំណាត់ថ្នាក់លេខ 5 ក្នុងតារាង Serie A ដោយមាន 12 ពិន្ទុពីការប្រកួតចំនួន […]

Lamine Yamal ខ្សែបម្រើស្លាបវ័យ ១៨ ឆ្នាំរបស់ Barcelona បានជាប់ឈ្មោះក្នុងបញ្ជីកីឡាករដែលរកចំណូលបានច្រើនជាងគេបំផុតទាំង ១០ របស់ទស្សនាវដ្តី Forbes ក្នុងឆ្នាំ ២០២៥ ដែលនាំមុខគេដោយខ្សែប្រយុទ្ធព័រទុយហ្គាល់ Cristiano Ronaldo ។ Ronaldo បានឈរនៅលើកំពូលតារាងចុងក្រោយបង្អស់របស់ Forbes ជាមួយនឹងប្រាក់ចំណូល ២៨០ លានដុល្លារក្នុងឆ្នាំនេះ ដោយរក្សាភាពរឹងមាំហិរញ្ញវត្ថុក្នុងពិភពបាល់ទាត់ បន្ទាប់ពីកីឡាករវ័យ ៤០ ឆ្នាំរូបនេះបានចុះហត្ថលេខាលើកិច្ចសន្យារយៈពេល ២ ឆ្នាំជាមួយក្រុម Al-Nassr របស់ Saudi Pro League ។ ខ្សែប្រយុទ្ធសញ្ជាតិព័រទុយហ្គាល់ដែលបានក្លាយជាកីឡាករបាល់ទាត់ដំបូងគេដែលឈានដល់ឋានៈជាមហាសេដ្ឋីពាន់លានដុល្លារ និងបានឈរនៅលំដាប់កំពូលក្នុងបញ្ជីអត្តពលិកដែលរកចំណូលបានច្រើនជាងគេបំផុតរបស់ពិភពលោកក្នុងរយៈពេល ៣ ឆ្នាំជាប់ៗគ្នាក្នុងខែឧសភា កំពុងខិតជិតក្នុងការស៊ុតបញ្ចូលទី ១ពាន់គ្រាប់ក្នុងអាជីព។ ប្រជែងដ៏យូរអង្វែងរបស់គាត់ កីឡាករ Lionel Messi ឈរនៅលេខ ២ ក្នុងតម្លៃ ១៣០ លានដុល្លារ ដោយខ្សែប្រយុទ្ធ Inter Miami វ័យ ៣៨ ឆ្នាំរូបនេះរកបានភាគច្រើនតាមរយៈកិច្ចព្រមព្រៀងក្រៅទីលាន។

សហព័ន្ធបាល់ទាត់អន្តរជាតិ (FIFA)​ បង្ហាញក្តីរំពឹងខ្ពស់ទៅលើទីក្រុងទាំង១៦ ដែលធ្វើម្ចាស់ផ្ទះ FIFA World Cup ឆ្នាំ​២០២៦ នឹងត្រៀមលក្ខណៈបានល្អគ្រប់គ្រាន់សម្រាប់ការប្រកួត។ FIFA លើកឡើងបែបនេះ បន្ទាប់ពីលោក ដូណាល់ ត្រាំ ប្រធានាធិបតីអាម៉េរិក ព្រមាននឹងផ្លាស់ប្តូរសិទ្ធិពីទីក្រុងមួយចំនួន ប្រសិនបើទីក្រុងនោះគ្មានសុវត្ថិភាព និងសន្តិសុខ។ «យើងមានក្តីសង្ឃឹមថាគ្រប់គ្នាជាសមាជិកទីក្រុងម្ចាស់ផ្ទះទាំង១៦ នឹងត្រៀមខ្លួនឱ្យរួចរាល់ គ្រប់លក្ខណៈ ដើម្បីរៀបចំការប្រកួតឱ្យបានជោគជ័យ និងអាចបំពេញរាល់តម្រូវការ។ សុវត្ថិភាព និងសន្តិសុខល្អ គឺជារឿងចម្បងបំផុត អំឡុងរាល់ព្រឹត្តិការណ៍រៀបចំឡើងដោយ FIFA ទូទាំងពិភពលោក។»។ នេះបើតាមសម្តីរបស់អ្នកនាំពាក្យរបស់ FIFA ដោយបន្ថែមទៀតថា ផ្នែកសុវត្ថិភាព និងសន្តិខុសសណ្ដាប់ធ្នាប់ក្នុងពេលប្រកួត គឺជាទំនួសខុសត្រូវរបស់រដ្ឋបាលទីក្រុងរៀបចំការប្រកួតទាំងនោះ។ ​  លោក ត្រាំ វិញបានចេញមុខព្រមានជាថ្មី នាថ្ងៃទី១៥ ខែតុលា នឹងដកសិទ្ធិរៀបចំការប្រកួតពីចេញទីក្រុងមួយចំនួន ដោយប្តូរទៅទីតាំងផ្សេង ប្រសិនបើទីក្រុងនោះរកឃើញថាគ្មានសុវត្ថិភាព និងផ្នែកសន្តិសុខមិនរៀបរយ។ ប្រធានាធិបតីវ័យ ៧៩ឆ្នាំ ថែមទាំងព្រមានចំៗ ទៅរដ្ឋបាលទីក្រុងណាដែលមិនពេញចិត្តចំពោះគោលនយោបាយចាប់បណ្តេញជនអន្តោប្រវេសន៍ និងការបង្រ្កាបអំពើឧក្រិដ្ឋកម្មរបស់លោកពេលកន្លងមក។ រដ្ឋបាលទីក្រុង Boston ត្រូវបានលោក ត្រាំ លើកឈ្មោះមកនិយាយចំៗផងដែរ។

ក្លិបអ្នកមានបុណ្យ FC Barcelona កំពុងតែជួបហានិភ័យខ្លាំងអំពីកីឡាករសំខាន់ៗរបួសជាបន្តបន្ទាប់នៅដើមរដូវកាលនេះ ពោលគិតត្រឹមពេលនេះ គឺដល់ ៩ នាក់ទៅហើយ មុនជំនួប Clasico ទល់នឹង Real Madrid មកដល់នៅថ្ងៃទី ២៦ ខែ តុលា ឆ្នាំ ២០២៥។ កីឡាករ Barcelona ចំនួន ៩ នាក់ ដែលកំពុងស្ថិតនៅក្នុងបញ្ជីរបួសរួមមាន Lamine Yamal (របួសក្រលៀន), Raphinha (របួសសរសៃពួរ), អ្នកចាំទី Joan Garcia (របួសជង្គង់), អ្នកចាំទី Marc Andre ter Stegen (របួសសស្មា), Gavi (របួសជង្គង់), Fermin Lopez (របួសក្រលៀន), Dani Olmo (របួសកំភួនជើង), Ferran Torres (របួសសាច់ដុំ) និងចុងក្រោយ Robert Lewandowski (របួសសរសៃពួរ)។

កីឡាករ Hassan Al Haydos របស់ប្រទេសកាតា បានសន្យាថានឹងផ្តល់ថវិកាសាងសង់សាលារៀន និងសាលកីឡាមួយនៅហ្គាហ្សា បន្ទាប់ពីប្រទេសរបស់គាត់មានកៅអីមួយសម្រាប់ការប្រកួតបាល់ទាត់ពិភពលោកឆ្នាំ 2026 ។ ប្រទេសកាតានឹងបង្ហាញខ្លួនជាលើកទី២របស់ពួកគេនៅក្នុងពានរង្វាន់បាល់ទាត់ពិភពលោក ប៉ុន្តែជាលើកទីមួយដែលពួកគេសម្រេចបានតាមរយៈដំណើរការជម្រុះនៅអាស៊ី ដោយពួកគេបានធ្វើជាម្ចាស់ផ្ទះនៃការប្រកួតឆ្នាំ 2022។ ខ្សែប្រយុទ្ធ Al Haydos វ័យ 34 ឆ្នាំ បានត្រលប់មកក្រុមជម្រើសជាតិវិញនៅឆ្នាំនេះ បន្ទាប់ពីបានប្រកាសចូលនិវត្តន៍ជាអន្តរជាតិនៅឆ្នាំ 2024។ ភាពជាអ្នកដឹកនាំរបស់គាត់បានបង្ហាញពីភាពសំខាន់នៅពេលដែលកាតាទទួលបានជ័យជម្នះ 2-1 លើប្រទេសអារ៉ាប់រួមនៅទីក្រុងដូហាកាលពីថ្ងៃអង្គារដើម្បីឈរនៅកំពូលក្នុងពូល A និងកក់សំបុត្រដោយផ្ទាល់ទៅ World Cup នៅអាមេរិកខាងជើង។ ថ្លែងនៅក្នុងសុន្ទរកថាមួយ កីឡាករ Al Haydos បានភ្ជាប់ជ័យជំនះលើកីឡាទៅនឹងកង្វល់មនុស្សធម៌កាន់តែទូលំទូលាយ ដោយយោងទៅលើកិច្ចព្រមព្រៀងបទឈប់បាញ់នាពេលថ្មីៗនេះនៅហ្គាហ្សា និងកិច្ចប្រជុំកំពូលសន្តិភាពដែលបានធ្វើឡើងនៅទីក្រុង Sharm El-Sheikh ប្រទេសអេហ្ស៊ីបកាលពីថ្ងៃទី 13 ខែតុលា។ ការសន្យាផ្តល់អំណោយនេះ ធ្វើឡើងចំពេលដែលកិច្ចខិតខំប្រឹងប្រែងអន្តរជាតិជាថ្មី ដើម្បីកសាងតំបន់ហ្គាហ្សាឡើងវិញ បន្ទាប់ពីមានសង្រ្គាមរយៈពេលពីរឆ្នាំ៕ ប្រភព៖ NKDNEWS

ក្រុមកីឡាបាល់ទាត់ជម្រើសជាតិស៊ីរី កក់កៅអីទៅ AFC Asian Cup ឆ្នាំ ២០២៧ មុនគេនៅវគ្គជម្រុះជុំទី៣ បន្ទាប់ពីនាំមុខកំពូលតារាងពូល E ទាំងនៅសល់២ប្រកួតទៀត។ ៥ពូលផ្សេងទៀត ដែលត្រូវប្រជែងយក ៥ក្រុមចុងក្រោយ ទៅកាន់ទឹកដីអារ៉ាប៊ីសាអូឌីត ឆ្នាំ ២០២៧ កំពុងប្រទាញប្រទង់គ្នា ក្នុងនោះមាន ហ្វីលីពីន ម៉ាឡេស៊ី ថៃ វៀតណាម សិង្ហបុរី តួកមេនីស្ថាន ហុងកុង លីបង់ យេម៉ែន និង តាហ្ស៊ីគីស្ថាន។ បន្ទាប់ពីដណ្តើមបានកំពូលតារាងពូល E នៅវគ្គជម្រុះជុំទី៣ ស៊ីរី បានក្លាយជាក្រុមទី១៩ ដែលទទួលបានកៅអី Asian Cup ដែលរៀបចំនៅអារ៉ាប៊ីសាអូឌីត ឆ្នាំ ២០២៧។ មីយ៉ាន់ម៉ា អាហ្វហ្គានីស្ថាន និងប៉ាគីស្ថាន នៅសល់តែការប្រកួតបង្គ្រប់កិច្ចពីរលើកប៉ុណ្ណោះ។ ទាំង៦ពូល ក្នុងវគ្គជម្រុះជើងឯកអាស៊ី ដែលក្នុងមួយពូលមាន៤ក្រុម មានតែមួយក្រុមកំពូលតារាងប៉ុណ្ណោះដែលទទួលបានសំបុត្រទៅវគ្គផ្តាច់ព្រ័ត្រ ស្របពេល៣ក្រុមហាលអាវ។ ពូល A ហ្វីលីពីន កំពុងឈរកំពូលតារាង ដោយរកបាន១០ពិន្ទុ

ក្លឹប Barcelona ត្រូវបានគេរាយការណ៍ថាបានច្រានចោលការផ្តល់ជូនជាកំណត់ត្រាពិភពលោកពីក្លឹបដ៏ធំបំផុតរបស់អារ៉ាប៊ីសាអូឌីត Al Hilal ដើម្បីចុះហត្ថលេខាលើកីឡាករបាល់ទាត់វ័យ 18 ឆ្នាំ Lamine Yamal ។ ផ្ទេរកីឡាកររបស់អេស្ប៉ាញ Fichajes.net បានរាយការណ៍ថា Al Hilal បានដេញថ្លៃ 463 លានដុល្លារសម្រាប់កិច្ចសន្យារយៈពេល 7 ឆ្នាំសម្រាប់ Yamal កាលពីពីររដូវកាលមុន។ ប្រសិន​បើ​បាន​បញ្ចប់ វា​នឹង​កើន​លើស​ការ​ផ្ទេរ​តម្លៃ 257 លាន​ដុល្លារ​របស់ Neymar ពី Barca ទៅ PSG ក្នុង​ឆ្នាំ 2017 ជា​ការ​ផ្ទេរ​ថ្លៃ​បំផុត​ក្នុង​ប្រវត្តិសាស្ត្រ​បាល់ទាត់។ Fichajes.net ដែលត្រូវបានបង្កើតឡើងក្នុងឆ្នាំ 2013 ទាក់ទាញការចូលមើលប្រហែល 4.9 លានដងក្នុងរយៈពេល 3 ខែ នេះបើយោងតាមក្រុមហ៊ុន Similarweb ដែលជាក្រុមហ៊ុនប្រមូលផ្តុំទិន្នន័យដែលមានឯកទេសក្នុងការវិភាគគេហទំព័រ។ វាជាគេហទំព័របាល់ទាត់ដ៏ពេញនិយមបំផុតមួយនៅអេស្ប៉ាញ និងអឺរ៉ុប។ ចំណែកសារព័ត៌មាន Marca បានរាយការណ៍ថា ទោះបីជាមានទំហំធំនៃសំណើក៏ដោយ Barca បានច្រានចោលដោយមិនស្ទាក់ស្ទើរ ដោយមិនមានចេតនាលក់វីរបុរសថ្មីរបស់ពួកគេឡើយ។

(បរទេស)៖ លោក Enzo Maresca អ្នកចាត់ការទូទៅ Chelsea បានរងបម្រាម ១ប្រកួត ពីបទអបអរសាទរភ្លេចខ្លួន នៅពេលក្រុមតោខៀវរបស់លោក បានយកឈ្នះម្ចាស់ការពារតំណែងជើងឯក Liverpool ២-១ ចុងម៉ោង។ នេះបើយោងតាមការចេញផ្សាយដោយ BBC។ បុរសសញ្ជាតិអ៉ីតាលីរូបនេះបានរងពិន័យកាតលឿងជាលើកទី២ ដោយអាជ្ញាកណ្តាល Anthony Taylor តាមរយៈចាកចេញពីតំបន់បច្ចេកទេស ដើម្បីចូលរួមអបអរជាមួយកូនក្រុម Estavao Willian ដែលធ្វើបានគ្រាប់ជ័យជម្នះនៅនាទី៩៥។ សហព័ន្ធបាល់ទាត់អង់គ្លេស FA បានឱ្យដឹងថា លោក Maresca បានដឹងកំហុសរបស់ខ្លួន និងទទួលយកនូវការពិន័យនេះដែរ។ ទោះជាយ៉ាងណា បុរសវ័យ ៤៥ឆ្នាំរូបនេះ ដែលបានលាឈប់ដឹកនាំ Leicester City ដើម្បីក្លាយខ្លួនជាគ្រូបង្វឹកថ្មី Chelsea នាអំឡុងខែមិថុនា ឆ្នាំ២០២៤ មកនោះ ក៏ទទួលរងនូវការពិន័យជាប្រាក់ប្រមាណ ៨,០០០ផោនពីលើថែមទៀតដែរ ចំពោះទោសកំហុសដែលបានបង្កឡើងនៅកីឡដ្ឋាន Stamford Bridge ក្នុងលីគ Premier League សប្តាហ៍ទី៧៕ ប្រភព៖FRESHNEWS

(បរទេស)៖ សម្រាប់បញ្ជីរាយនាមបេក្ខជនដែលនឹងត្រូវប្រជែងយកពានរង្វាន់ Golden Boy 2025 ត្រូវបានបង្ហាញហើយ ដែលជាពានរង្វាន់សម្រាប់ប្រគល់ទៅកាន់កីឡាករវ័យក្មេងល្អជាងគេម្នាក់អាយុក្រោម ២១ឆ្នាំ ក្នុងចំណោម ២៥នាក់ នៅទូទាំងបាល់ទាត់ទ្វីបអឺរ៉ុប។ ពានរង្វាន់នេះដែរ គឺស្រដៀងទៅនឹងពានរង្វាន់ Kopa Trophy ដែលត្រូវប្រគល់ជូនកីឡាករបាល់ទាត់វ័យក្មេងល្អបំផុតក្នុងលីគកំពូលរបស់អឺរ៉ុប។ សម្រាប់ពានរង្វាប់ Golden Boy ប្រចាំទ្វីបអឺរ៉ុបនេះត្រូវបានបង្កើតឡើងដោយកាសែតអ៊ីតាលី Tuttosport ដំបូងកាលឆ្នាំ២០០៣ ដើម្បីអបអរសាទរកីឡាករវ័យក្មេងល្អបំផុត និងអស្ចារ្យបំផុតនៅទូទាំងទ្វីប។ ខាងក្រោមនេះជាបេក្ខជន ២៥នាក់ដែលនឹងត្រូវទទួលបានការបោះឆ្នោតជ្រើសយកជាម្ចាស់ជយលាភី Golden Boy 2025៖១៖ Desire Doue, Leny Yoro, Senny Mayulu, Warren Zaire-Emery, Eliesse Ben Seghir Mamadou Sarr (កីឡាករអន្តរជាតិបារាំង)២៖ Ethan Nwaneri, Nico O’Reilly, Archie Gray, Jobe Bellingham (កីឡាករអន្តរជាតិអង់គ្លេស)៣៖ Pau Cubarsi, Dean Huijsen (កីឡាករអេស្ប៉ាញ)៤៖ Kenan Yildiz, Arda

ខ្សែប្រយុទ្ធរបស់ក្រុមជម្រើសជាតិ អាហ្សង់ទីន និង Inter Miami កីឡាករ Lionel Messi គ្រោងរៀបចំពានរង្វាន់ថ្មីមួយជាលើកដំបូង ដោយប្រើឈ្មោះ “Messi Cup” ដែលនឹងធ្វើនៅទីក្រុង ម៉ៃអាមី (Miami) ក្នុងរដ្ឋ ផ្លរីដា សហរដ្ឋ​អាមេរិក នាខែ ធ្នូ ឆ្នាំ ២០២៥។ ពានថ្មី​សន្លាង​នេះ គឺត្រូវបានផ្តួចផ្តើមឡើង ដោយក្រុមហ៊ុនផលិតកម្មរបស់ Messi ផ្ទាល់តែម្តង ដែល​ផ្តោតសំខាន់លើការប្រកួតក្រុមកម្រិតយុវជនអាយុក្រោម ១៦ ឆ្នាំ។ តាមការគ្រោងទុក ពាននេះនឹងរៀបចំឡើងចាប់ពីថ្ងៃទី ៩ ដល់ថ្ងៃទី ១៤ ខែ ធ្នូ ឆ្នាំ ២០២៥។   យោងតាមការប្រកាសនៅលើគណនី Instagram របស់ Messi គឺមានក្រុមយុវជនលំដាប់ពិភពលោកចំនួន ៨ នឹងចូលរួមប្រកួតប្រជែងពាននេះ ក្នុងនោះមាន Inter Miami, Barcelona, Manchester City, River Plate,