ពត៌មានថ្មីៗ

សមាគមបាល់ទាត់ទ្វីបអ៊ឺរ៉ុប (UEFA) បានពិន័យក្លឹបបាល់ទាត់ Atletico Madrid ចំនួន 30,000 អឺរ៉ូ (34,749 ដុល្លារ) និងបានហាមឃាត់អ្នកគាំទ្រមិនឱ្យចូលរួមធ្វើដំណើរទៅទស្សនាការប្រកួតក្រៅទឹកដីចំនួនមួយប្រកួតដោយសារតែអាកប្បកិរិយា “ប្រកាន់ពូជសាសន៍ និងការរើសអើង” របស់អ្នកគាំទ្រមួយចំនួនក្នុងអំឡុងពេលចាញ់ Arsenal 4-0 Champions League កាលពីខែមុន។ UEFAក៏បានពិន័យក្លឹបរបសើអេស្ប៉ាញនេះបន្ថែម 10,000 អឺរ៉ូ បន្ទាប់ពីអ្នកគាំទ្រមួយចំនួនបានគប់វត្ថុនៅកំឡុងពេលប្រកួតនៅកីឡដ្ឋាន Emirates របស់ Arsenal ។ UEFA បានបន្ថែមថា ការហាមឃាត់ការលក់សំបុត្រទៅអ្នកគាំទ្រសម្រាប់ការប្រកួតក្រៅដីត្រូវបានផ្អាកសម្រាប់រយៈពេលសាកល្បងមួយឆ្នាំ។ Atletico នឹងត្រលប់មកលេង Champions League វិញនៅទឹកដីហូឡង់ PSV Eindhoven នៅថ្ងៃទី 10 ខែធ្នូ។ ពួកគេឈរនៅលេខ 12 ក្នុងតារាងដោយមាន 9 ពិន្ទុពីការប្រកួត 5 លើក៕ ប្រភព៖ NKDNEWS

កម្ពុជា បាន​សម្រេច​​បញ្ជូន​កីឡា​ចំនួន ១៣ ប្រភេទ​ទៅ​ចូល​រួម​ប្រកួត​កីឡា​ស៊ីហ្គេម លើក​ទី​៣៣ នា​ខែ​ធ្នូ​​ នៅ​ប្រទេស​ថៃ បន្ទាប់​ពី​សម្រេច​ដក​កីឡា​ចំនួន ៨ ប្រភេទ​ចេញ​ដោយសារ​បារម្ភ​ពី​សុវត្ថិភាព។ កីឡា​ទាំង ១៣ ប្រភេទ​គឺ កីឡា ហែលទឹក អត្តពលកម្ម គុនដាវ កាយ​សម្ព័ន ជឺជី​តស៊ូ ​ឃីកបុកស៊ីង តេក្វាន់ដូ ជិះ​សេះ ​ម៉ូតូ​ទឹក ត្រីយ៉ាត្លុង បាល់​ទាត់​លើ​តុ បាល់ទះ និង កីឡា​អេឡិចត្រូនិក ដែល​ស្មើ​នឹង​ប្រតិភូ-អត្តពលិក​ចំនួន ១៥០​នាក់។ ក្នុង​ចំណោម​កីឡា ១៣ ប្រភេទ​នេះ​ មាន​កីឡា​ចំនួន ៥ ប្រភេទ​ ​ដែល​កម្ពុជា​អាច​សង្ឃឹម​ទទួល​បាន​មេដាយ ខណៈ​កីឡាផ្សេង​ទៀត​ហាក់​ដូច​ជា​ពិបាក​ខ្លាំង​ក្នុង​ការ​ប្រជែង​រក​មេដាយ។ កីឡា​ដែល​មាន​សក្តានុពល​សម្រាប់​កម្ពុជា ជឺជីតស៊ូ ឃីកបុកស៊ីង ម៉ូតូទឹក បាល់ទាត់​លើ​តុ និង កីឡា​អេឡិចត្រូនិក។ កីឡា​ជឺជីតស៊ូ​កម្ពុជា​តែង​តែ​ទទួល​​បាន​មេដាយ​​សម្រាប់​ការ​ប្រកួត​លើ​ឆាក​អន្តរជាតិ​ទាំង​ក្នុង​តំបន់​ និង​ទ្វីប។ សូម្បី​តែ​គ្រូ​បង្វឹក និង​កីឡាករ​ កីឡាការិនី​ជឺជីតស៊ូ​ផ្ទាល់​​មាន​សង្ឃឹម​ក្នុង​ការ​ទទួល​បាន​មេដាយ​។ កីឡា​ប្រដាល់ឃីកបុកស៊ី ​តែង​តែ​ទទួល​​បាន​មេដាយ​​សម្រាប់​ការ​ប្រកួត​កម្រិត​អាស៊ាន អាស៊ី និង​កីឡា​ស៊ីហ្គេម​ កន្លង​មក

(បរទេស)៖ នៅសល់តែ ១សប្តាហ៍ទៀតប៉ុណ្ណោះ ពោលគឺនៅថ្ងៃសុក្រ ទី០៥ ខែធ្នូ ឆ្នាំ២០២៥ សហព័ន្ធបាល់ទាត់អន្តរជាតិ FIFA នឹងរៀបចំកម្មវិធីចាប់ឆ្នោតបែងចែកពូលទាំង ៤៨ក្រុម សម្រាប់ World Cup 2026 តែម្តង។ កម្មវិធីធំនេះដែរ នឹងធ្វើឡើងនៅរដ្ឋ Washington DC សហរដ្ឋអាមេរិក ដែលជាប្រទេសសហម្ចាស់ផ្ទះជាមួយម៉ិចស៊ិក និងកាណាដា គម្រប់លើកទី២៣ នេះ។ មុនកម្មវិធីឈានចូលមកដល់ដោយផ្អែកនៅលើទំព័រផ្លូវការ FIFA បានបង្ហាញថា មានតែ ៤២ប្រទេសទទួលកៅអីដោយជោគជ័យ ក្រោយឆ្លងកាត់វគ្គជម្រះតាមតំបន់ដ៏ស្វិតស្វាញរួចមក និង ៦ក្រុមបន្ថែមទៀតរង់ចាំការប្រកួតបន្តទៀតនាខែមីនា ឆ្នាំ២០២៦។ ក្រុមម្ចាស់ផ្ទះទាំង៣ គឺ មិចស៊ិក ស្ថិតក្នុងពូល A (A1), កាណាដា ស្ថិតនៅពូល B (B1) និងសហរដ្ឋអាមេរិក តាំងនៅពូល D (D1)។ ក្នុង ១ពូលមាន ៤ក្រុម។ ៦ក្រុមដែលមិនទាន់លេងជម្រុះអន្តរទ្វីប និងជម្រុះជុំទី២ តំបន់អឺរ៉ុប ក៏នឹងត្រូវបានចាប់បញ្ចូលទៅក្នុងពូលទាំង១២ នោះផងដែរ។

(បរទេស)៖ លោក Mauricio Pochettino អ្នកចាត់ការទូទៅក្រុមបាល់ទាត់ជម្រើសជាតិ ផ្នែកបុរសសហរដ្ឋអាមេរិក (USMNT) បានទទូចដល់កីឡាករគ្រប់រូបត្រូវតែគិតធំ ក្នុងការឈ្នះពាន World Cup នៅឆ្នាំក្រោយ។ ទោះជាបែបនេះក្តី USMNT មិនដែលឆ្លងដល់វគ្គ ៨ក្រុមនៃព្រឹត្តិការណ៍ពិភពលោកនេះម្តងណាឡើយ គិតចាប់តាំងពីឆ្នាំ២០០២ មក។ តាមរយៈលទ្ធផលដ៏អស្ចារ្យនាពេលថ្មីៗនេះ នាំឱ្យគ្រូបង្វឹកសញ្ជាតិអាហ្សង់ទីន Pochettino មានសុទិដ្ឋិនិយមចំពោះកូនក្រុមរបស់លោក ត្រូវតែហ៊ានស្រមៃធំ ពីការដណ្តើមបានជើងឯក World Cup ស្របពេលធ្វើម្ចាស់ផ្ទះជាមួយម៉ិចស៊ិក និងកាណាដា។ លោកបានលើកឧទាហរណ៍ជាក់ស្តែងពីក្រុមមកពីទ្វីបអាហ្វ្រិក ម៉ារ៉ុក ដែលបានបង្កការភ្ញាក់ផ្អើលជាខ្លាំង ដោយពួកគេបានឡើងដល់វគ្គពាក់កណ្តាលផ្តាច់ព្រ័ត្រកាល World Cup 2022 នៅប្រទេសកាតា។ លោកថា «សម្រាប់ខ្ញុំ វាគឺជាជ័យជម្នះ។ ខ្ញុំគិតថា ប្រសិនអ្នកមិនឈ្នះវិញ តើនឹងមានអ្វីកើតឡើង? បើសិនអ្នកបានត្រឹមលេខ២ វិញ គ្មាននរណាចងចាំអ្នកនោះទេ។ ខ្ញុំជឿជាក់ថា ពួកយើងគួរតែហ៊ានស្រមៃធំ និងលើកទឹកចិត្តខ្លួនឯងជានិច្ច ពីការឆ្លងផុតពីមួយវគ្គទៅមួយវគ្គ រហូតដល់ដណ្តើមបានជើងឯក»៕ ប្រភព៖ FRESHNEWS

ក្រុមកីឡាបាល់ទាត់ជម្រើសជាតិព័រទុយហ្កាល់អាយុក្រោម ១៧ឆ្នាំ ក្លាយជាជើងឯកពិភពលោក FIFA U-17 World Cup ឆ្នាំ ២០២៥ លើកដំបូងក្នុងប្រវត្តិសាស្ត្រ តាមរយៈការយកឈ្នះអូទ្រីស ១-០ នៅវគ្គផ្តាច់ព្រ័ត្រ នៅទឹកដីកាតា។ ជាការប្រកួតបង្កើនចំនួនក្រុមរហូតដល់ ៤៨ក្រុម ស្រដៀងទៅនឹងព្រឹត្តិការណ៍ធំ World Cup ឆ្នាំ២០២៦ ក្រុមអាយុក្រោម ១៧ឆ្នាំ មកពីអឺរ៉ុប ៣ក្រុម កាន់តំណែងកំពូលទាំង ៣ (Top 3) ឆ្នាំនេះ។ ជ័យជម្នះរបស់ព័រទុយហ្កាល់ ទទួលបានមកពីការស៊ុតបាល់បញ្ចូលទីពីខ្សែប្រយុទ្ធ Anisio Cabral មកពីក្លិប SL Benfica បន្ទាប់ពីគេទទួលបានការបញ្ជូនបាល់យ៉ាងល្អពីមិត្តរួមក្រុម នៅនាទី៣២ នៃវគ្គទី១។  គ្រាប់ជួយក្រុមលើកពាននោះ ក៏ជាគ្រាប់ទី៧ ប្រចាំព្រឹត្តិការណ៍ សម្រាប់ខ្សែប្រយុទ្ធវ័យក្មេង Cabral ផងដែរ ប៉ុន្តែ ពានរង្វាន់បាល់មាស សម្រាប់អ្នកស៊ុតបាល់ចូលទីច្រើនជាងគេ បានលើកីឡាករ Johannes Moser របស់អូទ្រីស ដោយគេរកបាន ៨គ្រាប់។  ពានរង្វាន់ពិភពលោកនេះ

(បរទេស)៖ រដ្ឋាភិបាលកូសូវ៉ូបានប្រកាសនៅថ្ងៃព្រហស្បតិ៍ថា ខ្លួននឹងផ្តល់ប្រាក់ចំនួន 1.5 លានអឺរ៉ូ ដែលស្មើនឹងប្រមាណ (១.៧៤លានដុល្លារ) ដល់ក្រុមបាល់ទាត់ជម្រើសជាតិ ប្រសិនបើពួកគេមានលក្ខណៈសម្បត្តិគ្រប់គ្រាន់សម្រាប់ព្រឹត្តិការណ៍បាល់ទាត់ពិភពលោក FIFA World Cup 2026។ សូមជម្រាបផងថា ជម្រើសជាតិកូសូវ៉ូ កំពុងស្វែងរកការបង្ហាញខ្លួនលើកដំបូងក្នុងព្រឹត្តិការណ៍បាល់ទាត់ពិភពលោក World Cup ខណ:ក្រុមបានបញ្ចប់ក្នុងចំណាត់ថ្នាក់លេខ២ នៅក្នុងពូលពីវគ្គជម្រុះរបស់ពួកគេ ដោយរកបាន ១១ពិន្ទុ ទទួលបានជម្រើសធានាកៅអីមួយក្នុងការប្រកួតវគ្គ Playoff តំបន់អឺរ៉ុប ដែលនឹងលេងនៅខែមីនា។ បញ្ជាក់ផងថា ជម្រើសជាតិកូសូវ៉ូ នឹងត្រូវប្រកួតជាមួយស្លូវ៉ាគី ដោយក្រុមឈ្នះនឹងត្រូវប្រកួតជាមួយតួកគី ឬរូម៉ានី ក្នុងវគ្គផ្តាច់ព្រ័ត្រនៃវគ្គ Playoff បន្តដណ្តើមកៅអីទៅព្រឹត្តិការណ៍ World Cup ដែលមានសហរដ្ឋអាមេរិក ម៉ិកស៊ិក កាណាដា ធ្វើម្ចាស់ផ្ទះជំនាន់ទី២៣ ។ ហើយកាន់តែពិសេសនោះ នាយករដ្ឋមន្ត្រីស្តីទីលោក Albin Kurti បាននិយាយថា រដ្ឋាភិបាលរបស់លោកនឹងផ្តល់ប្រាក់រង្វាន់ចំនួន ៥០០,០០០អឺរ៉ូ ស្មើនឹង ៥៧៩,៧០០ដុល្លារ ដល់ក្រុម ប្រសិនបើពួកគេយកឈ្នះស្លូវ៉ាគី ៕ ប្រភព៖ FRESHNEWS

ម្ចាស់ជើងឯកអាល្លឺម៉ង់ Bayern Munich ត្រៀមវាយបកវិញនៅថ្ងៃសៅរ៍ដើម្បីយកជ័យជម្នះទល់នឹង St Pauli ក្រោយទទួលបរាជ័យលើកដំបូងរបស់ពួកគេក្នុងរដូវកាលនេះក្រោមដៃកាំភ្លើងធំArsenal និងការពារការទទួលបានប្រាំមួយពិន្ទុរបស់ពួកគេនៅលើកំពូលតារាង Bundesliga ។ ការប្រកួតមិនដែលចាញ់ 18 ប្រកួតរបស់ Buyern Munich នៅគ្រប់ការប្រកួតទាំងអស់បានបញ្ចប់កាលពីថ្ងៃពុធ នៅពេលដែលពួកគេចាញ់ 3-1 ទល់នឹង Arsenal ក្នុងទីក្រុងឡុងដ៍ក្នុងក្របខណ្ឌ Champions League ។ បន្ទាប់ពីចាប់ផ្តើមរដូវកាលដោយឈ្នះ 16 ប្រកួតជាប់គ្នា ឥឡូវនេះពួកគេបានឈ្នះតែមួយប្រកួតគត់ក្នុងចំណោមបីប្រកួតចុងក្រោយរបស់ពួកគេ។ យ៉ាងណាមិញ គ្រូបង្វឹក Vincent Kompany មានទំនុកចិត្តថាកីឡាកររបស់លោកនឹងមិនខ្ជះខ្ជាយពេលវេលាក្នុងការស្តារជ័យជម្នះឡើងវិញនោះទេ។ លោក Kompany បាននិយាយថា “ឥឡូវនេះយើងនឹងបង្ហាញពីរបៀបដែលយើងប្រតិកម្មចំពោះរឿងនេះ។ ឥឡូវនេះ យើងត្រូវដោះស្រាយរឿងនេះនៅថ្ងៃសៅរ៍។ ខ្ញុំមានអារម្មណ៍ថា កីឡាករស្រេកឃ្លានហើយសម្រាប់ការប្រកួតបន្ទាប់របស់ពួកគេ”។ ពួកគេបានស៊ុតបញ្ចូលទីបាន 41 គ្រាប់ក្នុងលីគ 11 ប្រកួតទៅកាន់ក្រុម ហើយនៅតែមិនស្គាល់ចាញ់នៅក្នុង Bundesliga ។   Bayern ឈរនៅលើកំពូលតារាងដោយមាន 31 ពិន្ទុ នាំមុខ

Cristiano Ronaldo និងដៃគូយូរអង្វែងរបស់គាត់គឺ Georgina Rodriguez ត្រូវបានគេរាយការណ៍ថាបានកំណត់ទីតាំងនិងកាលបរិច្ឆេទសម្រាប់អាពាហ៍ពិពាហ៍ដែលរំពឹងទុកយ៉ាងខ្លាំងរបស់ពួកគេ។ យោងតាមកាសែតព័រទុយហ្គាល់ Correio da Manha កំពូលតារាបាល់ទាត់ Ronaldo បានជ្រើសរើសកោះ Madeira នៃប្រទេសព័រទុយហ្គាល់សម្រាប់ពិធីមង្គលការ ដែលត្រូវបានពាក្យចចាមអារ៉ាមថានឹងធ្វើឡើងនៅចន្លោះចុងបញ្ចប់នៃការប្រកួតបាល់ទាត់ពិភពលោកឆ្នាំ 2026 និងការចាប់ផ្តើមរដូវកាលថ្មីរបស់ Ronaldo ជាមួយ Al-Nassr ។ ពិធីមង្គលការនេះត្រូវបានគេរំពឹងថានឹងប្រារព្ធឡើងនៅវិហារ Funchal ដែលជាព្រះវិហារចាស់មានអាយុ 500 ឆ្នាំហើយមានទីតាំងតិចជាង 3 គីឡូម៉ែត្រពីកន្លែងកំណើតរបស់ខ្សែប្រយុទ្ធRonaldo។ គូស្នេហ៍មួយគូនេះបានជួបគ្នាដំបូងក្នុងឆ្នាំ 2016 នៅពេលដែល Georgina កំពុងធ្វើការនៅហាងលក់សំលៀកបំពាក់ក្នុងទីក្រុង Madrid ។ បន្ទាប់ពីបានរួមរស់ជាមួយគ្នាអស់រយៈពេល 9 ឆ្នាំ ពួកគេបានបញ្ជាក់ពីការភ្ជាប់ពាក្យរបស់ពួកគេនៅខែសីហា ឆ្នាំ 2025 ។ Ronaldo និង Georgina មានកូនស្រីពីរនាក់ជាមួយគ្នា Martina អាយុ 7 ឆ្នាំ និង Bella Esmeraldaអាយុ 3ឆ្នាំ។

ខ្សែប្រយុទ្ធជួរមុខ Neymar អាចនឹងអវត្តមានពីក្រុមសាំបាប្រេស៊ីល នៅព្រឹត្តិការណ៍បាល់ទាត់ពិភពលោក FIFA World Cup 2026 ក្រោយរងរបួសជង្គង់ជាទម្ងន់ថ្មីៗនេះ។ ប្រភពពី ESPN បានចេញផ្សាយថា អតីតប្រធានក្រុមរូបនេះ ក៏នឹងអវត្តមាន ៣ប្រកួតចុងក្រោយជាមួយ Santos មុនពេលបិទរដូវកាល។ Neymar ក៏បានអវត្តមានកាលពីថ្ងៃចន្ទផងដែរ ពេលក្រុម Santos លេងស្មើ ១-១ នៅក្នុងផ្ទះរបស់ Internacional បន្ទាប់ពីរបួសជង្គង់ខាងឆ្វេងកាលពីថ្ងៃទី១៩ ខែវិច្ឆិកា ឆ្នាំ២០២៥។ យោងតាមប្រភពនានាបានបង្ហាញថា បញ្ហារបួសរបស់កីឡាករវ័យ ៣៣ឆ្នាំរូបនេះ មានលក្ខណៈធ្ងន់ធ្ងរ ដែលជង្គង់ឆ្វេងធ្លាប់បានវះកាត់កាលពី ២ឆ្នាំមុន ដោយសារដាច់សរសៃពួរ ACL។ Neymar គឺជាអ្នករកបានគ្រាប់បាល់ច្រើនជាងគេសម្រាប់ប្រេស៊ីល ដែលរំពឹងថា បានបង្ហាញខ្លួនជាលើកទី៤ នៅ World Cup 2026 គ្រាដែលគ្រូបង្វឹក លោក Carlo Ancelotti ធ្លាប់បាននិយាយនាពេលថ្មីៗនេះថា Neymar ត្រូវតែមានកាយសម្បទារឹងមាំ ក្នុងការពិចារណាជ្រើសរើសចូលជម្រើសជាតិ៕ ប្រភព៖ FRESHNEWS

ក្រុមលំដាប់កំពូលរបស់ប្រទេស ម៉ាឡេស៊ី Johor Darul Ta’zim កំពុងបន្តបង្ហាញភាពខ្លាំងរបស់ខ្លួនទាំងការប្រកួតក្នុងលីគកំពូល ម៉ាឡេស៊ី (Malaysia Super League) និងការប្រកួតពានអន្តរជាតិផ្សេងៗ មុនហោះមកជួបក្រុម ព្រះខ័នរាជស្វាយរៀង នៅទឹកដី កម្ពុជា ​ថ្ងៃ​ទី​​៤ ខែ​ធ្នូ ឆ្នាំ ២០២៥ ក្នុងពានរង្វាន់ ASEAN Club Championship។ ក្រុម Johor Darul Ta’zim ត្រូវបានគេទទួលស្គាល់ជាក្រុមខ្លាំងមួយប្រចាំប្រទេស ម៉ាឡេស៊ី និងតំបន់ អាស៊ី ទាំងមូល។ ការប្រកួតក្នុងលីគកំពូល ម៉ាឡេស៊ី នៅរដូវកាលនេះ ក្រុម Johor មិនទាន់ស្គាល់រស់ជាតិបរាជ័យនៅឡើយទេ ពោលសូម្បីមួយប្រកួត ដោយឆ្លងកាត់ ១០ ប្រកួត ពួកគេឈ្នះទាំង ១០ លើក។ ជាមួយគ្នានេះ ពួកគេបានស៊ុតបញ្ចូលទីដៃគូដល់ទៅ ៥៥ គ្រាប់ និងរបូតវិញត្រឹមតែ ៤ គ្រាប់ប៉ុណ្ណោះ។ ការប្រកួតជាមួយក្រុមក្នុងលីគភាគច្រើន ពួកគេស៊ុតបញ្ចូលទីគូប្រកួតមិនក្រោម ៥