ពត៌មានថ្មីៗ

ក្រុមបាល់ទាត់ជម្រើសជាតិអេស្ប៉ាញ អូទ្រីស ស្វ៊ីស បែលហ្ស៊ិក និងស្កុតឡែន ស្ថិតក្នុងចំណោមក្រុមទាំង១២ បានកក់កៅអីស្វ័យប្រវត្តិទៅកាន់ព្រឹត្តិការណ៍ FIFA World Cup ឆ្នាំ ២០២៦ ក្រោយបញ្ចប់ការប្រកួតវគ្គជម្រុះតាមពូលទ្វីបអឺរ៉ុប (UEFA) រៀងៗខ្លួន នាថ្ងៃទី១៨ វិច្ឆិកា។ ចំណែកក្រុមដាណឺម៉ាក កូសូវូ តួកគីយេ បូស្នី និង១២ក្រុមផ្សេងទៀត បន្តប្រជែងនៅវគ្គ Playoffs។ នៅការប្រកួតបង្ហើយពូល E អេស្ប៉ាញប្រកួតបានត្រឹមស្មើក្នុងលទ្ធផល ២-២ ទល់នឹងតួកគីយេ ដែលជំនួបធ្វើឡើងក្នុងទីក្រុង Seville។ ក្រុមម្ចាស់ជើងឯកទ្វីបអឺរ៉ុប (Euro 2024) ឆ្លងកាត់ការប្រកួត ៦លើក រកបាន ១៦ពិន្ទុ ឈរកំពូលតារាងពីលើក្រុមតួកគីយេ នៅលេខ​២ រកបាន ១៣ពិន្ទុ។ គ្រាប់បាល់ ២គ្រាប់សង្គ្រោះអេស្ប៉ាញពីការប្រជែងរបស់តួកគីយេ​ ធ្វើបានដោយកីឡាករ Dani Olmo នាទី៤ និង Mikel Oyarzabal នាទី៦២។ ដោយឡែក ២គ្រាប់របស់តួកគីយេ ធ្វើបានដោយកីឡាករ […]

សហព័ន្ធកីឡាជឺជីតស៊ូកម្ពុជា បានចុះហត្ថលេខាជាផ្លូវការលើអនុស្សរណៈ នៃការយោគយល់គ្នា (MOU) ជាមួយសហភាពជឺជីតស៊ូទ្វីបអាស៊ី (JJAU) និង​គម្រោង​រៀបចំ​ការ​ប្រកួត​ជ្រើសរើសជើងឯក​អាស៊ី​អាគ្នេយ៍​ លើក​ទី៥​ អំឡុង​ខែ​សីហា​ ឆ្នាំ​២០២៦​ ខាង​មុខ។​ អនុស្សរណៈ នៃការយោគយល់គ្នានេះ បញ្ជាក់ថាកម្ពុជាជាម្ចាស់ផ្ទះនៃការប្រកួតជើងឯកអាស៊ីអាគ្នេយ៍ លើកទី៥ ដែលគ្រោងនឹង​ធ្វើឡើងនៅខែសីហា ឆ្នាំ២០២៦ ។ សហព័ន្ធកីឡាជឺជីតស៊ូកម្ពុជា (JJFC) បានបង្ហាញសៀវភៅស្តីអំពីតំបន់ទេសចរណ៍ នៃខេត្តសៀមរាប ដែលសហព័ន្ធគ្រោងនឹងរៀបចំការប្រកួតនេះដើម្បីរួមចំណែកផ្សព្វផ្សាយដល់​អ្នកចូលរួមក្នុងព្រឹត្តិការណ៍នេះ​ផង​ដែរ។ “យើងមានមោទនភាពយ៉ាងខ្លាំងដែលបានចុះហត្ថលេខាលើអនុស្សរណៈនៃការយោគយល់គ្នានេះដែលជាព្រឹត្តិការណ៍ដ៏សំខាន់ដំបូងគេទទួលបានការអនុញ្ញាតពីសហភាពជឺជីតស៊ូទ្វីបអាស៊ី (JJAU) អនុញ្ញាតឱ្យយើងរៀបចំព្រឹត្តិការណ៍ប្រកួតអន្តរជាតិកម្រិតតំបន់នៅក្នុងប្រទេសកម្ពុជា។ យើងទទួលបានសមិទ្ធផលយ៉ាងធំធេងពីការប្រកួតកន្លងមក រួមទាំងការប្រកួតកីឡាជឺជីតស៊ូ នៅក្នុងព្រឹត្តិការណ៍ស៊ីហ្គេមលើកទី៣២ ។ ឥឡូវនេះយើងបានត្រៀមខ្លួនរួចរាល់ ដើម្បីបោះជំហានបន្ទាប់ក្នុងការអភិវឌ្ឍស៊ីជម្រៅសម្រាប់កីឡាជឺជីតស៊ូនៅកម្ពុជា”។ សម្ដី​លោក​ ថោង បញ្ញាធន ប្រធាន​សហព័ន្ធ​ ការធ្វើជាម្ចាស់ផ្ទះនៃព្រឹត្តិការណ៍នេះនៅឯ​ខេត្តសៀមរាបគឺជាឱកាសមួយដើម្បីពង្រឹងកីឡាជឺជីតស៊ូ នៅក្នុងស្រុក និងដើម្បីផ្សព្វផ្សាយដល់អ្នកចូលរួមទាំងអស់អំពីភាពផូផងនៃវប្បធម៌ និងតំបន់ទេសចរណ៍ នៃព្រះរាជាណាចក្រកម្ពុជា។ សហព័ន្ធ​កំពុង​ធ្វើ​ការយ៉ាងជិតស្និទ្ធជាមួយក្រសួង អាជ្ញាធរ និងអង្គភាពពាក់ព័ន្ធដើម្បីរៀបចំការងារនេះឱ្យបានរលូន។ ជា​មួយ​គ្នា​នេះ​ដែរ​សហ័ន្ធ​​កំពុងស្វែងរកដៃគូសហការ និងអ្នកឧបត្ថម្ភដើម្បីធ្វើឱ្យព្រឹត្តិការណ៍នេះក្លាយជាព្រឹត្តិការណ៍ដែលមិនអាចបំភ្លេចបានសម្រាប់ភាគីពាក់ព័ន្ធទាំងអស់”។ សហព័ន្ធកីឡាជឺជីតស៊ូកម្ពុជា (JJFC) ថ្លែងអំណរគុណដល់សហភាពជឺជីតស៊ូទ្វីបអាស៊ី (JJAU) ចំពោះការគាំទ្រជាបន្តបន្ទាប់ក្នុងការអភិវឌ្ឍន៍កីឡាជឺជីតស៊ូនៅទ្វីបអាស៊ី។ កម្ពុជាទន្ទឹងរង់ចាំស្វាគមន៍ប្រតិភូ គ្រូបង្វឹក កីឡាករ​ កីឡាការិនី​

ខ្សែប្រយុទ្ធរបស់ក្រុម Al-Ittihad កីឡាករ Karim Benzema បានបង្ហើបពីបំណងនៃការចង់វិលត្រឡប់មកកាន់ក្លិប Real Madrid ដែលជាទ្រនំចាស់របស់ខ្លួនវិញ ហើយរួបគេជឿលើរឿងនេះអាចទៅរួច ប្រសិនបើលោក Florentino Perez នៅបន្តកាន់តំណែងជាប្រធានក្លិប។ Benzema ជាកីឡាករដ៏ជោគជ័យបំផុតម្នាក់ អំឡុងពេលលេងនៅក្រុមមានមូលដ្ឋានក្នុងរដ្ឋធានី អេស្ប៉ាញ រយៈពេល ១៤ ឆ្នាំ ពីឆ្នាំ ២០០៩ ដល់ ២០២៣។ កីឡាករបានស៊ុតបញ្ចូលទីបានចំនួន ៣៥៤ គ្រាប់ ក្នុងចំណោមការលេង ៦៤៨ ប្រកួត ហើយខ្សែប្រយុទ្ធសញ្ជាតិ បារាំង រូបនេះ បានឈ្នះពាន La Liga ៤ សម័យ, Champions League ៥ សម័យ, UEFA Super Cup ៤ សម័យ និងពានមួយចំនួនទៀត។ ទោះបីជាយ៉ាងណា ខ្សែប្រយុទ្ធម្ចាស់ពាន Ballon d’Or រូបនេះ បានចាកចេញពី

ក្នុងវ័យ 78 ឆ្នាំ លោក Dick Advocaat នឹងក្លាយជាគ្រូបង្វឹកចាស់ជាងគេនៅ World Cup បន្ទាប់ពីក្រុម ជម្រើសជាតិគូរ៉ាកាវ (Curacao) របស់គាត់បានប្រកួតស្មើយ៉ាងអស្ចារ្យក្នុងប្រទេសហ្សាម៉ាអ៊ីក និងមានកៅអីសម្រាប់ការបង្ហាញខ្លួនក្នុងវគ្គផ្តាច់ព្រ័ត្រជាលើកដំបូងកម្មវិធីបាល់ទាត់ពិភពលោក។ Advocaat បានធ្វើដំណើរច្រើនឆ្លងកាត់ការបង្វឹកក្រុមជម្រើសជាតិចំនួន 7 ផ្សេងទៀត រួមទាំងបង្វឹកចំនួន 3 ដងនៅប្រទេសហូឡង់ស្រុកកំណើតរបស់គាត់ ហើយគាត់បានទៅលេងដល់វគ្គ 1/4 ផ្តាច់ព្រ័ត្រ World Cup ក្នុងឆ្នាំ 1994។ ហើយការនាំ គូរ៉ាកាវ ទៅកាន់ World Cup អាចជាសមិទ្ធិផលដ៏អស្ចារ្យបំផុតរបស់គាត់។ ប្រទេសកោះ គូរ៉ាកាវ មានប្រជាជនតិចជាង 150,000នាក់ គឺជាប្រទេសតូចបំផុតដែលមានលក្ខណៈសម្បត្តិគ្រប់គ្រាន់សម្រាប់ការបង្ហាញខ្លួនក្នុងការប្រកួតបាល់ទាត់កំពូល។ គ្រូបង្វឹកនៅ World Cup ចាស់ជាងគេពីមុនគឺលោក Otto Rehhagel  ជនជាតិអាល្លឺម៉ង់ដែលមានអាយុ 71 ឆ្នាំ 317 ថ្ងៃនៅពេលដែលគាត់បានគ្រប់គ្រងប្រទេសក្រិចក្នុងការប្រកួតចុងក្រោយរបស់ពួកគេជាមួយនឹងក្រុមអាហ្សង់ទីននៅអាហ្វ្រិកខាងត្បូងក្នុងឆ្នាំ 2010 ៕ ប្រភព៖ NKDNEWS

(អាមរិក)៖ តារាបាល់ទាត់ឆ្នើមជម្រើសជាតិព័រទុយហ្គាល់ Cristiano Ronaldo បានចូលរួមកិច្ចប្រជុំមួយនៅសេតវិមានរួមជាមួយប្រធានាធិបតីអាមេរិក លោក Donald Trump និងព្រះអង្គម្ចាស់ Mohammed bin Salman នៃប្រទេសអារ៉ាប៊ីសាអូឌីត កាលពីថ្ងៃអង្គារ ទី១៧ ខែវិច្ឆិកា ឆ្នាំ២០២៥ ។ លោក Trump បានបង្ហាញការស្វាគមន៍ចំពោះមេដឹកនាំអារ៉ាប៊ីសាអូឌីត ព្រះអង្គម្ចាស់ Mohammed bin Salman ដែលមេដឹកនាំរូបនេះកំពុងស្វែងរកការស្តារឡើងវិញនូវមុខមាត់សកល បន្ទាប់ពីការសម្លាប់អ្នកកាសែត Jamal Khashoggi ដែលមានមូលដ្ឋាននៅសហរដ្ឋអាមេរិកក្នុងឆ្នាំ២០១៨ និងគោលដៅពង្រឹងទំនាក់ទំនងជាមួយទីក្រុងវ៉ាស៊ីនតោន ។ ខណៈ Ronaldo ជាផ្នែកមួយនៃគណៈប្រតិភូផ្លូវការរបស់ព្រះអង្គម្ចាស់ Mohammed bin Salman ។ សម្រាប់វត្តមានស្ថិតក្នុងកិច្ចប្រជុំនៅសេតវិមានរបស់ Ronaldo ដែលជាអ្នកស៊ុតបញ្ចូលទីបានច្រើនជាងគេ ៩៥០គ្រាប់សរុបសម្រាប់ក្លឹប និងប្រទេស ដែលបានចុះកិច្ចសន្យាលេងឱ្យក្រុម Al-Nassr នៃលីគកំពូលអារ៉ាប៊ីសាអូឌីត រហូតដល់ឆ្នាំ២០២៧ ផងនោះ ដោយភាគច្រើននៃលក្ខខណ្ឌក្នុងកិច្ចសន្យា គឺស្ថិតក្នុងកម្មសិទ្ធិរបស់មូលនិធិវិនិយោគសាធារណៈដែលគ្រប់គ្រងដោយព្រះអង្គម្ចាស់ Mohammed bin Salman ៕ ប្រភព៖

ការប្រកួតជម្រុះជុំទី ១ ពានរង្វាន់បាល់ទាត់ជើងឯកពិភពលោក (World Cup 2026) ប្រចាំតំបន់ អឺរ៉ុប បានបញ្ចប់ការប្រកួតតាមពូលនីមួយៗជាស្ថាពរហើយកាលពីយប់រំលងអាធ្រាត្រឈានចូលថ្ងៃទី ១៨ ខែ វិច្ឆិកា ឆ្នាំ ២០២៥ នេះ ខណៈមានក្រុមជម្រើសជាតិចំនួន ៩ ដែលមិនស្គាល់បរាជ័យទាល់តែសោះ។ បន្ទាប់ពីបញ្ចប់ការប្រកួតវគ្គជម្រុះក្នុងពូលរួចរាល់ បានរកឃើញក្រុមនៅ អឺរ៉ុប ចំនួន ១២ ហើយ ដែលបានឡើងទៅកាន់ជុំចុងក្រោយ World Cup 2026 ក្នុងនោះមាន អង់គ្លេស បារាំង ក្រូអាត ព័រទុយហ្គាល់ ន័រវែស អាល្លឺម៉ង់ ហូល្លង់ ប៊ែលហ្ស៊ិក អេស្ប៉ាញ ស្វីស អូទ្រីស និងស្កុតលែនដ៍។ ដោយឡែក ក្រុមចំនួន ១២ ទៀត រួមមាន ស្លូវ៉ាគី កូសូវ៉ូ ដាណឺម៉ាក អ៊ុយក្រែន តួកគី អៀរឡង់ ប៉ូឡូញ បូស្នៀ អ៉ីតាលី

សហព័ន្ធបាល់ទាត់អាស៊ាន (AFF) បានប្រកាសជាផ្លូវការហើយ អំពីកាលបរិច្ឆេទរៀបចំការប្រកួតពានរង្វាន់ប្រចាំតំបន់ អាស៊ីអាគ្នេយ៍ ASEAN Cup 2026 ខណៈរូបមន្តប្រកួត គឺមិនមានអ្វីប្រែប្រួលច្រើននោះទេ។ កាលពីថ្ងៃ សុក្រ ទី ១៤ ខែ វិច្ឆិកា ឆ្នាំ ២០២៥ AFF បានប្រកាសអំពីការរៀបចំពាន ASEAN Cup ឬ ASEAN Hyundai Cup 2026 នឹងធ្វើឡើងនៅពាក់កណ្តាលឆ្នាំ ២០២៦ ពោល គឺចាប់ពីថ្ងៃទី ២៤ ខែ កក្កដា ដល់ថ្ងៃទី ២៦ ខែ សីហា ឆ្នាំ ២០២៦។ ការរៀបចំពាននេះនៅឆ្នាំ ២០២៦ ខាងមុខ ក៏ជាគម្រប់ខួប ៣០ ឆ្នាំនៃពាន ASEAN Cup នេះផងដែរ ដែលបង្កើតឡើងដំបូងនៅឆ្នាំ ១៩៩៦។ បើក្រឡេកមកមើលអំពីរូបមន្តប្រកួតវិញ គឺមិនមានអ្វីខុសគ្នាច្រើននឹងឆ្នាំ ២០២៤ នោះទេ។

គ្រូបង្វឹករបស់ក្រុមជម្រើសជាតិ នីហ្ស៊េរីយ៉ា លោក Eric Chelle សង្ស័យលើក្រុមជម្រើសជាតិ កុងហ្គោ បានលេងផ្លូវងងឹតដាក់ក្រុមរបស់លោក ជាហេតុធ្វើឱ្យក្រុមរបស់លោកធ្វើមិនបានល្អ អំឡុងពេលស៊ុតបាល់ប៉េណាល់ទី ដើម្បីកាត់សេចក្តីរកក្រុមឡើងទៅវគ្គបន្ត ក្នុងវគ្គជម្រុះ (playoff) ជើងឯកពិភពលោក (World Cup 2026)។ ក្រុមជម្រើសជាតិ នីហ្ស៊េរីយ៉ា ជាក្រុមខ្លាំងមួយប្រចាំតំបន់ អាហ្វ្រិក បានធ្លាក់ចេញពីវគ្គជម្រុះ World Cup ឆ្នាំ ២០២៦ បន្ទាប់ពីការប្រកួតចុងក្រោយ កាលពីថ្ងៃចន្ទ ទី ១៧ ខែ វិច្ឆិកា ឆ្នាំ ២០២៥ បានបរាជ័យក្រោមថ្វីជើងក្រុមជម្រើសជាតិ កុងហ្គោ នៅវគ្គបាល់កាត់សេចក្តី ១១ ម៉ែត្រក្នុងលទ្ធផល ៣-៤ ក្រោយបញ្ចប់ការប្រកួត ៩០ នាទីស្មើគ្នាក្នុងលទ្ធផល ១-១។ បន្ទាប់ពីការប្រកួតបញ្ចប់ ដោយទទួលលទ្ធផលមិនល្អ លោក Eric Chelle បានលើកឡើងយ៉ាងគួរឱ្យភ្ញាក់ផ្អើល ថា បានឃើញកីឡាករក្រុម កុងហ្គោ ធ្វើអ្វីម្យ៉ាង ដូចជាកំពុងប្រើមន្តអាគមផ្លូវងងឹតដាក់កីឡាករក្រុមលោក

ក្លិប​បាល់ទាត់ជោគជ័យ​បំផុត​ប្រចាំ​ប្រទេស​ម៉ាឡេស៊ី Johor Darul Ta’zim ​នឹង​មក​ប្រកួត​នៅ​ប្រទេស​កម្ពុជា​​ជា​មួយ​ ​ព្រះខ័ន​រាជ​ស្វាយរៀង នៅ​ថ្ងៃ​ទី​​៤ ខែ​ធ្នូ ឆ្នាំ ២០២៥ នៅ​ពហុកីឡដ្ឋាន​ជាតិ​មរតក​តេជោ វគ្គ​សន្សំពិន្ទុ​ក្នុង​ពូល ពាន​រង្វាន់​ក្លិប​លំដាប់​កំពូល​អាស៊ាន ASEAN Club Championship។ នេះជាលើកទី ២ ដែលមក Johor Darul Ta’zim នៅប្រទេសកម្ពុជា បន្ទាប់ពីលើកទី ១ ជាមួយ បឹងកេត នៅថ្ងៃទី១៩ ខែមេសា ឆ្នាំ ២០១៧ ដោយបានយកឈ្នះ ៣-០ នៅពហុកីឡដ្ឋានជាតិអូឡាំពិក វគ្គសន្សំពិន្ទុពូលពានរង្វាន់ AFC Cup ជើងទី២។ កាលពីជើងទី១ នៅទឹកដីរបស់ខ្លួនពួកគេបានយកឈ្នះ បឹងកេត ៣-០ ដែរ។ ចាប់ពីឆ្នាំ ២០០៩ ដល់ ឆ្នាំ ២០១៧ ក្លិបអ្នកមានរបស់ម៉ាឡេស៊ីមួយនេះ ស្ថិតនៅក្នុងវគ្គជម្រុះពានរង្វាន់ក្លិបអាស៊ីលំដាប់ទី១ AFC Champions League និងធ្លាក់មកប្រកួតនៅពានកម្រិតទី២ AFC

អាល្លឺម៉ង់ទទួលបានកៅអីមួយនៅ World Cup នៅឆ្នាំក្រោយដោយការបំបាក់ស្លូវ៉ាគី 6-0 ក្នុងវគ្គជម្រុះចុងក្រោយរបស់ពួកគេ ហើយបញ្ជូនស្លូវ៉ាគីទៅកាន់វគ្គ Playoff ក្នុងខែមីនា។ ម្ចាស់ជើងឯកពិភពលោកបួនសម័យកាលអាល្លឺម៉ង់បានបញ្ចប់ក្នុងចំណាត់ថ្នាក់ក្រុមរបស់ពួកគេដោយមានបីពិន្ទុដាច់លើក្រុមស្លូវ៉ាគី។ លោក Julian Nagelsmann គ្រូបង្វឹកក្រុមជម្រើសជាតិអាល្លឺម៉ង់បាននិយាយថា “កីឡាករគ្រប់រូបបានប្រឹងប្រែងទាំងអស់។ យើងបានលេងការប្រកួតដ៏អស្ចារ្យ។ យើងបានធ្វើការយ៉ាងលំបាក។ យើងបានស៊ុតបាល់បញ្ចូលទីដ៏អស្ចារ្យ និងមានភាពជឿជាក់ជាមួយនឹងការប្រកួតរបស់យើង។ ថ្ងៃនេះគ្មានហេតុផលអ្វីដែលត្រូវត្អូញត្អែរទេ។ យើងមានសម្ពាធ និងបង្ហាញពីស្មារតីក្រុមដ៏អស្ចារ្យ។ ខ្ញុំមានមោទនភាពចំពោះក្រុម”។ អាល្លឺម៉ង់ដែលមានសិទ្ធិទៅលេង World Cup ជាលើកទី 21 ច្រើនជាងគេទីពីរបន្ទាប់ពីប្រេស៊ីល 23 ដងបានកំណត់គោលដៅរបស់ពួកគេដោយបើកចំហក្នុងការឈ្នះ World Cup ដែលសហម្ចាស់ផ្ទះដោយម៉ិកស៊ិក សហរដ្ឋអាមេរិក និងកាណាដា ដើម្បីស្ដារកេរ្តិ៍ឈ្មោះរបស់ពួកគេឡើងវិញក្នុងនាមជាមហាអំណាចបាល់ទាត់ពិភពលោក៕ ប្រភព៖ NKDNEWS