July 22, 2025

សហព័ន្ធកីឡាបាល់ទាត់ជប៉ុន (JFA) ពិចារណាចូលរួមដេញថ្លៃរៀបចំធ្វើម្ចាស់ផ្ទះ FIFA World Cup ឆ្នាំ២០៤២ ឬ២០៤៦។ បើយោងតាមការផ្សាយរបស់កាសែ Japan Time ជប៉ុន គ្រោងបបួល ចិន កូរ៉េខាងត្បូង និងឥណ្ឌូណេស៊ី សម្រាប់ការដេញថ្លៃនេះ។ ជប៉ុន កូរ៉េខាងត្បូង និងចិន ក៏ដូចជាឥណ្ឌូណេស៊ី និងអូស្ត្រាលី ដែលកន្លងមកបានបោះបង់ផែនការរួមគ្នារបស់ពួកគេក្នុងការដេញថ្លៃធ្វើជាសហម្ចាស់ផ្ទះ World Cup ឆ្នាំ ២០២៤ បានបង្ហាញមហិច្ឆតាជាថ្មី លើការដេញថ្លៃនៅឆ្នាំ ២០៤២ ឬ ២០៤៦ វិញ។ JFA មានបំណងដេញថ្លៃរួមគ្នាដោយសហការរវាងសហព័ន្ធកីឡាបាល់ទាត់អាស៊ីបូព៌ា (EAF) និងសហព័ន្ធកីឡាបាល់ទាត់អាស៊ាន (AFF) ដោយមានជប៉ុន ចិន កូរ៉េខាងត្បូង និងឥណ្ឌូណេស៊ី។ កាលពីខែមីនា សហព័ន្ធទាំងពីរបានយល់ព្រមពិចារណាដាក់ដេញថ្លៃរួមគ្នាដើម្បីរៀបចំការប្រកួតបាល់ទាត់ពិភពលោក ឆ្នាំ ២០៤២ ឬ ២០៤៦ រួចហើយ។ កាលពីឆ្នាំ ២០០៥ ជប៉ុន ដែលធ្លាប់ធ្វើសហម្ចាស់ផ្ទះកីឡាបាល់ទាត់ពិភពលោករួមគ្នាជាមួយកូរ៉េខាងត្បូងនៅឆ្នាំ ២០០២ ក៏បានប្រកាសពីគោលដៅរបស់ខ្លួនក្នុងការធ្វើជាម្ចាស់ផ្ទះ […]

(បរទេស)៖ ខ្សែប្រយុទ្ធ Mateo Retegui ដែលរកបាន ២៥គ្រាប់នៅលីគកំពូលអ៉ីតាលី Serie A រដូវកាលមុន បានផ្លាស់ទៅលេងនៅក្លិប Al-Qadsiah នៃក្របខណ្ឌ Saudi Pro League ចេញពី Atalanta។ ប្រព័ន្ធផ្សព្វផ្សាយអ៉ីតាលីបានរាយការណ៍ថា Al-Qadsiah បានចំណាយលុយជាង ៥៦លានផោនលើខ្សែប្រយុទ្ធវ័យ ២៥ឆ្នាំ ដោយបានចុះកិច្ចសន្យា ៤ឆ្នាំផងដែរ លេងនៅអារ៉ាប៊ីសាអ៊ូឌីត។ តាមរយៈតម្លៃផ្ទេរនេះ បានធ្វើឱ្យ Retegui មានតម្លៃផ្ទេរខ្ពស់ជាងគេបំផុតសម្រាប់កីឡាករអ៉ីតាលីជាងពេលណាៗទាំងអស់ បំបែកកំណត់ត្រាចាស់របស់ Sandro Tonali ដែលផ្ទេរពី AC Milan ទៅកាន់ Newcastle United កាលឆ្នាំ២០២៣ ក្នុងតម្លៃ ៥៥លានផោន។ Retegui នឹងជំនួសតំបន់ប្រយុទ្ធរបស់អតីតកីឡាករ Arsenal និង FC Barcelona គឺ Pierre-Emerick Aubameyang ដែលបានផ្លាស់ទៅចូលរួមជាមួយ Marseille នៅក្របខណ្ឌ Ligue 1 កាលសប្ដាហ៍មុន៕

តារាបាល់ទាត់ប្រេស៊ីល Neymar Jr បានជះប្រាក់ប្រមាណជាង ១,៥លានដុល្លារ ទិញរថយន្តម៉ាក Batmobile Tumbler ជាប្រភេទរថយន្តរចនារូបរាងចម្លងតាមគំរូ រថយន្តក្នុងខ្សែភាពយន្តមនុស្សអច្ឆរិយ Batman ដ៏ល្បីល្បាញ។ បើតាមការចុះផ្សាយរបស់កាសែត Marca របស់អេស្ប៉ាញ រថយន្តរចនាយ៉ាងពិសេស ម៉ាក Batmobiles ដែល Neymar បានទិញ ជារថយន្តដែលផលិតត្រឹមតែ ១០គ្រឿង ប៉ុណ្ណោះលើពិភពលោក ហើយមានកម្មសិទ្ធិផលិតផ្ទាល់ដោយផលិតកម្មភាពយន្តហូលីវូដដ៏ល្បីឈ្មោះ Warner Bros។  រថយន្តទាំង​ ១០គ្រឿង នោះផលិតឡើង ដើម្បីអបអរខួប ៨៥ឆ្នាំ នៃការបង្កើតឡើងតួអង្គ Batman ហើយកន្លងមករថយន្តពិសេសនេះ មានតម្លៃជិត ៣លានដុល្លារឯណោះ។ រថយន្តរូបរាងចម្លែក Batmobile Tumbler មានប្រវែងបណ្តោយ ៤,៦៥ម៉ែត្រ និងទន្ទឹង​ ២,៨ម៉ែត្រ ផលិតឡើងដោយមានតួខ្លួនរថយន្តពីដែក និងរូបរាងផ្នែកខាងក្រៅរបស់រថយន្ត ធ្វើឡើងពីជាតិសរសៃកាបូន (Carbon Fiber) រួមទាំងមានការបំពាក់ប្រព័ន្ធការពារគ្រាប់កាំភ្លើងថែមទៀត។ ជាប្រភេទរថយន្តបំពាក់ដោយម៉ាស៊ីន ៨ (V8 Engines) ទំហំស៊ីឡាំង

ក្លិបជើងខ្លាំងអារ៉ាប៊ីសាអូឌីត Al Hilal សម្រេចចិត្តដកខ្លួនចេញពីការប្រកួតពានរង្វាន់ Saudi Super Cup មុនបើករដូវកាល ២០២៥-២៦ នៅខែសីហា ដើម្បីទុកពេលឱ្យកីឡាករសម្រាក ក្រោយពេលក្រុមទើបបញ្ចប់ការប្រកួត FIFA Club World Cup។ ពានរង្វាន់ Saudi Super Cup ដែលនឹងធ្វើឡើងនៅទឹកដីហុងកុង ចាប់ពីថ្ងៃទី១៩-២៣ ខែសីហា ដំបូងឡើយមាន ៤ក្រុម ចូលរួមប្រកួតរួមមាន Al Nassr, Al Ittihad, Al Qadsiah និង Al Hilal។ ប៉ុន្តែក្រោយប្រកាសដកខ្លួនរបស់ក្លិប Al Hilal ដូច្នេះក្លិបស្ថិតនៅចំណាត់ថ្នាក់លេខ ៥ ប្រចាំលីគកំពូលអារ៉ាប៊ីសាអូឌីត Al Ahli ក៏ចូលជំនួសវិញ។ ការដកខ្លួននេះ Al Hilal ក៏សម្លឹងឃើញថាការប្រកួតរដូវកាលថ្មីក្របខណ្ឌ Saudi Pro League ក៏នឹងចាប់ផ្តើមនៅចុងខែសីហា​ ដែលបង្កឱ្យក្រុមជួបកាលវិភាគប្រកួតមមារញឹកខ្លាំង ទើបសម្រេចចិត្តយកពេលវេលាខ្លះ ផ្តល់ឱ្យកីឡាករសម្រាក។

សហព័ន្ធបាល់ទាត់អន្តរជាតិ (FIFA) ប្រកាសឈ្មោះម្ចាស់ជើងឯកពិភពលោក FIFA Club World Cup សម្រាប់ក្រុមដែលធ្លាប់ឈ្នះពីមុនៗមកទាំងអស់ ដែលរួមមាន Real Madrid, Manchester United, Liverpool និង Manchester City ជាដើម។ FIFA ចាត់ទុកក្រុម Chelsea ជាក្រុមដំបូងដែលឈ្នះពានរង្វាន់ក្លិបពិភពលោកនេះ ក្រោយបង្កើនក្រុមដល់៣២។ កាលពីថ្ងៃទី១៣ កក្កដា Chelsea ផ្តួលក្រុម Paris Saint Germain យ៉ាងងាយស្រួល ដោយលទ្ធផល ៣-០​ ស្ថិតក្នុងកីឡដ្ឋាន MetLife ស្ថិតក្នុងរដ្ឋ New Jersey ដើម្បីក្លាយជាម្ចាស់ពានរង្វាន់ពិភពលោក FIFA Club World Cup ឆ្នាំ ២០២៥ ដែលធ្វើឡើងនៅប្រទេសអាម៉េរិក។ ការប្រកួតនោះ កីឡាករ Cole Palmer បង្ហាញសមត្ថភាពដ៏អស្ចារ្យ ស៊ុត ២គ្រាប់ និងបញ្ជូនបាល់មួយគ្រាប់ឱ្យមិត្តរួមក្រុម ទាក់ទាញភ្នែកអ្នកទស្សនា

(បរទេស)៖ គ្រូបង្វឹកក្រុមស្រ្តីអ៉ីតាលី លោក Andrea Soncin បានបង្ហាញនៅការជឿជាក់ខ្លាំងលើកូនក្រុម នឹងអាចយកឈ្នះក្រុមស្ត្រីអង់គ្លេស ដែលជាម្ចាស់ពាននារីអឺរ៉ុប Women’s Euro កាលពី ៤ឆ្នាំមុន នៅវគ្គពាក់កណ្តាលផ្តាច់ព្រ័ត្រ Euro 2025 ដែលនឹងត្រូវប៉ះគ្នានារាត្រីម៉ោង ២:០០យប់នេះ (ម៉ោងនៅកម្ពុជា) ដែលមានប្រទេសស្វីស ធ្វើជាម្ចាស់ផ្ទះការប្រកួត ជំនាន់ទី១៤ នេះ ។ មុនការឈានមកដល់វគ្គ ៤ក្រុមចុងក្រោយត្រូវជួបនារីតោកំណាចអង់គ្លេស ក្រុមនារីអ៉ីតាលី បានឆ្លងកាត់វគ្គចែកពូលនាមជាក្រុមឈរលេខ២ នៃពូល B ហើយបន្តយកឈ្នះក្រុមនារីន័រវេល នៅវគ្គ ៨ក្រុម ក្លាយជាការឈានមកដល់វគ្គ ៤ក្រុមចុងក្រោយលើកដំបូងរបស់ពួកគេគិតចាប់តាំងពីឆ្នាំ១៩៩៧ ។ លោក Andrea Soncin បង្ហាញថា នេះជាក្តីសុបិនដ៏ធំរបស់ពួកគេក្នុងការប្រកួតប្រជែងនាពេលនេះហើយក្រុមមានទំនុកចិត្តថា ពួកគេអាចយកឈ្នះក្រុមរបស់លោកស្រី Sarina Wiegman នឹងឈានទៅបង្ហាញខ្លួនជាលើកដំបូងនៅក្នុងវគ្គផ្តាច់ព្រ័ត្រដណ្តើមពាននារីអឺរ៉ុបនេះ ជាថ្មីម្តងទៀត ។ លោក Soncin បានឱ្យដឹងក្នុងសន្និសីទសារព័ត៌មានកាលពីថ្ងៃចន្ទថា «ពួកយើងធ្វើបានយ៉ាងល្អនៅក្នុងព្រឹត្តិការណ៍នេះ ជាមួយមានភាពក្លាហាន យើងជឿជាក់ថា យើងនឹងយកឈ្នះការប្រកួត ហើយយើងពិតជាមានការទទួលស្គាល់ចំពោះគុណភាពរបស់កីឡានារីអង់គ្លេស ជាក្រុមមានបទពិសោធន៍ច្រើននៅការប្រកួតកម្រិតអន្តរជាតិរបស់ពួកគេ» ។ សូមជម្រាបផងថា ក្រុមស្ត្រីអ៉ីតាលី

(មេនឆេស្ទើ)៖ ក្លិបបិសាចក្រហម Manchester United បានឈានដល់ការចុះកិច្ចព្រមព្រៀងផ្លូវការ ទិញខ្សែប្រយុទ្ធជួរមុខ Bryan Mbeumo ពីសមាជិកនៅ Premier League ដូចគ្នាគឺ Brentford ក្នុងតម្លៃ ៧២លានផោន។ នេះបើយោងតាមការចេញផ្សាយដោយ BBC។ កីឡាករអន្តរជាតិកាមេរូនរូបនេះ បានក្លាយជាសមាជិកថ្មីទី៣ ផងដែរនៃក្រុមរបស់លោក Ruben Amorim ក្នុងទីផ្សារដោះដូរកីឡាករនាខែកក្កដា ឆ្នាំ២០២៥ នេះ ក្រោយការមកដល់របស់ខ្សែប្រយុទ្ធ Matheus Cunha និងខ្សែការពារស្លាបឆ្វេង Diego Leon នៅកីឡដ្ឋាន Old Trafford។ United បានប្រើពេលដល់ទៅ ៧សប្តាហ៍ ដើម្បីចែចូវយកកីឡាករវ័យ ២៥ឆ្នាំ ដែលនឹងត្រូវពាក់លេខ១៩ ផងដែរ ក្នុងក្លិបថ្មីប្រចាំទីក្រុង Manchester ដោយពួកគេបានបញ្ចប់ក្នុងតំណែងលេខ១៥ ក្នុងលីគរដូវកាលមុន។ ក្រុមរងជើងឯកពានលំដាប់ទី២ UEFA Europa League រដូវកាល ២០២៤-២៥ បានបង់ប្រាក់ប្រមាណ ៦៥លានផោន ជាមួយនឹងការបន្ថែម ៦លានផោនផ្សេងទៀតសម្រាប់សេវាផ្ទេរផ្សេងៗ ដែលបានព្រមព្រៀងគ្នាកាលពីសប្តាហ៍មុន

(ភ្នំពេញ)៖ ក្រុមជម្រើសជាតិកម្ពុជា អាយុក្រោម ២៣ឆ្នាំ នឹងតតាំងជាមួយជម្រើសជាតិវៀណាម ស្ថិតក្នុងពូល B ដែលជាមួយប្រកួតចុងកាត់សេចក្តីនៃការប្ជែងពានរង្វាន់ ASAEN Mandiri Cup 2025 ការប្រកួតនឹងលេងនៅម៉ោង ៨:០០នាទីយប់ថ្ងៃទី២២ ខែកក្កដានេះ (ម៉ោងនៅកម្ពុជា) នៅកីឡដ្ឋាន Gelora Bung Karno Stadium ។ សូមជម្រាបផងផងថា នេះជាប្រកួតទី២ របស់ U23កម្ពុជា ក្នុងពូល B កំពុងឈរលេខ២ មានត្រឹម ១ពិន្ទុក្រោយឆ្លងកាត់ការលេងស្មើទល់ក្រុម U23ឡាវ ១-១ ខណៈក្រុមវៀតណាម រកបាន ៣ពិន្ទុឈរនាំមុនកំពូលតារាង ពីការយកឈ្នះឡាវ ៣-០ ដែលមានប្រទេសឥណ្ឌូនេស៊ី ធ្វើម្ចាស់ផ្ទះនាពេកនេះ ។ U23 កម្ពុជា ប្រសិនអាចយកឈ្នះវៀតណាម នោះនឹងមានឱកាសប្រជែងកៅអីឡើងវគ្គបន្តក្រោយបញ្ចប់ពីការរកបាន ៤ពិន្ទុចេញពីពូល B ។ ប្រភព៖ FRESH NEWS

(បាសេឡូណា)៖ ខ្សែប្រយុទ្ធអង់គ្លេស Marcus Rashford បានធ្វើដំណើរមកដល់ទឹកដីប្រទេសអេស្ប៉ាញ ដើម្បីចុះកិច្ចសន្យាខ្ចីជើង ១រដូវកាលលេងឱ្យក្លិប FC Barcelona ក្រោយទទួលបានការអនុញ្ញាតពី Manchester United រួចមក។ ពីគេហទំព័រកីឡា BBC បានចេញផ្សាយថា Rashford វ័យ ២៧ឆ្នាំ រកបាន ១៣៨គ្រាប់ ពីការចូលលេងសរុប ៤២៦ប្រកួត ក្នុងនាមជាយុវជនថ្នាលផងដែរចេញពីក្លិបបិសាចក្រហម Man Utd។ រូបគេបានធ្វើដំណើរមកដល់តំបន់ Catalan កាលពីរាត្រីថ្ងៃអាទិត្យម្សិលមិញ ក្រោយទទួលបានការអនុញ្ញាតពី United ដើម្បីលេងខ្ចីជើង ១រដូវកាលជាមួយក្រុមអ្នកមានបុណ្យ ដែលជាជើងឯកលីគ La Liga រដូវកាលមុន។ United បានផ្តល់ភ្លើងខៀវដល់ Rashford ដើម្បីចាកចេញពីទឹកដី Old Trafford ដោយជាបឋមខ្ចីជើង ១២ខែ ជាមួយនឹងជម្រើសទិញដាច់ទៀតផង សមតាមបំណងរបស់ Rashford ផងដែរដែលធ្លាប់បានអះអាងកាលពីធ្នូ ឆ្នាំ២០២៤ ព្រោះចង់ស្វែងរកការប្រកួតប្រជែងថ្មី ក្រោយពេលមិនស្ថិតក្នុងគម្រោងរបស់គ្រូបង្វឹកបិសាចក្រហម លោក Ruben Amorim ផងនោះ៕