August 24, 2025

ក្លិប​បាល់់ទាត់​ព្រះ​ខ័ន​រាជ​ស្វាយរៀង បាន​បង្កើត​កំណត់​ត្រា​ថ្មី​ដ៏​ល្អ​ឥត​ខ្ចោះ​ដោយ​​បាន​ឈ្នះ​លើ​ដៃ​គូ​ប្រកួត​ក្នុង​លទ្ធផល ៣-០ ចំនួន ៤ ប្រកួត​ជាប់​គ្នា​ដែល​ជា​លទ្ធផល​ដ៏​កម្រ​សម្រាប់​ក្លិប​បង្កើត​​សមិទ្ធផល​ដ៏​ភ្ញាក់​ផ្អើល​បែប​នេះ។ ព្រះ​ខ័ន​រាជ​ស្វាយរៀង បាន​យក​ឈ្នះ បឹងកេត ដោយ​លទ្ធផល ៣-០ សម្រាប់​ការប្រកួត​ក្នុង​សប្តាហ៍​ទី​៣ នៃ​លីគ​បាល់ទាត់​កំពូល​កម្ពុជា​រដូវ​កាល​ ២០២៥-២៦។ ៣​គ្រាប់​របស់ ព្រះ​ខ័ន​រាជ​ស្វាយរៀង រក​បាន​ដោយ​កីឡាករ Kwame Peprah ចំនួន ២ គ្រាប់​តាំង​ពី​ ៥ នាទី​ដំបូង​នៃ​វគ្គ​ទី​ ១ និង​គ្រាប់​បាល់ទី​៣​រក​បាន​ដោយខ្សែ​ការពារ សឿយ វិសាល នៅ​ចុង​វគ្គ​ទី​២។ ដូច្នេះ​សម្រាប់​ការ​ប្រកួត​លីគ​៣​សប្តាហ៍​ដំបូង ព្រះ​ខ័ន​រាជ​ស្វាយរៀង ធ្វើ​បាន​យ៉ាង​ល្អ​ឥតខ្ចោះ​ដោយ ស៊ុត​ចូល​ដៃ​គូ ៩ គ្រាប់ រក​បាន​៩​ពិន្ទុ បន្ត​ឈរ​លើ​កំពូល និង​គ្មាន​ដៃ​គូ​ណា​អាច​ស៊ុត​ចូល​ពួក​គេ​បាន​ឡើយ។ ជ័យជម្នះ​ក្នុង​លទ្ធផល ៣-០ បែប​នេះ​គឺ​ជា​លើក​ទី​៤ បន្ទាប់ពី​ធ្វើ​បាន​លទ្ធផល​ដូច​គ្នា ​៣ ​លើក​មុន​គឺ ឈ្នះ ណាហ្គាវើលដ៍ ៣-០ ក្នុង​លីគ​សប្តាហ៍​ទី​១, ឈ្នះ អង្គរថាយហ្គឺរ ៣-០ ក្នុង​លីគ​សប្តាហ៍​ទី​២ និង​ឈ្នះ Shan United […]

ខ្សែប្រយុទ្ធកូរ៉េខាងត្បូង Son Heung Min រកបានគ្រាប់បាល់ដំបូងរបស់គេ នៅក្លិបថ្មី Los Angeles FC នៅការប្រកួតស្មើលទ្ធផល ១-១ ទល់នឹងក្រុម ​FC Dallas ថ្ងៃទី២៤ សីហា។ កីឡាករវ័យ ៣៣ឆ្នាំ រកបានគ្រាប់បាល់ទីមួយរបស់គេលើទឹកដីអាម៉េរិក ដោយពុំមានការបញ្ជូនពីមិត្តរួមក្រុមអ្វីឡើយ បាល់នោះកើតចេញពីសមត្ថភាពរបស់គេ ក្នុងការស្វែងរកឱកាសបញ្ចប់ទីបានយ៉ាងល្អ។ Son ស៊ុតបើកការនាំមុខដល់ក្រុម ​LAFC នៅនាទី៦ មុនពេល FC Dallas អាចរកគ្រាប់បាល់តាមស្មើត្រឡប់មកវិញ នៅនាទី១៣ ហើយការប្រកួតក៏បន្តអូសបន្លាយរហូតចប់ការប្រកួតត្រឹមលទ្ធផលស្មើ ១-១។ គ្រាប់ដំបូងរបស់អតីតកីឡាករ Tottenham Hotspur កើតឡើងនៅក្នុងការបង្ហាញខ្លួនប្រកួតលើកទី៣ របស់គេនៅក្លិប LAFC។ ការប្រកួតរបស់ Son បានផ្ទេរមកក្លិបអាម៉េរិកក្នុងតម្លៃបំបែកកំណត់ត្រាជាង ២៧លានដុល្លារ គេនឹងមានការប្រកួតបន្ទាប់នៅថ្ងៃទី៣១ សីហា ដោយស្វាគមន៍ក្រុមភ្ញៀវ San Diego FC។ វត្តមាន Son ពាក់អាវលេខ ៧ ប្រចាំ LAFC

(ភ្នំពេញ)៖ សហព័ន្ធកីឡាយុទ្ធគុនចម្រុះកម្ពុជា បានបញ្ជូនប្រតិភូ ដែលជាអាជ្ញាកណ្ដាល និងគ្រូបង្វឹក ៤រូប ចូលរួមកម្មវិធីអភិវឌ្ឍន៍ក្រុមប្រឹក្សាអូឡាំពិកអាស៊ី-សមាគមកីឡាយុទ្ធគុនចម្រុះអាស៊ីបណ្តុះបណ្តាលអាជ្ញាកណ្ដាល និងគ្រូបង្វឹក លើកទី១ (1st OCA – AMMA Referees & Coaches Development Program) នៅទីក្រុង Manama ប្រទេសបារ៉ែន ចាប់ពីថ្ងៃទី២៥-២៧ ខែសីហា ឆ្នាំ២០២៥ ខាងមុខ។ លោក ជឹម ធារ៉ា អគ្គលេខាធិការសហព័ន្ធ បានឲ្យដឹងថា ដោយទទួលបានការយកចិត្តទុកដាក់ និងការគាំទ្រពីប្រធានសហព័ន្ធលោក វ៉ាត់ ចំរើន ក្រោមការសម្របសម្រួលរបស់គណៈកម្មាធិការជាតិអូឡាំពិកកម្ពុជា សហព័ន្ធបានចាត់បញ្ជូនប្រតិភូ ៤រូប ដើម្បីចូលរួមវគ្គបណ្ដុះបណ្ដាលកម្រិតទ្វីបខាងលើ ដែលរៀបចំឡើងក្រោមកិច្ចសហការរវាងក្រុមប្រឹក្សាអូឡាំពិកអាស៊ី(OCA) និងសមាគមកីឡាយុទ្ធគុនចម្រុះអាស៊ី(AMMA) ដើម្បីឆ្លើយតបនឹងភាពរីកចម្រើនរបស់វិស័យកីឡាយុទ្ធគុនចម្រុះទូទាំងតំបន់អាស៊ីនាពេលបច្ចុប្បន្ន។ លោកបន្ដថា «បន្ទាប់ពីក្រុមប្រឹក្សាអូឡាំពិកអាស៊ី បានបង្កើតឲ្យមានសមាគមកីឡាយុទ្ធគុនចម្រុះអាស៊ី បច្ចុប្បន្ន MMA បានហក់ចូលព្រឹត្តិការណ៍ធំៗស្ទើរគ្រប់ព្រឹត្តិការណ៍កីឡារបស់ក្រុមប្រឹក្សាអូឡាំពិកអាស៊ី។ ដូច្នេះទើបក្រុមប្រឹក្សាអូឡាំពិកអាស៊ី បានប្រមូលផ្ដុំបណ្ដាប្រទេសទាំងអស់ជាង ៣០ប្រទេស ដើម្បីបញ្ជូនមនុស្សសំខាន់ៗ ចូលរួមវគ្គបណ្ដុះបណ្ដាលអាជ្ញាកណ្ដាល និងគ្រូបង្វឹក លើកដំបូងនេះ ដើម្បីឲ្យគាត់បានយល់កាន់តែច្បាស់ អំពីបទបញ្ជាការប្រកួត

ក្លិប SSC Napoli ក្រុមការពារតំណែងឯក បង្ហាញទម្រង់លេងដ៏ល្អ ថ្ងៃបើកឆាករដូវកាលថ្មីប្រចាំលីគកំពូលអ៊ីតាលី Serie A ជាមួយនឹងលទ្ធផលឈ្នះការប្រកួត ២-០ ទល់នឹងក្រុម ​Sassuolo។ ខ្សែបម្រើជើងចាស់ពីក្របខណ្ឌ Premier League រួមមាន Scott McTominay និង Kevin De Bruyne រួមគ្នារកបានម្នាក់ ១គ្រាប់ ជួយឱ្យ Napoli យកបានជ័យជម្នះ។ ក្រុមការពារជើងឯក ពោរពេញខ្សែបម្រើកម្រិតពិភពលោកមកពីអង់គ្លេស ហាក់ពុំសូវបារម្ភលើការខ្វះខាតកីឡាករបង្កើតឱកាស ឬការបញ្ជូនបាល់ទៅតំបន់ប្រយុទ្ធល្អៗនោះឡើយ ស្របពេលខ្សែបម្រើរឹងមាំ ២រូប កំពុងជួយធ្វើព្យុះភ្លៀងនៅក្នុងក្រុម ធ្វើគូប្រជែងដទៃពិបាកក្នុងការលេងតទល់។​  ទោះខ្សែប្រយុទ្ធ Romelu Lukaku ជួបបញ្ហារបួស អវត្តមាន តែអតីតកីឡាករក្លិប Manchester United និង Man City មិនធ្វើឱ្យក្រុមរងបរាជ័យឡើយ។ វត្តមានរបស់ De Bruyne ជាកីឡាករពូកែគ្រប់គ្រងតំបន់បម្រើ គេតែងតែបំពេញតួនាទីបានល្អខ្លាំង ស្របពេលជំនាញបញ្ជូនបាល់របស់គេទៅកាន់ប្រអប់គ្រោះថ្នាក់គូប្រកួត នៅតែមានប្រសិទ្ធិភាព និងជួយបង្កើតឱកាសជាច្រើនដល់ក្រុមដដែល

(ឡុងដ៍)៖ Big Match ២ប្រកួតបើកឆាកលីគកំពូលអង់គ្លេស Premier League 2025-26 សុទ្ធតែរងបរាជ័យក្នុងដីដូចគ្នា ពោលគឺក្រុមខ្លាំងប្រចាំទីក្រុង Manchester តែមួយផងដែរ។ នេះបើយោងតាមការចេញផ្សាយដោយ BBC។ បិសាចក្រហម Manchester United បានចាញ់កាំភ្លើងធំ Arsenal ១ទល់នឹង០ នៅកីឡដ្ឋាន Old Trafford របស់ខ្លួន នៅថ្ងៃបើកឆាកសប្តាហ៍ទី១ នៅ Premier League នៅមុនពេលមេឃខៀវ Manchester City ដែលស្ថិតក្នុងទីក្រុង Manchester ជាមួយគ្នា បានរងបរាជ័យ ២-០ នៅកីឡដ្ឋាន Etihad ផងដែរ ក្រោមថ្វីជើងរបស់ Tottenham Hotspur ប្រចាំសប្តាហ៍ទី២ នារាត្រីថ្ងៃសៅរ៍។ ក្រុមរបស់លោក Pep Guardiola បានរបូត ២គ្រាប់តែម្តងនៅត្រឹមរយៈពេល ៤៥នាទីនៃវគ្គទី១ និងពុំអាចឆ្លើយតបចំពោះមាន់ខ្នាយមាសបានឡើយ បើទោះបីជាខិតខំសម្រុកយ៉ាងណាក៏ដោយក្នុងវគ្គទី២។ នេះមានន័យថា Man City បានដើរតាមគន្លងចាស់ស្រដៀងនឹងជើងទី១ ក្នុងលីគនារដូវកាល

ក្រុមកាំភ្លើងធំ Arsenal បានប្រកាសពីការចុះហត្ថលេខាទិញកីឡាករ Eberechi Eze ពីក្រុម Crystal Palace កាលពីថ្ងៃសៅរ៍ហើយបានធ្វើពិធីបង្ហាញជាផ្លូវការនៅមុនពេលប្រកួតអង់គ្លេសPremier League ដែលក្រុមម្ចាស់ផ្ទះបានបំបាក់ភ្ញៀវ Leed United ក្នុងលទ្ធផល5-0។ ក្រុមកាំភ្លើងធំបានយល់ព្រមលើកិច្ចព្រមព្រៀងតម្លៃ 68 លានផោន(91.95លានដុល្លារអាមេរិក) សម្រាប់កីឡាករវ័យ 27 ឆ្នាំរូបនេះហើយក្លាយជាកីឡាករទីប្រាំពីររបស់ពួកគេនៅរដូវក្តៅនេះ។ Eze គឺជាគោលដៅសំខាន់មួយរបស់ Tottenham ហើយ Spurs បានយល់ព្រមលក្ខខណ្ឌជាមួយ Palace និង Ezeផងដែរ។ប៉ុន្តែចុងក្រោយEzeបានសម្រេចវិលត្រលប់មកកាន់ក្រុមកាំភ្លើងធំដែលជាកន្លែងគាត់បានចាប់ផ្តើមអាជីពយុវជនរបស់គាត់។ Eze សម្រាកលំហែកាយ ពាក់អាវ និងខោខូវប៊យ Arsenal បានដើរលេងដើម្បីទទួលស្វាគមន៍យ៉ាងត្រេកត្រអាលពីអ្នកគាំទ្រមុនការប្រកួតជាមួយ Leeds ។ ការចុះហត្ថលេខាទិញ Eze ធ្វើឱ្យ Arsenal កើនការចំណាយអស់ជាង 260 លានផោន បន្ទាប់ពីពួកគេក៏បានទិញកីឡាករ Viktor Gyokeres, Martin Zubimendi, Christian Norgaard, Cristian Mosquera, Noni Madueke

ជំនួប​ដែល​អ្នក​គាំទ្រ​ទន្ទឹង​រង់ចាំ​មក​ដល់​នៅ​ល្ងាច​ថ្ងៃ​អាទិត្យ ទី​២៤ ខែ​សីហា នេះ​រវាង ម្ចាស់​ផ្ទះ ព្រះ​ខ័ន​រាជ​ស្វាយរៀង និង បឹងកេត សម្រាប់​ការ​ប្រកួត​សប្តាហ៍​ទី​៣ នៃ​លីគ​បាល់ទាត់​កំពូល​កម្ពុជា។ ក្រុម​ទាំង​ពីរ​មិន​ទាន់​ចាញ់​ដូច​គ្នា​សម្រាប់​ការ​ប្រកួត​ពីរ​សប្តាហ៍​ដំបូង។ ថ្ងៃ​បើក​ឆាក​លីគ បឹងកេត បាន​យក​ឈ្នះ ឡាយហ្វ ខេត្ត​ព្រះ​សីហនុ ដោយ​លទ្ធផល ២-០ និង​សប្តាហ៍​ទី​២ ពួក​គេ​បាន​ស្មើ​ជា​មួយ​ក្រុម​ខ្លាំង ភ្នំពេញ​ក្រោន ដោយ​គ្មាន​គ្រាប់​បាល់។ បឹងកេត មាន​៤​ពិន្ទុ​ កំពុង​ឈរ​លេខ ​២ ​ក្នុង​តារាងពិន្ទុ។ ព្រះ​ខ័ន​រាជ​ស្វាយរៀង ធ្វើ​បាន​យ៉ាង​ល្អ​ឥត​ខ្ចោះ​សម្រាប់​ការ​ប្រកួត​លីគ​កម្ពុជា​ពីរ​សប្តាហ៍។ ពួក​គេ​បាន​យក​ឈ្នះ ណាហ្គាវើលដ៍ ៣-០ និងបាន​​ឈ្នះ​ អង្គរថាយហ្គឺរ​ ៣-០ ដើម្បី​រក​បាន​៦​ពិន្ទុ​ពេញឈរ​លើ​កំពូល​តារាង។ អ្វី​ដែល​កាន់​តែ​ពិសេស​ទៀត​នោះ ពួក​គេ​បាន​យក​ឈ្នះ​ Shan United ៣-០ ទៀត​សម្រាប់​ការ​ប្រកួត​សន្សំពិន្ទុ​ទី​១ ក្នុង​ពាន​រង្វាន់​ ASEAN Club Championship កាល​ពី​ថ្ងៃ​ទី​២១ ខែ​សីហា ឆ្នាំ ២០២៥ នៅ​ប្រទេស​មីយ៉ាន់ម៉ា។ និយាយ​រួម ៣ ប្រកួត​ចុង​ក្រោយ ព្រះ​ខ័ន​រាជ​ស្វាយ​រៀង