ពត៌មានថ្មីៗ

កីឡាករបាល់ទាត់ឥណ្ឌូណេស៊ី Muhammad Hilmi Gimnastiar  បានរងបម្រាមពីសកម្មភាពបាល់ទាត់អស់មួយជីវិត បន្ទាប់ពីហក់ធាក់គូប្រជែងចំដើមទ្រូងដោយចេតនា រហូតត្រូវបញ្ជូនទៅមន្ទីរពេទ្យភ្លាមៗ។ ទង្វើរបស់ Gimnastiar  ត្រូវបានគេចាត់ទុកថាជាការប៉ះទង្គិចគ្នាដ៏អាក្រក់បំផុតប្រចាំប្រវត្តិសាស្ត្របាល់ទាត់ឥណ្ឌូណេស៊ី។ ហេតុការណ៍ដែលកីឡាករ Gimnastiar មកពីខេត្ត Putra Jaya បានបង្កឡើងក្នុងការប្រកួតស្ថិតក្នុងលីគកម្រិតទី៤ ប្រចាំឥណ្ឌូណេស៊ី ក្នុងជំនួបរវាងក្រុមរបស់គេ PS Putra Jaya Pasuruan និង Perseta 1970។  សកម្មភាពត្រូវបានអ្នកគាំទ្រថតបាន បង្ហាញថាខ្សែបម្រើ Hilmi Gimnastiar បានហក់ធាក់លើគូប្រកួតចំដើមទ្រូង ហើយដួលលើទីលានភ្លាមៗ មុនបញ្ជូនទៅមន្ទីរពេទ្យ។  ហេតុផលមួយទៀតត្រូវបានគេលើកឡើង ទំនងមកពីក្រុម PS Putra Jaya ត្រូវគូប្រកួតនាំមុខមុន ៤-០ ទើបធ្វើឱ្យកីឡាករ Hilmi ផ្ទុះកំហឹងបាត់ម្ចាស់ការមិនខ្វល់ពីការដណ្តើមបាល់ តែបង្កហិង្សាលើគូប្រកួតទៅវិញ។ បន្ទាប់ពីបង្កគ្រោះថ្នាក់លើគូប្រកួតរួច កីឡាករ Muhammad Hilmi Gimnastiar ក៏ទទួលបានកាតក្រហម។ តែក្រោយមក គណៈកម្មាធិការវិន័យបាល់ទាត់ឥណ្ឌូណេស៊ី បានសម្រេចចិត្ត​ដាក់បម្រាមលើកីឡាកររូបនេះ ពីសកម្មភាពបាល់ទាត់អស់មួយជីវិត និងប្រាក់ប្រមាណ ១៥០ដុល្លារប៉ុណ្ណោះ។ […]

លោក Darren Fletcher អ្នកចាត់ការបណ្តោះអាសន្នរបស់ក្រុម Manchester United និយាយថាការធ្លាក់ចេញពីពានរង្វាន់ FA Cup ជុំទី៣ ក្រោមថ្វីជើង Brighton & Hove Albion បង្ហាញពីភាពកម្សោយរបស់ក្រុមកីឡាករទាំងមូល។ FA Cup ជាពានរង្វាន់ទី២ បន្ទាប់ពី EFL Cup ដែលក្រុមរហស្សនាមបិសាចក្រហមអស់ឱកាសប្រជែង នៅរដូវកាល ២០២៥-២៦ នេះ។ បរាជ័យក្នុងលទ្ធផល ២-១ ស្ថិតក្នុងកីឡដ្ឋាន Old Trafford បានធ្វើ ឱ្យក្តីសង្ឃឹមរបស់ Man Utd ក្នុងការប្រជែងពានរង្វាន់ឱ្យបានរដូវកាលនេះ ត្រូវរលាយ ព្រោះតែក្រុមពុំមានពានរង្វាន់ណាត្រូវប្រជែងបន្តទៀតឡើយ។ ស្របពេលឱកាសប្រជែងពាន Premier League ដែលសល់មួយចុងក្រោយ ជារឿងមិនងាយនឹងទៅរួច។ កីឡាករដើរចេញពីទីលានប្រកួតដោយទឹកមុខក្រៀមក្រំ និងអស់សង្ឃឹម ខណៈអ្នកគាំទ្រនាំគ្នាស្រែកជេរប្រមាថ ស្តីបន្ទោសការបង្ហាញទម្រង់លេងដ៏អន់របស់ក្រុម។ នៅក្នុងសន្និសីទកាសែតក្រោយចប់ការប្រកួត លោក Fletcher ជាគ្រូបង្វឹកក្រុមអាយុក្រោម ១៨ឆ្នាំ Man Utd រួចផ្លាស់កាន់តំណែងអ្នកចាត់ការបណ្តោះអាសន្ននៅក្រុមធំ បានបង្ហាញអស់គ្មានសល់

ក្រុម​កីឡាអេឡិចត្រូនិក Pro Esports បាន​ឈ្នះ​ពាន​រង្វាន់​ជា​លើក​ដំបូង​ក្នុង​ប្រវត្តិ​សាស្ត្រ​របស់​ក្រុម បន្ទាប់​ពី​បាន​ឈ្នះ​​ការ​ប្រកួត​កីឡា​អេឡិចត្រូនិក​​ថ្នាក់​ជាតិ ឆ្នាំ ២០២៥ កាល​ពី​យប់​ថ្ងៃ​អាទិត្យ ទី​១១ ខែ​មករា ឆ្នាំ ២០២៦។ មុន​ពេល​ក្លាយ​ជា​ម្ចាស់​ជើង​ឯក​ថ្នាក់​ជាតិ​នេះ ក្រុម Pro Esports ធ្វើ​បាន​យ៉ាង​ល្អ​ឥត​ខ្ចោះ​គិត​ចាប់​តាំង​ពី វគ្គ​សន្សំពិន្ទុ​ក្នុង​ពូល​រហូត​ដល់​វគ្គ​ផ្តាច់​ព្រ័ត្រ ដោយ​មិន​ស្គាល់​បរាជ័យ​ទាល់​តែ​សោះ​ពោល​គឺ​ឈ្នះ​គ្រប់​ការ​ប្រកួត​តែ​ម្តង។   គិត​ចាប់​តាំង​ពី​ឆ្នាំ ២០២៣ រហូត​ដល់ ដើម​ឆ្នាំ ២០២៦ ក្រុម Pro  Esports ធ្លាប់​បាន​ចូល​រួម​ប្រកួត​​ព្រឹត្តិការណ៍​ចំនួន ៩​ លើកហើយ ប៉ុន្តែ​មិន​ធ្លាប់ឈ្នះ​ពាន​ឡើយ។ ទើប​តែដើម​ឆ្នាំ ២០២៦​នេះ ពួក​គេ​បាន​ឈ្នះ​ជើង​ឯក​ជា​លើក​ដំបូង។ ការ​ប្រកួត​​ ​កីឡា​អេឡិចត្រូនិក​ជ្រើស​រើស​ជើងឯក​ថ្នាក់​ជាតិ ប្រចាំ​ឆ្នាំ ២០២៥ ចាប់​ពី​ថ្ងៃ​ទី៥ ដល់ ថ្ងៃ​ទី​១១ ខែ​មករា ឆ្នាំ ២០២៥ នៅ​មជ្ឈមណ្ឌល​កីឡា T.Y Media Esports Center ដោយ​មាន​​ចំនួន ៤ វិញ្ញាសា គឺ eFootball

កីឡាករបាល់ទះជម្រើសជាតិ កម្ពុជា វឿន វាសនា នៅតែបង្ហាញសក្តានុពលដ៏ខ្លាំងក្លារបស់ខ្លួន ក្នុងលីគបាល់ទះកំពូល តៃវ៉ាន់ (TPVL) ដោយការប្រកួត ២ ប្រកួតចុងក្រោយ រូបគេរកបានពិន្ទុច្រើនជាងគេទាំង ២ ប្រកួត និងជួយឱ្យ Win Streak ឈ្នះ ២ ប្រកួតជាប់គ្នា។ រម្លឹកនៅក្នុងការប្រកួតសប្តាហ៍ទី ១៣ កន្លងទៅ ក្រុមបាល់ទះ Win Streak បានទទួលជ័យជម្នះទាំង ២ ប្រកួត ដោយការប្រកួតទល់នឹងក្រុម Taoyuan Cloud Leopard កាលពីថ្ងៃ សៅរិ៍ ទី ១០ ខែ មករា បានយកឈ្នះក្នុងលទ្ធផល ៣ សិតទល់ ១។ ចំណែកការប្រកួតទល់នឹងក្រុម Taiwan Steel Swan បានយកឈ្នះក្នុងលទ្ធផល ៣ សិតទល់ ២។ វឿន វាសនា បានដើរតួយ៉ាងសំខាន់នៅក្នុងការប្រកួតទាំង ២

ជើង​ខ្លាំង​គុន​ខ្មែរ លន បញ្ញា បាន​ក្លាយ​ជា​​កីឡាករ​កម្ពុជា​ទី​១​​​សម្រាប់​ការ​​ទទួល​បាន​​​ខ្សែ​ក្រវាត់​គុន​ខ្មែរ​ពិភព​លោក WKN បន្ទាប់​ពី​បាន​ផ្តួល​​​កីឡាករ​ម៉ារ៉ុក Zakaria Rouigate ឲ្យ​បោះ​បង់​ចោល​ការ​ប្រកួត​ក្នុង​ទឹក​ទី១ នៅ​ថ្ងៃ​អាទិត្យ ទី​១១ ខែ​មករា ឆ្នាំ ២០២៦។   ការ​ប្រកួត​​ដណ្តើម​ខ្សែ​ក្រវាត់​ដែល​អ្នក​គាំទ្រ​​គិត​ថា នឹង​ជក់​ចិត្ត​ដិត​អារម្មណ៍​ខ្លាំង ប៉ុន្តែ​ចំណាយ​ពេល​មិន​ដល់ ១ ទឹក​ផង​ក៏​បញ្ចប់​ទៅ​ដោយ​កីឡាករ​កម្ពុជា លន បញ្ញា យក​ជើង​ឆ្វេង​ធាក់​លើ​មុខ​របស់​កីឡាករ Zakaria Rouigate ដែលធ្វើ​ឲ្យ​មាន​បញ្ហា​ឈឺ​ចាប់​ប្រអប់​មាត់​ខ្លាំង។ ក្រោយ​អាជ្ញា​កណ្តាល​រាប់​១១០ កីឡាករ​ម៉ារ៉ុក​រូប​នេះ​មិន​អាច​បន្ត​ការ​ប្រកួត​បាន​ទេ​ ដូច្នេះ​ខ្សែ​ក្រវាត់​បាន​ធ្លាក់​ទៅ​ លន បញ្ញា។ នេះ​ជា​ព្រឹត្តិការណ៍​ប្រកួត​គុន​ខ្មែរ-WKN ទី​១ បន្ទាប់​ពីមាន​​កិច្ច​សហការ​រវាង សហព័ន្ធ​កីឡា​ប្រដាល់​គុន​ខ្មែរ និង​បណ្តាញ​ឃីក​បុក​ស៊ីង​ពិភព​លោក។ WKN បាន​ចាត់ទុកជា​ព្រឹត្តិការណ៍​ប្រវត្តិ​សាស្ត្រ​ដ៏​ជោគជ័យ​នៃ​គុន​ខ្មែរ​លើ​ឆាក​អន្តរជាតិ។ ផេក​ផ្លូវ​ការ​បាន​សរសេរ​ថា ៖«យើង​ខ្ញុំ​ពិត​ជា​រីក​រាយ​យ៉ាង​ខ្លាំង ហើយ​មាន​មោទនភាព​​​បំផុត​ដែល​​​រក​ឃើញ​ម្ចាស់​ជើង​ឯក WKN គុន​ខ្មែរ​ទី១​ដែលឥឡូវ​នេះ​ចូល​ក្នុង​ប្រវត្តិ​សាស្ត្រ​ផ្លូវ​ការ​របស់​ពួក​យើង»។   លោក Stephane Cabrera ប្រធាន​បណ្តាញឃីក​បុក​ស៊ីង​ពិភ​លោក​​ធ្លាប់​បាន​លើក​ឡើង​ថា លោក​ពិត​ជា​មាន​មោទនភាពខ្លាំង​ណាស់​ដែល​បាន​កំពុង​ធ្វើ​ការយ៉ាង​ល្អ​ជា​មួយ​សហព័ន្ធ​កីឡា​ប្រដាល់​គុន​ខ្មែរ​ដើម្បី​អភិវឌ្ឍ​​កីឡា​អត្តសញ្ញាណ​ខ្មែរ​រីក​ចម្រើន​លើ​ឆាក​អន្តរជាតិ។ អ្វី​ដែលកាន់​តែ​ពិសេស​សម្រាប់​ការ​ប្រកួត​គុន​ខ្មែរ​ WKN គឺ រាល់​ការ​ប្រកួត​នឹងកត់​ត្រា​ជា​ផ្លូវ​ការ នៅ BoxRec

គ្រាប់​បាល់ ភាព​ភ្ញាក់​ផ្អើល និង​កម្លាំង​អ្នក​គាំទ្រ​បានបំបែកឯតទគ្គកម្មរបស់កម្មវិធីពានរង្វាន់ FA Cup ចុងសប្តាហ៍នេះ។ កំណត់ត្រាគ្រាប់បាល់នៃជុំទីបីបានកើតមានច្រើនបំផុតក្នុងរយៈពេល69ឆ្នាំ មានតែបីដងប៉ុណ្ណោះដែលមានគ្រាប់បាល់ស៊ុតបញ្ចូលទីច្រើនជាងក្នុងជុំទី 3 នៃ FA Cup ចាប់តាំងពីដំណាក់កាលនៃការប្រកួតដំបូងមាន 32 ប្រកួតក្នុងឆ្នាំ 1925-26 (មិនរាប់បញ្ចូលឆ្នាំ 1945-46 នៅពេលដែលការប្រកួតជើងពីរត្រូវបានលេង)។ សរុប 124 គ្រាប់ត្រូវបានស៊ុតបញ្ចូលទីនៅទូទាំង 30 ប្រកួតថ្ងៃសុក្រ ថ្ងៃសៅរ៍ និងថ្ងៃអាទិត្យ ដែលជាមធ្យម 4.1 គ្រាប់ក្នុងមួយប្រកួត ជាមួយនឹងការប្រកួតពីរទៀតនៅតែត្រូវលេង រវាងជើងឯក Premier League Liverpool និង League One Barnsley នៅថ្ងៃចន្ទ និង League Two Salford City និង Swindon Town នៅថ្ងៃអង្គារ។ គ្រាប់បាល់ទាំងនោះតែបួនគ្រាប់ប៉ុណ្ណោះត្រូវបានគេរកបាននៅម៉ោងបន្ថែម។ កំណត់ត្រាក្នុងសតវត្សកន្លងមកនេះនៅតែជាគ្រាប់បាល់ចំនួន 138គ្រាប់ ជុំទី 3 ក្នុងឆ្នាំ 1926-27

កីឡាករចាំទី Aaron Ramsdale សញ្ជាតិអង់គ្លេសបានសង្រ្គោះបាល់ប៉េណាល់ទីចំនួន ៣លើកដ៏អស្ចារ្យ ក្នុងវគ្គទាត់បាល់ ១១ម៉ែត្រកាត់សេចក្តីនាយប់មិញទល់នឹង AFC Bournemouth ក្នុងការបញ្ជូន Newcastle United ឡើងទៅជុំទី៤ នៃពាន FA Cup ជាបន្តទៀត។ នេះបើយោងតាមការចេញផ្សាយដោយ BBC។ Newcastle ដែលជាម្ចាស់ជើងឯក League Cup រដូវកាលមុន ស្ថិតក្រោមការដឹកនាំរបស់លោក Eddie Howe បានប្រើពេល ១២០នាទី ពីការសម្រេចលទ្ធផលត្រឹមស្មើគ្នា ៣-៣ ពីក្នុងជុំទី៣ នៅកីឡដ្ឋាន St. James’ Park របស់ខ្លួន ដ្បិតគូប្រជែងក្នុងលីគដូចគ្នា ត្រូវលេងដោយគ្មានវត្តមាន Antoine Semenyo ដែលបានលក់ទៅឱ្យក្លឹប Manchester City ក្នុងតម្លៃ ៦៥លានផោន ក្នុងទីផ្សារដោះដូរនាខែមករា ឆ្នាំ២០២៦ នេះ។ Ramsdale ដែលត្រូវបានសារិកាព្រៃចុះកិច្ចសន្យាខ្ចីជើងពី Southampton កាលពីរដូវក្តៅមុន បានត្រឡប់មកទម្លាក់អតីតក្លឹបចាស់របស់គេ Bournemouth

Salah និង Marmoush រកបានម្នាក់មួយគ្រាប់ខណៈអេហ្ស៊ីបទម្លាក់ក្រុមម្ចាស់ជើងឯកចាស់កូតឌីវ័រនៅវគ្គ៨ក្រុមចុងក្រោ Salah បានក្លាយជាអ្នកស៊ុតបញ្ចូលទីម្តងទៀត ខណៈដែលអេហ្ស៊ីបបានផ្តួលក្រុមម្ចាស់ជើងឯកចាស់កូតឌីវ័រ ក្នុងវគ្គ 1/4 ផ្តាច់ព្រ័ត្រដ៏គួរឱ្យរំភើបនៃព្រឹត្តិការណ៍ Africa Cup of Nations (Afcon) ឆ្នាំ 2025 ។ ខ្សែប្រយុទ្ធOmar Marmoushរបស់ក្លឹបManchester City ស៊ុតបាល់បញ្ចូលទីក្រុមដំរីអាហ្វ្រិកឱ្យអេហ្ស៊ីប នាំមុខក្រោយការចាប់ផ្តើមត្រឹមតែ 4 នាទី ហើយការតែតបាល់របស់ Ramy Rabia បានធ្វើឱ្យអេហ្ស៊ីបនាំមុខ 2-0 ត្រឹមតង់ទីមួយនាទីទី32។ គ្រាប់បាល់ចូលទីខ្លួនឯងរបស់ Ahmed Fatouh បានផ្តល់ក្តីសង្ឃឹមដល់ជម្រើសជាតិកូតឌីវ័រនៅមុនពេលចប់តង់ទីមួយ ប៉ុន្តែ Salah បានស្តារឡើងវិញនូវការនាំមុខបន្ថែមគ្រាប់ស៊ុតបញ្ចូលទីយ៉ាងរហ័សសម្រាប់ម្ចាស់ជើងឯកចំនួន 7 ដងអេហ្សុីបនៅនាទីទី52។ ទោះបីជាមានការខិតខំប្រឹងប្រែងរបស់ Guela Doue រកបានមួយគ្រាប់នៅនាទីទី 73តាមពីក្រោយក៏កូតឌីវ័រមិនអាចតាមបានស្មើវិញឡើយ។ លទ្ធផលនេះមានន័យថាគោលដៅរបស់ Salah សម្រាប់គ្រងជើងឯកទ្វីបជាលើកដំបូងជាមួយប្រទេសរបស់គាត់គឺនៅតែមានដំណើរការដដែល។ ឥឡូវនេះគាត់នឹងនាំក្រុមរបស់គាត់ប្រឈមមុខនឹងសេណេហ្គាល់ដែលបានផ្តួលអេហ្ស៊ីបក្នុងវគ្គផ្តាច់ព្រ័ត្រឆ្នាំ 2021 នៅថ្ងៃពុធ៕ ប្រភព៖ NKDNEWS

Cristiano Ronaldo នៅតែឈរលើគេក្នុងនាមជាអត្តពលិកដែលមានចំណូលច្រើនបំផុតលើលោកនៅឆ្នាំ ២០២៦​ តាមពីក្រោយដោយ Stephen Curry និង Tyson Fury។ ក្នុងចំណោមកំពូលកីឡាករ ១០រូប ដែលមានចំណូលខ្ពស់ជាងគេ មានកីឡាករបាល់ទាត់ ៣រូប បាល់បោះ ៣រូប បេស្បល ២រូប ប្រដាល់ ១រូប និងបាល់ទាត់អាម៉េរិក ១រូប។ ប្រាក់ចំណូលរបស់អត្តពលិកបានឈានដល់កម្រិតកំណត់ត្រាថ្មីទៀតហើយនៅឆ្នាំ ២០២៦ នេះ។ ប្រាក់ខែក្លិបដ៏ច្រើនសន្ធឹកសន្ធាប់ ការកើនឡើងកិច្ចព្រមព្រៀងឧបត្ថម្ភ ឥទ្ធិពលប្រព័ន្ធផ្សព្វផ្សាយសង្គម និងអាជីវកម្មផ្ទាល់ខ្លួនរាប់លានដុល្លារ បាននាំឱ្យកំពូលៗកីឡាករ ចូលទៅក្នុងយុគសម័យហិរញ្ញវត្ថុដ៏លេចធ្លោ។ Ronaldo ខ្សែប្រយុទ្ធ Al-Nassr និងជម្រើសជាតិព័រទុយហ្កាល់ បន្តលេចធ្លោជាងគេនៅទូទាំងពិភពលោកដោយរកចំណូលបាន ២៧៥លានដុល្លារ តាមពីក្រោយដោយកីឡាករបាល់បោះ Stephen Curry ១៥៦លានដុល្លារ និងអ្នកប្រដាល់ Tyson Fury រកបាន១៤៦លានដុល្លារ។ Lionel Messi ស្ថិតនៅចំណាត់ថ្នាក់ទី៥ ដោយរកបាន ១៣៥លានដុល្លារ។ គម្លាតប្រាក់ចំណូលនៅលើទីលាន និងក្រៅទីលាន បានបង្ហាញពីរបៀបដែលអត្តពលិកសម័យទំនើបដំណើរការជាម៉ាកយីហោផ្ទាល់របស់ពួកគេ។ ក្នុងចំណោមអត្តពលិកដែលមានចំណូលខ្ពស់ជាងគេទាំង១០លើលោក

ពីលេងឱ្យក្លឹប Bristol City មកកាន់ក្រុម Manchester City ក្នុងរយៈពេលត្រឹមតែ 3 ឆ្នាំប៉ុណ្ណោះ – ការឡើងដល់កំពូលនៃការប្រកួតរបស់កីឡាករ Antoine Semenyo គឺមានភាពរហ័សខ្លាំងណាស់។ ក្រុមរបស់លោក Pep Guardiola បានបញ្ចប់ការចុះហត្ថលេខាលើខ្សែប្រយុទ្ធ Bournemouth វ័យ 26 ឆ្នាំ បន្ទាប់ពីបានបំពេញលក្ខខណ្ឌនៃការទិញក្នុងតម្លៃផ្ទេរ 65 លានផោនរបស់គាត់ ដោយបានផ្តួលក្រុម Manchester United, Liverpool, Spurs និង Chelsea ដែលចង់បានរូបគាត់ផងដែរ។   វាជាជំហានដ៏លឿនចុងក្រោយបង្អស់សម្រាប់ Semenyo ដែលកើតនៅទីក្រុងឡុងដ៍ប្រទេសអង់គ្លេស តែតំណាងឱ្យប្រទេសហ្គាណាជាកីឡាករអន្តរជាតិតាមរយៈឪពុកគាត់។   គាត់ត្រូវបានច្រានចោលមិនទិញយកមកលេងដោយក្លឹប Arsenal, Spurs និង Millwall ក្នុងនាមជាយុវជន តែ Bristol City បានចុះហត្ថលេខាទិញគាត់ក្នុងឆ្នាំ 2017 ហើយគាត់ត្រូវបានខ្ចីជើងលេងនៅក្រុម Bath, Newport និង Sunderland