Admin

សហព័ន្ធបាល់ទាត់អៀរឡង់ នឹងចូលរួមបោះឆ្នោត ស្នើសុំឱ្យសហព័ន្ធបាល់ទាត់អឺរ៉ុប (​UEFA) សម្រេចដាក់បម្រាមឃាត់អ៊ីស្រាអែលពីការប្រកួតបាល់ទាត់កម្រិតទ្វីបអឺរ៉ុប។ នេះគឺស្របទៅតាមសំណើរ UEFA កន្លងមក ដែលពួកគេធ្លាប់ប្រកាសនឹងបើកកិច្ចការប្រជុំជាមួយសមាជិកគ្រប់ប្រទេស ដើម្បីពិចារណាលើការព្យួរបាល់ទាត់អ៊ីស្រាអែល។ កាលពីមុនមក ក៏មានក្លិប និងក្រុមបាល់ទាត់ជម្រើសជាតិមួយចំនួន បានស្មើសុំ UEFA ឱ្យព្យួរអ៊ីស្រាអែលពីការប្រកួតកម្រិតអន្តរជាតិក្នុងតំបន់ ក្រោមមូលហេតុដែលអ៊ីស្រាអែល បានបំពានបទប្បញត្តិចំនួន​ ២ នៃច្បាប់របស់​ UEFA។ ករណីទីមួយអ៊ីស្រាអែល បានរៀបចំក្លិបបាល់ទាត់នៅក្នុងទឹកដីប៉ាឡេស្ទីន គ្មានការយល់ព្រមពីសហព័ន្ធបាល់ទាត់ប៉ាឡេស្ទីន។ ចំណែករឿងទីពីរសហព័ន្ធបាល់ទាត់អ៊ីស្រាអែល (IFA) មិនអាចអនុវត្តតាមគោលនយោបាយប្រឆាំងការរើសអើងរបស់ UEFA ឱ្យមានប្រសិទ្ធភាព។  ករណីទាំង ២ នេះ ត្រូវបានបណ្តាក្លិប និងក្រុមជម្រើសជាតិនៅទ្វីបអឺរ៉ុប អំពាវនាវឱ្យ UEFA ពិចារណាក្នុងការព្យួរក្រុមបាល់ទាត់ពីអ៊ីស្រាអែល ឬអាចឈានដល់ការដកសិទ្ធិជាសមាជិកសហព័ន្ធចេញតែម្តង។ រឿងទាំងពីរនេះ កើតឡើងក្រោយពីបណ្តាប្រទេសតំបន់អឺរ៉ុប មិនពេញចិត្តចំពោះអំពើប្រល័យពូជសាស្រ្តដែល កងទ័ពអ៊ីស្រាអែល សម្លាប់ពលរដ្ឋប៉ាឡេស្ទីនរង្គាល ក្នុងសង្គ្រាមទល់ក្រុមសកម្មប្រយុទ្ធហាម៉ាស់ នៅតំបន់កាហ្សា។  បើតាមអ្នកនាំពាក្យសហព័ន្ធបាល់ទាត់អៀរឡង់ FAI ខ្លួននឹងសម្រេចចិត្តបោះឆ្នោត ឱ្យមានការហាមឃាត់លើអ៊ីស្រាអែល។ អ្នកនាំពាក្យសហព័ន្ធ FAI ដដែល ថែមទាំងចោទប្រកាន់អ៊ីស្រាអែល ថាបានបំពានបទប្បញត្តិ និងច្បាប់សំខាន់ៗរបស់ […]

ការ​ប្រកួត​ជ្រើសរើសជើងឯក​អាស៊ី​ លើក​ទី៦​ ឆ្នាំ​២០២៥​ ដែល​ធ្វើ​ឡើង​នៅ​ឯទីក្រុងកូឡាឡាំពួ ​ប្រទេស​ម៉ាឡេស៊ី​ បាន​បញ្ចប់​ជា​ផ្លូវ​ការ​ហើយ​ក្នុង​នោះ​ក្រុម​ជម្រើសជាតិ​កីឡាប៊ូល​ និង​ប៉េតង់​កម្ពុជា​ ឈ្នះ​មេដាយ​សរុប​ ៣គ្រឿង​ មាស២​ និងប្រាក់១ ។​ នេះ​បើ​តាម​របាយការណ៍​របស់​លោកស្រី​ គីន​ សំណាង​ អគ្គលេខាធិការ​រង​សហព័ន្ធ​កីឡា​ប៊ូល​ និង​ប៉េតង់​កម្ពុជា​បាន​បញ្ជាក់​ថា​ ការ​ប្រកួត​បាន​បញ្ចប់​ជា​ផ្លូវការ​ហើយ​នៅ​ថ្ងៃ​ទី៩​ ខែ​វច្ឆិកា​ ឆ្នាំ​២០២៥​ នេះ​នៅ​ឯទីក្រុមកូឡាឡាំពួ ​ប្រទេស​ម៉ាឡេស៊ី។​ ក្រុម​ជម្រើសជាតិ​កម្ពុជា​ឈ្នះ​មេដាយ​ ៣គ្រឿង​គឺ​មេដាយ​មាស​១គ្រឿង​លើ​វិញ្ញាសា​ យុវជន វាយយកពិន្ទុប្រកួត​ឈ្នះដោយកីឡាករ នន់ រ៉ាវីន។​ មេដាយ​មាស១គ្រឿង​ទៀត​ឈ្នះ​លើ​វិញ្ញាសា​ ៣នាក់ ទល់ ៣នាក់ (នារី) ប្រកួត​ឈ្នះ​ដោយកីឡាការិនី អ៊ុក ស្រីមុំ, អ៊ុន ស្រីយ៉ា, ហៀង វិជ្ជនី និង ពៅ ធីតា។ ចំណែក​មេដាយ​ប្រាក់១គ្រឿង​ឈ្នះ​លើ​វិញ្ញសា ​៣នាក់ ទល់ ៣នាក់ (បុរស) ប្រកួត​ឈ្នះ​ដោយ​កីឡាករ ថោង ឈឿន, ហេង ថន, ពុធយ៉ុន ច័ន្ទដារ៉ា

សហព័ន្ធបាល់ទាត់ពិភពលោក(FIFA) បានពិន័យសមាគមកីឡាបាល់ទាត់ឥណ្ឌូនេស៊ី (PSSI) និងដាក់បម្រាមលើកីឡាករពីររូប ដោយសារមានប្រតិកម្មក្តៅគគុក បន្ទាប់ពីក្រុមឥណ្ឌូណេស៊ីចាញ់ អ៊ីរ៉ាក់ ០-១ ក្នុងជុំទី ៤ នៃវគ្គជម្រុះ World Cup ២០២៦ នៅអាស៊ី។ ការដាក់ទណ្ឌកម្មនេះកើតឡើងបន្ទាប់ពីមានឧប្បត្តិហេតុក្រោយការប្រកួតដែលនាំឱ្យមានការរិះគន់ពីមន្ត្រីនិងអ្នកគាំទ្រដូចគ្នា។ FIFA បានចេញការផាកពិន័យចំនួន ៥ម៉ឺន ហ្វ្រង់ស្វីស (៦ម៉ឺន២ពាន់ ដុល្លារអាមេរិក) ដល់ PSSI សម្រាប់ការអនុញ្ញាតឱ្យអ្នកគាំទ្រគប់វត្ថុនៅលើទីលាននៅកីឡដ្ឋាន King Abdullah កាលពីថ្ងៃទី ១១ ខែតុលា២០២៥។ កីឡាករកើតនៅហូឡង់ Shayne Pattynama និង Thom Haye ត្រូវបានពិន័យជាប្រាក់ចំនួន ៥ពាន់ ហ្វ្រង់ស្វីស និងជាប់បម្រាមមិនឱ្យលេងចំនួនបួនប្រកួតសម្រាប់អាកប្បកិរិយាប្រឈមមុខដាក់គ្នាលើអាជ្ញាកណ្តាល Ma Ning ។ ភាពតានតឹងបានកើនឡើងនៅនាទីទី 77 នៅពេលដែលខ្សែការពារសញ្ជាតិឥណ្ឌូនេស៊ី Kevin Diks ប៉ះគ្នាជាមួយកីឡាករ Merchas Doski របស់អ៊ីរ៉ាក់។ អាជ្ញាកណ្តាល Ma Ning

កីឡាករ កីឡាការិនី​វ៉ូវីណាម​ជម្រើស​ជាតិ​កម្ពុជា ទទួល​បាន​មេដាយ​ចំនួន ២៣ គ្រឿង ពីការ​ប្រកួត​កីឡា​វ៉ូវីណាម​ជើង​ឯក​ពិភព​លោក លើក​ទី​៨ ចាប់​ពី​ថ្ងៃ​ទី​២ ដល់ ទី​ ៨ ខែ​វិច្ឆិកា ឆ្នាំ ២០២៥ នៅ​កោះ​បាលី ប្រទេស​ឥណ្ឌូណេស៊ី។ ប្រតិភូកីឡាវ៉ូវីណាមកម្ពុជា មានចំនួន ២៩ រូប ដែលដឹកនាំដោយលោក អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា សម្រាប់ការចូលរួមប្រកួតជើងឯកពិភពលោក លើកទី៨ ដែលមានប្រទេសប្រមាណ ៣០ ចូលរួមប្រកួតលើវិញ្ញាសាជាង ៤០។ សម្រាប់កម្ពុជាចូលរួមប្រកួតចំនួន ២៦ វិញ្ញាសា។ ទីបំផុត កីឡាករ កីឡាការិនីកម្ពុជា ដណ្តើមបានមេដាយចំនួន ២៣ គ្រឿង គឺ មាស ៧ គ្រឿង ប្រាក់ ១១ គ្រឿង និងសំរិទ្ធ ៥ គ្រឿង។ ចំនួនមេដាយនេះច្រើនជាងកាលពីឆ្នាំ ២០២៣ នៅប្រទេសវៀតណាម ដែលកម្ពុជា ដណ្តើមបានមេដាយចំនួន ២០

លោក Mounir Nasraoui ឪពុករបស់កីឡាករយុវជន Lamine Yamal លេងឱ្យក្លិប Barcelona កាលពីពេលថ្មីៗនេះ បានប្រកាសអំពីការភ្ជាប់ពាក្យជាមួយនឹងមិត្តស្រីមានវ័យត្រឹម ២៣ឆ្នាំ។ ឪពុករបស់កីឡាករវ័យ ១៨ឆ្នាំ មានវ័យលើមិត្តស្រីដែលទើបភ្ជាប់ពាក្យដល់ទៅ ១៦ឆ្នាំ ឯណោះ ហើយនាងក៏នឹងក្លាយជាម្តាយចុងរបស់ Yamal ក្នុងពេលដ៏ឆាប់។ លោក Nasraoui ពេលថ្មីនេះ បានបង្ហោះរូបភាពជាមួយមិត្តស្រីរបស់លោក មានឈ្មោះថា Khristina។ ការបង្ហោះនោះពុំមានសរសេរពាក្យអ្វីភ្ជាប់ជាមួយឡើយ ដោយគ្រាន់តែដាក់ត្រឹមរូបភាពបេះដូង អមជាមួយនឹងរូបជញ្ជៀន។ រូបភាពហាក់បីចង់បង្ហាញថាអ្នកទាំង ២ បានសម្រេចចិត្តភ្ជាប់ពាក្យជាមួយគ្នា ដើម្បីកសាងគ្រួសារមួយ ហើយនៅ ៤ថ្ងៃបន្ទាប់ ការបង្ហោះនោះក៏ផ្ទុះការចាប់អារម្មណ៍ពីមហាជនជាច្រើន។ អ្នកខ្លះបានចូលទៅបញ្ចេញមតិអបអរសាទរ និងជូនពរគូស្នេហ៍ទាំង ២ ខណៈមតិមួយចំនួននិយាយបែបចំអកឡកឡាយ ភ្ជាប់ឈ្មោះរបស់ Yamal ផងដែរ។ អ្នកបញ្ចេញមតិឡកឡាយនោះ បានសរសេរដូច្នេះថា៖«គួរឱ្យអាណិត Yamal ពេលនេះគេមានម្តាយម្នាក់ទៀតចិញ្ចឹមគេហើយ។»។ ការបញ្ចេញមតិនោះ ក៏ហាក់បីជានិយាយសំដៅទៅនឹងរឿងមិនសមរម្យសម្រាប់កីឡាករវ័យ ១៨ឆ្នាំ។ បើតាមការចុះផ្សាយរបស់កាសែត Marca ប្រចាំប្រទេសអេស្ប៉ាញ ឪពុកកីឡាករលេងនៅក្រុម ​Barca បានបង្ហាញមុខមិត្តស្រីរបស់លោកជាសាធារណៈនៅរយៈពេលប៉ុន្មានខែចុងក្រោយនេះ។

គ្រូបង្វឹកបណ្តោះអាសន្នរបស់ក្រុម វិសាខា លោក Seon Power និងគ្រូបង្វឹកក្រុម ភ្នំពេញក្រោន លោក Oleg Starynskyi បានបង្ហាញការគោរព និងលើកឡើងពីចំណុចខ្លាំងរបស់គូប្រជែងរៀងៗខ្លួន មុនជួបគ្នានៅកីឡដ្ឋាន វិសាខា ថ្ងៃ សៅរិ៍ ទី ០៨ ខែ វិច្ឆិកា ឆ្នាំ ២០២៥ ល្ងាចនេះ សម្រាប់ការប្រកួតសប្តាហ៍ទី ១១ នៃក្របខណ្ឌលីគកំពូល កម្ពុជា (Cambodian Premier League។ មុនការប្រកួតមកដល់ លោក Seon Power បានមានប្រសាសន៍នៅក្នុងសន្និសីទសារព័ត៌មានដូច្នេះ ថា៖ «ខ្ញុំរំពឹងថា ការប្រកួតថ្ងៃស្អែក គឺជាការប្រកួតមួយដ៏ជក់ចិត្ត និងជាការប្រកួតមួយដ៏ល្អ ព្រោះថា ពួកយើងត្រូវជួបជាមួយក្រុមដែលធ្វើបានល្អ តាំងពីដើមរដូវកាល ដោយសារពួកគាត់មិនទាន់ស្គាល់បរាជ័យនោះទេ ហើយពួកគាត់ក៏ទើបធ្វើបានល្អក្នុងពានរង្វាន់ AFC Challenge League នាពេលថ្មីៗដែរ។ អ៊ីចឹងពួកយើងរីករាយ និងទន្ទឹងរង់ចាំចំពោះការប្រកួតថ្ងៃស្អែកនេះ»។ ដោយឡែកគ្រូបង្វឹក លោក Oleg Starynskyi វិញបានមានប្រសាសន៍

ពានរង្វាន់ Finalissima ដែលជាពានរៀបចំឡើងសម្រាប់ការជួបគ្នារវាងក្រុមម្ចាស់ជើងឯកបាល់ទាត់ទ្វីបអឺរ៉ុប Euro ក្រុមជម្រើសជាតិ អេស្ប៉ាញ ទល់នឹងម្ចាស់ជើងឯកទ្វីប អាមេរិកខាងត្បូង Copa America អាហ្សង់ទីន បានប្រកាសអំពីពេលវេលាប្រកួត និងទីកន្លែងប្រកួតជាផ្លូវការ។ យោងតាមការចុះផ្សាយដោយកាសែត អេស្ប៉ាញ Marca បានឱ្យដឹងថា ការជួបគ្នាវគ្គផ្តាច់ព្រ័ត្រពាន Finalissima រវាង អេស្ប៉ាញ និង អាហ្សង់ទីន នឹងរៀបចំឡើងនៅកីឡដ្ឋាន Lusail Stadium ក្នុងប្រទេស កាតា ថ្ងៃទី ២៧ មីនា ឆ្នាំ ២០២៦។ កីឡដ្ឋាន Lusail Stadium នេះ ជាទីកន្លែង ដែលក្រុម អាហ្សង់ទីន និង Lionel Messi ឈ្នះពានបាល់ទាត់ជើងឯកពិភពលោក World Cup កាលពីឆ្នាំ ២០២២ កន្លងទៅ។ ជំនួបដ៏អស្ចារ្យនេះ នឹងក្លាយជាការប្រកួតដ៏ធំមួយប្រចាំប្រវត្តិសាស្ត្របាល់ទាត់ ដោយសារអ្នកគាំទ្រ នឹងបានឃើញការជួបគ្នារវាងកីឡាករជំនាន់ក្រោយ ដែលកំពុងឡើងជើងខ្លាំង Lamine

ប្រធានក្លឹបបាល់ទាត់ Napoli លោក Aurelio De Laurentiis កាលពីថ្ងៃសុក្របាននិយាយថាកីឡាដ្ឋានសម្រាប់ក្រុមរបស់គាត់លេងជាទឹកដីអាក្រក់ដូចកន្លែងចោលសំរាម ដោយលើកហេតុផលថាក្លឹបត្រូវការកីឡដ្ឋានទំនើបមួយដើម្បីបង្កើនប្រាក់ចំណូល និងបង្កើនបទពិសោធន៍ដល់អ្នកគាំទ្រ។ Napoli កាលពីរដូវកាលមុនបានឈ្នះពានរង្វាន់ Serie A លើកទីពីររបស់ពួកគេក្នុងរយៈពេល 3 ឆ្នាំបន្ទាប់ពីដណ្តើមបានពីជើងខ្លាំង Inter Milan ។ ការប្រកួតក្នុងផ្ទះរបស់ពួកគេត្រូវធ្វើនៅកីឡដ្ឋាន Diego Armando Maradona ដែលដាក់ឈ្មោះតាមអតីតវីរបុរសបាល់ទាត់អាហ្សង់ទីនដែលបានដឹកនាំពួកគេឱ្យឈ្នះពានរង្វាន់លីគចំនួនពីរក្នុងឆ្នាំ 1987 និង 1990 ហើយវាជាកម្មសិទ្ធិរបស់សាលាក្រុង។ ថ្លែងនៅក្នុងព្រឹត្តិការណ៍មួយដែលរៀបចំឡើងដោយសាកលវិទ្យាល័យ Bocconi របស់ Milan លោក De Laurentiis បានប្រៀបធៀបប្រាក់ចំណូលប្រចាំថ្ងៃរបស់ Napoli ជាមួយនឹងក្លឹប Milanទាំងពីរ ដោយនិយាយថា AC Milan និង Inter អាចរកចំណូលបាន 14 លានអឺរ៉ូ (16.33 លានដុល្លារ) ពីការប្រកួតក្របខ័ណ្ឌអឺរ៉ុប Champions League ខណៈដែលក្រុមរបស់គាត់មានកម្រិតទាបជាងច្រើន។ ប៉ុន្តែសម្រាប់កីឡាដ្ឋានMaradonaរកបានតែបីលានតែប៉ុណ្ណោះ។ ប្រទេសអ៊ីតាលីជួបការលំបាកក្នុងការកែលម្អកីឡដ្ឋានរបស់ខ្លួន

លោក Pep Guardiola នឹងដឹកនាំការប្រកួតបាល់ទាត់លើកទី១ពាន់របស់គាត់នៅពេលដែល Manchester City ធ្វើជាម្ចាស់ផ្ទះទទួលក្រុម Liverpool ក្នុងក្របខ័ណ្ឌ Premier League នៅថ្ងៃអាទិត្យ ហើយអ្នកចាត់ការសញ្ជាតិអេស្ប៉ាញមានការភ្ញាក់ផ្អើលចំពោះចំនួនដ៏ច្រើនដែលគាត់ទទួលបានក្នុងអាជីពជាគ្រូបង្វឹក។ ក្នុងចំណោម ៩៩៩ ប្រកួតដែលគាត់ដឹកនាំ Barcelona, Bayern Munich និង Man City លោក Guardiola ទទួលបានជ័យជម្នះ ៧១៥ ដង អត្រាឈ្នះ ៧១,៥៧% និងបានឈ្នះពានរង្វាន់ចំនួន ៣៩ ដ៏អស្ចារ្យ។ គ្រូបង្វឹកអាយុ 54 ឆ្នាំរូបនេះយល់ស្របជាមួយលោក Sir Alex Ferguson ថាភាពជោគជ័យរបស់គាត់គឺអាស្រ័យលើការមានកីឡាករឆ្នើមៗក្រោមការដឹកនាំ។ លោកGuardiolaបាននិយាយថាថា”ការលះបង់ ចំណង់ចំណូលចិត្ត សេចក្តីស្រឡាញ់ ធ្វើឲ្យគ្មានអ្នកណាម្នាក់យកឈ្នះខ្ញុំទេ។ ពួកយើងបានឈ្នះអ្វីដែលមិនគួរឱ្យជឿនៅក្នុងក្លឹប Barcelona, Bayern Munich និងនៅទីនេះ។ វាពិបាកក្នុងការឈានទៅដល់ ហើយប្រសិនបើខ្ញុំចាប់ផ្តើមម្តងទៀត ខ្ញុំនឹងមិនអាចឈានដល់វាទេ វាគឺជាការប្រកួតច្រើនពេក។ ការចាញ់ពីរបីក្នុង ១ពាន់ ប្រកួត

(បរទេស)៖ តារាបាល់ទាត់លំដាប់កំពូលពិភពលោក Cristiano Ronaldo បានបង្ហាញមហិច្ឆតាជួប និងចង់ឱ្យប្រធានាធិបតី Donald Trump របស់សហរដ្ឋអាមេរិក ក្នុងការផ្លាស់ប្តូរពិភពលោក។ នេះបើយោងតាមការចេញផ្សាយដោយ realiytea។ Ronaldo បាននិយាយថា «មានតែលោក Donald Trump ម្នាក់តែប៉ុណ្ណោះដែលអាចធ្វើការផ្លាស់ប្តូរ ក៏ដូចជាជួយពិភពលោកនេះបាន»។ ក្នុងន័យនេះ ប្រធានក្រុមជម្រើសជាតិបច្ចខែលព័រទុយហ្គាល់ វ័យជាង ៤០ឆ្នាំរូបនេះ ពុំបានបង្ហាញរបៀបវារៈគាំទ្រនយោបាយជាក់លាក់ណាមួយឡើយ តាមរយៈសន្តិភាព មិនស្តែងចេញពីការលេងបាល់ទាត់ឈានដល់កម្រិតកំពូលរបស់លោកនោះទេ។ កន្លងមក Ronaldo មានការកោតសរសើរចំពោះប្រធានាធិបតីអាមេរិក Donald Trump ជាខ្លាំង ដែលរូបគាត់មានការជឿជាក់ទៅលើបុរសវ័យក្បែរ ៨០ឆ្នាំ បើទោះបីជាមានចំណុចខ្លះមានភាពសាមញ្ញដូចគ្នា និងខ្លះទៀតខុសគ្នា តាមរយៈឥទ្ធិពលនៃអំណាចប្រធានាធិបតី និងជាមនុស្សតែម្នាក់គត់ ដែលអាចសម្រេច និងពាំនាំមកនូវសន្តិភាពពិភពលោកបាន។ Ronaldo បានថ្លែងក្នុងកិច្ចសម្ភាសន៍ជាមួយលោក Piers Morgan នាពេលថ្មីៗនេះថា «ខ្ញុំចង់ជួបលោក Trump នៅថ្ងៃណាមួយ ក៏ព្រោះតែគាត់ គឺជាមនុស្សមួយរូបដែលខ្ញុំពិតជាចូលចិត្ត និងមានរឿងពិសេស ២ក្នុងការចែករំលែកនាឱកាសនោះដែរ»។ ក្រៅពីនោះ Ronaldo ក៏បានបង្ហើបពីគម្រោងចូលនិវត្តន៍នាឆាប់ៗនេះដែរ ដោយពុំបានបញ្ជាក់ច្បាស់ថាពេលណាទេ។ ខ្សែប្រយុទ្ធចាស់វស្សាដែលកំពុងប្រកបអាជីពនៅក្លឹប Al-Nassr