Admin

ក្រុមបាល់ទាត់ជម្រើសជាតិ ឥណ្ឌូណេស៊ី អាចនឹងបង្កើតប្រវត្តិសាស្ត្រជាក្រុមក្នុងតំបន់ អាស៊ាន ដំបូងគេឡើងទៅកាន់ជុំចុងក្រោយនៃពានរង្វាន់បាល់ទាត់ជើងឯកពិភពលោក World Cup ឆ្នាំ ២០២៦ ប្រសិនបើពួកគេឈ្នះការប្រកួតទាំង ២ ប្រកួតនៅក្នុងជុំទី ៤ នៃវគ្គជម្រុះ World Cup ប្រចាំទ្វីបអាស៊ី។ នៅតំបន់ អាស៊ី បានរកឃើញក្រុមជម្រើសជាតិចំនួន ៦ ហើយ ដែលបានឡើងទៅជុំចុងក្រោយពានបាល់ទាត់ជើងឯកពិភពលោក ឆ្នាំ ២០២៦ បន្ទាប់ពីបញ្ចប់ការប្រកួតក្នុងជុំទី ៣ ក្នុងនោះមាន អ៉ីរ៉ង់ អ៊ុយបេគីស្ថាន កូរ៉េខាងត្បូង ហ្ស៊កដានី ជប៉ុន និង អូស្ត្រាលី។ ដោយឡែក ឥណ្ឌូណេស៊ី វិញ គឺជាក្រុមស្ថិតនៅចំណាត់ថ្នាក់លេខ ៤ ក្នុងពូល C ទទួលបានកៅអីឡើងមកជម្រុះជុំទី ៤ បន្ត ដើម្បីស្វែងរកកៅអី ២ ក្រុមទៀតក្នុងការឡើងទៅជុំចុងក្រោយពានបាល់ទាត់ជើងឯកពិភពលោក ឆ្នាំ ២០២៦។ ក្នុងជុំទី ៤ នេះ ឥណ្ឌូណេស៊ី ស្ថិតនៅក្នុងពូល […]

ក្រុម SP Falcons មកពីម៉ុងហ្គោលី ជាគូប្រជែងមួយរបស់ ព្រះខ័នរាជស្វាយរៀង មួយ ក្នុងចំណោមគូប្រជែង ២ ផ្សេងទៀតរួមមាន Mania Digger FC និង Ezra FC នៅក្នុងពូល D សម្រាប់ការប្រកួតវគ្គសន្សំក្នុងពូលពានក្លិបទ្វីប អាស៊ី កម្រិតទី ៣ AFC Challenge League រដូវកាល ២០២៥-២០២៦។ ក្រុម SP Falcons ត្រូវបានគេមើលឃើញ ថា ហាក់មានការប្រែប្រួលច្រើនសម្រាប់រដូវកាលនេះ បើធៀបនឹងរដូវកាលមុន ២០២៤-២០២៥។ កាលពីរដូវកាលមុន ក្រុម SP Falcons ធ្លាប់ជួបជាមួយក្រុម ព្រះខ័នរាជស្វាយរៀង រួចម្តងហើយ នៅក្នុងការប្រកួតវគ្គសន្សំក្នុងពូលពាន ACGL នេះ ដោយពេលនោះក្រុមរបស់ ម៉ុងហ្គោលី បានបរាជ័យក្រោមថ្វីជើងក្រុម ព្រះខ័នរាជស្វាយរៀង ក្នុងលទ្ធផល ២ ទល់នឹង ១។ នៅរដូវកាលនេះ ពួកគេនឹងត្រូវជួបគ្នាម្តងទៀត

អ្នក​លេង​គុន​ខ្មែរ​ ពេជ្រ​ សម្បត្តិ​ មួយ​ប្រកួត​យប់​មិញនេះ​​ធ្វើ​ឲ្យ​អ្នក​គាំទ្រកម្ពុជា​​ពេញ​ចិត្ត​ពេញ​បេះដូង​តែ​ម្កង​បន្ទាប់ពី​យក​ឈ្នះ​ពិន្ទុ​កីឡាករ​ចិន​ ខាឡូ សូ (Carlos SU) ខណៈ​ម្ចាស់​ខ្លួន​ថា​ចិន​ម្នាក់​នេះ​ដៃធ្ងន់​ល្អ​ វាយ​ចូល​ប៉ុន្មាន​ដៃ​ដូច​ឆក់​ខ្សែភ្លើង។​ ថ្លែងក្នុងកិច្ចសម្ភាសក្រោយបញ្ចប់ការប្រកួតយប់មិញ ពេជ្រ សម្បត្តិ លើកឡើងថា ខ្លួនចង់វាយផ្ដាច់កីឡាករចិន ខាឡូ សូ (Carlos SU) នេះដែរ ប៉ុន្តែធ្វើមិនបាន ព្រោះខ្លួនឯងផ្ទាល់រៀងអស់ៗនៅចុងទឹកដែរ។ កូនសិស្សគ្រូឆ្នើមរូបនេះបន្ថែមទៀតថា កីឡាករចិន ខាឡូ សូ (Carlos SU) រូបនេះល្អ មានចេញកណ្ដាប់ដៃ មានទាត់ មានកែងមួយៗទៀតផង។ ដៃកីឡាករចិនរូបនេះធ្ងន់ល្អ ព្រោះវាយចូលខ្លួនពេញៗ២ដងមានអារម្មណ៍ដូចឆក់ខ្សែភ្លើងដែរ។ ប៉ុន្តែកីឡាករចិនរូបនេះរៀងបើកមុខបន្តិចទើបធ្វើឲ្យខ្លួនអាចវាយដៃចូលច្រើន។ បញ្ជាក់​ដែរ​ថា​ កីឡាករ​ ពេជ្រ​ សម្បត្តិ​ កាល​ពី​យប់​ថ្ងៃ​ទី៧​ ខែ​តុលា​ ឆ្នាំ​២០២៥​ នេះ​បាន​យក​ឈ្នះ​ពិន្ទុ​កីឡាករ​ចិន​ ខាឡូ សូ (Carlos SU) និង​ធ្វើ​ឲ្យ​អាជ្ញាកណ្ដាល​រាប់​ដល់​ ៨​ នៅ​ទឹក​ទី១​ ទៀត​ផង។​ សរុប​លទ្ធផល​ការ​ប្រកួតនៅ​ឯ​ប្រទេស​ចិន​យប់មិញនេះ​គឺ​ ពេជ្រ​ សម្បត្តិ​, រិទ្ធី​

កម្ពុជា នឹង​បញ្ជូន​កីឡាករ កីឡាការិនី​ចំនួន ១៥០​នាក់ ទៅ​ចូល​រួម​ប្រកួត​កីឡា​យុវជន​អាស៊ី លើក​ទី​៣ ​​ក្នុង​ខែ​តុលា ឆ្នាំ ២០២៥ នៅ​ប្រទេស​បារ៉ែន។ លោក វ៉ាត់ ចំរើន រដ្ឋលេខាធិការ​ក្រសួង​អប់រំ យុវជន និង​កីឡា បាន​ឲ្យ​ដឹង​ថា កីឡាករ កីឡាការិនី​ចំនួន ១៥០​នាក់ លើ​ ១៤ ប្រភេទ​កីឡា​ កម្រិត​ក្រោម​អាយុ ១៨​ឆ្នាំ នឹង​ទៅ​ចូល​រួម​ប្រកួត​កីឡា​យុវជន​អាស៊ី លើក​ទី​៣ ដែល​មាន ៤៥​ប្រទេស​ចូល​រួម។ ការ​ទៅ​ចូល​រួម​នេះ​ គឺ​លើស​ពី​ការ​ប្រកួត​ប្រជែង​ដើម្បី​​ដណ្តើម​មេដាយ​ទៅ​ទៀត ពី​ព្រោះ​​កម្ពុជា ​មាន​ក្រុម​ការងារ​ត្រូវ​សិក្សា​រៀន​សូត្រ​ពី​របៀប​រៀប​ចំ​ព្រឹត្តិការណ៍​កីឡា​យុវជន​អាស៊ី ក្នុង​នោះ​មាន​​ទាំង​ផ្នែក​បច្ចេកទេស និង​សម្តែង​ដើម្បី​ទទួល​ទង់​​​​កីឡា​យុវជន​អាស៊ី សម្រាប់​ឆ្នាំ ២០២៩ ដែល​កម្ពុជា​ទទួល​ធ្វើ​ម្ចាស់​ផ្ទះ។ ក្នុង​ចំណោម​កីឡា​ ១៤ ប្រភេទ ​ក៏​មាន​កីឡា​មួយ​ចំនួន​ដែល​មាន​សក្តានុពល​ក្នុង​ការ​ដណ្តើម​យក​មេដាយ​ជូនជាតិ។ លោក វ៉ាត់ ចំរើន បាន​លើក​ឡើង​ថា ៖«ភាគ​ច្រើន យើង​បញ្ជូន​​ប្រភេទ​កីឡា​​បែប​​ប្រយុទ្ធ​​ទៅ​ចូល​រួម​ប្រកួត​ ពី​ព្រោះ​កីឡា​ប្រយុទ្ធ​ យើង​មាន​សក្តានុពល ដូច​ជា​កីឡា​គុន​ខ្មែរ កីឡា​ជឺជីតស៊ូ កីឡា​យូដូ និង​ចំបាប់​ជា​ដើម។ យើង​សង្ឃឹម​​ទទួល​បាន​លទ្ធផល​ល្អ​សម្រាប់​ប្រភេទ​កីឡា​ទាំង​នេះ»។

(បរទេស)៖ ខ្សែការពារស្លាបឆ្វេង Jordi Alba ដែលបានរួមចំណែកជួយជម្រើសជាតិអេស្ប៉ាញ ដណ្តើមបានជើងឯកអឺរ៉ុប UEFA Euro 2012 បានប្រកាសលាឈប់ពីបាល់ទាត់ហើយ ក្រោយពេលបិទរដូវកាលនេះ។ នេះបើយោងតាមការចេញផ្សាយដោយ BBC។ Alba វ័យ ៣៦ឆ្នាំ បានឈ្នះពានលីគអេស្ប៉ាញ La Liga ចំនួន ៦លើកជាមួយ FC Barcelona មុនពេលចាកចេញទៅលេងទឹកដីសហរដ្ឋអាមេរិក ក្នុងក្លឹប Inter Miami CF ដោយបានរួមក្រុមជាមួយអតីតមិត្តចាស់ Lionel Messi, Sergio Busquets និង Luis Suarez ថែមទៀតផងកាលឆ្នាំ២០២៣។ Miami មានកៅអីលេងវគ្គជម្រុះ ក្នុងពានរង្វាន់លីគកំពូលអាមេរិក Major League Soccer នាដើមខែធ្នូ ឆ្នាំ២០២៥ ដែលជាពេលវេលាចុងក្រោយរបស់ Alba ផងដែរ ក្នុងការរត់លើទីលាន។ Alba បានបង្ហោះពាក្យលានៅលើ Instagram របស់ខ្លួនថា «ពេលវេលាដ៏មានអត្ថន័យពិតក្នុងជីវិតរបស់ខ្ញុំបានឈានមកដល់ហើយ។ ខ្ញុំសម្រេចបិទបញ្ចប់អាជីពបាល់ទាត់របស់ខ្ញុំត្រឹមរដូវកាលនេះតែម្តង។ ខ្ញុំបានធ្វើរឿងអស្ចារ្យជាច្រើន

លោក Jose Mourinho អ្នកចាត់ការ SL Benfica គ្រាន់តែវិលត្រឡប់ជាន់ទឹកដីក្រុម FC Porto វិញភ្លាម បានបង្កឱ្យអ្នកគាំទ្រក្រុមសងខាងផ្ទុះហិង្សាដាក់គ្នា ក្នុងការប្រកួតដែលក្រុមទាំងពីរស្មើ ១-១ ក្នុងលីគកំពូលព័រទុយហ្កាល់ ថ្ងៃទី៦ ខែតុលា។ អ្នកគាំទ្រ Porto ខ្លះបានចោលសម្ភារៈផ្សេងៗចូលទីលានសំដៅរហស្សនាម Special One ទៀតផង។ ទោះត្រូវអ្នកគាំទ្រ Porto ចោលរបស់របរដាក់ខ្លួន តែបុរសវ័យ ៦២ឆ្នាំ រក្សាភាពស្ងៀមស្ងាត់ និងដើរត្រឡប់ទៅបន្ទប់ផ្លាស់សម្លៀកបំពាក់ព្រមទាំងរើសសម្ភារៈមួយចំនួននោះ ដោយមិនតបតរទៅនឹងភាពខឹងសម្បារបស់អ្នកគាំទ្រវិញឡើយ។​ លោក Mourinho ជាន់ដី FC Porto លើកដំបូង ក្រោយលោកចាកចេញក្នុងឆ្នាំ ២០០៤ ជាពេលដឹកនាំក្រុមនេះលើកពាន UEFA Champions League។ តែការវិលត្រឡប់ក្នុងនាមជាអ្នកចាត់ការក្រុមគូប្រជែង SL Benfica បានធ្វើឱ្យអ្នកគាំទ្រក្នុងកីឡដ្ឋាន Estadio do Dragao ផ្ទុះកំហឹង និងចាត់ទុកលោក Mourinho ជាជនក្បត់ក្លិបថែមទៀត។  ភាគច្រើនអ្នកគាំទ្រ Porto

ក្លិបអ្នកមានបុណ្យ FC Barcelona បានធ្វើការសម្រេចចិត្តរួចរាល់អំពីអនាគតរបស់កីឡាករ Marcus Rashford ដោយពួកគេគ្រោងនឹងទិញផ្តាច់ខ្សែប្រយុទ្ធស្លាបសញ្ជាតិ អង់គ្លេស រូបនេះពី Manchester United នៅចុងបញ្ចប់រដូវកាលនេះ។ Rashford នៅរដូវកាល ២០២៥-២០២៦ ត្រូវបាន Barcelona ខ្ចីជើងពី Man United មួយរដូវកាលអមជាមួយជម្រើសទិញផ្តាច់ក្នុងតម្លៃ ៣៥ លានដុល្លារអាមេរិក។ យ៉ាងណា ចាប់តាំងពីផ្លាស់មកកាន់ទឹកដី អេស្ប៉ាញ ខ្សែប្រយុទ្ធសញ្ជាតិ អង់គ្លេស វ័យ ២៧ ឆ្នាំ បានបង្ហាញសមត្ថភាពល្អគួរឱ្យកត់សម្គាល់ ដោយការបង្ហាញខ្លួនលើទីលានសរុបចំនួន ១១ ប្រកួត រូបគេរកបាន ៣ គ្រាប់ និង ៥ បញ្ជូន (assists)។ ក្រោយបង្ហាញសមត្ថភាពល្អបែបនេះ បានធ្វើឱ្យថ្នាក់ដឹកនាំ Barcelona ក៏ដូចជាគ្រូបង្វឹកលោក Hansi Flick ពេញចិត្តលើ Rashford ជាខ្លាំង។ ថ្មីៗនេះសារព័ត៌មាន អេស្ប៉ាញ SPORT បានចុះផ្សាយថា

កីឡា​ការិនី​ កាន់​ ស្រីរ័ត្ន​ បង្ហាញ​សមត្ថភាព​កាន់​តែ​ល្អ​ក្រោយ​ឈ្នះ​មេដាយ​មាស​រហូត​ ២គ្រឿង​ក្នុង​ព្រឹត្តិការណ៍​ប្រកួត​ជ្រើសរើស​ជើងឯក​ថ្នាក់​ប្រចាំ​ឆ្នាំ​២០២៥​ លើ​វិញ្ញាសា​ ១៥០០ម៉ែត្រ​ និង​វិញ្ញាសា​ ១០០០០​ម៉ែត្រដែល​ទើប​បញ្ចប់​ទៅក្នុង​ពេលថ្មីៗ​នេះ។​ នេះ​បើ​តាម​ការ​បញ្ជាក់​របស់​ កាន់​ ស្រីរ័ត្ន​ ថានៅ​ក្នុង​ព្រឹត្តិការណ៍​ប្រកួត​ជ្រើសរើស​ជើងឯក​ថ្នាក់​ជាតិ​ប្រចាំ​ឆ្នាំ​២០២៥​ ដែល​ធ្វើ​ឡើង​កាល​ពី​ថ្ងៃទី២​ ដល់​ ៥​ ខែ​តុលា​ នេះ​រូប​គេ​បានឈ្នះ​មេដាយ​មាស​ចំនួន​ ២គ្រឿង។​ មេដាយ​មាស​ទី១​ ឈ្នះ​លើ​វិញ្ញាសា​ ១៥០០ម៉ែត្រ​ (១,៥ គីឡូម៉ែត្រ) ធ្វើ​បាន​ក្នុង​ថិរវេលា ៤.៥៩.៦៣ នាទី។​ មេដាយ​មាស​ទី២​ លើ​វិញ្ញាសា​ ១០០០០​ម៉ែត្រ​ (១០​គីឡូម៉ែត្រ) ធ្វើ​បាន​ក្នុង​ថិរវេលា​ ៤០.០៦.៥៤ នាទី។​ បញ្ជាក់​ដែរ​ថា​ សហព័ន្ធខ្មែរ​​អត្តពលកម្ម​ស្ម័គ្រ​ចិត្ត​បាន​បញ្ចប់​ការ​ប្រកួត​ជើងឯក​ថ្នាក់​ជាតិ​របស់​ខ្លួន​ប្រចាំ​ឆ្នាំ​២០២៥​ នេះ​ហើយ​ក្រោយ​រៀបចំ​ឡើង​កាល​ពី​ថ្ងៃ​ទី២​ ដល់​ ៥​ ខែ​តុលា​ នៅ​រាជធានី​ភ្នំពេញ។​ ចំពោះ​កីឡាការិនី​ កាន់​ ស្រីរ័ត្ន​ ជា​កីឡា​ការិនី​ឆ្នើម​ និង​ជា​អ្នក​រត់​ចម្ងាយ​ឆ្ងាយ​របស់​កម្ពុជា​ផង​ដែរ​ដែល​កំពុង​មាន​សមត្ថភាព​លេចធ្លោ​ជា​ខ្លាំង​តាម​រយៈ​ការ​ដណ្ដើ​មដាយ​ជា​ហូរហែកន្លង​មក​នេះ៕​ ប្រភព៖​ KAMPUCHEATHMEY

(អាហ្រ្វិក)៖ សហព័ន្ធបាល់ទាត់អាហ្រ្វិក CAF បានប្រកាសថា ទទួលបានប្រាក់ចំណេញប្រមាណ ៩.៤៨លានដុល្លារ ក្នុងរបាយការណ៍ហិរញ្ញវត្ថុឆ្នាំ២០២៣-២០២៤ ដោយមានការកើនជាច្រើនឆ្នាំមុនៗ ។ នេះតាមការប្រកាសនៅឯសន្និបាតទូទៅកាលពីថ្ងៃចន្ទ ទី០៦ ខែតុលានេះ ។ តាមរយៈការកើនឡើងនេះ CAF បានដោយលើកឡើងថា គឺក្រោយពេលមានការកើនឡើងយ៉ាងខ្លាំងនៃប្រាក់ចំណូលពាណិជ្ជកម្ម ការបន្ថែមអ្នកឧបត្ថម្ភថ្មី និងការអនុវត្តត្រឹមត្រូវលើលក្ខខ័ណត្រួតពិនិត្យហិរញ្ញវត្ថុដ៏តឹងរឹង។ CAF ក៏បានរាយការណ៍ពីប្រាក់ចំណូលចំនួន ១៦៦.៤២លានដុល្លារ នឹងត្រូវបង្កើនប្រាក់រង្វាន់សម្រាប់ការប្រកួតរបស់ខ្លួនដល់ ៨១លានដុល្លារ ស្ថាប័នគ្រប់គ្រងការប្រកួតដល់ ១៩លានដុល្លារ ជាមួយនឹង ៣៥ លានដុល្លារ សម្រាប់ការអភិវឌ្ឍបាល់ទាត់ និង ២១លានដុល្លារសម្រាប់ការគ្រប់គ្រង និងរដ្ឋបាល។ លោក Patrice Motsepe បានឱ្យដឹងក្នុងសន្និបាតថា ពួកគេក៏ជិតដល់ការបញ្ចប់ការចរចាលើកិច្ចព្រមព្រៀងទីផ្សារ និងទូរទស្សន៍រយៈពេលវែងដែលមានតម្លៃ ១ពាន់លានដុល្លារផងដែរ ៕ ប្រភព៖ FRESHNEWS