August 13, 2025

(បរទេស)៖ Paris Saint Germain បានកំពុងសំឡឹងរកការឈ្នះពានទី៥ របស់ពួកគេប្រចាំឆ្នាំ២០២៥ នៅពេលពើបប្រទះជាលើកទី១ ទល់នឹង Tottenham Hotspur ពីការប្រជែងយកពានបើករដូវកាលអឺរ៉ុប UEFA Super Cup 2025 នាម៉ោង ២យប់រំលងអាធ្រាត្រឈានចូលថ្ងៃទី១៤ ខែសីហា (ម៉ោងនៅកម្ពុជា)។ ក្រុមជើងឯករបស់បារាំងមួយនេះ បានឈ្នះពាន៤ រួចទៅហើយក្នុងឆ្នាំ២០២៥ ដែលជារដូវកាលដ៏អស្ចារ្យបំផុតរបស់ពួកគេ តាមរយៈដណ្តើមបានពានអឺរ៉ុប UEFA Champions League 2024-25 ជាលើកដំបូងក្នុងប្រវត្តិសាស្រ្តផងដែរ។ ទោះជាយ៉ាងណា PSG ទើបតែបានខកចិត្តនៅផ្តាច់ព្រ័ត្រ FIFA Club World Cup 2025 ដែលបរាជ័យ ៣-០ ក្រោមថ្វីជើងរបស់តោខៀវ Chelsea នៅទឹកដីសហរដ្ឋអាមេរិកកាលពីខែមុន មុនពេលមកប៉ះក្រុមរបស់អង់គ្លេសមួយទៀតគឺ មាន់ខ្នាយមាស Spurs ដែលជាម្ចាស់ពានលំដាប់ទី២ អឺរ៉ុប UEFA Europa League 2024-25 ដែលបានផ្តួល Manchester United ១ទល់នឹង០ នៅវគ្គផ្តាច់ព្រ័ត្រនោះ។ […]

ពិត​ជា​មិន​ធម្មតា ​រួម​ជា​មួយ​និងការ​ឈឺចាប់​ពី​សំណាក់ការ​ឈ្លានពាន​របស់​ប្រទេស​សៀម​មក​លើ​កម្ពុជា​ លោក​ សេន​ ប៊ុនថេន​ និង​ប្រជាជន​ទូទៅ​បង្ហាញ​ការ​ពហីការ​មិន​ប្រើប្រាស់​ផលិតផល​សៀម​ និង​ព្យាយាម​បង្កើត​ផលិតផល​ស្នាដៃខ្មែរបាន​ជា​ច្រើន​ដូច​ជា​ប្រេងរឹត​ប្រើប្រាស់​បាន​ទាំង​ផ្នែក​ប្រដាល់​ និង​មនុស្ស​ទូទៅនៅ​ពេល​នេះ។​ នេះបើ​តាម​ការ​ឲ្យ​ដឹង​ពី​ភរិយា​លោក​ សេន​ ប៊ុនថេន​ នៅ​មុន​នេះ​ថា​ ផលិត​ផល ​ប្រេង​រឹត​ប្រដាល់​គុន​ខ្មែរ ​​នេះក្រុម​ការងារ​រួម​មាន​អ្នក​ស្រី​ផ្ទាល់​ និង​​ប្ដី​ ដៃគូ​​សហការ ​បាន​សាកល្បង​ធ្វើ​អស់​រយៈពេល​ជាង ​១ឆ្នាំ​មក​ហើយទើប​សម្រេច​បាន​ផលិត​ផល​មួយ​នេះ​ឡើង។ អ្នក​នាង​ ឃឹម​ ខាន់សោភ័ណ្ឌ​ បន្ថែម​ទៀត​ថា​ ការ​តេស្តសាកល្បង​ជាច្រើន​លើក​ជា​ច្រើន​សារ​ និង​ការ​ចុះ​បញ្ជីរ​ផលិតផល​គឺបាន​​ត្រឹមត្រូវ​ស្រប​ច្បាប់​របស់​ប្រទេស​កម្ពុជា​ដោយ​បាន​ឆ្លងកាត់ការ​ត្រួច​ពិនិត្យ​រួចរាល់អស់​ហើយ​សម្រាប់​ធានា​ដល់​ការ​ប្រើប្រាស់​។​ ប្រេងរឹត​នេះ​គឺ​ជំនួយ​ដល់​ការ​កម្ពៅ​សាច់​ដុំ​មុន​លេង​កីឡា​ពិសេស​សម្រាប់​អ្នក​ត្រូវ​ឡើង​ប្រកួត​ដែល​ធ្លាប់​ប្រើប្រាស់​របស់​សៀម​ពី​មុន។​ ប្រេង​នេះ​ជួយ​សម្រួល​​សរសៃ​ និង​បំបាត់​ការ​ឈឺចាប់​សាច់ដុំ​ផង​ដែរ។ ភរិយា​លោក​ សេន​ ប៊ុនថេន​ ខាង​លើ​អំពាវនាវ​ដល់​កីឡាករ​ កីឡា​ការិនី​ រួម​ទាំង​មហាជន​ទាំងអស់​បើ​មាន​តម្រូវ​ការ​សូម​សាកល្បង​ប្រើ ​ប្រេងរឹត​ប្រដាល់​គុន​ខ្មែរ​ ដែល​ជា​ផលិតផល​របស់​ខ្មែរ​ផលិត​ដោយ​ស្នាដៃ​កូន​ខ្មែរ​ និង​ចូលរួម​លើក​ស្ទួយ​ផលិតផល​របស់​ខ្មែរ​ទាំង​អស់​គ្នា។​ ប្រសិន​បើ​ប្រិយមិត្ត​អ្នក​គាំទ្រ​ដែល​មាន​តម្រូវ​ការ​ផលិតផល​ប្រេងរឹត​គុន​ខ្មែរ​នេះ​អាច​ទាក់ទង​មក​កាន់​ហ្វេសបុក​លោក​ សេន​ ប៊ុនថេន​ ឬ​អ្នក​នាង​ផ្ទាល់​។​ ប្រេងរឹត​នេះ​បាន​ចេញ​លក់​ជា​ផ្លូវ​ការ​ហើយទូទាំង​ប្រទេសកម្ពុជា៕​ ប្រភព៖ KAMPUCHEATHMEY

(បរទេស)៖ ការប្រកួតប្រដាល់សកលទម្ងន់ធ្ងន់រវាង Moses Itauma និង Dallian Whyte ដើម្បីប្រជែងយកកៅអី១ ឡើងទៅប្រកួតដណ្តើមខ្សែក្រវាត់ WBC ដែលកំពុងកាន់កាប់ដោយ Oleksandr Usyk នាថ្ងៃសៅរ៍ចុងសប្តាហ៍នេះ នៅប្រទេសអារ៉ាប៊ីសាអូឌីត។ នេះបើយោងតាមការចេញផ្សាយដោយ BBC។ កីឡាករអង់គ្លេស Itauma មានអាយុប្អូនគូប្រជែង Whyte ដល់ទៅ ១៧ឆ្នាំ ពោលគឺរវាងអាយុទើបតែ ២០ឆ្នាំ ទល់នឹង ៣៧ឆ្នាំ ពីការពើបប្រទះគ្នាលើកទី១ ផងដែរ។ ទោះជាយ៉ាងណា Itauma នៅតែជាជើងខ្លាំងមួយរូប ដែលមិនទាន់ស្គាល់ពាក្យថាចាញ់នៅឡើយទេ ក្នុងចំណោមប្រកួត ១២លើក ក្នុងនោះដែរធ្លាប់ផ្តួលដៃគូឱ្យសន្លប់បាន ១០លើក ស្មើនឹង ៨៣% គ្រាដែល Whyte ធ្លាប់ជាអតីតជើងឯកពិភពលោក ជាមួយនឹងស្ថិតិឈ្នះ ៣១ដង ក្នុងចំណោម ៣៤ប្រកួតលក្ខណៈអាជីពមកដែរ។ សម្រាប់អ្នកទទួលបានជ័យជម្នះនេះ នឹងស្ថិតនៅលើផ្លូវឈានទៅប្រកួតដណ្តើមខ្សែក្រវាត់ពីជើងខ្លាំងវាយមិនដែលរបស់អ៊ុយក្រែន Usyk ដែលបច្ចុប្បន្ននេះ បានកំពុងគ្រប់គ្រងខ្សែក្រវាត់គ្រប់ស្ថាប័នទាំងអស់តែម្តង ក្រោយផ្តួល Daniel Dubois នាអំឡុងខែកក្កដា ឆ្នាំ២០២៥

ក្លិប Real Madrid ប្រឆាំងដាច់ខាត លើគម្រោងរៀបចំការប្រកួតក្របខណ្ឌ La Liga រវាងក្លិប Barcelona ទល់នឹង Villarreal នៅទីក្រុងម៉ៃអាមី ប្រទេសអាម៉េរិក។ ក្លិបយក្សប្រចាំអេស្ប៉ាញ ក៏ព្រមានអំពីផែនការទាំងនោះថា នឹងធ្វើឱ្យបាត់ស្ថិរភាពការប្រកួតប្រជែងក្នុងលីគ និងទាមទារឱ្យស្ថាប័នគ្រប់គ្រងបាល់ទាត់តំបន់អឺរ៉ុប (UEFA) និងសហព័ន្ធបាល់ទាត់អន្តរជាតិ (FIFA) ជួយរារាំង។ សហព័ន្ធបាល់ទាត់អេស្ប៉ាញ (RFEF) កាលពីថ្ងៃទី១១ សីហា បានអនុញ្ញាតឱ្យការប្រកួតរវាងក្លិប Barcelona និង Villarreal នៅក្របខណ្ឌ ​La Liga ដែលតាមគម្រោងធ្វើឡើងនៅថ្ងៃទី២០ ខែធ្នូ ផ្លាស់ពីការរៀបចំក្នុងទឹកដីអេស្ប៉ាញ ទៅរៀបចំនៅកីឡដ្ឋាន Hard Rock ប្រទេសអាម៉េរិកវិញ។  ផែនការនោះត្រូវបានគេរំពឹងថានឹងក្លាយជាការប្រកួតក្របខណ្ឌ La Liga និងជាការប្រកួតលីគអឺរ៉ុបដំបូង រៀបចំឡើងនៅលើទឹកដីអាម៉េរិក។ Real Madrid ចេញមុខប្រឆាំង ហើយច្រានចោលសំណើផែនការនោះ​ ដោយចាត់ទុកថាវានឹងធ្វើឱ្យបាត់ស្ថិរភាពការប្រកួតប្រជែងក្នុងលីគ La Liga។  ក្លិប Real Madrid បានបង្ហាញពីការប្រឆាំងគម្រោងនេះថា៖«ក្លិប

ក្រុមហ៊ុនលីគកំពូលកម្ពុជា Cambodian Premier League (CPL) នឹងយកថវិកា ៧៦លានរៀល ដែលមូលនិធិ CPL Care Foundation ជួយដលជនភៀសសឹកកម្ពុជា នៅខេត្តឧត្តរមានជ័យ និងសៀមរាប នៅថ្ងៃទី១៣-១៤ សីហា ឆ្នាំ២០២៥។ ថវិកានេះ គឺបានមកពីការលក់សំបុត្រក្នុងការប្រកួតពានស៊ូភើខាប់ និងការបរិច្ចាគនានាពីសប្បុរសជន អ្នកគាំទ្របាល់ទាត់។ ក្នុងចំណោមថវិកាសរុប ៧៦លានរៀល ក្នុងនោះបានមកពីប្រាក់ចំណូលពី CPL ក្នុងការលក់សំបុត្រក្នុងការប្រកួតខេមបូឌានស៊ូភើខាប់ ៨,០០០ដុល្លារ ពីការបរិច្ចាគប្រាក់ចំណូលពីការលក់ផលិតផលក្នុងថ្ងៃប្រកួតចំនួន ៨,០០០ដុល្លារ និងប្រាក់រង្វាន់ជ័យលាភី របស់ក្លិបបាល់ទាត់ ព្រះខ័នរាជស្វាយរៀង ចំនួន ៣,០០០ដុល្លារ។ CPL នឹងយកថវិកានេះ ទិញជាគ្រឿងបរិភោគ និងសម្ភារប្រើប្រាស់ ដូចជា៖ តង់, មុង, ភួយ, ធូបមុស, អង្ករ, មី, នុំសម្រាប់កូនក្មេង, ទឹកសុទ្ធ, ភេស្ជជៈ និងសាច់ក្រៀម មួយចំនួនធំ ព្រមជាមួយនឹងបាល់ ៣០០ ទៅ ៤០០គ្រាប់សម្រាប់អោយក្មេងៗលេងនៅទីតាំងភៀសសឹក។ ជំនួយឧបត្ថម្ភនោះ

ខ្សែបម្រើ James Maddison របស់ Tottenham និយាយថា មនុស្សដែល “សង្ស័យ ស្អប់ និងចំអក” គាត់នឹងជំរុញគាត់ឱ្យត្រលប់មករឹងមាំឡើងវិញពីរបួសជង្គង់ធ្ងន់ធ្ងរ។ កីឡាករវ័យ 28 ឆ្នាំបានរងរបួសសរសៃពួរផ្នែកខាងមុខក្នុងការប្រកួតមុនបើករដូវកាលជាមួយ Newcastle ក្នុងប្រទេសកូរ៉េខាងត្បូងកាលពីដើមខែនេះ។ Maddison ដែលត្រូវបានគេរំពឹងថានឹងខកខានការប្រកួតភាគច្រើននៃរដូវកាលថ្មីបាននិយាយថាការវះកាត់របស់គាត់ឡើងវិញបានជោគជ័យហើយ។ ខណៈដែលគាត់បានថ្លែងអំណរគុណដល់ក្រុមគ្រួសារ មិត្តភ័ក្តិ និងអ្នកគាំទ្រដែលបានទាក់ទងតាមប្រព័ន្ធផ្សព្វផ្សាយសង្គម ដើម្បីផ្តល់ការគាំទ្រសម្រាប់ការជាសះស្បើយរបស់គាត់ Maddison បានបន្ថែមថា “ចុងក្រោយចំពោះអ្នកដែលសង្ស័យ ស្អប់ និងចំអក។ អ្នកពិតជាជំរុញខ្ញុំដល់កម្រិតដែលខ្ញុំមិនដឹងថាខ្ញុំមាននៅក្នុងខ្លួនខ្ញុំម្តងទៀត សូមអរគុណ។ ជួបគ្នានៅថ្ងៃក្រោយទៀត” ។ Maddison បានសរសេរបង្ហោះនៅលើ Instagram ថា “ខូចចិត្តចំពោះការពិតដែលថារបួសនេះបានកើតឡើងនៅពេលនេះនៅក្នុងអាជីពរបស់ខ្ញុំ។ ជាមួយនឹង [Uefa] Super Cup នៅថ្ងៃស្អែក រដូវកាល Premier League យុទ្ធនាការ Champions League ដ៏គួរឱ្យរំភើប ហើយវាជាឆ្នាំ World Cup សម្រាប់ប្រទេសអង់គ្លេស វាមានអារម្មណ៍ឃោរឃៅខ្លាំងណាស់សម្រាប់ខ្ញុំ”។ Tottenham ប្រឈមមុខនឹង Paris

នៅក្នុងប្រវត្តិសាស្ត្រពាន FIVB Men’s Volleyball World Championship ក្រុមបាល់ទះអតីត សហភាពសូវៀត បច្ចុប្បន្នគឺ រុស្ស៊ី ជាក្រុមជោគជ័យបំផុតក្នុងព្រឹត្តិការណ៍នេះ។ នៅសល់ត្រឹមតែរយៈពេល ១ ខែទៀតប៉ុណ្ណោះ ពោលគឺចាប់ផ្តើមពីថ្ងៃទី ១២ ដល់ថ្ងៃទី ២៨ ខែ កញ្ញា ឆ្នាំ ២០២៥ នឹងចាប់ផ្តើមការប្រកួតព្រឹត្តិការណ៍បាល់ទះដ៏ធំបំផុតក្នុងពិភពលោក FIVB Men’s Volleyball World Championship។ ពាន FIVB Men’s Volleyball World គឺតែងតែរៀបចំរៀងរាល់ ៤ ឆ្នាំម្តង ខណៈការប្រកួតលើកចុងក្រោយ គឺរៀបចំនៅឆ្នាំ ២០២២ ក្នុងប្រទេស ស្លូវេនី។ ចំណែកឆ្នាំ ២០២៥ នឹងរៀបចំជាលើកដំបូងនៅតំបន់ អាស៊ាន ក្នុងប្រទេស ហ្វីលីពីន ដែលមាន ៣២ ប្រទេសចូលរួមប្រកួត។ យ៉ាងណា បើក្រឡេកទៅមើលអំពីប្រវត្តិនៃពាននេះ គឺរៀបចំបានចំនួន ៧៦ ឆ្នាំមកហើយ

លោក​ ផាត​ សូដា​ ដែល​កំពុង​ល្បីឈ្មោះ​ក្នុង​ការ​បណ្ដុះបណ្ដាល​ក្មេងៗ​ថ្នាល​បាន​ច្រើន​ និង​មាន​ភាព​ល្បីល្បាញ​ផង​នោះ​បញ្ជាក់ថា ​លោក​មិន​ហ៊ាន​ទទួល​ងារ​ជា​គ្រូ​ឆ្នើម​អ្វី​នោះ​ទេ​ ពោល​មាន​គ្រូ​ជើង​ចាស់​ជា​ច្រើន​ដែល​បាន​បណ្ដុះ​ក្មេង​ៗទើប​ស័ក្តិសម​។​ លោក​ ផាត​ សូដា​ បាន​ឲ្យ​ដឹង​ថា​ ចំពោះ​អ្នក​គាំទ្រ​មួយ​ចំនួន​ដែល​ចង់​ហៅ​ ឬ​ដាក់​ងារ​លោក​ជា​គ្រូ​ឆ្នើម​ផ្នែក​បណ្ដុះ​ថ្នាល​នេះ​​លោក​សុំ​មិន​ហ៊ាន​ទទួល​នោះ​ឡើយ​ សមត្ថភាព​មិន​ទាន់​ដល់​នោះ​ទេ​ឈ្មោះ​នេះ​ទុកជូន​តែ​លោក​គ្រូ​ ផាន់​ ទៅ​បាន​ហើយ។​ គ្រូ​បង្វឹក​របស់​ រិទ្ធី​ គីងកុង​ រូប​នេះ​បន្ថែមទៀត​ថា​ មាន​គ្រូៗ​ជើង​ចាស់​ច្រើន​ណាស់​ដែល​បាន​ជួយ​បណ្ដុះបណ្ដាល​ថ្នាល​ហើយ​សុទ្ធតែជា​គ្រូ​ខ្លាំងៗ​ដូច​ជា​ លោក​ សេន​ ប៊ុនថេន​ បឺត​ ខាំ​ ឡៅ​ ស៊ីណាត​ សាន​ សៅយ៉ាន់​ រីកគី​ សុទ្ធ​តែ​ល្អ​ហើយ​ស័ក្តិសម​។​ មួយ​វិញ​ទៀត​ដោយ​សារ​រៀមច្បង​ទាំង​នោះ​មិន​ទាន់​ដល់​ពេល​វេលា​ដែល​មហាជន​បាន​ឃើញ​ ឬដឹង​ពី​សកម្មភាព​ក៏​អាច​ថា​បាន។​ បញ្ជាក់​ដែរ​ថា​ លោក​ ផាត​ សូដា​ ប៉ុន្មាន​ឆ្នាំ​ចុង​ក្រោយ​នេះ​ក្លឹប​របស់​លោក​មាន​សុទ្ធតែ​ក្មេងៗថ្នាល​ និង​ខ្លះ​ជា​កុមារ​កំព្រា​ឪពុក-ម្ដាយ​ទៀត​ផង។​ សិស្សៗ​របស់​លោក​ដូច​ជា​ រិទ្ធី​ គីងកុង​ រិទ្ធី​ បូរិន​ រិទ្ធី​ លីហួរ​ សុទ្ធតែ​ជា​ជើង​ខ្លាំង​ប្រចាំ​ថ្នាល​ និង​ធ្លាប់​ចេញ​ទៅ​ប្រកួត​នៅ​ជប៉ុន​ ម៉ាឡេស៊ី​ ថៃ​ ទទួល​បាន​ជ័យជម្នះ​​ទើប​មួយ​រយៈពេល​ចុង​ក្រោយ​នេះ​មាន​អ្នក​គាំទ្រ​ ឬ​អេដមីន​ មួយ​ចំនួន​បាន​ហៅ​លោក​ជា​គ្រូ​ឆ្នើម​ទៀត​ផង៕​ ប្រភព៖

ជើង​ខ្លាំង​គុន​ខ្មែរ​ និង​ជា​ម្ចាស់​ខ្សែក្រវាត់​៦​ខ្សែ​ កីឡាករ​ គោរមៈ​ ច័ន្ទរាជ្យ​ នឹង​ត្រូវ​ប្រឡង​សញ្ញាបត្រ​មធ្យម​សិក្សាទុតិយភូមិ (បាក់ឌុប) នៅ​ថ្ងៃ​ទី ២៨​-២៩​ ខែ​សីហា​ ឆ្នាំ​២០២៥​ នៅ​រាជធានីភ្នំពេញ។​ អ្នក​លេង​គុន​ខ្មែរ​ដើម​កំណើត​នៅ​រាជធានីភ្នំពេញ​ គោរមៈ​ ច័ន្ទរាជ្យ​ ត្រូវ​បាន​មហាជន​កោត​សរសើរ​ចំពោះ​ការ​ខិត​ខំ​ប្រឹង​ប្រែង​ទាំង​អាជីព​ប្រដាល់ និង​ការ​សិក្សា។ បើ​ទោះ​បី​ជា​អាជីព​ប្រដាល់​របស់​ខ្លួន​កំពុង​ទទួល​បាន​ផ្លែ​ផ្កា​ទាំង​វ័យ​ក្មេង ប៉ុន្តែ​កីឡាកររូប​នេះ​មិន​បោះ​បង់​ចោល​ការ​សិក្សា​ឡើយ។ ​ ម្ចាស់​ខ្សែក្រវាត់​ជា​ច្រើន​​​ខ្សែ​រូប​នេះ​បាន​កំពុង​យក​ចិត្ត​ទុក​ដាក់​​លើ​ការ​សិក្សា និង​ត្រៀម​ខ្លួន​យ៉ាង​ម៉ត់​ចត់​ដោយ​បាន​បន្ធូរ​បន្ថយ​ការ​ហ្វឹក​ហាត់​ប្រដាល់​ដើម្បី​យក​ពេល​វេលា​មើល​មេរៀន​​ត្រៀម​ប្រឡង​បាក់ឌុប​ដែល​នឹង​ឈាន​ចូល​មក​ដល់​នា​ចុង​ខែ​សីហានេះ។ កូន​សិស្ស​លោក​ ហ៊ុន​ ច័ន្ទរាជ្យ​ រូប​នេះ​ទទួល​បាន​ភាព​ជោគជ័យ​ខ្លាំង​ក្នុង​វិស័យ​ប្រដាល់​នា​ពេល​បច្ចុប្បន្ន​។ ជា​​ពិសេស​ការ​ឈ្នះ​ខ្សែក្រវាត់​២ខ្សែ​ចុងក្រោយ​​គឺ​ខ្សែក្រវាត់​គុន​ខ្មែរ​ ISKA​ បន្ទាប់​ពីឈ្នះ​មិត្ត​រួម​ជាតិ​ អ៊ូច​ ធារិទ្ធ​ និង​មួយ​ខ្សែក្រវាត់​គុន​ចម្រុះ​​​គឺ​ខ្សែក្រវាត់​ GMA (MMA) ក្រោយ​ផ្ដួល​កីឡាករ​​ម៉ាឡេស៊ី​ នៅ​ទឹក​ទី២​ នៅ​ប្រទេស​វៀតណាម​។​ ជា​មួយ​ភាព​ជោគជ័យ​ទាំង​នេះ​ គេ​មើល​ឃើញ​ថា​ គោរមៈ​ ច័ន្ទរាជ្យ​ ហាក់​រវល់​ច្រើន​ខាង​​ផ្នែក​​កីឡា​។​ ក្រៅ​តែ​ការ​បង្ហាញ​មុខ​ប្រកួត​នៅ​តាម​សង្វៀន​ផ្សេងៗ​ហើយ​នោះ​រូប​គេ​ក៏ជា​កីឡាករ​ជម្រើសជាតិ​ផ្នែក​កីឡា​គុន​ចម្រុះ​ (MMA)​ ដែល​កំពុង​ប្រមូល​ផ្ដុំ​ និង​ស្នាក់​នៅ​ក្នុង​មជ្ឈមណ្ឌល​ជាតិ​ហ្វឹកហ្វឺន​កីឡា​ផង​ដែរ។​ បញ្ជាក់​ដែរ​ សម័យ​ប្រឡង​បាក់ឌុប​ ឆ្នាំ២០២៥​ នេះ​នឹង​ធ្វើ​ឡើង​វិញ​ចាប់​ពី​ថ្ងៃ​ទី២៨​ ដល់​ ២៩​ ខែ​សីហា​ បន្ទាប់​ពី​បានពន្យារ​ពេល​ដោយ​សារ​បញ្ហាព្រំដែន​កាល​ពី​ពេល​ថ្មីៗ​នេះ។​ គោរមៈ​