September 3, 2025

កីឡាករ សូត្រ ខេវិន នឹងត្រូវប្រកួតកីឡាប្រដាល់ដណ្ដើមខ្សែក្រវាត់ I-1 Supreme Boxing Champion នៅហុងកុង ជាមួយកីឡាករថៃ Johnny លើប្រភេទទម្ងន់ ៦៥គីឡូក្រាម នាថ្ងៃទី៤ ខែកញ្ញា ឆ្នាំ២០២៥។ លោក ស្រ៊ឺ ស្រេង អ្នកដឹកនាំកីឡាករគុនខ្មែរទៅប្រកួត មានជំនឿចិត្តថា កីឡាករកម្ពុជារូបនេះ នឹងឈ្នះអ្នកប្រដាល់ថៃ ប្រសិនជាកម្លាំងស្ទុះរបស់គ្រប់គ្រាន់។ ដោយឡែក អ្នកគាំទ្រមួយចំនួន មិនសូវជឿជាក់លើសមត្ថភាពខេវិនឡើយ។ លោក ស្រ៊ឺ ស្រេង ដែលត្រូវបានអ្នកគាំទ្រប្រដាល់គុនខ្មែរ ស្គាល់ថា សំណព្វ គុនខ្មែរ បានដឹកនាំកីឡាករ សូត្រ ខេវិន ទៅប្រកួតនៅហុងកុង ក្នុងសង្វៀន I-1។ លោក ស្រ៊ឺ ស្រេង ហាក់បីដូចជាដឹងច្បាស់ពីសមត្ថភាពរបស់ កីឡាករថៃ Johnny ដែលជាគូប្រកួតរបស់ សូត្រ ខេវិន។​ អ្នកដឹកនាំកីឡាកររូបនេះ បានប្រាប់ថា កីឡាករថៃរូបនេះ ជាកីឡាករក្បាច់ ប៉ុន្ដែមិនសូវបានប្រកួតឡើយ ដោយសារតែនៅហុងកុង […]

ទីបំផុត Alexander Isak បានត្រលប់មកទីលានហ្វឹកហាត់វិញកាលពីថ្ងៃអង្គារបន្ទាប់ពីការផ្ទេរទៅ Liverpool ក្នុងតម្លៃ 125 លានផោន (168.86 លានដុល្លារ) ដែលធ្វើអោយគាត់ក្លាយជាកីឡាករថ្លៃបំផុតក្នុងប្រវត្តិសាស្ត្រ Premier League កាលពីថ្ងៃចន្ទ។ ខ្សែប្រយុទ្ធIsak បានញញឹម និងសើចរីករាយនៅពេលដែលគាត់បានកំដៅសាច់ដុំជាមួយមិត្តរួមក្រុមស៊ុយអែតរបស់គាត់នៅទីក្រុង Stockholm មុនពេលការប្រកួតជម្រុះ World Cup របស់ពួកគេជាមួយស្លូវេនី និងកូសូវ៉ូ។ ចំណែកខ្សែប្រយុទ្ធ Viktor Gyokeres ដែលបានឆ្លងកាត់ការដោះដូរកីឡាករក្នុងរដូវក្តៅនេះ បានប្រាប់អ្នកយកព័ត៌មាននៅពេលសួរថា តើគាត់មានអារម្មណ៍ធូរស្រាលទេ ដែលរឿងទាំងមូលត្រូវបានដោះស្រាយ ហើយទីផ្សារដោះដូរកីឡាករបានបិទ។Gyokeresបាននិយាយថា “វាមិនមែនជាអ្វីដែលអ្នកចង់ជាប់គាំងជារៀងរហូតនោះទេ។ យើងទាំងអស់គ្នារស់នៅសម្រាប់តែលេងបាល់ទាត់ ហើយយើងកំពុងទន្ទឹងរង់ចាំការប្រកួតដែលយើងមាននៅពេលនេះ”។Gyokeres បានផ្ទេរពី Sporting Lisbon ទៅកាន់ Arsenal ក្នុងកិច្ចព្រមព្រៀងតម្លៃរហូតដល់ 63 លានផោន។ ឥឡូវនេះស៊ុយអែតមានខ្សែប្រយុទ្ធឆ្នើមពីររូបរបស់ពិភពលោក ខណៈដែលពួកគេចាប់ផ្តើមយុទ្ធនាការជម្រុះ World Cup របស់ពួកគេនៅក្រៅទឹកដីប្រទេសស្លូវេនីនៅថ្ងៃសុក្រ។ ប្រភព៖ NKDNEWS

កីឡាករ​បាល់ទឹក​ អ៊ុក​ វន្ថា​ ថា​​បន្ទាប់​ពី​ហ្វឹកហាត់​ និង​ប្រកួត​បាល់ទឹក​ប្រហែល ​២ឆ្នាំ​មក​នេះ​គឺ​កីឡា​មួយ​នេះ​បាន​ធ្វើ​ឲ្យ​ខ្លួន​មាន​ភាព​សប្បាយ​រីករាយ​ មាន​សុខភាព​ល្អ​ ចេះ​សម្រប​ខ្លួន​ឲ្យ​នៅ​ក្នុង​ទឹក​បាន​យូរទៀត​ផង។​ អ៊ុក​ វន្ថា​ បាន​ឲ្យ​ដឹង​ថា​ តាម​បទ​ពិសោធ​រយៈ​ប្រហែល ​២ឆ្នាំ​មក​នេះ​ការ​លេង​បាល់ទឹក​នេះ​គឺ​បាន​ធ្វើឲ្យ​ខ្លួន​មាន​ភាព​សប្បាយ​រីករាយ​ ចេះ​សាមគ្គី​គ្នា​ ចេះ​ហែល​ទឹក​ មាន​សុខភាព​ល្អ​ និង​ធ្វើ​ឲ្យ​ចេះ​សម្រប​ខ្លួន​ឲ្យ​នៅ​ក្នុង​ទឹក​បាន​យូរ​ និង​អាច​លេង​បាល់នៅ​ក្នុង​ទឹក​បាន។​ ការ​លេង​បាល់ទឹក​នេះ​គឺ​ត្រូវ​ការ​កម្លាំង​ខ្លាំង​ និង​មាន​បច្ចេកទេស​ច្រើន​ទើប​អាច​ដណ្ដើម​យក​ជ័យជម្នះ​លើ​ដៃគូ​ប្រកួត​បាន។​ លេង​កីឡា​មួយ​នេះ​មាន​អារម្មណ៍​ប្លែក​ម្យ៉ាង​ខុស​ពី​លេង​កីឡា​ផ្សេងៗ​ដោយ​សារ​វា​តម្រូវ​ឲ្យ​លេង​ក្នុង​ទឹក​ មាន​ហែល​ទឹក​ផង​ និង​មាន​បាល់​ផង។​ បញ្ជាក់​ដែរ​ថា​ កីឡា​បាល់ទឹក​ជា​ប្រភេទ​កីឡា​ថ្មី​មួយ​ដែល​ទើប​ចូល​មក​កាន់​ប្រទេស​កម្ពុជា​ប្រហែល​ ២-៣​ ឆ្នាំ​នោះ​ទេ។​ សម្រាប់​កម្ពុជា​កំពុង​តែ​ដំណើរការ​អភិវឌ្ឍន៍​ប្រភេទ​កីឡា​មួយ​នេះ​ជា​បន្តបន្ទាប់​ដូច​ជា​មាន​វគ្គ​បណ្ដុះបណ្ដាល​គ្រូ​បង្វឹក​ ការ​ប្រកួត​មិត្តភាព​ជាតិ​ និង​ជាតិ​ មិត្តភាព​អន្តរជាតិ​ និង​មាន​ការ​ហ្វឹកហាត់​ផង​ដែរ៕​ ប្រភព៖ KAMPUCHEATHMEY

(បរទេស)៖ ម្ចាស់ការពារតំណែងជើងឯក Aryna Sabalenka បានបន្តឆ្លងចូលវគ្គពាក់កណ្តាលផ្តាច់ព្រ័ត្រនៃកម្មវិធី US Open 2025 តែម្តង ដោយត្រូវប៉ះគូប្រជែងចាស់របស់នាងគឺ Jessica Pegula នៅពេល Marketa Vondrousova បានដកខ្លួន ដោយសារមានបញ្ហារបួសជង្គង់។ នេះបើយោងតាមការចេញផ្សាយដោយ BBC។ នេះមានន័យថា ជើងខ្លាំងសញ្ជាតិប៊ែលឡារុស Sabalenka ត្រូវប៉ះ Pegula ជាថ្មីម្តងទៀត គិតចាប់តាំងពីបានយកឈ្នះដោយលទ្ធផល ៧-៥ និង ៧-៥ ក្នុងការគ្រងតំណែងជើងឯក US Open លើកដំបូងកាលពី ១២ខែកន្លងទៅ។ តាមកាលវិភាគ Sabalenka កីឡាការិនីលំដាប់លេខ១ ពិភពលោកបច្ចុប្បន្នត្រូវលេងវគ្គ ៨នាក់ចុងក្រោយទល់នឹងគូ ប្រជែងឈរនៅចំណាត់ថ្នាក់ទី៦០ របស់សាធារណរដ្ឋឆេកនារាត្រីអង្គារ ទី០២ ខែកញ្ញា ស្ថិតក្នុងទីក្រុង New York សហរដ្ឋអាមេរិក ដែលត្រូវបានលុបចោលវិញ ដោយសារ Vondrosova មានរបួស។ គូប្រជែងសហរដ្ឋអាមេរិក Pegula ឈរនៅលេខ៤ ពិភពលោក ក៏បានទម្លាក់

(ឡុងដ៍)៖ ខ្សែបម្រើ Ruben Loftus-Cheek ត្រូវបានកោះហៅចូលក្រុមជម្រើសជាតិអង់គ្លេសឡើងវិញ សម្រាប់ការប្រកួតជម្រុះ World Cup 2026 ប្រចាំតំបន់អឺរ៉ុប ទល់នឹងអង់ដូរ៉ា និងស៊ែប៊ី។ នេះបើយោងតាមការចេញផ្សាយដោយ BBC។ វាមានរយៈពេល ៧ឆ្នាំ នៅពេលកីឡាករដែលកំពុងប្រកបអាជីពបាល់ទាត់នៅក្លឹប AC Milan ខកខានលេងឱ្យក្រុមតោកំណាច ដែលទើបមានវត្តមាន ១០លើកមកនេះ បន្ទាប់ពីបានលេងប្រកួតចុងក្រោយក្នុងនាមកីឡាករបម្រុង ពេលអង់គ្លេសយកឈ្នះសហរដ្ឋអាមេរិក នាអំឡុងខែវិច្ឆិកា ឆ្នាំ២០១៨។ Cheek វ័យ ២៩ឆ្នាំ ធ្លាប់ជាកូនក្រុមរបស់លោក Thomas Tuchel កាលលោកនៅដឹកនាំក្លឹបអាជីពតោខៀវ Chelsea ស្របពេលមិត្តរួមជាតិ Jarell Quansah ក៏ត្រូវបានជ្រើសរើសចេញពីក្លឹបអាល្លឺម៉ង់ Bayer Leverkusen ដើម្បីជំនួសកន្លែងរបស់ Adam Wharton ដែលទើបមានរបួសពេលលេងឱ្យ Crystal Palace ថ្មីៗនេះ។ អង់គ្លេស ត្រូវធ្វើជាម្ចាស់ផ្ទះដើម្បីទទួលក្រុមភ្ញៀវអង់ដូរ៉ា នាថ្ងៃទី០៦ ខែកញ្ញា ឆ្នាំ២០២៥ មុនពេលធ្វើជាភ្ញៀវនៃក្រុមជម្រើសជាតិស៊ែប៊ី នាថ្ងៃអង្គារ ទី០៩ ពីការប្រកួតសន្សំពិន្ទុប្រចាំពូល

(ភ្នំពេញ)៖ សហព័ន្ធកីឡាវ៉ូវីណាមកម្ពុជា ត្រៀមបញ្ជូនអត្តពលិកចម្រុះ ទាំងជម្រើសជាតិកម្រិតឈុតធំ បម្រុង និងកម្រិតថ្នាលយុវជន ដើម្បីចូលរួមការប្រកួតកីឡាវ៉ូវីណាមជ្រើសរើសជើងឯកពិភពលោក លើកទី៨ ឆ្នាំ២០២៥ នៅកោះបាលី ប្រទេសឥណ្ឌូនេស៊ី នាដើមខែវិច្ឆិកាខាងមុខ។ លោក អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា បានថ្លែងក្រោយចុះជួបសំណេះសំណាល សួរសុខទុក្ខ និងត្រួតពិនិត្យការហ្វឹកហាត់ក្រុមជម្រើសជាតិ កាលពីល្ងាចថ្ងៃទី១ ខែកញ្ញាកន្លងទៅថា ការត្រៀមចូលរួមប្រកួតកីឡាវ៉ូវីណាមជើងឯកពិភពលោក ឆ្នាំនេះ ប្លែកពីឆ្នាំមុន ក្រៅពីក្រុមជម្រើសជាតិឈុតធំ ដែលធ្លាប់មានបទពិសោធន៍ប្រកួតអន្ដរជាតិ សហព័ន្ធក៏នឹងផ្ដល់ឱកាសដល់ក្រុមបម្រុងជម្រើសជាតិ និងយុវជនថ្នាលចូលរួមផងដែរ ដែលសរុបទាំងប្រតិភូ គ្រូបង្វឹក និងកីឡាករ-កីឡាការិនីប្រមាណជាង ៤០នាក់។ ទោះបីទទួលដំណឹងថា ជើងឯកពិភពលោកឆ្នាំនេះ មានអត្តពលិកចូលរួមច្រើនជាងមុនខ្ទង់ ៣០ប្រទេសក្ដី តែសហព័ន្ធនៅតែប្រកាន់ជំហរ បញ្ជូនអត្តពលិកចម្រុះចូលរួម ព្រោះទន្ទឹមជាមួយការផ្ដោតលើការដណ្ដើមមេដាយជូនជាតិ សហព័ន្ធក៏ត្រូវផ្ដល់ឱកាសដល់ធនធានបន្ដវេន បានចូលរួមព្រឹត្តិការណ៍ធំៗ ដើម្បីទទួលបានបទពិសោធន៍ និងអភិវឌ្ឍន៍សមត្ថភាព ពិសេសកីឡាករ-កីឡាការិនីវ័យក្មេង ស្របពេលកម្ពុជាកំពុងដំណើរការស្នើសុំ និងត្រៀមលក្ខណៈធ្វើម្ចាស់ផ្ទះការប្រកួតជើងឯកអាស៊ី នាឆ្នាំ២០២៦ ផងដែរ។ តាមរយៈនេះ ក្នុងនាមថ្នាក់ដឹកនាំសហព័ន្ធ លោកបានជំរុញឲ្យកីឡាករ-កីឡាការិនីទាំងអស់ ត្រូវបន្ដយកចិត្តទុកដាក់ហ្វឹកហាត់កាន់តែខ្លាំង សម្រាប់រយៈពេលនៅសល់ប្រមាណ ២ខែ ដើម្បីសម្រួចសមត្ថភាពកាន់តែខ្ពស់ ក្នុងការត្រៀមប្រកួតជើងឯកពិភពលោក

គ្រូ​បង្វឹក​ក្លឹប​បាល់ទះ​ស្នងការដ្ឋាន​នគរបាលរាជធានីភ្នំពេញ​ ថា​ការ​ប្រកួត​មិត្តភាពប្រហែល​ ៤ខែ​មក​នេះ​មើល​ឃើញថាកូន​មានភាព​រីកចម្រើន​គួរ​ឲ្យ​កត់​សម្គាល់​ ខណៈ​ក្រុម​ទាំង​មូល​នៅ​តែ​ស្វាគមន៍​ជា​និច្ច​ចំពោះ​បណ្ដា​ក្រុម​បាល់ទះផ្សេងៗ​ចង់​ប្រកួតមិត្តភាព​ជា​មួយ។​ លោក​ ប្រាក់​ សារ៉ាន់​ឌី គ្រូ​ជំនួន​ក្លឹប​បាល់ទះ​ស្នងការដ្ឋាន​នគរបាល​រាជធានីភ្នំពេញ​ បាន​ឲ្យ​ដឹង​ថា​ កូន​ក្រុម​របស់​លោក​បាន​ប្រកួត​មិត្តភាព​ជា​មួយ​ក្រុម​ផ្សេងៗ​នេះ​ប្រហែល​ ៤ខែ​មក​ហើយ​ពិសេស​គឺ​នៅ​​ទីតាំង​របស់​ក្លឹប​នៅឯ​វាលស្បូវ​ផ្ទាល់​តែ​ម្ដង។​ គ្រូ​បង្វឹក​សំបូរ​បទ​ពិសោធ​ច្រើន​ខាង​លើ​បន្ថែម​ទៀត​ថា​ ការ​ដែល​ក្លឹប​បន្ត​ប្រកួត​មិត្តភាព​ជា​មួយក្លឹប​ដទៃ​គឺ​ចង់​បង្កើន​បទ​ពិសោធ​ល្អៗ​ ពង្រឹង​សមត្ថភាព​កូន​ក្រុម​មុន​ការ​ប្រកួត​ផ្លូវ​ការ​ធំៗ​នៅ​ពេល​ខាង​មុន។​ មួយ​វិញ​ទៀត​គឺ​ចង់​រឹត​ចំណង​មិត្តភាពរវាង​ក្លឹប​ស្នងការ​ជា​មួយ​បណ្ដា​ក្លឹប​បាល់ទះ​ផ្សេងៗ​ផង។​ ក្លឹប​ស្នងការ​ក៏​នៅ​តែ​បន្ត​ស្វាគមន៍​ជា​និច្ច​ចំពោះ​បណ្ដា​ក្លឹប​ណា​ចង់​ជួប​ប្រកួត​មិត្តភាព​ជា​មួយ​អាច​ទំនាក់ទំនង​មក​កាន់​ក្លឹប​បាន។​ ឮបញ្ជាក់​ដែរ​ថា​ បន្ទាប់​ពី​មាន​ក្លឹប​បែប​ស្ដង់ដារ​ផ្ទាល់​ខ្លួន​ប្រហែល​ជិត ៤ខែ​មក​នេះ​គេ​ឃើញ​ថាក្រុម​​បាល់ទះ​ស្នងការដ្ឋាន​នគរបាលរាជធានីភ្នំពេញ តែងតែ​ប្រកួត​មិត្តភាព​ជា​មួយ​បណ្ដា​ក្លឹ​ប​ផ្សេងៗ​ជា​បន្តបន្ទាប់។​ ថ្មីៗ​នេះ​គេ​ឃើញ​ក្រុម​បាល់ទះ​ស្នងការ​ជួយ​ប្រកួត​មិត្តភាព​ជា​មួយ​ វិសាខា​ ក្លឹបបាល់ទះស្នងការខេត្តត្បូងឃ្មុំ និង​ម្សិលមិញ​នេះ​លេង​ជា​មួយ​ ក្រសួង​មហាផ្ទៃ​ ទៀត​ផង។​ ទីតាំង​ក្លឹប​ថ្មី​របស់​ស្នងការ​នេះ​គឺ​នៅ​វាលស្បូវ​ រាជធានីភ្នំពេញ៕​ ប្រភព៖ KAMPUCHEATHMEY

កីឡាករ Masato Kai ជាពន្លក​ថ្មី​ដ៏មានទេពកោសល្យរបស់ក្រុមបាល់ទះជម្រើសជាតិ ជប៉ុន ត្រូវបានគេចាត់ទុកជាកីឡាករ មានសក្តានុពល​ម្នាក់ ​ដែល​អាចក្លាយជាអ្នកស្នងតំណែងប្រធានក្រុម Yuki Ishikawa នាពេលអនាគត។ ជាការពិត នៅក្នុងក្រុមបាល់ទះជម្រើសជាតិ ជប៉ុន គឺសម្បូរទៅដោយធនធានកីឡាករល្អៗជាច្រើន។ ជាពិសេស កីឡាករ Ishikawa ដែលជាប្រធានក្រុម និងជាកីឡាករមិនអាចខ្វះបានរបស់ក្រុមរហស្សនាមដាវសាំម៉ូរ៉ៃ។ ទោះបីជាយ៉ាងណា បច្ចុប្បន្នគាត់បានឈានចូលវ័យ ៣០ ឆ្នាំទៅហើយ ដូច្នេះពេលវេលា ក្នុងអាជីពបាល់ទះក៏ទំនងជាមិនយូរទៀតដែរ។ ទោះបីជាយ៉ាងណា ជប៉ុន ត្រូវស្វះស្វែងរកកីឡាករជំនាន់ក្រោយ ដើម្បីជំនួសកន្លែងកីឡាកររបស់ក្រុម Sir Susa Vim Perugia រូបនេះ នាពេលអនាគត។ Masato Kai បច្ចុប្បន្នមានវ័យ ២២ ឆ្នាំ ត្រូវបានគេចាត់ទុកជាកីឡាករដ៏សក្តិសម ដែលអាចមកជំនួសរៀមច្បង Ishikawa បាន ខណៈបច្ចុប្បន្ន រូបគេក៏ស្ថិតនៅក្នុងបញ្ជីឈ្មោះក្រុមធំនៃជម្រើសជាតិបាល់ទះ ជប៉ុន ផងដែរ។ Masato Kai ត្រូវបានក្រុមបាល់ទះ ជប៉ុន កោះហៅចូលក្រុមជម្រើសជាតិដំបូង នៅក្នុងឆ្នាំ

សហព័ន្ធ​កីឡា​ប្រដាល់​គុន​ខ្មែរ​នឹង​រៀប​ចំ​ព្រឹត្តិការណ៍​ការ​ប្រកួត​គុន​ខ្មែរ​អន្តរជាតិ ​រយៈ​ពេល​ ២ ថ្ងៃ​នៅ​ខេត្ត​សៀមរាប និង​ព្រឹត្តិការណ៍​គុន​ខ្មែរ​ដ៏​ធំ​មួយ​ទៀត​នៅ​ប្រទេស​ចិន​នា​ពេល​ដ៏​ខ្លី​ខាង​មុខ​។ លោក ខូវ ឆាយ ប្រធានសហព័ន្ធកីឡាប្រដាល់គុនខ្មែរបានប្រាប់«កម្ពុជាថ្មី»ថា សហព័ន្ធនឹងរៀបចំការប្រកួតគុនខ្មែរមិត្តភាពអន្តរជាតិ២ថ្ងៃនៅខេត្តសៀមរាប។ ការប្រកួតមិត្តភាពអន្តរជាតិ នៅខេត្តសៀមរាប គឺថ្ងៃទី១៣ ខែកញ្ញា ឆ្នាំ ២០២៥ ជាការប្រកួតមិត្តភាពអន្តរជាតិ រវាងកម្ពុជា និង សហរដ្ឋអាមេរិក ព្រមទាំង កម្ពុជា ជាមួយ ម៉ាឡេស៊ី។ នៅថ្ងៃទី១៤ ខែកញ្ញា ឆ្នាំ ២០២៥ ជាការប្រកួតថ្ងៃទី២ រវាង កម្ពុជា និងចិន ដែលដៃគូចិនមករៀបចំផ្ទាល់នៅកម្ពុជា។ លោក ខូវ ឆាយ បានបន្ថែមទៀតថា មិនត្រឹមតែប៉ុណ្ណោះ សហព័ន្ធកីឡាប្រដាល់គុនខ្មែរ និងភាគីចិនរួមដៃគ្នា នឹងរៀបចំព្រឹត្តិការណ៍ប្រកួតគុនខ្មែរអន្តរជាតិដ៏ធំ នៅប្រទេសចិន នាថ្ងៃទី៧ ខែតុលា ឆ្នាំ ២០២៥។ ព្រឹត្តិការណ៍ប្រកួតគុនខ្មែរអន្តរជាតិដ៏ធំនេះ ធ្វើឡើងនៅក្នុងទិវាបុណ្យជាតិរបស់ប្រទេសចិន។ «តាម​ផែន​ការ​គ្រោង​ទុក​នឹង​មាន​អ្នក​ទស្សនា​ផ្ទាល់​ច្រើន​​បំផុត​រហូត​​រាប់​ម៉ឺន​នាក់​​នៅ​​ប្រទេស​ចិន។ ជា​ពិសេស ខាង​កម្ពុជា​យើង​​បាន​ត្រៀម​បញ្ជូន​កីឡាករ កីឡាការិនី​​កម្រិត​ខ្ពស់​​ៗ ឆ្នើម​ៗ​ ​ទៅ​ចូល​រួម​ប្រកួត​ក្នុង​ព្រឹត្តិការណ៍​ដ៏​ធំ​នេះ»។ ប្រធាន​សហព័ន្ធ​កីឡា​គុន​ខ្មែរ​បាន​បញ្ជាក់។

កីឡាករបាល់ទាត់កំពូលៗ លំដាប់ពិភពលោកសុទ្ធតែបានចំណាយប្រាក់របស់ពួកគេរាប់លានដុល្លារលើរថយន្តទំនើបៗ។ Lionel Messi ជិះរថយន្ត Ferrari 335 S Spider Scaglietti ដែលមានតម្លៃរហូតដល់ ៣២លានដុល្លារ ស្របពេល Cristiano Ronaldo ជិះ Bugatti La Voiture Noire តម្លៃ ១៥,៣ លានដុល្លារ។ រថយន្ត​ថ្លៃ​ៗលំដាប់​ពិភពលោក មិនមែន​ផ្តោត​តែ​​ទំហំ​បរិមាណ​លើ​ការដឹកជញ្ជូន​នោះទេ ប៉ុន្តែ​វា​ត្រូវ​ផលិតឡើង​ដើម្បី​ទាក់ទាញ​អតិថិជន​មួយចំនួន​តូច​ប៉ុណ្ណោះ​។ អ្នកដែលមានលទ្ធភាពប្រើប្រាស់រថយន្តប្រណិត និងទំនើបៗ សុទ្ធតែជាអ្នកមានមុខមាត់ មានប្រាក់ច្រើនសន្ធឹកសន្ធាប់។ មិនត្រឹមតែ Messi សមាជិកក្រុម Inter Maimi និង Ronaldo ខ្សែប្រយុទ្ធ Al-Nassr ឡើយ កីឡាករបាល់ទាត់ដទៃទៀតដូចជា Erling Haaland ខ្សែប្រយុទ្ធ Manchester City, Karim Benzema ខ្សែប្រយុទ្ធ Al-Ittihad សុទ្ធតែជិះរថយន្តតម្លៃរាប់លានដុល្លារ។ តាមរយៈការទទួលបានប្រាក់ឈ្នួលខ្ពស់ពីអាជីពពួកគេ កីឡាករទាំងនេះចូលចិត្តសម្ញែងរបស់ប្រើប្រាស់ថ្លៃៗ ដូចជារថយន្ត យន្តហោះឯកជន