Admin

ប៉ារីស៖ លោក ប៉ែន ផាត អតីតកីឡាករបាល់ទាត់ជម្រើសជាតិកម្ពុជា ដែលធ្លាប់បានប្រឡូកអាជីពនៅក្នុងក្របខណ្ឌបាល់ទាត់ថៃ សម្តែងការហួសចិត្ត ក្រោយឮអ្នកកាសែត និងអតីតកីឡាករបាល់ទាត់មួយចំនួននៅប្រទេសថៃ បានចោទថា លោកមិនដឹងគុណចំពោះថៃ។ ការលើកឡើងរបស់បុគ្គលជ្រុលនិយមទាំងនេះ គឺក្រោយពេលលោកបញ្ចេញមតិការពារជាតិខ្មែររបស់ខ្លួន ដែលរងការឈ្លានពានពីក្រុមយោធាថៃ។ «ខ្ញុំទៅប្រទេសថៃ ស្រុកខ្ញុំមិនទាន់មានសង្គ្រាមទេ [..] ខ្ញុំមានប៉ាស្ព័រ (លិខិតឆ្លងដែន) ស្រួលបួល ខ្ញុំទៅធ្វើការ ខ្ញុំទៅទាត់បាល់»។ លោក ប៉ែន ផាត ដែលបានប្រឡូកក្នុងអាជីពជាកីឡាបាល់ទាត់នៅក្លិប Rajpracha របស់ថៃពីឆ្នាំ១៩៧២ ដល់ឆ្នាំ១៩៧៧ បានបញ្ជាក់ថា មុនលោកទៅថៃ លោកមានឈ្មោះល្បីល្បាញរួចទៅហើយនៅក្នុងប្រទេស រួមទាំងកម្រិតអាស៊ី មិនមែនទើបតែល្បីក្រោយទៅលេងនៅប្រទេសជិតខាងនេះឡើយ។ ក្នុងបទសម្ភាសជាមួយសារព័ត៌មានឌីជីថលថ្មីៗ នៅគេហដ្ឋានរបស់លោក នាជាយក្រុងប៉ារីស ប្រទេសបារាំង អតីតកីឡាករបាល់ទាត់វ័យ៧៧ឆ្នាំរូបនេះ បានរំលឹកថា ក្នុងនាមជាអ្នកដែលធ្វើការម្នាក់លោកមិនដែលបំភ្លេចគុណអ្នកណានោះឡើយ ហើយការប្រឡូកអាជីពជាកីឡាករបាល់ទាត់នៅថៃ លោកបានសាងគុណសម្បត្តិជាច្រើន និងមានទំនាក់ទំនងដ៏ល្អកន្លងមក ប៉ុន្តែអ្វីៗបានប្រែប្រួល ដោយសារមហិច្ឆតាឈ្លានពានកម្ពុជាពីសំណាក់យោធាថៃ។ «ខ្ញុំបានធ្វើអ្វីៗឱ្យថៃច្រើនណាស់។ ខ្ញុំបង្ហាត់ផង ខ្ញុំលេងបាល់ផង»។ នេះជាការបញ្ជាក់របស់ព្រឹទ្ធចារ្យ ប៉ែន ផាត ដែលបានជួយឱ្យ Rapracha ឈ្នះពានជាច្រើន […]

ក្រុម​បាល់ទះ​​ វិសាខា ទទួល​បាន​ជ័យ​ជម្នះ​ដោយ​លទ្ធផល ៣-១ លើ​ក្រុម​របស់វៀតណាម The Cong-Tan Cang សម្រាប់​ការ​ប្រកួត​ទី១ ពាន​ប៉ូលិស​អន្តរជាតិ International Police Cup ​ថ្ងៃ​ទី​២៦ ខែ​សីហា ឆ្នាំ ២០២៥ នៅ​ប្រទេស​វៀតណាម។ សិត​ទី១ ក្រុម​វិសាខា បាន​យក​ឈ្នះ ដោយ​ពិន្ទុ ២៨-២៦, សិត​ទី២ បាន​យក​ឈ្នះ​ដោយ​ពិន្ទុ ២៥-២៣។ នៅ​សិត​ទី​៣ ក្រុម វៀតណាម បាន​ឈ្នះ​ដោយពិន្ទុ ២៦-២៤ បាន​យក​ឈ្នះ​ដោយ​ពិន្ទុ ប៉ុន្តែ​សិត​ទី​៤ វិសាខា បាន​យក​ឈ្នះ ២៥-២១។ នៅ​ថ្ងៃ​ទី​២៧ ខែ​សីហា ស្អែក​វេលា​ម៉ោង២​រសៀល ក្រុម វិសាខា បន្ត​ការ​ប្រកួត​ជា​មួយ​​ក្រុម​​​បាល់ទះ​នៃ​ក្រសួង​សន្តិសុខសាធារណៈ​របស់​ប្រទេស​ឡាវ។ ក្រុម​វិសាខា ស្ថិត​នៅ​ពូល A ដែល​មាន ៣ ក្រុម​គឺ ក្រុម​របស់​វៀតណាម និង​ក្រុម​របស់ ឡាវ។ ចំណែក​ពូល B មាន​ក្រុម​ម្ចាស់​ផ្ទះវៀតណាម ២

ខ្សែប្រយុទ្ធជម្រើសជាតិ ព័រទុយហ្គាល់ កីឡាករ Cristiano Ronaldo បានបង្កើតកំណត់ត្រាថ្មី ក្លាយជាកីឡាករដំបូងគេនៅក្នុងពិភពលោក សម្រាប់​ការ​រកបានគ្រាប់បាល់បានច្រើនជាង ១០០ គ្រាប់ ឱ្យ ៤ ក្រុមផ្សេងៗគ្នា។ កំណត់ត្រានេះ Ronaldo បានសម្រេចបានជាផ្លូវការ បន្ទាប់ពីគាត់រកបានគ្រាប់បាល់ចុងក្រោយមួយគ្រាប់ឱ្យក្រុម Al-Nassr កាលពីថ្ងៃ សៅរិ៍ ទី ២៣ ខែ សីហា ឆ្នាំ ២០២៥ ដែលជាការប្រកួតវគ្គផ្តាច់ព្រ័ត្រពាន Saudi Super Cup ទល់នឹង Al-Ahli។ ទោះបីជាយ៉ាងណា ក្រោយបញ្ចប់ការប្រកួត ក្រុម Al-Nassr បានបរាជ័យក្រោមថ្វីជើងក្រុម Al-Ahli នៅវគ្គបាល់កាត់សេចក្តី ១១ ម៉ែត្រ ៥-៣ បន្ទាប់ពី ៩០ នាទីស្មើគ្នា ២-២។ នេះជាក្រុមទី ៤ នៅក្នុងអាជីពរបស់ Ronaldo ដែលគាត់រកបានគ្រាប់បាល់បានច្រើនជាង ១០០ គ្រាប់។ ដោយឡែក ៣

(បរទេស)៖ លោក Steve Clarke អ្នកចាត់ការទូទៅក្រុមបាល់ទាត់ជម្រើសជាតិស្កុតឡេន បានបង្ហាញបញ្ជីឈ្មោះកីឡាករចំនួន ២៥នាក់ចុងក្រោយ ក្នុងការត្រៀមប្រកួតជម្រុះ World Cup 2026 នាខែកញ្ញាខាងមុខទល់នឹងដាណឺម៉ាក និងប៊ែឡារុស។ នេះបើយោងតាមការចេញផ្សាយដោយ BBC។ ពួកគេនឹងប៉ះក្រុមជម្រើសជាតិដាណឺម៉ាក ទៅទីក្រុង Copenhagen នាថ្ងៃទី០៥ ខែកញ្ញា មុនពេលពើបប្រទះនឹងប៊ែឡារុស នៅ ៣ថ្ងៃបន្ទាប់នៅប្រទេសហុងគ្រី នៃកម្មវិធីជម្រុះ World Cup ប្រចាំតំបន់អឺរ៉ុប (UEFA) ដែលនៅសល់ ៦ប្រកួតក្នុងរយៈពេលជាង ៣ខែប្រចាំពូល C ជាមួយនឹងជើងខ្លាំងក្រិចផងដែរ។ លក្ខខណ្ឌនៃការប្រកួតជម្រុះនេះដែរ គឺយកតែក្រុមមានពិន្ទុខ្ពស់ជាងគេប្រចាំពូលនីមួយៗ ក្នុងការទទួលបានកៅអីទៅលេងជុំចុងក្រោយ ៤៨ប្រទេស (ក្រុម) នៅ World Cup ឆ្នាំក្រោយដោយមានអាមេរិក មិចស៊ិក និងកាណាដា ធ្វើម្ចាស់ផ្ទះរួមគ្នា គ្រាដែលស្កុតឡេន ព្យាយាមស្វែងរកកៅអីលេងជាលើកដំបូង គិតចាប់តាំងពីឆ្នាំ១៩៩៨។ ខាងក្រោមនេះ ជាកីឡាករចំនួន ២៥នាក់ដែលលោក Clarke បានកោះហៅមកពីក្លិបនានាត្រៀមលេង ២ប្រកួតនាខែក្រោយរួមមាន៖១៖ អ្នកចាំទី-Clark (Heart

អតីត​អ្នក​ប្រដាល់​គុន​ខ្មែរ​ និង​ជា​កីឡាករ​​ល្បុក្កតោ​ ចាន់​ ឬទ្ធីស័ក្តិ​ ថា​ខ្លួន​ឈឺចាប់​ខ្លាំង​ណាស់​នៅ​ពេល​ឃើញ​ការ​ឈ្លានពាន​របស់​សៀម​មក​លើ​កម្ពុជា​កន្លង​ទៅ​នេះ​រហូត​ជំរុញ​ឲ្យ​ខ្លួន​មិន​អាច​នៅ​ស្ងៀម​បាន​ឡើយ។ កីឡាករ​ ចាន់​ ឬទ្ធីស័ក្តិ ឬ​ហៅ​ថា​ Derek បាន​ឲ្យ​ដឹង​ថា​ ទឹកដី​កម្ពុជា​ជា​ទឹកដី​ដែល​ខ្លួន​ស្រឡាញ់​ និង​បាន​រស់នៅ​រយៈពេល​ប្រមាណ​ ១៥​ឆ្នាំ​មកហើយ​រហូត​បាន​ចូល​សញ្ជាតិ​ជា​ខ្មែរ​នា​ពេល​បច្ចុប្បន្ន​នេះ។​ បន្ទាប់​ពី​ឃើញ​ការ​ឈ្លានពាន​របស់​សៀម​មក​លើ​កម្ពុជា​កន្លង​ទៅ​នេះ​រូប​គេ​ពិត​ជា​មាន​ការ​ឈឺចាប់​ជា​ខ្លាំង​ និង​បាន​ចុះ​ផ្ទាល់​តាម​បណ្ដា​ព្រំដែន​មាន​ជម្លោះភ្លាមៗ។ រូប​គេ​មិន​អាច​នៅ​ស្ងៀម​បាន​ទេ​គឺ​ត្រូវ​ចេះ​ចុះ​ទៅ​ជួយ​តាម​ដែល​អាច​ធ្វើ​ទៅ​បាន​ដូច​ជា​ចុះ​ទៅ​ឧបត្ថម្ភ​ដល់​ជន​ភៀសសឹក​ដែល​មានការ​លំបាក​នានា​ ចុះ​សួរសុខទុក្ខ​ និង​លើក​ទឹកចិត្ត​ដល់​អ្នក​ជួប​បញ្ហា​ផ្ទាល់​ទាំង​នោះ។ ក្រៅ​ពី​សកម្មភាព​ខាង​លើ​នេះ​ Derek បាន​ចូលរួម​សម្ដែង​ក្បាច់​គុនល្បុក្កតោ​ និង​កៀរគរ​រក​ជំនួយ​ពី​បណ្ដា​សប្បុរសជន​ដើម្បី​បាន​ថវិកា​មួយ​ចំនួន​យក​ទៅ​ទិញ​សម្ភារ​ប្រើប្រាស់​ ឬ​គ្រឿង​ឧបភោគបរិភោគ​ផ្សេងៗ។​ បញ្ជាក់​ដែរ​ថា​ កីឡាករ​ ចាន់​ ឬទ្ធីស័ក្តិ បាន​ចុះ​ទៅ​តំបន់​ជន​ភៀសខ្លួន​តាម​បណ្ដោយ​ព្រំដែន​ដើម្បី​យក​ជំនួន​ទៅ​ជួយ​ជន​ភៀសសឹក​បាន​ជា​ច្រើន​ដង​មក​ហើយ​ និង​មាន​គម្រោង​ទៅ​សារ​ថ្មី​ទៀត​ក្នុង​សប្ដាហ៍​នេះ។​ កាល​ពី​ចុង​សប្ដាហ៍​កន្លង​ទៅ​នេះ​រូប​គេ​ជា​មួយ​ក្រុម​ល្បុក្កតោ​ប្រមាណ​ ២៥នាក់​បាន​ទៅ​សម្ដែង​ក្បាច់​គុន​នៅ​មហាវិថី​ថ្មើរជើង​ដើម្បី​ស្វែង​រក​ថវិកា​ជួយ​ដល់​ជន​ភៀសសឹក​ជាថ្មីទៀត៕​ ប្រភព៖ KAMPUCHEATHMEY

(ឡុងដ៍)៖ កាំភ្លើងធំ Arsenal បានកំពុងចាប់អារម្មណ៍ចុះកិច្ចសន្យាជាមួយខ្សែការពារស្លាបឆ្វេង Piero Hincapie មកពីក្លិបអាល្លឺម៉ង់ Bayer Leverkusen ម្នាក់ទៀតឱ្យបានមុនថ្ងៃទីផ្សារទិញដូរកីឡាករនារដូវក្តៅបិទទ្វារនាដើមខែកញ្ញាខាងមុខ។ នេះបើយោងតាមការចេញផ្សាយដោយ BBC។ កីឡាករអន្តរជាតិអេក្វាទ័រ វ័យ ២៣ឆ្នាំរូបនេះ មានតម្លៃទិញផ្តាច់កិច្ចសន្យាប្រមាណ ៦០លានអឺរ៉ូ ស្របពេលរូបគេកំពុងមានបំណងចាកចេញពីក្លិបលេងនៅ Bundesliga ស្រាប់ផងឱ្យបានមុនទីផ្សារទិញ-ដូរកីឡាករលើកទី២ ប្រចាំឆ្នាំ២០២៥ នេះបិទទ្វារវិញនាបំណាច់ខែសីហា។ កីឡាករដែលបានបង្ហាញខ្លួន ៤៦លើកជាមួយជម្រើសជាតិអេក្វាទ័រផងនោះ ជាបេក្ខជនសំខាន់មួយរូបផងដែរ ដែលស្ថិតក្នុងបញ្ជីចង់បានខ្លាំងរបស់អ្នកចាត់ការទូទៅ Mikel Arteta ដែលជាគូប្រជែងរបស់ Tottenham Hotspur ដែលចិញ្ចឹមចិត្តចង់បានដូចគ្នា។ ទោះជាយ៉ាងណា Arsenal ដែលបានបញ្ចប់ក្នុងតំណែងលេខ២ ក្នុងលីគ Premier League រដូវកាលមុន បានចំណាយអស់ទឹកប្រាក់ជាង ២០០លានផោនហើយនារដូវក្តៅនេះ និងបានកំពុងស្វះស្វែងលក់កីឡាករចេញមួយចំនួនផងដែរមានដូចជា Fabio Viera, Reiss Nelson និង Oleksanfr Zinchenko ដែលពួកគេទាំងនេះ មានបំណងចាកចេញស្រាប់ផងដែរ៕ ប្រភព៖ FRESHNEWS

ក្លិប Everton ផ្លាស់ទៅប្រើប្រាស់កីឡដ្ឋានថ្មី ​Hill Dickinson តម្លៃជាង ១ពាន់លានដុល្លារ ជំនួសកីឡដ្ឋានចាស់ Goodison Park។ ឆ្លងកាត់ការប្រកួតដំបូងនៅទឹកដីថ្មី Everton យកឈ្នះក្រុម Brighton & Hove Albion លទ្ធផល ២-០ ក្នុងជំនួប Premier League ថ្ងៃទី២៤ សីហា​។ អ្នកគាំទ្រជាច្រើនលាន់មាត់សរសើរគ្រប់ៗគ្នា ពីបរិយាកាស បទពិសោធន៍ថ្មី ហើយពួកគេថែមទាំងបង្ហាញក្តីរំភើប​ចំពោះសមិទ្ធផលដ៏សម្បើមនេះ។ កីឡដ្ឋាន ​Hill Dickinson ដំបូងមានឈ្មោះថាជាកីឡដ្ឋាន Bramley Moore Dock ស្ថិតនៅជាប់មាត់ទឹក ក្នុងតំបន់ Merseyside បានបើកដំណើរផ្លូវការ សម្រាប់រៀបចំរាល់ការប្រកួតរបស់ក្លិប Everton ពេលពួកគេធ្វើជាម្ចាស់ផ្ទះ។ កីឡដ្ឋានថ្មីសាងសង់អស់ទឹកប្រាក់សរុបប្រមាណ ៨០០លានផោន(១,១លានដុល្លារ) ជាផ្ទះថ្មីរបស់​ Everton ក្រោយក្លិបវ័យចំណាស់មួយនេះ ប្រើកីឡដ្ឋាន Goodison Park ផ្ទុកមនុស្សបាន ៣៩ ៥៧២នាក់ អស់ពេល ១៣៣ឆ្នាំ​រួចមក។

ក្រុម​បាល់ទាត់​ជម្រើស​ជាតិ​កម្ពុជា​អាយុ​ក្រោម​២៣​ឆ្នាំ (U23) ​ទទួល​ធ្វើ​ម្ចាស់​ផ្ទះរៀប​ចំ​ ការ​ប្រកួត​ជម្រុះ​ក្នុង​ពូល G ​ពាន​រង្វាន់​យុវជន​អាស៊ី​ AFC U23 Asian Cup 2026 ជា​ថ្មី​ បន្ទាប់​ពី​ធ្លាប់​ទទួល​ធ្វើ​ម្ចាស់​ផ្ទះ​វគ្គ​ជម្រុះ​ក្នុង​ពូល​បែប​​នេះ​ពីរ​ដង​ហើយ។ ក្រុម U23 កម្ពុជា ស្ថិត​នៅ​ជា​មួយ​ក្រុម​​​ខ្លាំង អ៉ីរ៉ាក់ អូម៉ង់ និង​ ប៉ាគីស្ថាន។ តាម​មើល​សមាសភាព​ក្រុម​គឺ សុទ្ធ​តែ​ខ្លាំង​មិន​​ដាច់​ឆ្ងាយ​ពី​គ្នា​ប៉ុន្មាន​ឡើយ។ តាម​រូបមន្ត​នៃ​ការ​ប្រកួត​គឺ ​ក្រុម​ ៤៤ ​ត្រូវ​បែង​ចែក​ជា​១១​ពូល ក្នុង​១​ពូល​មាន​៤​​​ក្រុម​។ ក្រុម​លេខ​១​ក្នុង​ពូល​ទាំង​​១១ និង​ក្រុម​​លេខ​២​​ល្អ​បំផុត​​ចំនួន​៤ សរុប​ ១៥​ ក្រុម​ បូក​នឹង​ម្ចាស់​ផ្ទះ អារ៉ាប៊ីសាអ៊ូឌីត គឺ​ចំនួន​១៦​ក្រុម​នៅ​ជុំ​ចុង​ក្រោយ។   កម្ពុជា​មិន​ធ្លាប់​មាន​ប្រវត្តិ​ឈាន​ដល់​ជុំ​ចុង​ក្រោយ​ឡើយ ពោល​គឺ​ធ្លាក់​ត្រឹម​វគ្គ​ជម្រុះ​ក្នុង​ពូល​រហូត។ ឆ្នាំ​ ២០២៥​ គឺ​ជា​ការ​ទទួល​ធ្វើ​ម្ចាស់​ផ្ទះ​លើក​ទី​ ៣ បន្ទាប់​ពី​ធ្លាប់​ធ្វើ​ម្ចាស់​ផ្ទះ​ឆ្នាំ​ ២០១៧ និង ឆ្នាំ​ ២០១៩។ តើ​កម្ពុជា​អាច​បង្កើត​ប្រវត្តិ​សាស្ត្រ​លើក​ដំបូងក្នុង​ការ​​ឡើង​ទៅ​ជុំ​ចុង​ក្រោយ​ទេ? ក្រឡេក​មើល​ប្រវត្តិ​របស់​ក្រុម​ទាំង​៤​សម្រាប់​ពូល G ក្នុង​ពាន​រង្វាន់​អាស៊ី។ U23 អ៉ីរ៉ាក់​ ជា​ក្រុម​ខ្លាំង​​មិន​ធ្លាប់​ធ្លាក់​ក្នុង​វគ្គ​ជម្រុះ​ក្នុង​ពូល​ឡើង។

គេហទំព័រមូលនិធិដែលដាក់ឈ្មោះតារាបាល់ទាត់ Diogo Jota ដែលស្លាប់ក្នុងគ្រោះថ្នាក់ក្រឡាប់ឆេះរថយន្តនៅអេស្ប៉ាញ បានបាត់ស្រមោលចេញពីបណ្តាញអ៊ីនធឺណិត ក្រោយរៃអង្គាសប្រាក់បានជាង ៦ម៉ឺនដុល្លារ។ គេហទំព័រឈ្មោះ diogojotafoundation.org បានលុបចេញពីលើប្រព័ន្ធអ៊ីនធឺណិត កាលពីថ្ងៃទី២១ សីហា  ហើយនៅពេលមានការសួរនាំរកព័ត៌មានទៅកាន់ក្លិប Liverpool និងក្រុមគ្រួសាររបស់ Jota ពួកគេបានបដិសេធថាមិនបានបង្កើតមូលនិធិនេះឡើងមកទេ និងមិនជាប់ពាក់ព័ន្ធអ្វីទាំងអស់។ មូលនិធិនោះបង្កើតឡើងក្រោយការស្លាប់របស់ Jota សមាជិកក្រុម Liverpool និងជម្រើសជាតិព័រទុយហ្កាល់ បានត្រឹមតែមួយថ្ងៃប៉ុណ្ណោះ ហើយការរៃអង្គាសប្រាក់នោះ ត្រូវបានគេដឹងថាមានទំហំប្រមាណជាង ៦,៤ម៉ឺនដុល្លារ ដែលទទួលបានពីសប្បុរសជន និងអ្នកបរិច្ចាគផ្សេងៗ។ រឿងចម្លែកនោះគឺ ប្រព័ន្ធប្រតិបត្តិការទទួលប្រាក់របស់មូលនិធិ គឺទទួលយកតែរូបិយបណ្ឌគ្រីបតូ តែប៉ុណ្ណោះ ខណៈអ្នកផ្ញើប្រាក់បរិច្ចាគ បានប្រើមធ្យោបាយផ្សេងៗ តាមរូបិយបណ្ណអនឡាញ មានទំនាក់ទំនងនឹងរូបីយបណ្ណគ្រីបតូទាំងនោះ។ គោលបំណងនៃការបង្កើតមូលនិធិ Jota នោះឡើង គឺដើម្បីប្រើប្រាស់ទទួលបានពីការបរិច្ចាគ សម្រាប់គាំទ្រដល់កុមារ ការបង្កើតសហគមរស់នៅ និងផ្សព្វផ្សាយពីកីឡាបាល់ទាត់។ បន្ថែមពីនេះមូលនិធិបានបង្កើតឡើងនោះ អះអាងថា នឹងផ្តល់អាហារជាប្រចាំ ២៥ ០០០ដង ទៅជនក្រីក្រ ជួយឧបត្ថម្ភកុមារ ៣០០នាក់ កំពុងសិក្សា និងការបង្កើតដៃគូសហការក្នុងតំបន់ត្រូវបានជំនួយជាដើម។ ​គណៈកម្មការសប្បុរសធម៌ចក្រភពអង់គ្លេស

Rio Ngumoha អាយុ 16 ឆ្នាំបានក្លាយជាអ្នកស៊ុតបញ្ចូលទីក្មេងបំផុតទី 4 ក្នុងប្រវត្តិសាស្ត្រអង់គ្លេស Premier League នៅពេលដែលគាត់បានជួយក្រុម Liverpool ក្នុងជ័យជម្នះ 3-2 នៅលើទឹកដីក្រុម Newcastle កាលពីយប់ថ្ងៃចន្ទ។ ក្រុមម្ចាស់ផ្ទះNewcastleដែលទទួលបានកាតក្រហមសល់គ្នាតែ10នាក់ បានរងបរាជ័យនៅតង់ទីមួយដោយហង្សក្រហមនាំមុខ 2-0 ប៉ុន្តែពួកគេបានខិតខំវាយបកវិញរហូតតាមបានស្មើ2-2 ហើយថែមទាំងហាក់ដូចជាមានសន្ទុះខ្លាំងផងដែរ។ គ្រាវេទមន្តបានកើតឡើងនៅនាទីទី 100 ហើយបានធ្វើឱ្យ Ngumoha ក្លាយជាអ្នកស៊ុតបញ្ចូលទីវ័យក្មេងបំផុតក្នុងប្រវត្តិសាស្ត្ររបស់ Liverpool ហើយមានតែកីឡាករអាយុ 16 ឆ្នាំទីពីរប៉ុណ្ណោះដែលបានវាយបកឈ្នះក្នុងការប្រកួត Premier League ។ ខ្សែប្រយុទ្ធជម្រើសជាតិអង់គ្លេសអាយុក្រោម១៧ឆ្នាំនេះត្រូវបានមិត្តរួមក្រុមចាប់អារម្មណ៍ខ្លាំងបន្ទាប់ពីបានស៊ុតបាល់បញ្ចូលទីយកឈ្នះបាន៣ពិន្ទុសម្រាប់ក្រុមហង្សក្រហម សម្រាប់អ្នកគាំទ្រ Liverpool វាប្រហែលជាមិនគួរឱ្យភ្ញាក់ផ្អើលទេដែលឃើញ Ngumoha រះឡើងនៅលើការប្រកួតដ៏ធំបំផុត ដោយគាត់មានទម្រង់លេងដ៏គួរអោយចាប់អារម្មណ៍របស់គាត់អំឡុងពេលមុនបើករដូវកាល នៅពេលដែលគាត់បានស៊ុតបញ្ចូលទីបានពីរគ្រាប់ និងបញ្ជូនបាល់បានពីរគ្រាប់ទៀតឱ្យមិត្តរួមក្រុមស៊ុតបញ្ចូលទី។ Ngumoha មិនមែនជាផលិតផលរបស់សាលា Liverpool នោះទេ ដោយគ្រាន់តែបានផ្លាស់ទៅLiverpool ពីក្រុមយុវជនរបស់ Chelsea កាលពីរដូវក្តៅមុន ដោយគ្មានក្លឹបណាមួយបញ្ជាក់ពីតម្លៃនោះទេ។ នៅពេលនោះ វីរបុរសរបស់ក្លឹបតោខៀវលោក John Terry